អភិបាលខេត្តពោធិ៍សាត់ ស្នើដល់គ្រប់មន្ទីរអង្គភាព និងតាមក្រុងស្រុក ត្រូវរៀបចំកែលម្អសោភ័ណភាពឲ្យបានស្អាតជាបណ្ដើរៗ ដើម្បីត្រៀមទទួលឆ្នាំថ្មី ដែលនឹងឈានចូលមកដល់នាពេលខាងមុខនេះ

   (ពោធិ៍សាត់)៖ លោក ខូយ រីដា អភិបាលខេត្តពោធិ៍សាត់ និងជាប្រធានគណៈបញ្ជាការឯកភាពខេត្ត នាថ្ងៃទី២៤ ខែកុម្ភៈ ឆ្នាំ២០២៣ បានស្នើដល់គ្រប់មន្ទីរអង្គភាព តាមបណ្តាក្រុងស្រុក ត្រូវរៀបចំកែលម្អសោភ័ណភាពឱ្យបានស្អាតជាបណ្តើរ ដោយដាក់ភ្លើងពណ៌ បដា ពាក្យស្លោក លាបថ្នាំព័ណ ដើម្បីត្រៀមទទួលឆ្នាំថ្មី ដែលនឹងឈានចូលមកដល់នាពេលខាងមុខនេះ។

(សូមអានបន្ត)

គម្រោងពង្រីក និងលើកកកម្រិតគុណភាពផ្លូវជាតិលេខ ៧ ជា ៤គន្លង ពីរង្វង់មូលស្គន់ ដល់គល់ស្ពានគីស្សូណា និងចាប់ផ្តើមសាង់សង់ នៅខែវិច្ឆិកា ឆ្នាំ២០២៣ ខាងមុខនេះ

 រាជធានីភ្នំពេញ: ថ្ងៃទី២៥ ខែកុម្ភៈ ឆ្នាំ២០២៣ ឯកឧត្តម លឹម ស៊ីដេនីន រដ្ឋលេខាធិការ ក្រសួង សាធារណការ និងដឹកជញ្ជូន បានឱ្យដឹងថា គម្រោងពង្រីក និងលើកកកម្រិតគុណភាពផ្លូវជាតិលេខ ៧ ជា ៤គន្លង ប្រវែង ៤៥,៤៨៩គីឡូម៉ែត្រ ចាប់ពីរង្វង់មូលស្គន់ ស្រុកជើងព្រៃ ដល់ចំណុចគល់ស្ពានគីស្សូណា ក្រុងកំពង់ចាម និងចាប់ផ្តើមសាង់សង់ នៅខែវិច្ឆិកា ឆ្នាំ២០២៣ ខាងមុខនេះ ។

ឯកឧត្តមរដ្ឋលេខាធិការ ថ្លែងឲ្យដឹង នៅក្នុងកិច្ចប្រជុំដោះស្រាយការងារផលប៉ះពាល់ នៃ គម្រោងពង្រីក និងលើកកកម្រិតគុណភាពផ្លូវជាតិលេខ ៧ ជា ៤គន្លង ខាងលើ នៅសាលាខេត្តកំពង់ចាម ដោយមានការចូលរួម ជាអធិបតីពីសំណាក់ ឯកឧត្តម អ៊ុន ចាន់ដា អភិបាលខេត្តកំពង់ចាម និងភាគីក្រុមហ៊ុនសាងសង់ រួមជាមួយមន្ត្រី អង្គភាពពាក់ព័ន្ធ ជាច្រើនរូបទៀត នៅព្រឹកថ្ងៃទី២៤ ខែកុម្ភៈ ឆ្នាំ២០២៣ នេះ ។

បើតាមការសិក្សាគម្រោងខាងលើ របស់ក្រុមហ៊ុន CRBC ឃើញថា ចំណុចដែលមានផលប៉ះពាល់ស្មុគស្មាញខ្លាំង មាន ៤ តំបន់ ៖ ទី១.ស្ថិតនៅក្នុងទីប្រជុំជនស្គន់ ស្រុកជើងព្រៃ ដែលមានទំហំដោះស្រាយផលប៉ះពាល់ បណ្ដុំគ្នាច្រើន ។ ទី២.ស្ថិតក្នុងស្រុកព្រៃឈរ ជុំវិញចំណុចប្រសព្វ និងផ្លូវលេខ ៦០ ។ ទី៣.ស្ថិតក្នុងស្រុកកំពង់សៀម ដែលមានទំហំដោះស្រាយផលប៉ះពាល់បណ្ដុំគ្នាច្រើន ។ ទី៤.ស្ថិតក្នុងក្រុងកំពង់ចាម ដែលមានទំហំដោះស្រាយផលប៉ះពាល់បណ្ដុំគ្នាច្រើន ។

