លោក ហ៊ុន ម៉ាណែត លើកទឹកចិត្តដល់វិស័យឯកជនបង្កើតផលិតផលទេសចរណ៍ថ្មីៗ ដើម្បីស្ដារវិស័យនេះឱ្យរីកចម្រើនទៅមុខ

(ភ្នំពេញ)៖ លោក ហ៊ុន ម៉ាណែត បានលើកទឹកចិត្តដល់វិស័យឯកជនចូលរួមក្នុងការអភិវឌ្ឍវិស័យទេសចរណ៍កម្ពុជា ពិសេសគឺការបង្កើតផលិតផលទេសចរណ៍ថ្មីៗ ដើម្បីបម្រើដល់សេចក្ដីត្រូវការរបស់ភ្ញៀវទេសចរ ក៏ដូចជាដើម្បីស្ដារវិស័យទេសចរណ៍ជាតិឱ្យកាន់តែរីកលូតលាស់ទៅមុខ ខណៈរាជរដ្ឋាភិបាលក៏បានដាក់ចេញនូវផែនការមេអភិវឌ្ឍវិស័យទេសចរណ៍រួចមកហើយដែរ។

(សូមអានបន្ត)

សល់តែ ៣៤ថ្ងៃទៀតប៉ុណ្ណោះ ! កម្ពុជានឹងធ្វើជាម្ចាស់ផ្ទះនៃព្រឹត្តិការណ៍កីឡាស៉ីហ្គេមលើកទី៣២

(ភ្នំពេញ)៖ គិតត្រឹមថ្ងៃទី១ ខែមេសា ឆ្នាំ២០២៣នេះ សល់រយៈពេលតែ ៣៤ថ្ងៃទៀតប៉ុណ្ណោះ នៃដំណើរឆ្ពោះទៅធ្វើម្ចាស់ផ្ទះ នៃការប្រកួតកីឡាស៊ីហ្គេម លើកទី៣២ ដែលត្រូវប្រារព្ធពិធីបើកការប្រកួត នាថ្ងៃទី០៥ ខែឧសភា ឆ្នាំ២០២៣ខាងមុខ។ ការធ្វើជាម្ចាស់ផ្ទះនៃព្រឹត្តិការណ៍កីឡាស៉ីហ្គេម និងអាស៊ានប៉ារ៉ាហ្គេម គឺជាមោទនភាព និងមុខមាត់សម្រាប់ប្រទេស និងប្រជាជនកម្ពុជាទាំងមូល ដែលបានរង់ចាំអស់រយៈពេល ៦៤ឆ្នាំមកហើយ។

(សូមអានបន្ត)

សម្ដេចនាយករដ្ឋមន្ត្រី ហ៊ុន សែន អញ្ជើញជាអធិបតី បើកកិច្ចប្រជុំពេញអង្គគណៈរដ្ឋមន្ត្រី ប្រចាំសប្តាហ៍

ភ្នំពេញ ថ្ងៃទី៣១ ខែមីនា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតីបើកកិច្ចប្រជុំពេញអង្គគណៈរដ្ឋមន្ត្រី ប្រចាំសប្តាហ៍ នៅវិមានសន្តិភាព រាជធានីភ្នំពេញ នាព្រឹកថ្ងៃទី៣១ ខែមីនា ឆ្នាំ២០២៣ ។

(សូមអានបន្ត)

ឯកឧត្តម គួច ចំរើន បិទវគ្គបណ្ដុះបណ្ដាលដល់មន្ត្រីត្រួតពិនិត្យ មន្ត្រីសម្ភាសន៍ជំរឿនកសិកម្មឆ្នាំ២០២៣

ព្រះសីហនុ: ថ្ងៃទី៣១ ខែមីនា ​ឆ្នាំ២០២៣ រសៀលថ្ងៃព្រហស្បតិ៍ ៩កើត ខែចែត្រ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៣០ ខែមីនា ឆ្នាំ២០២៣ ឯកឧត្តម គួច ចំរើន អភិ បាល នៃ​គណៈអភិបាលខេត្តព្រះសីហនុ បានអញ្ញើញបិទវគ្គបណ្ដុះបណ្ដាលដល់មន្ត្រីត្រួតពិនិត្យ មន្ត្រីសម្ភាសន៍ជំរឿនកសិកម្មខេត្តព្រះសីហនុ ឆ្នាំ២០២៣ នៅមន្ទីរផែនការ ស្ថិតនៅសង្កាត់ លេខ១ ក្រុងព្រះសីហនុ ដែលវគ្គបណ្តុះបណ្តាលនេះ មានរយៈពេល៤ថ្ងៃ ចាប់ពីថ្ងៃទី២៧ ដល់ថ្ងៃទី៣០ ខែមីនា ឆ្នាំ២០២៣ មានសិក្ខាកាម និងគ្រូឧទ្ទេសសរុបចំនួន ៥២នាក់។

