មន្ត្រីជាន់ខ្ពស់ក្រសួងសាធារណការ ដឹកនាំក្រុមការងារចុះពិនិត្យផ្លូវជាតិ២ និងលេខ២២ ដែលត្រៀមសម្ពោធដាក់ឱ្យប្រើប្រាស់ក្នុងពេលឆាប់ៗនេះ

(កណ្ដាល)៖ លោក តូច ចាន់កុសល រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងផ្លូវជាតិលេខ២ និងផ្លូវជាតិលេខ២២ នាថ្ងៃទី២ ខែមិថុនា ឆ្នាំ២០២៣នេះ បានដឹកនាំក្រុមការងារចុះពិនិត្យមើលផ្លូវជាតិលេខ២ និងលេខ២២ មានប្រវែងជាង៧០គីឡូម៉ែត្រ ពីរង្វង់មូលតាខ្មៅខេត្តកណ្ដាល ទៅអូរចំបក់ស្ថិតលើផ្លូវជាតិលេខ២ និងពីអូរចំបក់ទៅកាន់អង្គតាសោម ស្ថិតលើផ្លូវជាតិលេខ២២ ក្នុងខេត្តតាកែវ ។

(សូមអានបន្ត)

សម្តេចតេជោ ហ៊ុន សែន ប្រតិកម្មលើគោលនយោបាយរបស់មេបក្សឈ្នះឆ្នោតនៅថៃ ដែលចង់បណ្ដេញពលករខ្មែរ/ឡាវចេញពីប្រទេសថៃ

(កណ្ដាល)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រតិកម្មលើគោលនយោបាយរបស់ប្រធានគណបក្សឈ្នះឆ្នោតនៅប្រទេសថៃ ដែលចង់បណ្ដេញពលករខ្មែរ និងពលករឡាវចេញពីប្រទេសថៃ ដោយសម្ដេចបានផ្តាំទៅអ្នកនយោបាយទាំងនោះសូមមើលឱ្យឆ្ងាយពីប្រទេសថៃ ព្រោះការបណ្តេញពលករបរទេសចេញនេះ នឹងប៉ះពាល់ដល់ច្រវាក់ផលិតកម្មរបស់ថៃខ្លួនឯងទៅវិញទេ។

(សូមអានបន្ត)

អាជ្ញាធរខេត្តកំពង់ធំ សាងសង់ផ្លូវបេតុងប្រវែង៣ពាន់ម៉ែត្រភ្ជាប់ពីផ្លូវវាងក្រុង ទៅស្តុបក្បាលថ្នល់ក្តីដូង

កំពង់ធំ៖ អាជ្ញាធរខេត្តកំពង់ធំ ចាប់ផ្តើមសាងសង់ផ្លូវបេតុងភ្ជាប់ពីផ្លូវវាងក្រុងស្ទឹងសែន ទៅកាន់ស្តុបក្បាលថ្នល់ក្តី ដូង ប្រវែង៣០០០ម៉ែត្រ ដើម្បីឆ្លើយតបតាមសំណូមពររបស់ប្រជាពលរដ្ឋ ដែលកាលរដូវទឹកជំនន់ជន់លិចរង ការខូចខាត។

នៅព្រឹកថ្ងៃទី១ ខែមិថុនា ឆ្នាំ២០២៣, លោក ពេញ កែម អភិបាលក្រុងស្ទឹងសែន ជួយសំណេះសំណាលជាមួយប្រជាពលរដ្ឋនៅសង្កាត់ព្រៃតាហ៊ូ។

ក្នុងឱកាសនោះដែរលោក លើកឡើងថា ដោយឃើញពី ផលលំបាកក្នុងការធ្វើដំណើររបស់ប្រជាពលរដ្ឋ, ឯកឧត្តម ងួន រតនៈ អភិបាលខេត្តកំពង់ធំ បានចុះពិនិត្យផ្លូវមួយខ្សែនេះ កាលពីថ្ងៃទី២៩ ខែឧសភា ឆ្នាំ២០២៣ កន្លងទៅនេះ នឹងសម្រេចកែប្រែផ្លូវនេះ ពីផ្លូវក្រួសក្រហម​មកជាផ្លូវបេតុង ទទឹង៨ម៉ែត្រ កម្រាស់០.១៥ម៉ែត្រ ប្រវែង៣ពាន់ម៉ែត្រ។