ជាមួយនោះ តំណាងក្រុមហ៊ុន CRBC ឲ្យដឹងទៀតថា គម្រោងផ្លូវជាតិលេខ៧ ជាគម្រោងពង្រីកនិងលើកកម្រិតគុណភាពផ្លូវ ពី ២គន្លងទៅ ៤គន្លង ដែលបច្ចុប្បន្ននេះ គម្រោងកំពុងស្ថិតក្នុងដំណាក់កាលត្រៀម និងរៀបចំ ។ ផ្អែកតាមផែនការ គម្រោងនេះ នឹងចាប់ផ្តើមសាងសង់ជាផ្លូវការនៅថ្ងៃទី០១ ខែវិច្ឆិកា ឆ្នាំ២០២៣ ។ ដោយឡែក ការងារដោះស្រាយផលប៉ះពាល់ និងការងាររៀបចំផ្សេងៗទៀត គឺជាកត្តាសំខាន់ ដែលកំណត់ ថាតើក្រុមហ៊ុន អាចចាប់ផ្ដើមសាងសង់តាមការគ្រោងទុក និងអនុវត្តការងារក្នុងទ្រង់ទ្រាយធំដែរឬទេ? ជាពិសេស បើយោងតាមស្ថានភាពទីប្រជុំជន តាមខ្សែផ្លូវនៃគម្រោង គឺមានភាពបណ្ដុំគ្នាច្រើន និងស្មុគស្មាញខ្លាំង ដែលជាកត្តាចម្បង ជះឥទ្ធិពលដល់ផែនការវឌ្ឍនភាព របស់គម្រោងទាំងមូល ។ ដូច្នេះ ដើម្បីធានាការសាងសង់ដោយរលូន ទៅតាមផែនការគ្រោងទុក ក្រោយរដូវវស្សា ក្នុងឆ្នាំ២០២៣ ខាងមុខនេះ សូមឲ្យថ្នាក់ដឹកនាំមេត្តាជួយសម្របសម្រួល និងជំរុញការងារប្រកបបានជោគជ័យ ដើម្បី សាងសង់គម្រោងនេះ ប្រកបតាមស្តង់ដារ និងមានគុណភាពខ្ពស់ ។

ក្នុងកិច្ចប្រជុំនោះដែរ ឯកឧត្តម លឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន ក៏បានធ្វើបទបង្ហញយ៉ាងលម្អិត ដល់មន្ត្រីពាក់ព័ន្ធ អំពីការងារដោះស្រាយផលប៉ះពាល់គម្រោងពង្រីក និងលើកកម្រិតគុណភាពផ្លូវជាតិលេខ ៧ ជា ៤ គន្លងប្រវែង សរុប ៤៥,៤៨៩ គ.ម ចាប់ពីចំណុចរង្វង់មូលស្គន់ ឆ្ពោះទៅដល់ចំណុវរង្វង់មូលស្ពានគីស្សូណា ខេត្តកំពង់ចាម ក្រោមឥណទានសម្បទានពីរដ្ឋាភិបាល នៃសាធារណរដ្ឋប្រជាមានិតចិន ដើម្បីឆ្លើយតបទៅនឹងអនុក្រឹត្យលេខ ៨៧ អនក្រ.បក ស្ដីពីក្រមសីលធម៌ មន្ត្រីមានសមត្ថកិច្ច ក្នុងការសិក្សា ការរៀបចំ ការអនុវត្ត និងការគ្រប់គ្រង គម្រោងហេដ្ឋារចនាសម្ព័ន្ធរូបវ័ន្ត សាធារណៈ ផងដែរ ៕ 

(សូមអានបន្ត)

ក្រសួងសេដ្ឋកិច្ច បង្ហាញលទ្ធផលនៃកិច្ចប្រជុំត្រួតពិនិត្យប្រចាំឆ្នាំ២០២២ លើការអនុវត្តកម្មវិធីកែទម្រង់ ការគ្រប់គ្រងហិរញ្ញវត្ថុសាធារណៈ ដំណាកកាលទី៣

(ភ្នំពេញ)៖ ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២២ ខែកុម្ភៈ ឆ្នាំ២០២៣ មានការរៀបចំកិច្ចប្រជុំត្រួតពិនិត្យប្រចាំឆ្នាំ២០២២ នៃ «ការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៣» ក្រោមការចូលរួមពីអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការដឹកនាំការងារកែទម្រង់ ការគ្រប់គ្រងហិរញ្ញវត្ថុសាធារណៈ។

(សូមអានបន្ត)

ខេត្តកំពង់ឆ្នាំងសម្ពោធដាក់ឱ្យប្រើប្រាស់ ទីលានទុកដាក់សំរាមនៃគម្រោងកែលម្អគ្រប់គ្រងបរិស្ថានក្រុង ជុំវិញបឹងទន្លេសាប ជំហានទី១

 

 

 