ឯកឧត្តម គួច ចំរើន មានប្រសាសន៍សំណេះសំណាលជាមួយសិក្ខាកាម ដែលបានចូលរួមក្នុងវគ្គបណ្តុះបណ្តាលថ្នាក់ខេត្ត ស្ដីពីជំរឿនកសិកម្មនៅព្រះរាជាណាចក្រកម្ពុជា ឆ្នាំ២០២៣ ដល់មន្ត្រីសម្របសម្រួលថ្នាក់ខេត្ត មន្ត្រីត្រួតពិនិត្យ និងមន្ត្រីសម្ភាសន៍ ដែលបានចូលរួមវគ្គបណ្ដុះបណ្ដាលដ៏មានសារៈសំខាន់ និងបានលើកទឹកចិត្ត ការខិតខំប្រឹងប្រែងរបស់លោកប្រធានមន្ទីរផែនការខេត្ត និងក្រុមលេខាធិការសម្រាប់អនុវត្តការងារជំរឿនកសិកម្មឆ្នាំ២០២៣ ។

ជំរឿនកសិកម្មត្រូវបានរៀបចំរៀងរាល់ ១០ឆ្នាំម្ដង។ គណៈកម្មាធិការជាតិជំរឿនកសិកម្មឆ្នាំ២០២៣ សម្រេចកំណត់កាលបរិច្ឆេទយោង នៃជំរឿនកសិកម្មចាប់ពីថ្ងៃទី១ ដល់ថ្ងៃ៣០ ខែមេសា ឆ្នាំ២០២៣ មានការសហការដោយវិទ្យាស្ថានជាតិស្ថិតិនៃក្រសួងផែនការ, ក្រសួងកសិកម្មរុក្ខាប្រមាញ់ និងនេសាទ, និងអង្គការ FAO ។

ឯកឧត្តម អភិបាលខេត្តបានបន្តថា វគ្គបណ្តុះបណ្តាលមន្ត្រីជំរឿនកសិកម្ម ជាលើកទី២ ឆ្នាំ២០២៣ ជំរឿនកសិកម្មធ្វើឡើងក្នុងគោលបំណងប្រមូល ទទួលបានទិន្នន័យ ស្តីពីប្រភេទទំហំ នៃអង្គភាពកសិកម្ម សហគ្រាស កសិដ្ឋានកសិកម្ម និងគ្រួសារកាន់កាប់កសិកម្ម ក្នុងព្រះរាជាណាចក្រកម្ពុជា ។ ពិសេសខេត្តព្រះសីហនុ សម្រាប់រៀបចំគោលនយោបាយយុទ្ធសាស្ត្រ ផែន ការសកម្មភាព និងគម្រោងនានា ជំរុញកិច្ចអភិវឌ្ឍន៍វិស័យកសិកម្ម សេដ្ឋកិច្ច សង្គម បរិស្ថាន វប្បធម៌ សុខុមាលភាពប្រជាពលរដ្ឋ និងការប្រែប្រួលអាកាសធាតុ។ ផ្តល់ទិន្នន័យកម្រិតតំបន់ មូលដ្ឋានឃុំ សង្កាត់ ដោយជ្រើសរើសមន្ត្រីជំរឿនខេត្តព្រះសីហនុ ហើយឃុំណា ត្រូវការជ្រើសរើសផ្នែកវារីវប្បកម្ម និងឃុំណា ត្រូវការផ្នែកក្សេតសាស្ត្រ ដើម្បីធ្វើការវាយតម្លៃជាការចាំបាច់ អ្នកដែលមានភារកិច្ចក្នុងការចុះធ្វើជំរឿនកសិកម្ម ។

