លោក ហ៊ុន ម៉ានី អញ្ជើញជួប ជាមួយរចនាសម្ព័ន្ធគណៈចលនាមហាជនគណបក្សប្រជាជនកម្ពុជា ខេត្តព្រះវិហារ

 (ព្រះវិហារ)៖ នៅរសៀលថ្ងៃទី១៨ ខែកុម្ភៈ ឆ្នាំ២០២២នេះ លោក ហ៊ុន ម៉ានី អគ្គលេខាធិការ នៃអគ្គលេខាធិការដ្ឋានគណៈចលនាមហាជន គណៈកម្មាធិការកណ្ដាល នៃគណបក្សប្រជាជនកម្ពុជា បានអញ្ជើញចូលរួមក្នុងកម្មវិធីសំណេះសំណាល ជាមួយរចនាសម្ព័ន្ធគណៈចលនាមហាជនខេត្តព្រះវិហារ។

 ក្នុងជំនួបសំណេះសំណាលគណបក្សខេត្ត លោក ហ៊ុន ម៉ានី បានឆ្លៀតឱកាសថ្លែងអំណរគុណដល់សមាជិក សមាជិកា មន្រ្តីរាជការនៅមូលដ្ឋានទាំងអស់ដែលបានខិតខំប្រឹងប្រែង លះបង់ពេលវេលា និងកម្លាំងកាយចិត្ត ក៏ដូចជាធនធានផ្ទាល់ខ្លួននៅពេលដែលប្រទេសជាតិត្រូវការ ជាពិសេសការទប់ស្កាត់ការរីករាលដាលនៃជំងឺកូវីដ-១៩ និងយុទ្ធនាការចាក់វ៉ាក់សាំងជូនប្រជាពលរដ្ឋ។ 

 ជុំវិញស្ថានភាពនៃការរីករាលដាលជំងឺកូវីដ១៩ លោក ហ៊ុន ម៉ានី បានគូសបញ្ជាក់ថា ការរីករាលដាលនៃជំងឺកូវីដ១៩ គឺជាវិញ្ញាសាថ្មីមួយ ដើម្បីសាកល្បងការដឹកនាំរបស់ថ្នាក់ដឹកនាំគ្រប់ប្រទេស ដែលមិនទាន់មានប្រទេសណាធ្លាប់បានជួបប្រទះនោះទេ មិនថាប្រទេសជឿនលឿនយ៉ាងណាក៏ដោយ ក៏មិនប្រាកដថាអាចទប់ស្កាត់ការរីករាលដាលនៃជំងឺកូវីដ១៩ នេះបានដែរ។

 ដោយឡែក កម្ពុជាជាប្រទេសតូច តែមានបេះដូងធំទូលាយ សម្រេចបានជោគជ័យ ឈ្នះលើវិញ្ញាសារមួយនេះគួរជាទីមោទនៈ ស្របពេលដែលប្រទេសជាច្រើនទៀតលើពិភពលោក នៅតែបន្តជួបប្រទះការលំបាកនៅឡើយ។ ពិតណាស់ការជឿជាក់ និងចូលរួមរបស់ប្រជាពលរដ្ឋគឺជាកត្តាសំខាន់នៃភាពជោគជ័យលើការដឹកនាំ ប៉ុន្តែការដឹកនាំដ៏ឈ្លាសវៃ ម៉ឹងម៉ាត់ បូករួមជាមួយការអនុវត្តយ៉ាងមានប្រសិទ្ធភាពរបស់មន្ត្រីមូលដ្ឋាន គឺជាកម្លាំងចលករដែលមិនអាចខ្វះបានសម្រាប់ភាពជោគជ័យនេះ។ 

 លោកក៏បានលើកបន្ថែមផងដែរថា «មិនថាបងប្អូននៅទីណា ជាអ្នកណា ឬមាននិន្នាការយ៉ាងណាក៏ដោយ បងប្អូនត្រូវតែទទួលបានការគាំពារសុខភាពដូចជាការព្យាបាល និងការចាក់វ៉ាក់សាំង។ ដោយសារយើងមានវ៉ាក់សាំងគ្រប់គ្រាន់ ទើបយើងអាចមានការជួបជុំគ្នា និងការបើកដំណើរការសេដ្ឋកិច្ចជាធម្មតា។ 