កំពង់ឆ្នាំង ៖ ទីលានទុកដាក់សំរាម ក្រោមគម្រោងកែលម្អគ្រប់គ្រងបរិស្ថានក្រុង ជុំវិញបឹងទន្លេសាប របស់ ខេត្តកំពង់ឆ្នាំង ត្រូវបានសម្ពោធដាក់ឱ្យប្រើប្រាស់ជាផ្លូវការ កាលពីថ្ងៃទី២២ ខែកុម្ភៈ ឆ្នាំ២០២៣ ក្រោមអធិបតីភាព ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រី ក្រសួងសាធារណការ និងដឹកជញ្ជូន និង លោក ឈិន សេងងួន អភិបាលរងខេត្តកំពង់ឆ្នាំង ព្រមទាំងមានការចូលរួមពីសំណាក់លោក លោកស្រី ជាប្រធាន អនុប្រធានមន្ទីរអង្គភាពជុំវិញខេត្ត និងក្រុមការងារនៃធនាគារអភិវឌ្ឍន៍អាស៊ី ។ ទីលានទុកដាក់សំរាមក្នុងក្រុងកំពង់ឆ្នាំង ស្ថិតក្នុងភូមិត្រពាំងស្បូវ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។

លោក ឈិន សេងងួន អភិបាលរងខេត្តកំពង់ឆ្នាំង បានឱ្យដឹងថា ទីលានទុកដាក់សំរាមក្នុងក្រុងកំពង់ឆ្នាំង ត្រូវបានសាងសង់នៅលើផ្ទៃដីសរុបទំហំ ១១,៦៥ ហិកតា ស្ថិតក្នុងភូមិត្រពាំងស្បូវ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។ កន្លែងទុកដាក់សំរាមត្រូវបានរចនាឡើងជាពីររណ្ដៅ ដែលរណ្ដៅនីមួយៗមានក្រឡាផ្ទៃ ០,៦៤ ហិកតា (បណ្ដោយ៨០ម៉ែត្រ ទទឹង៨០ម៉ែត្រ និងជម្រៅ១ម៉ែត្រ) និងមានសមត្ថភាពផ្ទុកសំរាមបាន ចំនួន ១២០.០០០ ម៉ែត្រគីប។ គម្រោងនេះបានចំណាយថវិកាសាងសង់ប្រមាណ ១,៣៩ លានដុល្លារ អាមេរិក ហើយគ្រោងដាក់ឱ្យប្រើប្រាស់ក្នុងរយៈពេល ១០ឆ្នាំ ចាប់ពីឆ្នាំ២០២២ ដល់ឆ្នាំ២០៣២ សម្រាប់ ប្រជាជនក្នុងក្រុងកំពង់ឆ្នាំង និងស្រុកដែលនៅក្បែរទីលានទុកដាក់សំរាម ។

មានប្រសាសន៍នៅក្នុងឱកាសនោះ ឯកឧត្តមទេសរដ្ឋមន្ត្រីស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានថ្លែងអំណរគុណយ៉ាងជ្រាលជ្រៅចំពោះ ធនាគារអភិវឌ្ឍន៍អាស៊ី (ADB) ដែលជាដៃគូ អភិវឌ្ឍន៍មួយ តែងតែចូលរួមជាមួយរាជរដ្ឋាភិបាលកម្ពុជា ក្នុងការអភិវឌ្ឍលើគ្រប់វិស័យ តាមរយៈកម្ចី ឥណទាន និងបានថ្លែងអំណរក្រុមហ៊ុនសាងសង់ ក្រុមការងារត្រួតពិនិត្យបច្ចេកទេស នៃក្រសួង សាធារណការ និងដឹកជញ្ជូន អាជ្ញាធរដែនដី និងបងប្អូនប្រជាពលរដ្ឋ ដែលបានផ្តល់កិច្ចសហការយ៉ាងល្អ ប្រសើរ ជំរុញឱ្យការងារសាងសង់អាចដំណើរការទៅបានដោយរលូន និងបញ្ចប់តាមផែនការគ្រោងទុក។ទីលានទុកដាក់សំរាម នឹងចូលរួមចំណែកក្នុងការលើកកម្ពស់គុណភាពការរស់នៅរបស់បងប្អូននៅក្នុងតំបន់ និង តំបន់ជុំវិញ ជាពិសេសគឺការកាត់បន្ថយបញ្ហាប្រឈមទៅលើកត្តាសុខភាព និងការបំពុល បំផ្លាញបរិស្ថាន ផងដែរ ។