លោកអភិបាលក្រុង បន្តថា ចរន្តធ្វើដំណើរបស់ប្រជាពលរដ្ឋនៅតាមបណ្តោយផ្លូវនេះ មិនមែនត្រឹមតែប្រជាពលរដ្ឋរស់នៅផ្លូវនេះ ប៉ុណ្ណោះនោះទេ ប៉ុន្តែប្រជាពលរដ្ឋផ្សេងទៀត ធ្វើដំណើរទៅផ្សារ និងប្រកបការងារលក់ដូរនៅផ្សារក្បាលថ្នល់។ ក្រៅពីនេះផ្លូវនេះ ជាផ្លូវសំខាន់ផងដែរ សម្រាប់សិស្សានុសិស្សធ្វើដំណើរកាន់សាលារៀនផងដែរ។ ផ្លូវបេតុងនេះ នឹងជួយសម្រួលដល់ការធ្វើដំណើររបស់ប្រជាពលរដ្ឋ ឲ្យស្រួលឡើងវិញ ក្រោយការលំបាកក្នុងរដូវវស្សា ដែលបង ប្អូនមានការត្អូញត្អែ ទាំងការធ្វើដំណើរ និងប្រកបមុខរបរអាជីវកម្មផ្សេងៗ។

ក្នុងនាមអភិបាលក្រុងស្ទឹងសែន សូមមានការយោគយល់ និងអធ្យាស្រ័យពីប្អូនដែលរស់នៅតាមដងផ្លូវ និងអ្នកដំណើរផងដែរ ក្នុងអំឡុងពេលនៃការធ្វើការដ្ឋានសាងសង់ នឹងអាចមានផលរំខានខ្លះៗ ចាប់ពីថ្ងៃទី២ ខែមិថុនា ឆ្នាំ២០២៣ ដែលក្រុមហ៊ុនទទួលការសាងសង់ចាប់ពីដាក់គ្រឿងចក្រ និងត្រូវសាងសង់ឲ្យរួចរាល់ មុនបោះឆ្នោត ជ្រើសតាំងតំណាងរាស្រ្ត នីតិកាលទី៧ នៅថ្ងៃទី២៣ ខែកក្កដា ឆ្នាំ ២០២៣ ខាងមុខ ដើម្បីបង្កើនភាពងាយស្រួលធ្វើដំណើរក្នុងការប្រកបការងារមុខរបរប្រចាំថ្ងៃ និងពិសេសមានផ្លូវស្អាត សម្រាប់ធ្វើដំណើរកាន់ការិយាល័យបោះឆ្នោត។ ចំពោះផលលំបាករបស់បងប្អូនប្រជាពលរដ្ឋ នៅកន្លែងផ្សេង ទៀត សូមមានការយោគយល់ និងអធ្យាស្រ័យ ព្រោះថវិកាគម្រោងរបស់រដ្ឋបាលខេត្ត មានចំនួនមិនទាន់គ្រប់ គ្រាន់ ប៉ុន្តែឃុំសង្កាត់ នឹងបន្តរៀបចំផែនការអភិវឌ្ឍន៍ ជាជំហ៊ានៗបន្តបន្ទាប់ទៀត៕ 

(សូមអានបន្ត)

អភិបាលរងខេត្តព្រះសីហនុ អញ្ជើញចូលរួមអបអរសារទរខួប២០ឆ្នាំ នៃបេសកកម្មមនុស្សធម៌​របស់អង្គការម្លប់តាប៉ាង និងទិវាកុមារអន្តរជាតិលើកទី៧៤ នៅមណ្ឌលអង្គការម្លប់តាប៉ាង

ព្រះសីហនុ ៖ នៅព្រឹកថ្ងៃព្រហស្បតិទី១ ខែមិថុនា ឆ្នាំ២០២៣ លោក ឡុង ឌីម៉ង់ អភិបាលរងខេត្តព្រះសីហនុ អញ្ជើញចូលរួមអបអរសារទរខួប២០ឆ្នាំ នៃបេសក កម្មមនុស្សធម៌របស់អង្គការម្លប់តាប៉ាង និងទិវាកុមារអន្តរជាតិលើកទី៧៤ នៅមណ្ឌលអង្គការម្លប់តាប៉ាង ស្ថិតនៅសង្កាត់លេខ៤ ក្រុងព្រះសីហនុ ដោយមានការចូលរួមពីលោកជំទាវសមាជិកក្រុម ប្រឹក្សាខេត្ត ប្រធានមន្ទីរ អង្គភាព អង្គការដៃគូ និងអណាព្យាបាលកុមារ។

លោកស្រី រ័ត្ន ច័ន្ទផល្គុណ នាយិកាអង្គការម្លប់តាប៉ាងបានស្វាគមន៍ខួប ២០ឆ្នាំ នៃបេសកកម្មមនុស្សធម៌របស់អង្គការម្លប់តាប៉ាង និងទិវាកុមារអន្តរជាតិលើកទី៧៤នាពេលនេះ អង្គការម្លប់តាប៉ាងបានចាប់ផ្តើមដំបូងដោយអ្នកស្ម័គ្រចិត្តខ្មែរ និងបរទេសមួយក្រុមតូចនៅឆ្នាំ២០០៣ ក្នុងគោលបំណងរួមចំណែកជាមួយរាជរដ្ឋាភិបាលក្នុងការកាត់បន្ថយភាពក្រីក្រ និងកសាងធនធាន មនុស្ស ក្នុងព្រះរាជាណាចក្រកម្ពុជា ជាពិសេសនៅខេត្តព្រះសីហនុ ក្នុងនាមជាអង្គការការពារសិទ្ធិកុមារបានបំពេញការងារមនុស្សធម៌ ផ្តល់សេវាសង្គម ជួយដល់កុមារងាយរងគ្រោះ រងគ្រោះ និងក្រុមគ្រួសាររបស់ពួកគេ។