មិនថាប្រទេសជាតិមានវិបត្តិ ឬការលំបាកយ៉ាងណាគណបក្សប្រជាជនកម្ពុជាតែងតែមានវត្តមានរួមរស់ជាមួយប្រជាជន និងដោះស្រាយបញ្ហាប្រឈមមុខជាមួយគ្នា»។ ជំនួបសំណេះសំណាលរវាង លោក ហ៊ុន ម៉ានី ជាមួយរចនាសម្ព័ន្ធគណៈចលនាមនហាជនខេត្តព្រះវិហារ គឺជាផ្នែកមួយនៃបេសកកម្មតាមបណ្ដាខេត្ត ហើយខេត្តព្រះវិហារជាខេត្តទី៣ នៃបេសកកម្មនេះ ហើយគោលដៅបន្ទាប់ គឺខេត្តឧត្តរមានជ័យ៕

(សូមអានបន្ត)

ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត និងលោកជំទាវ ព្រមទាំងថ្នាក់ដឹកនាំ មន្ត្រីរាជការពុទ្ធបរិស័ទ បានអញ្ជើញចូលរួម និងនិមន្តព្រះសង្ឃរាប់បាត្រចំនួន ៣៧៥អង្គ ជាកិច្ចឆ្លងនៃពិធីបុណ្យមាឃបូជា

នៅព្រឹកថ្ងៃព្រហស្បតិ៍១រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៧ ខែកុម្ភៈ ឆ្នាំ ២០២២ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត និងលោកជំទាវ ព្រមទាំងថ្នាក់ដឹកនាំ មន្ត្រីរាជការពុទ្ធបរិស័ទ បានអញ្ជើញចូលរួម និងនិមន្តព្រះសង្ឃរាប់បាត្រចំនួន ៣៧៥អង្គ ជាកិច្ចឆ្លងនៃពិធីបុណ្យមាឃបូជា។ កម្មវិធីបុណ្យបានប្រព្រឹត្តទៅ នៅសួនច្បារប្រសាទដើមពោធិ៍ ស្ថិតនៅក្នុងភូមិ ១ឧសភា សង្កាត់កំពង់កណ្ដាល ក្រុងកំពត ខេត្តកំពត។

បុណ្យមាឃបូជាជាពិធីបុណ្យមួយដែលមានសារៈសំខាន់ក្នុងព្រះពុទ្ធសាសនា ដែលពុទ្ធបរិស័ទក្នុងពិភពលោក ក៏ដូចនៅក្នុងព្រះរាជាណាចក្រកម្ពុជាយើង រមែងបានប្រារព្ធធ្វើឡើងជារៀងរាល់ឆ្នាំ ។ ដោយឡែក ឆ្នាំនេះរដ្ឋបាលខេត្តកំពត បានប្រារព្ធធ្វើឡើងចាប់ផ្ដើមនៅរសៀលពុធ ១៥ កើត ខែ មាឃ ឆ្នាំ ឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៦ ខែកុម្ភៈ ឆ្នាំ២០២២ និងបានឆ្លងនៃពិធីបុណ្យ នៅព្រឹកថ្ងៃទី១៧ ខែកុម្ភៈ ឆ្នាំ២០២២ នេះ។

បុណ្យមាឃបូជា គឺជាពិធីបុណ្យមួយដ៏មានសារៈសំខាន់បំផុតក្នុងព្រះពុទ្ធសាសនា ដោយឡែកនៅកម្ពុជាយើងពិធីបុណ្យមាឃបូជា នេះទៀតសោត តែងតែបានប្រារព្ធធ្វើឡើងជារៀងរាល់ឆ្នាំ ក្នុងគោលបំណងចម្បងគឺសម្រាប់រំលឹកដល់ថ្ងៃមហាមង្គលទាំងពីរ នៃព្រះសម្មាសម្ពុទ្ធ បរមគ្រូនៃយើង ដែលទ្រង់ប្រជុំ ចតុរង្គសន្និបាតនិងប្រកាសបាក់ជន្មាយុសង្ខារ។

ព្រះរាជាណាចក្រកម្ពុជា មានបាវចនា ជាតិ សាសនា ព្រះមហាក្សត្រ រាជរដ្ឋាភិបាលកម្ពុជា តែងតែបានជំរុញលើកកម្ពស់វិស័យព្រះពុទ្ធសាសនា ដែលជាសាសនារបស់រដ្ឋ ឱ្យមានការរីកចម្រើនថ្កុំថ្កើនរុងរឿងដូចសព្វថ្ងៃនេះ។