ឯកឧត្តមទេសរដ្ឋមន្ត្រីបានគូសបញ្ជាក់ថា កត្តាសុខសន្តិភាព និងស្ថិរភាពនយោបាយ ក្រោមការដឹកនាំរបស់ សម្តេចតេជោ នាយករដ្ឋមន្រ្តី បានធ្វើឱ្យការអភិវឌ្ឍហេដ្ឋារចនាសម្ព័ន្ធប្រកបដោយគុណភាព ដែលបាន អនុញ្ញាតឱ្យមានការសិក្សា ការសាងសង់ស្តារ និងលើកកម្រិតហេដ្ឋារចនាសម្ព័ន្ធផ្លូវ-ស្ពានជាបន្តបន្ទាប់ ការលើកកម្រិតគុណភាពផ្លូវជាតិ/ផ្លូវខេត្ត គម្រោងសាងសង់ផ្លូវល្បឿនលឿន គម្រោងសាងសង់ផ្លូវដែក ល្បឿនលឿន គម្រោងហេដ្ឋារចនាសម្ព័ន្ធដឹកជញ្ជូនតាមផ្លូវទឹក និង គម្រោងសាងសង់អាកាសយានដ្ឋានថ្មីៗ ជាដើម។ ដោយសារមានសុខសន្តិភាពពេញលេញ ទើបប្រទេសមានការអភិវឌ្ឍ និងនាំមកនូវការវិនិយោគ គ្រប់ទម្រង់ ជាមួយការផ្តល់ឱកាសការងារជាច្រើនជូនដល់បងប្អូនប្រជាពលរដ្ឋ ដែលទាំងអស់នេះគឺជា បច្ច័យដែលធ្វើឱ្យអត្រាអាយុសង្ឃឹមរស់ របស់ប្រជាជនខ្មែរយើងមានការកើនឡើង បើធៀបនឹងរយៈពេលជាង ២០ឆ្នាំមុន។ អ្វីដែលជាមោទនភាពនោះ គឺអត្រាអាយុសង្ឃឹមរស់របស់កម្ពុជាយើង មានការកើនឡើង បើទោះជាប្រទេសយើង ជាប្រទេសកំពុងអភិវឌ្ឍក៏ដោយ៕ប្រភព៖ មន្ទីរព័ត៌មានខេត្តកំពង់ឆ្នាំង

(សូមអានបន្ត)

រដ្ឋមន្ត្រីក្រសួងការងារ៖ ក្រសួងបានត្រៀមរៀបចំផែនការបណ្តុះបណ្តាលជំនាញវិជ្ជាជីវៈ ដល់យុវជននៅគ្រួសារក្រីក្រ និងងាយរងគ្រោះ ១លាន ៥សែននាក់

 ភ្នំពេញ ថ្ងៃទី២៣ ខែកុម្ភៈ ឆ្នាំ២០២៣  ស្របតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រី រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានបញ្ជាក់ថា ក្រសួងបានត្រៀមរៀបចំផែន ការបណ្តុះបណ្តាលជំនាញវិជ្ជាជីវៈដល់យុវជន នៅគ្រួសារក្រីក្រ និងងាយរងគ្រោះ ទូទាំងប្រទេសចំនួន ១លាន ៥សែននាក់។

ឯកឧត្តម អ៊ិត សំហេង រដ្ឋមន្ត្រីក្រសួងការងារបានលើកឡើងក្នុង សន្និបាតបូកសរុប លទ្ធផលការងារឆ្នាំ២០២២ និង លើកទិសដៅការងារឆ្នាំ២០២៣ នៃការអនុវត្តផែនការយុទ្ធសាស្រ្តអភិវឌ្ឍន៍វិស័យការងារនិងបណ្តុះបណ្តាលវិជ្ជាជីវៈ ឆ្នាំ២០១៩-២០២៣ កាលពីថ្ងៃ៣កើត ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃពុធ ទី២២ ខែកុម្ភៈឆ្នាំ២០២២ នៅទីស្តីការក្រសួងថា ក្រសួងបានខិតខំអនុវត្តបានយ៉ាងល្អ តាមផែនការយុទ្ធសាស្ត្រអភិវឌ្ឍន៍ជាតិ ដ៏ជាក់លាក់របស់រាជរដ្ឋាភិបាល ដើម្បីធ្វើការអភិវឌ្ឍមូលធនមនុស្សដែលជាធនធាន ជន្ទល់គាំទ្រឱ្យការរីកចម្រើន នៃសង្គមសេដ្ឋកិច្ចជាតិក្នុងរយៈពេលខ្លី មធ្យម និងវែង ដោយ៖ ១-ជំរុញឱ្យប្រជាពលរដ្ឋមានការងារសមរម្យ និងកម្រិតជីវភាពកាន់តែប្រសើរឡើង ។ ២-លើក កម្ពស់សេចក្តីថ្លៃថ្នូររបស់ប្រជាពលរដ្ឋ។ ៣-បង្កើនបាននូវកម្លាំងពលកម្ម ឬធនធានមនុស្សកម្ពុជាប្រកប ដោយចំណេះដឹង សមត្ថភាព ជំនាញឥរិយាបថការងារ ផលិតភាពខ្ពស់ និង មានលក្ខណៈប្រកួតប្រជែងសម្រាប់ការងារពេញមួយជីវិត។ ៤-ធានាថា “ប្រជាពលរដ្ឋម្នាក់មានជំនាញមួយយ៉ាងតិចប្រចំាជីវិត ”។