 ឆ្នាំ២០២៣ គឺជាឆ្នាំ ទី២០ នៃការអនុវត្តគម្រោងបេសកកម្មមនុស្សធម៌របស់យើង និងកំពុងបន្តឆ្ពោះទៅមុខតាមរយៈការផ្តល់សេវាកម្មជាច្រើនស្របទៅតាមតម្រូវការរបស់កុមាររងគ្រោះ ងាយរងគ្រោះនិងគ្រួសាររបស់ពួក គេដូចជា៖ ការអប់រំ សិល្បៈ និងកីឡា ការបណ្ដុះបណ្តាលជំនាញវិជ្ជាជីវៈ ការពិគ្រោះយោបល់ បំណិនជីវិត ការថែទាំសុខភាព អាហារូបត្ថម្ភ ការកាត់បន្ថយគ្រោះថ្នាក់គ្រឿងញៀន និងសុរា យើងមានមណ្ឌលសុវត្ថិភាពស្នាក់នៅបណ្ដោះ អាសន្នថែទាំជំនួសនៅ ក្នុងសហគមន៍ ចលនាសុវត្ថិភាពកុមារ ការការពារកុមារពីការរំលោភបំពានផ្សេងៗគ្រប់រូបភាព និងការផ្សព្វផ្សាយពីសិទ្ធិកុមារ ការរួមចំណែកការពារ និងលើកកម្ពស់សិទ្ធិកុមារ ដើម្បីឱ្យពួកគេទទួលបានសិទ្ធិពេញលេញដូចមានចែងក្នុងច្បាប់ជាតិ និងអន្តរជាតិ។

លោក ឡុង ឌីម៉ង់ អភិបាលរងខេត្តព្រះសីហនុ បានធ្វើការសំណេះសំណាល និងអបអរសាទរខួបទី២០ របស់អង្គការម្លប់តាប៉ាង បានជួយបណ្តុះ បណ្តាល អប់រំកុមារតូចនៅក្នុងខេត្តព្រះសីហនុ ព្រមទាំងបានកោតសរសើរ និងវាយតម្លៃខ្ពស់ចំពោះអង្គការម្លប់តាប៉ាង បានចូលរួមចំណែកពូនជ្រំតម្រង់ទិសកុមាររងគ្រោះ ងាយរងគ្រោះ និងធ្វើ ការអប់រំបណ្ដុះបណ្តាលជំនាញវិជ្ជាជីវៈ ការពិគ្រោះយោបល់បំណិនជីវិត ការថែទាំសុខភាព អាហារូប ត្ថម្ភ ការកាត់បន្ថយគ្រោះថ្នាក់គ្រឿងញៀនជាដើម នេះជាការយកចិត្តទុកដាក់ខ្ពស់ពីបុគ្គលិកលោកគ្រូ អ្នកគ្រូ និងថ្នាក់ដឹកនាំរបស់អង្គការម្លប់តាប៉ាងដែល បានចូលរួមយ៉ាងសកម្ម ហើយថ្ងៃនេះ គឺជាគម្រប់ខួបលើកទី២០ នៃការបង្កើតអង្គការម្លប់តាប៉ាង ដោយឈរលើស្មារតី និងឧត្តមគតិរបស់លោកគ្រូ អ្នកគ្រូបានជួយបណ្តុះបណ្តាលកុមារតូចចេញពីតំបន់ដែលគ្មានការអប់រំ តំបន់ដែលមានបញ្ហាប្រឈម ការអភិវឌ្ឍសមត្ថភាព មិនអាចកាត់ផ្តាច់ពីកុមារតូចទាំងនេះបានទេ សូមអគុណអណាព្យាបាលដែលបានបញ្ជូនកូនមករៀនសូត្រទទួលបានបំណិនជីវិតថ្មីៗ និង