(សូមអានបន្ត)

សម្ដេចក្រឡាហោម ស ខេង លើកទឹកចិត្តឱ្យប្រជាពលរដ្ឋបញ្ចេញមតិយោបល់ពាក់ព័ន្ធនឹងការផ្ដល់សេវាសាធារណៈ និងបញ្ហាប្រឈមនានានៅមូលដ្ឋាន

 

បាត់ដំបង:សម្ដេចក្រឡាហោម ស ខេងបានលើកទឹកចិត្តឱ្យប្រជាពលរដ្ឋបញ្ចេញមតិយោបល់ពាក់ព័ន្ធនឹងការផ្ដល់សេវាសាធារណៈ និងបញ្ហាប្រឈមនានានៅមូលដ្ឋាន ដើម្បីឱ្យអាជ្ញាធរឃុំ ឬក្រុមប្រឹក្សាឃុំ ជួយដោះស្រាយទុក្ខកង្វល់ ឬបញ្ហាប្រឈម និងការលំបាកផ្សេងៗបានទាន់ពេលវេលា។ ក្នុងឱកាសដឹកនាំគណៈប្រតិភូជាន់ខ្ពស់ស្ថានទូតអាល្លឺម៉ង់ ស្ថានទូតអូស្ត្រាលី និងតំណាងទីស្នាក់ការអភិវឌ្ឍន៍ស្វីស ប្រចាំនៅកម្ពុជា ធ្វើទស្សនកិច្ចពិនិត្យមើលវឌ្ឍនភាពការងារពាក់ព័ន្ធនឹងកំណែទម្រង់វិមជ្ឈការ និងវិសហមជ្ឈការ នៅខេត្តបាត់ដំបងសម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃបានមានប្រសាសន៍ថា អាជ្ញាធរឃុំ ឬក្រុមប្រឹក្សាឃុំ មានតួនាទីជួយដោះស្រាយទុក្ខកង្វល់ ឬបញ្ហាប្រឈម និងការ

 លំបាកផ្សេងៗ ព្រមទាំងសេចក្ដីត្រូវការរបស់ប្រជាពលរដ្ឋ និងកិច្ចការផ្សេងៗទៀត។ សម្ដេចក្រឡាហោមបានបន្តថាសម្រាប់ការសាងសង់ផ្លូវ គឺឃុំនីមួយៗសុទ្ធតែទទួលបានថវិកាដើម្បីអភិវឌ្ឍន៍ជារៀងរាល់ឆ្នាំ។ តាមយៈការឡើងថ្លែងបញ្ចេញមតិយោបល់ នាឱកាសនោះ សម្ដេចក្រឡាហោម បានទទួលនូវសំណើ និងសំណូមពរមួយចំនួនពីតំណាងប្រជាពលរដ្ឋ ក្នុងនោះរួមមានពាក់ព័ន្ធនឹងបញ្ហាផ្លូវថ្នល់ ការដឹកជញ្ជូនដី ការថែទាំបរិស្ថាន និងការលើកកម្ពស់តំបន់ទេសចរណ៍ក្នុងស្រុកបាណន់។ សម្ដេចបានសម្ដែងការគាំទ្រចំពោះមតិយោបល់ទាំងនោះ និងបានណែនាំភ្លាមៗឱ្យរដ្ឋបាល ខេត្ត និងអាជ្ញាធរស្រុកសិក្សាដើម្បីដោះស្រាយជូនប្រជាពលរដ្ឋបានទាន់ពេលវេលា៕

(សូមអានបន្ត)

គណៈប្រតិភូការបរទេសចំនួន៨ប្រទេស និងអគ្គលេខាធិការអាស៊ាន ចូលរួមកិច្ចប្រជុំចង្អៀតរដ្ឋមន្ត្រីការបរទេសអាស៊ានដោយផ្ទាល់