ឯកឧត្តមបន្តថា ជាមួយនេះផងដែរការអនុវត្តដោយជោគជ័យនូវ អាទិភាពទី២ ក្នុងការធ្វើទំនើបកម្មប្រព័ន្ធ អប់រំបណ្តុះបណ្តាលបច្ចេកទេស និងវិជ្ជាជីវ: រួមទាំងការបន្តជំរុញ និងចូលរួមអនុវត្តគោលនយោបាយអភិវឌ្ឍន៍ធនធានមនុស្ស ដូចជាគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០១៥-២០២៥, គោលនយោបាយជាតិស្តីពីមុខរបរ និងការងារ ឆ្នាំ២០១៥-២០២៥, គោលនយោបាយជាតិ ស្តីពីការអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ២០១៧-២០២៥, ក្របខ័ណ្ឌយុទ្ធសាស្រ្ត និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ២០២១-២០២៣, និងគោលនយោបាយ ស្តីពីពលករទេសន្តប្រវេសន៍ ឆ្នាំ២០១៩-២០២៣, ក្របខ័ណ្ឌគោលនយោ បាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥, យុទ្ធសាស្ត្រអភិវឌ្ឍន៍វិស័យកាត់ដេរ ផលិតស្បែកជើង និងការបូបកម្ពុជា ២០២២-២០២៧, ក្របខ័ណ្ឌគោលនយោបាយជាតិផលិតភាពសេដ្ឋកិច្ចកម្ពុជា ២០២២-២០៣៥, ផែនទីបង្ហាញផ្លូវការអភិវឌ្ឍវិស័យយានយន្ត និងអេឡិចត្រូនិកកម្ពុជា, និងផែនទីបង្ហាញផ្លូវ ស្តីពីការអភិវឌ្ឍជំនាញនៅកម្ពុជាឆ្នាំ២០២២-២០៣៥ ។

ឯកឧត្តមលើកឡើងថា ក្រសួងបាននិងកំពុងអនុវត្តផែនការមេសម្រាប់អភិវឌ្ឍន៍គ្រឹះ ស្ថាន អប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ២០២១-២០២៥ ដោយផ្តោតលើយុទ្ធសាស្ត្រចំនួន ៤ គឺ ១. ការកសាង និងកែលម្អហេដ្ឋារចនាសម្ព័ន្ធរូបវន្ត របស់គ្រឹះស្ថានសិក្សា។ ២. ការបំពាក់ឧបករណ៍ បរិក្ខារ និងសម្ភារបណ្តុះបណ្តាល ។ ៣. ការពង្រឹងសមត្ថភាព អ្នកដឹកនាំ គ្រប់ គ្រងមន្រ្តីជំនាញ និងគ្រូបច្ចេកទេស ។ ៤. ការបង្កើនបរិមាណ និងគុណភាពជំនាញបច្ចេ ក ទេស និងវិជ្ជាជីវៈប្រកបដោយបរិយាប័ន្នយេនឌ័រ។ រៀបចំទិវាជាតិអប់រំបណ្តុះបណ្តាលបច្ចេ កទេស និងវិជ្ជាជីវៈ (TVET-DAY) នៅថ្ងៃទី១៥ ខែមិថុនា ជារៀងរាល់ឆ្នាំ ដើម្បីលើកកម្ពស់ និងផ្សព្វផ្សាយពីសារៈសំខាន់ពីវិស័យនេះ ដល់គ្រប់ភាគីភាពពាក់ព័ន្ធជា ពិសេសដល់គ្រប់មូល ដ្ឋានសហគមន៍, គ្រួសារ, សិស្សានុសិស្ស, យុវជន, និងជនងាយរងគ្រោះ។

ឯកឧត្តមរដ្ឋមន្រ្តីបានបញ្ជាក់ថា « ក្រសួងបានត្រៀមរៀបចំផែនការបណ្តុះបណ្តាល ជំនាញវិជ្ជាជីវៈ ដល់យុវជននៅគ្រួសារក្រីក្រ និងងាយរងគ្រោះទូទាំងប្រទេសចំនួន ១លាន ៥សែននាក់ តាមអនុសាសន៍ដ៏ខ្ពង់ខ្ពស់របស់ សម្តេចតេជោនាយករដ្ឋមន្ត្រី ដោយរដ្ឋធានាផ្តល់ប្រាក់ឧបត្ថម្ភ ចាប់ពីឆ្នាំ២០២៣នេះតទៅឱ្យ មានប្រសិទ្ធភាពខ្ពស់» ៕ដោយអ៊ាង ប៊ុនរិទ្ធសម្រួលដោយ៖ដារ៉ា

(សូមអានបន្ត)

សម្តេចតេជោ ហ៊ុន សែន អនុញ្ញាតឱ្យរដ្ឋលេខាធិការក្រសួងការបរទេសជប៉ុន និងតារាចម្រៀងជប៉ុន ជួបសម្តែងការគួរសម

(ភ្នំពេញ)៖ នៅព្រឹកថ្ងៃព្រហស្បតិ៍ ទី២៣ ខែកុម្ភៈ ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យលោក តាកេ ហ្ស៊ឺនសឹកិ (TAKEI Shunsuke) រដ្ឋលេខាធិការក្រសួងការបរទេសជប៉ុន និងលោកស្រី មិណាមិណុ យ៉ូកុ (Minamino Yoko) តារាចម្រៀងរបស់ជប៉ុន ចូលជួបសម្តែងការគួរសម និងជជែកលើការងារមួយចំនួន។ ជំនួប​បានធ្វើឡើងនៅវិមានសន្តិភាព។

ឆ្នាំ២០២៣នេះ គឺជាខួប ៧០ឆ្នាំ នៃការបង្កើតទំនាក់ទំនងផ្លូវការរវាងកម្ពុជា-ជប៉ុន។ កម្ពុជា និងជប៉ុន បានកំណត់យកឆ្នាំ២០២៣នេះ ដំឡើងកម្រិតទំនាក់ទំនងទ្វេភាគី ទៅជាទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ។

កម្ពុជា និងជប៉ុន នឹងរៀបចំកម្មវិធីជាច្រើន ដើម្បីអបអរសាទរខួបទំនាក់ទំនង៧០ឆ្នាំ។ ក្នុងនោះ ក៏មានកម្មវិធីផ្លាស់ប្តូរដំណើរទស្សនកិច្ចថ្នាក់ដឹកនាំប្រទេសទាំងពីរ។

ដំណើរទស្សនកិច្ចរបស់លោក តាកេ ហ្ស៊ឺនសឹកិ គឺជាផ្នែកមួយនៃការអបអរសាទរ និងពង្រឹងដល់ទំនាក់ទំនងរវាងប្រទេសទាំងពីរ។ នៅថ្ងៃទី២៤ ខែកុម្ភៈ ខាងមុខនេះ លោក តាកេ ហ្ស៊ឺនសឹកិ នឹងចុះហត្ថលេខាលើលិខិតប្ដូរសារ ស្ដីពីការផ្ដល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់ចំនួន ៣.៩៨៦ លានយ៉េន ស្មើប្រមាណ ៣០.៦លានដុល្លារអាមេរិក ដើម្បីអនុវត្ត គម្រោងពង្រីកប្រព័ន្ធផ្គត់ផ្គង់ទឹកស្អាត នៅខេត្តស្វាយរៀង។

ដោយឡែកលោកស្រី មិណាមិណុ យ៉ូកុ គឺជាតារាចម្រៀងដ៏មានប្រជាប្រិយភាពមួយរូបរបស់ជប៉ុន។ លោកស្រី ធ្លាប់បានមកប្រទេសកម្ពុជាចំនួនពីរដងមកហើយ សម្រាប់ការងារទូរទស្សន៍ គឺម្តងក្នុងឆ្នាំ ១៩៨៩ និងម្តងទៀតក្នុងឆ្នាំ២០១៣។

លោកស្រីមានទំនាក់ទំនងជ្រាលជ្រៅជាមួយប្រជាជន និងប្រទេសកម្ពុជា។ តាមរយៈទំនាក់ទំនងដ៏ជ្រាលជ្រៅជាមួយកម្ពុជា និងការចងចាំរបស់លោកស្រីចំពោះកុមារីកំព្រា ដែលលោកស្រីបានជួបក្នុងដំណើរទស្សនកិច្ចលើកដំបូងនៅប្រទេសកម្ពុជាក្នុងឆ្នាំ១៩៨៩ផងនោះ លោកស្រី បាននិពន្ធ និងច្រៀងចម្រៀងមួយបទមានចំណងជើងថា «ឥន្ទធនូដល់ថ្ងៃស្អែក»។

បទចម្រៀងរំលឹកដល់អានុស្សាវរីយ៍របស់លោកស្រី ជាមួយកុមារីកំព្រារបស់កម្ពុជា ដែលលោកស្រីបានជួបពេលទស្សនកិច្ចលើកដំបូងនៅកម្ពុជា។ បទចម្រៀងនេះ ត្រូវបានផលិតឡើងជាពិសេសសម្រាប់រំលឹកដល់ខួប ៧០ឆ្នាំនៃទំនាក់ទំនងរវាងកម្ពុជា និងជប៉ុន។

បទចម្រៀងនេះបានរំលេចនូវមនោសញ្ចេតនាយ៉ាងជ្រាលជ្រៅរវាងប្រជាពលរដ្ឋជប៉ុន និងប្រជាពលរដ្ឋកម្ពុជា។ បទចម្រៀងមួយបទនេះ ក៏ទទួលបានប្រជាប្រិយភាពខ្លាំងទាំងនៅជប៉ុន និងកម្ពុជា៕