ធ្វើសមាហរណកម្មចូលទៅក្នុងសហគមន៍វិញ ហើយការលះបង់របស់អង្គការវាមានសារៈសំខាន់ណាស់ក្នុងការអប់រំប្អូនៗ ដូច្នេះត្រូវធ្វើការត្រង់ត្រាប់របស់លោកគ្រូ អ្នកគ្រូ ធ្វើជាពលរដ្ឋល្អ កូនល្អរស់នៅក្នុងសង្គមប្រកប ដោយភាពថ្លៃថ្នូ រាជរដ្ឋាភិបាលត្រូវការកសាងធនធានមនុស្សដែលមានគុណភាព គុណតម្លៃក្នុងការចូលរួមអភិវឌ្ឍប្រទេសជាតិ ហើយខេត្តព្រះសី ហនុ ត្រូវបានរាជរដ្ឋាភិបាលយកចិត្តទុកដាក់ជម្រុញការអភិវឌ្ឍបង្កើនកំណើនសេដ្ឋកិច្ចសង្គម ព្រមទាំងបានស្មើសុំឱ្យអង្គការម្លប់តាប៉ាង អង្គការដៃគូរពាក់ព័ន្ធ និងក្រុមគ្រួសារ មិត្តភក្តិរបស់យើងគាំទ្រផ្ដល់ទំនុកចិត្តមកកាន់យើងទាំងអស់គ្នា និងសូមអរគុណដល់ក្រុមស្ម័គ្រចិត្តដែលបានចូលរួមជាមួយ និងចលនាសុវត្ថិភាពកុមារ ក្នុងការការពារកុមារពីការរំលោភបំពានផ្សេងៗ។ សូមឪពុកម្តាយ អាណាព្យាបាលកុមារសហការជាមួយបុគ្គលិកអង្គការម្លប់តាប៉ាងលើកទឹកចិត្តឱ្យកូនចៅ មកទទួលសេវាកម្មផ្សេងៗ ដែលអង្គការផ្តល់ជូនពួកគាត់ទៅតាមតម្រូវការចាំបាច់ ក្នុងគោលបំណងចង់ឃើញកុមារទាំងអស់រស់នៅជាមួយក្រុមគ្រួសារ និងសហគមន៍មានសុខភាពល្អ សុវត្ថិភាព គ្មានការរើសអើង មានការអប់រំក្លាយជាពលរដ្ឋល្អ នឹងមានជម្រើសវិជ្ជមាននៅថ្ងៃអនាគតជាជាងឱ្យកុមារដើររកប្រាក់ចំណូលនៅទីកន្លែងដែលគ្មានសុវត្ថិភាព ខកខានចូលរៀនសូត្រ។

ក្នុងឱកាសនោះលោក ឡុង ឌីម៉ង់ ក៏បានប្រគល់ព្រះរាជក្រឹត្យ ស្តីពីការតែងតាំងត្រាស់បង្គាប់មាត្រា១: ផ្ដល់សញ្ជាតិខ្មែរ ដោយសញ្ជា តូបនីយកម្មដល់លោកស្រី ម៉ាការរ៉េត អ៉ីលីហ្សាបេត ជេន អីណូ (MARGARET ELIZABETH JANE ENO) ជនជាតិអង់គ្លេស សញ្ជាតិអង់គ្លេស កើតថ្ងៃទី២៣ ខែវិច្ឆិកា ឆ្នាំ១៩៧១ នៅទីក្រុងឡុង ប្រទេសអង់គ្លេស៕ ដោយ៖មន្ទីរព័ត៌មានខេត្តព្រះសីហនុ

(សូមអានបន្ត)

ឯកឧត្តម គួច ចំរើន អញ្ជើញប្រជុំបិទផ្សាយទិន្នន័យជាសាធារណ: នូវឯកសារ នៃការវិនិច្ឆ័យស្ថិតនៅភូមិឫទ្ធី២ ឃុំកែវផុស

ព្រះសីហនុ:ថ្ងៃទី០១ ខែមិថុនា ឆ្នាំ២០២៣ រសៀលថ្ងៃពុធ ១២កើត ខែជេស្ឋ ឆ្នាំថោះ ព.ស. ២៥៦៧ ត្រូវនឹងថ្ងៃទី៣១ ខែឧសភា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញប្រជុំបិទផ្សាយទិន្នន័យជាសាធារណ: នូវឯកសារ នៃការវិនិច្ឆ័យស្ថិតនៅភូមិឫទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ នៅបរិវេណវត្តកែវផុស ដោយមានការចូលរួមពីប្រធានមន្ទីរ អង្គភាព អាជ្ញាធរស្រុកស្ទឹងហាវ អាជ្ញាធរឃុំកែវផុស និងបងប្អូនប្រជាពលរដ្ឋ ។

លោក សៅ បុរីវឌ្ឍន: អភិបាលស្រុកស្ទឹងហាវ បានស្វាគមន៍ការបិទផ្សាយទិន្នន័យជាសាធា រណ:នូវឯកសារ នៃការវិនិច្ឆ័យភូមិឫទ្ធី២ ដែលក្រុមការងារបច្ចេកទេស បានធ្វើការវាស់វែងមានចំនួន ១ ៧៦៣ក្បាលដី ដែលបានប្រកាសជាតំបន់វិនិច្ឆ័យនៅថ្ងៃទី១៨ ខែធ្នូ ឆ្នាំ២០១៩ ក្នុងដំណើរការនៃការចុះបញ្ជីដីធ្លីមានលក្ខណៈជាប្រពន្ធ័នេះ វាមានសារៈប្រយោជន៍ ក្នុងការកាន់កាប់ដីធ្លីស្របច្បាប់។ យើងសង្ឃឹមថា ប្រជាពលរដ្ឋដែលជាម្ចាស់ក្បាលដី និងអ្នកកាន់កាប់ដីទាំងអស់ នឹងទទួលបានប័ណ្ណកម្មសិទ្ធិ និងក្លាយជាម្ចាស់ដីពិតប្រាកដ មានសិទ្ធិស្របច្បាប់ក្នុងការកាន់កាប់ ប្រើប្រាស់ អាស្រ័យផលតាមតម្រូវការ។