ភ្នំពេញ: នៅថ្ងៃទី១៧ ខែកុម្ភៈនេះគណៈប្រតិភូការបរទេសចំនួន៨ប្រទេស និងអគ្គលេខាធិការអាស៊ាន បានចូលរួមដោយផ្ទាល់ក្នុងកិច្ចប្រជុំចង្អៀតរដ្ឋមន្ត្រីការបរទេសអាស៊ាន ដែលធ្វើនៅរាជធានីភ្នំពេញនៅថ្ងៃទី១៧ ខែកុម្ភៈនេះ។ គណៈប្រតិភូរដ្ឋមន្ត្រីការបរទេស នៃបណ្តាប្រទេសជាសមាជិកអាស៊ានទាំងនេះរួមមាន៖ រដ្ឋមន្ត្រីការបរទេស នៃប្រទេសប្រ៊ុយណេដារូសាឡឹម, រដ្ឋមន្ត្រីការបរទេស នៃសាធារណរដ្ឋសិង្ហបុរី, រដ្ឋមន្ត្រីការបរទេស នៃសាធារណរដ្ឋឥណ្ឌូណេស៊ី, រដ្ឋមន្ត្រីការបរទេស នៃសាធារណរដ្ឋប្រជាធិបតេយ្យប្រជាមានិតឡាវ, រដ្ឋមន្ត្រីការបរទេស នៃព្រះរាជាណាចក្រថៃ, រដ្ឋមន្ត្រីការបរទេស នៃប្រទេសហ្វីលីពីន, គណៈប្រតិភូរដ្ឋមន្ត្រីការបរទេស នៃសាធារណរដ្ឋសង្គមនិយមវៀតណាម, គណៈប្រតិភូនៃប្រទេសម៉ាឡេស៊ី,និងគណៈប្រតិភូអគ្គលេខាធិការអាស៊ាន។ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានសម្តែងសេចក្តីរីករាយ និងស្វាគមន៍ ចំពោះគណៈប្រតិភូទាំងអស់ ដែលមកចូលរួមកិច្ចប្រជុំចង្អៀតរដ្ឋមន្ត្រីការបរទេសអាស៊ានដែលកម្ពុជាធ្វើជាម្ចាស់ផ្ទះ បើទោះបីជាប្រឈមនឹងការវាយលុកពីជំងឺកូវីដ១៩ ក៏ដោយ។ ថ្លែងក្នុងពិធីជប់លៀងស្វាគមន៍គណៈប្រតិភូ នារាត្រីថ្ងៃទី១៦ ខែកុម្ភៈ នៅសណ្ឋាគារសូហ្វីតែលភូគីត្រាភ្នំពេញ ឯកឧត្តម ឧបនាយករដ្ឋមន្ត្រី ប្រាក់ សុខុន លើកឡើងថា អាស៊ាននៅតែជាគ្រួសារដ៏រឹងមាំ ក្នុងការរួមគ្នាដោះស្រាយបញ្ហាប្រឈមនានា តាមរយៈការសន្ទនា ការពិគ្រោះយោបល់ និងការឯកភាពគ្នា។ ឯកឧត្តម មានប្រសាសន៍ថា ស្មារតីនៃមិត្តភាព និងការរួមគ្នារបស់អាស៊ានមានជានិរន្តរ៍ ប៉ុន្តែ អ្វីដែលកម្ពុជាសោកស្ដាយបំផុតនោះ គឺកាលៈទេសៈបច្ចុប្បន្នមិនអនុញ្ញាតឱ្យរដ្ឋមន្ត្រីការបរទេស ទាំង១០រូបមកជួបជុំគ្នា ដើម្បីរួមដៃគ្នាដោះស្រាយរាល់បញ្ហាប្រឈមនានាដែលសហគមន៍អាស៊ានកំពុងជួបប្រទះ។ សូមបញ្ជាក់ថាប្រទេសកម្ពុជាធ្វើជាម្ចាស់ផ្ទះកិច្ចប្រជុំចង្អៀតរដ្ឋមន្ត្រីការបរទេសអាស៊ាន តាមទម្រង់ចូលរួមផ្ទាល់ និងតាមប្រព័ន្ធវីដេអូ ដែលផ្សាយចេញពីរាជធានីភ្នំពេញដើម្បីពិនិត្យមើលឡើងវិញនូវការសម្រេចនានារបស់ថ្នាក់ដឹកនាំនៅក្នុងកិច្ចប្រជុំកំពូលអាស៊ានកាលពីឆ្នាំទៅ ក៏ដូចជាធ្វើការផ្លាស់ប្ដូរទស្សនៈគ្នាលើមធ្យោបាយ ដើម្បីពង្រឹងបន្ថែមទៀតទំនាក់ទំនងខាងក្រៅជាមួយដៃគូសន្ទនានានា និងលើកកម្ពស់មជ្ឈភាព សាមគ្គីភាព និងឯកភាពអាស៊ាន ព្រមទាំងពិភាក្សាគ្នាអំពីរបៀប និងវិធីសាស្ដ្រដើម្បីកៀរគរកិច្ចខិតខំប្រឹងប្រែងរួមគ្នាក្នុងការកសាងសហគមន៍អាស៊ានមួយឱ្យកាន់តែធន់រឹងមាំឡើង ប្រកបដោយថាមពល ពោរពេញដោយសន្តិភាព និងវិបុលភាព៕ដើម្បីពង្រឹងបន្ថែមទៀតទំនាក់ទំនងខាងក្រៅជាមួយដៃគូសន្ទនានានា និងលើកកម្ពស់មជ្ឈភាព សាមគ្គីភាព និងឯកភាពអាស៊ាន ព្រមទាំងពិភាក្សាគ្នាអំពីរបៀប និងវិធីសាស្ដ្រដើម្បីកៀរគរកិច្ចខិតខំប្រឹងប្រែងរួមគ្នាក្នុងការកសាងសហគមន៍អាស៊ានមួយឱ្យកាន់តែធន់រឹងមាំឡើង ប្រកបដោយថាមពល ពោរពេញដោយសន្តិភាព និងវិបុលភាព៕ដើម្បីពង្រឹងបន្ថែមទៀតទំនាក់ទំនងខាងក្រៅជាមួយដៃគូសន្ទនានានា និងលើកកម្ពស់មជ្ឈភាព សាមគ្គីភាព និងឯកភាពអាស៊ាន ព្រមទាំងពិភាក្សាគ្នាអំពីរបៀប និងវិធីសាស្ដ្រដើម្បីកៀរគរកិច្ចខិតខំប្រឹងប្រែងរួមគ្នាក្នុងការកសាងសហគមន៍អាស៊ានមួយឱ្យកាន់តែធន់រឹងមាំឡើង ប្រកបដោយថាមពល ពោរពេញដោយសន្តិភាព និងវិបុលភាព៕