(សូមអានបន្ត)

ឯកឧត្តម ឃួង ស្រេង ជំរុញអាជ្ញាធរខណ្ឌ និងប្រធានផ្សាររដ្ឋទាំងអស់នៅរាជធានី បន្ដចុះត្រួតពិនិត្យការមិនយកលុយពីអាជីវករលក់តាមកញ្ច្រែង និងការបញ្ចុះតម្លៃទឹកភ្លើងនៅតាមទីផ្សារ

ភ្នំពេញ :ថ្ងៃទី២២ ខែកុម្ភៈ ឆ្នាំ២០២៣ ឯកឧត្តមឃួង ស្រេង អភិបាល រាជធានីភ្នំពេញ បានជំរុញឱ្យអាជ្ញាធរខណ្ឌទាំង១៤ ពិសេសប្រធានផ្សាររដ្ឋទាំង២៥ នៅរាជធានីភ្នំពេញ បន្ដចុះ ត្រូវពិនិត្យឡើងវិញ ជុំវិញការមិនយកលុយពីបងប្អូនអាជីវករ លក់តាមកញ្ច្រែង និងការ បញ្ចុះតម្លៃទឹក ភ្លើង នៅតាមទីផ្សារនានាឱ្យបានល្អ នៅក្នុងរាជធានីភ្នំពេញ ទៅតាមកំណត់របស់រាជរដ្ឋាភិបាល។

ឯកឧត្តម ឃួង ស្រេង បានជំរុញបែបនេះនៅរសៀលថ្ងៃអង្គារ ២កើត ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែកុម្ភៈ ឆ្នាំ២០២៣ ខណៈឯកឧត្តមកោះប្រជុំជាបន្ទាន់ជាមួយប្រធានផ្សារ និងចៅហ្វាយខណ្ឌទាំង១៤ ស្ដីពីការប្រើប្រាស់ទឹក-ភ្លើង ក្នុងផ្សាររដ្ឋ ក្នុងរាជធានីភ្នំពេញ ឱ្យបានល្អប្រសើរ ជាមួយអាជីវករផ្សារនានារបស់រដ្ឋទាំង២៥នៅរាជធានី។

ឯកឧត្តម បានមានប្រសាសន៍លើកឡើងថា ក្នុងនាមអាជ្ញាធរខណ្ឌ សង្កាត់ ពិសេសប្រធានគណៈកម្មការផ្សារ ត្រូវមើលឱ្យគ្រប់ជ្រុងជ្រោយទាំងអស់ ទាំងគុណភាពបន្លែ ត្រីសាច់ ទាំងជីវភាពរស់នៅរបស់បងប្អូនអាជីវករ ទាំងអ្នកលក់ដូរតាមតូប និងអ្នកលក់ដូរតាមកញ្ច្រែងជាដើម ។ ពោលគឺនៅពេលពួកគាត់មានបញ្ហាលំបាកអ្វីមួយ យើងត្រូវជួយពួកគាត់ដោយមិនត្រូវទុកពួកគាត់ណាម្នាក់ ស្លាប់ដោយការអត់បាយនោះទេ។

ឯកឧត្តម ឃួង ស្រេង បានបន្ថែមថា ការរៀបចំសណ្តាប់ធ្នាប់ នៅតាមទីផ្សារទាំងអស់ ដាច់ខាតមិនត្រូវប្រើអំពើហិង្សា ជាមួយបងប្អូនអាជីវករនោះទេ ប៉ុន្តែជុំវិញផ្សារត្រូវតែស្អាត និងមានសណ្ដាប់ធ្នាប់ល្អ។

បងប្អូនអាជីវករ លក់តាមកញ្ច្រែង ល្អី ត្រូវបានយកចិត្តទុកដាក់ ដោយរាជរដ្ឋាភិបាល ហើយកន្លងមក យើងក៏ធ្លាប់បានប្រគល់អំណោយជូនពួកគាត់ជារឿយៗថែមទៀតផង។ គ្មានរឿងអីដែលយើងត្រូវជេរប្រមាថពួកគាត់នោះទេ។ តែត្រូវប្រើប្រាស់ពាក្យសម្ដី ឱ្យបានសមរម្យជាមួយពួកគាត់ ព្រោះពួកគាត់ក៏ជាប្រជាពលរដ្ឋ របស់សម្តេចតេជោ ហ៊ុន សែន ដែរ។