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងក្រសួងរៀបចំដែនដី នគរូបនីយកម្ម និងសំណង់ បានប្រកាសចេញនូវគោលនយោ បាយដីធ្លី ក្នុងគោលបំណងពង្រឹងសុវត្ថិភាព នៃការកាន់កាប់ដីធ្លី ទីផ្សារដីធ្លី ទប់ស្កាត់ការទំនាស់ដីធ្លីនៅមូលដ្ឋាន។​

លោក ចេង ស្រុង ប្រធានមន្ទីរដែនដី នគរូបនីយកម្ម សំណង់ និងសុរិយោដីខេត្ត បានរាយការណ៍ស្ដីពីបិទផ្សាយទិន្នន័យ ស្ថិតនៅភូមិឫទ្ធី២ ឃុំកែវផុស ស្រុកស្ទឹងហាវ រយ:ពេល១៥ថ្ងៃ គឺចាប់ពីថ្ងៃ៣១ ខែឧសភា រហូតដល់ថ្ងៃទី១៤ ខែមិថុនា ឆ្នាំ២០២៣ ។ មន្ត្រីរបស់យើងបានសម្រេចវាស់វែងក្បាលដីសរុបចំនួន ១៧៦៣ក្បាលដី (ក្បាលដីដែលគ្មានទិន្នន័យ ៣១១ក្បាលដី) ព្រមទាំងបានប្រជុំកាត់ចំណីផ្លូវ, អូរ, ប្រឡាយ, រួចរាល់ តាមការប្រជុំសម្រេចរបស់គណ:កម្មការរដ្ឋបាល។ ការបិទផ្សាយនាពេលនេះ ដើម្បីធានាថា ទិន្នន័យមានភាពត្រឹមត្រូវទាំងលក្ខណ:បច្ចេកទេស លក្ខណ:ច្បាប់ ទុកឱកាសឱ្យអ្នកកាន់កាប់ដី និងអ្នកពាក់ព័ន្ធអាចធ្វើការពិនិត្យ ផ្ទៀងផ្ទាត់ ស្នើសុំកែតម្រូវ ជំទាស់តវ៉ា លើទិន្នន័យដែលមាននៅក្នុងឯកសារ នៃការវិនិច្ឆ័យ។​

ឯកឧត្តម គួច ចំរើន អភិបាលខេត្តព្រះសីហនុ បានអបអរសាទរការបិទផ្សាយទិន្នន័យនៅភូមិឫទ្ធី២ នាពេលនេះ ដំណើរការកំណត់តំបន់វិនិច្ឆ័យមកដល់ពេលនេះ មានជាង៣ឆ្នាំហើយ នេះជាដំណាក់កាលទី៣ នៃការបិទផ្សាយមានរយ:ពេល ១៥ថ្ងៃ ដើម្បីឱ្យបងប្អូនប្រជាពលរដ្ឋធ្វើការកែតម្រូវតាមឯកសារយោង សូមអ្នកមានការពាក់ព័ន្ធចូលរួមបំពេញឯកសារ និងចូលរួមផ្តិតមេដាយព្រំឱ្យបានគ្រប់គ្នា។​

ឯកឧត្តមអភិបាលខេត្ត បញ្ជាក់ថា ភូមិឫទ្ធី២ មានការយឺតយ៉ាវ នៃការប្រជុំបិទផ្សាយទិន្នន័យជាសាធារណ: នូវឯកសារនៃការវិនិច្ឆ័យ ដោយសារមានបញ្ហាពីរគឺ ទី១- ទាក់ទងការចុះបញ្ជីដោយ សារជំងឺកូវីដ-១៩ ។ ទី២- ប្រជាពលរដ្ឋមានការប្ដឹងជំទាស់ច្រើនមករដ្ឋបាលខេត្តព្រះសីហនុ ហើយពេលនេះអ្នកអត់មានបណ្តឹង យើងនឹងចេញប័ណ្ណជូនពួកកាត់ ។ ដូច្នេះត្រូវខិតខំសម្របសម្រួលគ្នាដោះស្រាយទំនាស់ ឱ្យបានលឿន ឆាប់តាមអ្វីធ្វើបាន។​