(សូមអានបន្ត)

ព្រឹកនេះសម្តេចតេជោ ហ៊ុន សែន អញ្ជើញសម្ពោធស្ពាន៧កន្លែងក្នុងខេត្តក្រចេះ និងព្រៃវែង តម្លៃ ៣៥លានដុល្លារ ជាជំនួយរដ្ឋាភិបាលជប៉ុន

នៅព្រឹកថ្ងៃទី១៦ ខែកុម្ភៈ ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចូលរួមជាអធិបតី ដ៏ខ្ពង់ខ្ពស់ រួមជាមួយឯកឧត្តម មិកាមិ ម៉ាសាហ៉ីរុ ឯកអគ្គរដ្ឋទូតជប៉ុនប្រចាំនៅកម្ពុជា សម្ពោធដាក់ឱ្យប្រើប្រាស់ស្ពាន៧កន្លែង ស្ថិតនៅក្នុងខេត្តក្រចេះ៥កន្លែង និងក្នុងខេត្តព្រៃវែង២កន្លែង ជាជំនួយរបស់រដ្ឋាភិ បាលជប៉ុន ដែលមានតម្លៃប្រមាណ ៣៥ លានដុល្លារអាមេរិក។

  តាមសុន្ទរកថាស្វាគមន៍និងរបាយការណ៍សាងសង់របស់ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណ ការនិងដឹកជញ្ជូន បានឱ្យដឹងថា ស្ពានទាំង ៧កន្លែងនេះ គឺជាគម្រោងសាងសង់ស្ពានឡើងវិញបន្ទាន់នៅតំបន់ប្រឈមនឹងទឹក ជំនន់ ស្ថិតនៅទីតាំងភូមិសាស្រ្តខេត្ត ក្រចេះ និងខេត្តព្រៃវែង ដែលស្ពានមានប្រវែងសរុប ៦៧០ម៉ែត្រ និងផ្លូវតភ្ជាប់ស្ពានមានប្រវែងសរុប ៣,៤២៤ម៉ែត្រ។ ស្ពានដែលបានសាងសង់នេះ រួមមាន៖ ស្ពានចំនួន៥កន្លែង ស្ថិតនៅក្នុងខេត្តក្រចេះ តាមបណ្តោយផ្លូវជាតិលេខ៧៣ រួមមាន៖ ស្ពានព្រែកសណ្តាន់ ប្រវែង ៣៥ម៉ែត្រ, ស្ពានព្រែកឫស ប្រវែង ៦២ម៉ែត្រ, ស្ពានអន្លង់ឃ្លេ ប្រវែង ៤៨ម៉ែត្រ, ស្ពានព្រែកឆ្លូង ប្រវែង ១៤០ម៉ែត្រ និងស្ពានពាមទេរប្រវែង១៧៥ ម៉ែត្រ។ ចំណែកស្ពានចំនួន២ កន្លែង ស្ថិត នៅក្នុងខេត្តព្រៃវែង តាមបណ្តោយផ្លូវជាតិលេខ១១ រួមមាន៖ ស្ពានបាបោងលេខ១ ប្រវែង ១០៥ម៉ែត្រ និងស្ពានបាបោងលេខ ២ ប្រវែង ១០៥ម៉ែត្រ។

    ឯកឧត្តមទេសរដ្ឋមន្ត្រី បានឱ្យដឹងថា គម្រោងខាងលើនេះ បានស្ថាបនាច្រាំងការពារការហូរច្រោះទឹកជំនន់ និងត្រូវបានស្ថាបនាជាប្រភេទស្ពានបេតុងក្រាលកៅស៊ូ AC កម្រាស់ ១០សង់ទីម៉ែត្រ។ គម្រោងសាងសង់ស្ពានទាំង ៧កន្លែងនេះ គឺជាហិរញ្ញប្បទានឥតសំណងពីរដ្ឋាភិបាលនៃប្រទេសជប៉ុន ជូនដល់រាជរដ្ឋាភិបាលកម្ពុជា ។

  ស្ពានទាំង៧កន្លែងនេះ បានបើកការដ្ឋានសាងសង់កាលពីអំឡុងខែមិថុនាឆ្នាំ ២០១៨ និងបានបញ្ចប់ការសាងសង់នៅអំឡុងខែធ្នូ ឆ្នាំ២០២០ ប្រើប្រាស់រយៈពេលសាងសង់ចំនួន ២៩ខែ សាងសង់ដោយ ក្រុមហ៊ុន Hazama Ando Corporation និងត្រួតពិនិត្យលក្ខណៈបច្ចេកទេសដោយក្រុមហ៊ុនទីប្រឹក្សាបច្ចេក ទេស CTI Engineering International Co., Ltd. បានចំណាយថវិកាអស់ប្រមាណ ៣៥លានដុល្លារអាមេរិក ។

   ឯកឧត្តមទេសរដ្ឋមន្ត្រី ស៊ុន ចាន់ថុល បានឱ្យដឹងថា សមិទ្ធផលថ្មីនេះ គឺជាចំណងដៃដ៏ថ្លៃថ្លាមិនអាចកាត់ថ្លៃបាន ដែលកើតចេញពីចំណងមិត្តភាព និងកិច្ចសហ ប្រតិបត្តិការរវាង រាជរដ្ឋាភិបាលកម្ពុជា និងរដ្ឋាភិបាលនៃប្រទេសជប៉ុន ជូនដល់បង ប្អូនប្រជាពលរដ្ឋខេត្តក្រចេះ ខេត្តព្រៃវែង ព្រមទាំងបងប្អូនប្រជាពលរដ្ឋនៅទូទាំងប្រទេស ដើម្បីប្រើប្រាស់ជាប្រយោជន៍ទូទៅ និងយូរអង្វែង។