ឯកឧត្តមអភិបាលរាជធានីភ្នំពេញ បញ្ជាក់ផងដែរថា ការធ្វើអាជីវកម្មទឹក ភ្លើង នៅក្នុងទីផ្សារ ត្រូវពិនិត្យមើលឡើងវិញ ដាច់ខាតមិនអនុញ្ញាតឱ្យមានការធ្វើអាជីវកម្មលក់ទឹក ភ្លើងនៅក្នុងផ្សារ យកតម្លៃលើសពីតម្លៃកំណត់របស់រាជរដ្ឋាភិបាលនោះទេ។ ការងារនេះទាំងអាជ្ញាធរ ទាំងគណៈកម្មការផ្សារត្រូវពិនិត្យឱ្យបានហ្មត់ចត់ និងកែតម្រូវឡើងវិញ ដោយសារថា វាមិនទាន់ហួសពេលនោះទេ។

ឯកឧត្តមបញ្ជាក់ថា នៅក្នុងផ្សារ ជុំវិញផ្សារត្រូវតែមានសណ្ដាប់ធ្នាប់ និងបរិស្ថានល្អ ការលក់ដូរមិនត្រូវបានហាមឃាត់នោះទេ តែត្រូវតែស្អាតនិងមានសណ្ដាប់ធ្នាប់ និងគ្មានអ្នកយកលុយគេ តែមិនត្រូវគ្មានអ្នកសម្អាតនោះទេ ៕ដោយសួស សំរិត

(សូមអានបន្ត)

ស្នងការខេត្តបន្ទាយមានជ័យ ប្រជុំផ្សព្វផ្សាយការងារគ្រប់គ្រង និងការប្រើប្រាស់ហត្ថពលកម្មបរទេសដល់បណ្តាម្ចាស់អាជីវកម្ម ក្នុងខេត្ត

(បន្ទាយមានជ័យ)៖ ស្នងការនគរបាលខេត្តបន្ទាយមានជ័យ នៅថ្ងៃទី២១ ខែកុម្ភៈ ឆ្នាំ២០២៣នេះ បានរៀបចំកិច្ចប្រជុំផ្សព្វផ្សាយការងារគ្រប់គ្រង និងការប្រើប្រាស់ហត្ថពលកម្មបរទេស ជូនដល់ម្ចាស់អាជីវកម្មនានា ទូទាំងខេត្តបន្ទាយមានជ័យ។

កិច្ចប្រជុំនេះបានធ្វឡើងក្រោមអធិបតីភាពលោក យឹម សំណាង អភិបាលរងខេត្តបន្ទាយមានជ័យ, លោក នួន ស៊ីណា ប្រធានមន្ទីរការងារនិងបណ្ដុះបណ្ដាលប្រជាជីវៈខេត្ត, លោកឧត្តមសេនីយ៍ត្រី អេង លីហួរ ស្នងការរងផែនទៅប្រវេសន៍ តំណាងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងការចូលរួមពីសំណាក់កម្លាំងនគរបាលទាំង ៩ស្រុក/ក្រុង ព្រមទាំងម្ចាស់អាជីវករ ពាណិជ្ជករ ម្ចាស់អាជីវកម្មកាស៊ីណូ សណ្ឋាគារ ផ្ទះសំណាក់ បន្ទប់ជួល ភោជនីយដ្ឋាន ក្រុមហ៊ុន សហគ្រាសផ្សេងៗជាច្រើនរូប។

លោកឧត្តមសេនីយ៍ត្រី អេង លីហួរ បានចាត់ទុកថាការផ្សព្វផ្សាយនេះ គឺជាការពង្រឹង និងលើកកម្ពស់ការទទួលខុសត្រូវ ក្នុងការបំពេញការងាររួមគ្នារបស់ក្រសួងស្ថាប័ន អាជ្ញាធរ សមត្ថកិច្ច ពាក់ព័ន្ធក្នុងការគ្រប់គ្រងហត្ថពលកម្មបរទេសឱ្យត្រឹមត្រូវតាមច្បាប់ ដើម្បីការពារផលប្រយោជន៍ស្របច្បាប់ទាំងផលប្រយោជន៍របស់កម្មករនិយោជិតបរទេស និងនិយោជកនៃរោងចក្រ សហគ្រាស ក្រុមហ៊ុននិងមូលដ្ឋានអាជីវកម្មនានាក្នុងប្រទេសកម្ពុជា។

លោក ហុង ប្រកប បានថ្លែងផ្សព្វផ្សាយនេះជាគោលការណ៍ ការគ្រប់គ្រងហត្ថពលកម្មបរទេសនៅព្រះរាជាណាចក្រកម្ពុជា ត្រូវធ្វើឡើងទៅតាមប្រព័ន្ធ និងនីតិវិធីដែលបានកំណត់ក្នុងច្បាប់ និងលិខិតបទដ្ឋានពាក់ព័ន្ធ និងបានណែនាំពី ឯកសារគតិយុត្ត ការផាកពិន័យក្នុងករណីប្រើប្រាស់ហត្ថពលកម្មបរទេសខុសច្បាប់ផងដែរ៕

(សូមអានបន្ត)