ឯកឧត្តម បានបន្តថា រដ្ឋបានធ្វើការបែងចែកដីធ្លី ជូនប្រជាពលរដ្ឋនៅទូទាំងប្រទេស ឆ្នាំ១៩៨៩ ហើយចាប់ពីឆ្នាំ២០០២ រាជរដ្ឋាភិបាលបានរៀបចំច្បាប់ភូមិបាល ក្នុងការគ្រប់គ្រងដីធ្លី មិនអនុញ្ញាតឱ្យមានការទន្ទ្រានដីរដ្ឋ អនាធិបតេយ្យបន្តទៀតទេ អ្នកចាប់ ឬទន្ទ្រានដីធ្លីរបស់រដ្ឋត្រូវមានទោស។ តាមគោលនយោបាយរបស់រាជរដ្ឋាបាល ជំរុញការចុះបញ្ជីដីធ្លី ជូនប្រជាពលរដ្ឋឱ្យបានលឿន ឆាប់ ដើម្បីកាត់បន្ថយទំនាស់ ព្រមទាំងបង្កភាពងាយស្រួលដល់បងប្អូនជាម្ចាស់ក្បាលដីអាចយកប័ណ្ណទៅប្រើប្រាស់ ដូចជា លក់, ដាក់បញ្ចាំ, ឬអំណោយទៅកូន ចៅស្របតាមច្បាប់ ។ ខេត្តព្រះសីហនុ ក៏កំពុងជំរុញការចុះបញ្ជីដីធ្លីជូនប្រជាពលរដ្ឋ ឱ្យបានចប់នៅឆ្នាំ២០២៣នេះផងដែរ ដែលបច្ចុប្បន្នយើងធ្វើការចុះបញ្ជីដីធ្លី ជូនប្រជាពលរដ្ឋបានចំនួន ៩៧ភូមិ ក្នុងចំណោមភូមិទាំង ១១១ នៅក្នុងខេត្តព្រះសីហនុ។​ឯកឧត្តម គួច ចំរើន សង្ឃឹមថា បងប្អូនប្រជាពលរដ្ឋនៅភូមិឫទ្ធី២ បន្តការយកចិត្តទុកដាក់ផ្ទៀងផ្ទាត់ កែតម្រូវទិន្នន័យបានលឿន ឆាប់ និងការសម្របសម្រួលដោះស្រាយទំនាស់ដីធ្លី និងរួមគ្នាខិតខំរកស៊ីទទួលទានមានបាន ហើយទទួលបានប័ណ្ណកម្មសិទ្ធិស្របច្បាប់នាពេលខាងមុខទាំងអស់គ្នា ៕

(សូមអានបន្ត)

អភិបាលរងខេត្តស្វាយរៀង ស្នើដល់កម្មករ-កម្មការិនី ត្រូវចាត់ទុកក្រុមហ៊ុនរោងចក្រជាផ្ទះរបស់ខ្លួន និងចេះស្រឡាញ់ការងារ

(ស្វាយរៀង)៖ លោក ហែម ពិសិដ្ឋ អភិបាលរងខេត្តស្វាយរៀង បានស្នើដល់កម្មករ កម្មការិនី ត្រូវចាត់ទុកក្រុមហ៊ុនជាផ្ទះរបស់ខ្លួន និងចេះស្រឡាញ់ការងារខិតខំប្រឹងប្រែងធ្វើការ ឲ្យក្លាយជាកម្មករឆ្នើម និងមានបច្ចេកទេស និងវិជ្ជាជីវៈក្នុងខ្លួន បង្កើនប្រាក់ចំណូលទៀងទាត់ប្រចាំខែ លើកស្ទួយជីវភាពគ្រួសារបានមួយកម្រិតថែមទៀត។

ការថ្លែងបែបនេះ បានធ្វើឡើងនៅក្នុងឱកាសដែលលោកតំណាងលោក ម៉ែន វិបុល អភិបាលខេត្តអញ្ជើញក្នុងពិធីសំណេះសំណាលជាមួយកម្មករ កម្មការិនីចំនួន២៣០០នាក់ និងចែករង្វាន់ដល់បុគ្គលិកឆ្នើម ចំនួន៤៦នាក់ នៅរោងចក្រផូឡារីស អឹភែរឹល ឯ,ក ស្ថិតក្នុងតំបន់សេដ្ឋកិច្ចពិសេស ឈីលូ ក្រុងស្វាយរៀង នារសៀលថ្ងៃទី៣១ ខែឧសភា ឆ្នាំ២០២៣។

ពិធីនេះ មានការចូលរួមពីលោក សរ សុដានី អភិបាលរងក្រុងស្វាយរៀង និងម្ចាស់ក្រុមហ៊ុនរោងចក្រ មន្ត្រីដែលពាក់ព័ន្ធជាច្រើនរូបផងដែរ។