  ឯកឧត្តមទេសរដ្ឋមន្ត្រី បានលើកឡើងថា ការសាងសង់ឡើងវិញនូវស្ពានទាំង៧ កន្លែងនេះ គឺដើម្បីឆ្លើយតបទៅនឹងឥទ្ធិពលនៃគ្រោះមហន្តរាយទឹកជំនន់ ដែលតែងតែកើតឡើងជារៀងរាល់ឆ្នាំនៅក្នុងអំឡុងរដូវ វស្សា ដែលបានបំផ្លាញយ៉ាងធ្ងន់ធ្ងរដល់ហេដ្ឋារចនាសម្ព័ន្ធផ្លូវ-ស្ពាន និងបង្កផលលំបាកផ្សេងៗដល់ការធ្វើចរាចរណ៍ឆ្លងកាត់ភូមិសាស្រ្តនៃខេត្តទាំងពីរ។ នាពេលបច្ចុប្បន្ន ស្ពានទាំង៧កន្លែងនេះ បានក្លាយ ជាផ្នែកមួយនៃការតភ្ជាប់ និងគាំទ្រដល់ខ្សែផ្លូវជាតិចំនួនពីរ គឺផ្លូវជាតិលេខ៧៣ ខេត្ត ក្រចេះ និងផ្លូវជាតិលេខ១១ ខេត្តព្រៃវែង ដែលជាខ្សែផ្លូវមានភាពមមាញឹកខ្លាំងសម្រាប់ការធ្វើចរាចរណ៍ដឹកជញ្ជូនគ្រប់ប្រភេទ និងជាខ្សែផ្លូវតភ្ជាប់របៀងសេដ្ឋកិច្ចកណ្តាល និងរបៀងសេដ្ឋកិច្ចខាងត្បូង។

    សូមបញ្ជាក់ថា កាលពីថ្ងៃទី០៧ ខែកុម្ភៈ សម្តេចតេជោ ហ៊ុន សែន បានអញ្ជើញមក កាន់ខេត្តក្រចេះម្តងហើយ ដើម្បីសម្ពោធដាក់ឱ្យប្រើប្រាស់កំណាត់ផ្លូវជាតិលេខ៧ ប្រវែងជាង ៩៣គីឡូម៉ែត្រ ជាជំនួយរបស់រដ្ឋាភិបាលចិន៕

(សូមអានបន្ត)

ឯកឧត្តម ឃួង ស្រេង អញ្ជើញចូលរួមក្នុងពិធីបើកការដ្ឋានសាងសង់មណ្ឌលព្យាបាលជំងឺកូវីដ១៩ តេជោសន្តិភាពរាជធានីភ្នំពេញ

 ភ្នំពេញ :នៅរសៀលថ្ងៃទី១៤ ខែកុម្ភៈ ឆ្នាំ២០២២ រដ្ឋបាលរាជធានីភ្នំពេញ បានរៀបចំពិធី ក្រុងពលី សុំម្ចាស់ទឹកម្ចាស់ដី ដើម្បីសាងសង់មណ្ឌលព្យាបាលជំងឺកូវីដ១៩ តេជោសន្តិភាព រាជធានីភ្នំពេញ ស្ថិតនៅបឹងតាមោក(ទំនប់កប់ស្រូវ) ក្នុងសង្កាត់គោករការ ខណ្ឌព្រែកព្នៅ ដោយមានការអញ្ជើញចូលរួមពីសំណាក់ ឯកឧត្តម ឃួង ស្រេង អភិបាលនៃគណៈអភិបាល រាជធានីភ្នំពេញ និងឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ។

 មន្ត្រីជំនាញរដ្ឋបាលរាជធានីភ្នំពេញបានបញ្ជាក់ថា មណ្ឌលព្យាបាលជំងឺ កូវីដ.១៩នេះមានឈ្មោះថា តេជោសន្តិភាពរាជធានីភ្នំពេញ ដែលត្រូវសាងសង់ចំនួន១១អគារ លើផ្ទៃដីជាង៧ហិកតា ស្ថិតនៅក្នុងភូមិកប់ស្រូវធំ សង្កាត់គោករកា ខណ្ឌព្រែកព្នៅ ដែល នឹងត្រូវសាងសង់ឱ្យបានរួចរាល់ក្នុងរយៈពេល១ឆ្នាំ។ 

មន្ត្រីជំនាញរូបនោះបានបន្តថា ការសាងសង់មណ្ឌលព្យាបាលជំងឺកូវីដ.១៩នេះ ដើម្បីបំពេញតម្រូវការចាំបាច់ ក្នុងការ ព្យាបាលអ្នកជំងឺកូវីដ.១៩ ជូនប្រជាពលរដ្ឋ ពិសេសពលរដ្ឋនៅក្នុងរាជធានីភ្នំពេញ ខណៈដែលជំងឺផ្លូវដង្ហើមដ៏កាចសាហាវ (មេរោគបំប្លែងខ្លួនថ្មី អូមីក្រុង) កំពុងរីករាល ដាលយ៉ាងឆាប់រហ័សចូលក្នុងសហគមន៍។ 