ជាមួយគ្នានេះ លោក ហែម ពិសិដ្ឋ បានធ្វើការផ្ដាំផ្ញើសាកសួរសុខទុក្ខនឹងក្តីនឹករលឹកពីសំណាក់សម្ដេច កិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារគណបក្សប្រជាជនកម្ពុជា ចុះជួយខេត្តស្វាយរៀង និងលោក ម៉ែន វិបុល ជូនដល់បងប្អូនកម្មករ កម្មការិនី ដែលបានចូលរួមនាពេលនេះផងដែរ។

លោកបន្តថា ក្រោមការដឹកនាំប្រកបដោយគតិបណ្ឌិតរបស់សម្តេចតេជោ​ ហ៊ុន សែន នាយករដ្ឋមន្ត្រីនៃកម្ពុជា​ បានធ្វើឲ្យប្រទេសជាតិយើងមានសុខសន្តិភាព និងមានការអភិវឌ្ឍលើគ្រប់វិស័យ ជាពិសេសបានផ្តល់ឱកាសដល់អ្នកវិយោគជាច្រើន មកបណ្តាក់ទុននៅលើទឹកដីខេត្តស្វាយរៀងជាបន្តបន្ទាប់ កត្តាទាំងនេះហើយដែលបានជំរុញ​ និងផ្តល់ឱកាសការងារធ្វើជូនបងប្អូនកម្មករ កម្មការិនី​ ដូចដែលយើងទាំងអស់គ្នាបានឃើញនៅពេលនេះ។

លោក ហែម ពិសិដ្ឋ បានបន្តថា ក្ក្នុងនាមរដ្ឋបាលខេត្តសូមគាំទ្រទាំងស្រុងចំពោះដៃគូវិនិយោគ​ររបស់ក្រុមហ៊ុននៅរោងចក្រផូឡារីស អឹភែរឹល ឯ,ក ដែលបានរៀបចំពិធីផ្តល់រង្វាន់ ដើម្បីលើកទឹកចិត្ត ដល់បុគ្គលិកឆ្នើមចំនួន៤៦នាក់​ ក្នុងការបំរើការងារបានល្អជូនក្រុមហ៊ុន។ ហើយមិនតែប៉ុណ្ណោះ ក៏សូមស្វាគមន៍យ៉ាងកក់ក្តៅ​ ចំពោះក្រុមហ៊ុនរោងចក្រ ឡារីស អឹភែរឹល ឯ,ក ក្នុងតំបន់សេដ្ឋកិច្ច ឈីលូក្រុងស្វាយរៀង ដែលបានមកបណ្តាក់ទុននៅខេត្តស្វាយរៀង​ ដែលនាំមកនូវផលប្រយោជន៍ ដោយបង្កើតបានការងារធ្វើជូនប្រជាពលរដ្ឋក្នុងខេត្ត ​មិនចាំបាច់ចំណាកស្រុកទៅខេត្តក្រៅនោះទេ។

លោកក៏បានអំពាវនាវឲ្យម្ចាស់រោងចក្រ និងកម្មករ ត្រូវចេះយោគយល់អធ្យាស្រ័យឲ្យគ្នាទៅវិញទៅមករាល់កំហុសខុសឆ្គងទាំងឡាយ និងមិនត្រូវឲ្យមាន បងតូច បងធំនៅក្នុងរោងចក្រ ហើយកម្មករទាំងអស់ត្រូវខិតខំប្រឹងប្រែង ធ្វើការងារដោយយកចិត្តទុកដាក់ និងរក្សាការងារ​ ឲ្យបានគង់វង្ស ហើយកុំភ្លេចអញ្ជើញទៅចូលរួមបោះឆ្នោះជ្រើសតាំងតំណាងរាស្ត្រ និតិកាលទី៧ នៅថ្ងៃទី២៣ ខែកក្កដា ឆ្នាំ២០២៣ខាងមុខឲ្យបានគ្រប់ៗគ្នា។

សូមបញ្ជាក់ថា នៅក្នុងឱកាសនោះ លោក ហែម ពិសិដ្ឋ អភិបាលរងខេត្ត និងតំណាងក្រុមហ៊ុន បានចែករង្វាន់បុគ្គលិកឆ្នើមចំនួន៤៦នាក់ជូនដល់កម្មករ និយោជិករបស់ក្រុមហ៊ុន​ នៅរោងចក្រផូឡារីស អឹភែរឹល ឯ,ក ដើម្បីជាការលើកទឹកចិត្តក្នុងការខិតខំបំពេញការងារយ៉ាងភាពស្និតស្នាលផងដែរ៕

(សូមអានបន្ត)

អភិបាលខេត្តព្រះសីហនុ៖ ស្រុកមានសន្តិភាព ពលរដ្ឋមានសិទ្ធិស្របច្បាប់លើដីធ្លី, ជាក់ស្តែងថ្ងៃនេះបណ្ណកម្មសិទ្ធិលើដីធ្លីជាង ២០០បណ្ណ ត្រូវចែកជូនពលរដ្ឋនៅឃុំតានៃ ស្រុកព្រៃនប់