 ការចាប់ផ្តើមដំណើរការសាងសង់មណ្ឌលព្យាបាលជំងឺកូវីដ.១៩ នាពេលនេះ បាន បង្ហាញឱ្យឃើញពីការគិតគូរបស់អាជ្ញាធររាជធានីភ្នំពេញ តាមប្រសាសន៍ណែនាំរបស់ សម្តេចតេជោ ដើម្បីផ្តល់សេវាសុខាភិបាលជូនប្រជាពលរដ្ឋ ក្នុងដំណាក់កាលនៃការ រីករាលដាលជំងឺកូវីដ.១៩ ដែលយើងមិនដឹងថាវានឹងបញ្ចប់នៅពេលណា ដូច្នេះយើងត្រូវរៀន រស់តមរបត់ថ្មីនៃសម័យកូវីដ១៩ ហើយអគារមណ្ឌលព្យាបាល ជំងឺកូវីដ.១៩ នេះក៏ជា សមិទ្ធផលថ្មីដែលនឹងកើតចេញជារូបរាងនៅដើមឆ្នាំ២០២២នេះ៕ 

(សូមអានបន្ត)

សម្តេចតេជោ ហ៊ុន សែន អញ្ជើញដឹកនាំគណ:ប្រតិភូកម្ពុជាត្រឡប់មកដល់ប្រទេសកម្ពុជាវិញហើយ

នៅរាត្រីថ្ងៃអាទិត្យទី១៣ ខែកុម្ភៈ ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់កម្ពុជាអញ្ជើញមកដល់ប្រទេសកម្ពុជាវិញហើយ ដោយសុវត្តិភាព បន្ទាប់ពីបានអញ្ជើញទៅបំពេញទស្សនកិច្ចនៅប្រទេសកូរ៉េខាងត្បូង និងអញ្ជើញធ្វើជាសហប្រធាននៃកិច្ចប្រជុំកំពូលសន្តិភាពពិភពលោកឆ្នាំ២០២២ ប្រកបដោយលទ្ធផលយ៉ាងត្រចះត្រចង់នោះ ។

កិច្ចប្រជុំកំពូលសន្តិភាពពិភពលោកឆ្នាំ២០២២នេះ គឹក្រោមមូលបទ «ឆ្ពោះទៅកាន់សន្តិភាពនៅឧបទ្វីបកូរ៉េ» ដែលបានធ្វើឡើងនៅទីក្រុងសេអ៊ូល ប្រទេសកូរ៉េ។ នៅក្នុងកិច្ចប្រជុំកំពូលសន្តិភាពពិភពលោកឆ្នាំ២០២២នេះ មានការចូលរួមពីបណ្តាវាគ្មិនសំខាន់ៗ និងអ្នកចូលរួមមកពី ១៥៧ប្រទេស ដើម្បីស្វែងរកក្តីសង្ឃឹមក្នុងការបង្រួបបង្រួមឧបទ្វីបកូរ៉េប្រកបដោយសន្តិវិធី។

វត្តមានដ៏ខ្ពង់ខ្ពស់របស់សម្តេចតេជោនាយករដ្ឋមន្រ្តី លើទឹកដីកូរ៉េរយ:ពេល៣ថ្ងៃនេះ បានលើកស្ទួយនិងផ្សព្វផ្សាយនូវវិសាលភាពសន្តិភាព មិនត្រឹមតែសម្រាប់ឧបទ្វីបកូរ៉េទេប៉ុណ្ណោះនោះទេ គឺបានទៅកាន់ពិភពលោកទាំងមូលផងដែរ ហើយពានរង្វាន់សន្តិភាពស៊ុនហាក់ ឆ្នាំ២០២២ ដែលសម្តេចតេជោបានទទួលកាលពីម្សិលមិញនេះ គឺជាកិត្តិយស និងមោទនភាពនៃកម្ពុជាទាំងមូល និងពិតជាស័ក្តិសមសម្រាប់មេដឹកនាំដែលបានពុះពារគ្រប់ឧបសគ្គទាំងឡាយ ដោយយកជីវិតធ្វើដើមទុន ដើម្បីស្វែងរកសន្តិភាពសម្រាប់ប្រទេសជាតិ៕

(សូមអានបន្ត)