(ព្រះសីហនុ)៖ លោក គួច ចំរើន អភិបាលខេត្តព្រះសីហនុ បានថ្លែងថា ប្រទេសជាតិមានសុខសន្តិភាព បានធ្វើឱ្យប្រជាពលរដ្ឋទទួលបានសិទ្ធិគ្រប់បែបយ៉ាង រាប់ទាំងសិទ្ធិជាម្ចាស់លើផ្ទះសម្បែង ដីធ្លី ស្របទៅតាមច្បាប់។

ការថ្លែងបែបនេះរបស់លោក គួច ចំរើន បានធ្វើឡើងនៅថ្ងៃទី៣០ ខែឧសភា ឆ្នាំ២០២៣នេះ ក្នុងឱកាសលោកបបានអញ្ជើញជាអធិបតីភាពចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋជាង២០០បណ្ណ ស្ថិតក្នុងភូមិអន្លង់ក្រពើ ឃុំតានៃ ស្រុកព្រៃនប់។ ពិធីនេះមានការចូលរួមពីអភិបាលរងខេត្ត អភិបាលស្រុក អាជ្ញាធរក្នុងមូលដ្ឋាន ព្រមទាំងប្រជាពលរដ្ឋជាច្រើនគ្រួសារ។

លោកអភិបាលខេត្ត បានលើកឡើងថា ប្រជាពលរដ្ឋដែលទទួលបានវិញ្ញាបនបត្រសម្គាល់ម្ចាស់អចលនវត្ថុនៅថ្ងៃនេះពិតណាស់ប្រាកដជានឹកដល់សម័យកាលសង្រ្គាមដែលដឹកនាំដោយរបប ប៉ុល ពត បានធ្វើឱ្យប្រទេសកម្ពុជា គ្មានសុខសន្តិភាព ស្ថេរភាពពេញលេញសិទ្ធិរស់រៀនមានជីវិត ជួបជុំគ្រួសារ គ្មានសិទ្ធិកាន់កាប់ដីធ្លីសម្រាប់សង់ផ្ទះសំបែង បង្កបង្កើនផលបង្កើតមុខរបររស៊ីដើម្បីចិញ្ចឹមជីវិត។

ជាមួយគ្នានេះដែរ លោក គួច ចំរើន បានបញ្ជាក់ថា បច្ចុប្បន្ននេះ ប្រទេសកម្ពុជាក្រោមការដឹកនាំរបស់សម្តេចតេជោ ហ៊ុន សែន ជានាយករដ្ឋមន្ត្រី បានខិតខំប្រឹងប្រែងគ្រប់បែបយ៉ាង ដោយដៃម្ខាងទប់កុំឱ្យរបបខ្មែរក្រហម ត្រឡប់មកវិញ ដៃម្ខាងកសាងប្រទេសជាតិដែលទើបងើបពីគំនរផេះដែលបន្សល់ពីភ្លើងសង្គ្រាម។

លោកអភិបាលខេត្ត បានគូសបញ្ជាក់ថា ក្រោមដំបូលនៃសន្តិភាពជាង២០ឆ្នាំមកនេះ កម្ពុជាកំពុងតែអភិវឌ្ឍន៍ ជឿនលឿនស្ទើរតែគ្រប់វិស័យ ជាពិសេសសម្តេចតែងតែយកចិត្តទុកដាក់ពីសុខទុករបស់ប្រជាពលរដ្ឋទូរទាំងប្រទេស ជាពិសេសលើកាងារមានសិទ្ធិរស់រៀន ការកាន់កាប់ដីធ្លី ធ្វើយ៉ាងណាឱ្យប្រជាពលរដ្ឋម្នាក់ត្រូវរស់នៅ ឬកាន់កាប់អចលនវត្ថុទាំងអស់ត្រូវមិនមានទំនាស់មុននឹងក្រសួង និងពាក់ព័ន្ធបានចេញបណ្ណសម្គាល់សិទ្ធកាន់កាប់អចលនវត្ថុ ជៀសវាងមានការប្រទាំងប្រទិចគ្នាដែលនាំឱ្យមានការលំបាកដល់ការសិក្សា វិនិច្ឆ័យ លើប្រវត្តដីធ្លីក្នុងការចេញបណ្ណ។

ក្នុងឱកាសនោះអភិបាលខេត្ត ក៏បានក្រើនរំលឹកប្រជាពលរដ្ឋទាំងអស់ដែលមានឈ្មោះក្នុងបញ្ជីបោះឆ្នោតត្រូវត្រៀមឯកសារឱ្យបានគ្រប់ៗគ្នា ដើម្បីចូលរួមការបោះឆ្នោតជ្រើសតាំងតំណាងរាស្ត្រ នីតិកាលទី៧ ដែលនឹងប្រព្រឹត្តនៅថ្ងៃអាទិត្យ ទី២៣ ខែកក្កដា ឆ្នាំ២០២៣ ខាងមុខនេះ៕

(សូមអានបន្ត)