សូមយកចិត្តទុកដាក់ប្រមូលយកទិន្នន័យ ដើម្បីដាក់ចេញនូវគោលការណ៍មួយចំនួនសម្រាប់អនុវត្ត បើយើងដាក់គោលនយោបាយមិនត្រឹមត្រូវ ចំពោះផលិតផលរបស់ប្រជាកសិករ ដែលមិនមានទីផ្សារ ដើម្បីឈានទៅលើកកម្ពស់ជីវភាពរបស់បងប្អូនប្រជាពលរដ្ឋ ឱ្យបានល្អប្រសើរ។ ដូច្នេះយើងត្រូវមានឆន្ទៈ ក្នុងការប្រមូល ព័ត៌មាន វាយតម្លៃគោលនយោបាយកសិកម្មឱ្យបានល្អប្រសើរ ដើម្បីរួមចំណែកកំណើនសេដ្ឋកិច្ចជាតិរបស់យើង ហើយការដាក់ចេញផែនការរួមគ្នាក្នុងបេសកកម្ម បានចូលរួមចំណែកជាមួយរាជរដ្ឋាភិបាល ក្នុងការដោះស្រាយវិស័យកសិកម្មកម្ពុជា ប្រសិនបើមន្ត្រីរបស់យើងចុះប្រមូលព័ត៌មានត្រឹមត្រូវ វានឹងផ្តល់អត្ថប្រយោជន៍ដល់យើងទាំងអស់គ្នានាពេលខាងមុខ និងនាំមកនូវភាពរីកចម្រើន នៃការជំរឿនប្រមូលទិន្នន័យកសិកម្មរបស់ខេត្តព្រះសីហនុ ។

ក្នុងឱកាសនោះឯកឧត្តម អភិបាលខេត្ត ក៏បាននាំយកថវិកាសម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ឧបត្ថម្ភដល់សិក្ខាកាម និងគ្រូឧទ្ទេសសរុបចំនួន ៥២នាក់ ក្នុងម្នាក់ទទួលបានថវិកា ២០ម៉ឺនរៀល ៕

(សូមអានបន្ត)

ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញប្រគល់វិញ្ញាបនបត្រ និងសញ្ញាបត្រជូនសិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រ

 

(ភ្នំពេញ)៖ ព្រឹកថ្ងៃព្រហស្បតិ៍ ទី៣០ ខែមីនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រជាង ៦ពាន់នាក់ បន្ទាប់ពីពួកគេបានបញ្ចប់ការសិក្សាដោយជោគជ័យ។ ពិធីនេះរៀបចំឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ។

ក្នុងឱកាសសម្តេចតេជោ ហ៊ុន សែន បានថ្លែងសុន្ទរកថាសំណេះសំណាលប្រមាណជិត១៖៣០នាទី, ខាងក្រោមជាខ្លឹមសារសំខាន់ៗរបស់សម្តេច៖

* សម្តេចតេជោ ហ៊ុន សែន សុំការយោគយល់ និងអធ្យាស្រ័យចំពោះការខកខានមិនបានចូលរួមបើកបវេសនកាលសភា។ សម្តេចតេជោ ហ៊ុន សែន បានថ្លែងថា ការខកខាននេះ ដោយសារការជូនដំណឹងពីរដ្ឋសភាយឺតជាងកម្មវិធីការងាររបស់សម្តេច។ សម្តេចតេជោស្នើសុំសភាទម្លាក់កម្មវិធីបានលឿនបន្តិច ដ្បិតសម្តេចមានការងារច្រើន។

* សម្តេចតេជោ ហ៊ុន សែន បានថ្លែងថា ការបណ្តុះបណ្តាលធនធានមនុស្សនៅកម្ពុជា មិនមែនទើបចាប់ផ្តើមនៅពេលនេះឡើយ ពោលបានគិតគូរចាប់តាំងពីក្រោយថ្ងៃរំដោះ៧ មករា ១៩៧៩ មកម្ល៉េះ។

* សម្តេចតេជោ ហ៊ុន សែន បានថ្លែងថា ការអញ្ជើញចែកសញ្ញាបត្ររបស់លោកបណ្ឌិត ហ៊ុន ម៉ាណែត នៅតាមគ្រឹះស្ថានអប់រំនានា គឺត្រូវស្តង់ដារយុវជនចង់បាន។

* សម្តេចតេជោ ហ៊ុន សែន បានថ្លែងថា យុវជនសម័យនេះមានឱកាសច្រើន បើធៀបនឹងយុវជនសម័យមុន។ យុវជនសម័យមុនបាត់បង់ឱកាស ហើយត្រូវរបួសពិការថែមទៀតផង។ ជំនាញដែលត្រូវបានបណ្តុះបណ្តាលនាពេលនោះ គឺការប្រយុទ្ធគ្នា។

* សម្តេចតេជោ ហ៊ុន សែន បានថ្លែងថា ពីមុនហ្វឹកហាត់ដើម្បីប្រយុទ្ធ ដើម្បីកម្ទេចគ្នា ប៉ុន្តែការហ្វឹកហាត់នាពេលបច្ចុប្បន្ន ដើម្បីទទួលការអភិវឌ្ឍន៍។

* សម្តេចតេជោ ហ៊ុន សែន បានថ្លែងថា ខ្មែរកាន់តែសម្បូរជំនាញ នឹងទាក់ទាញអ្នកវិនិយោគកាន់តែខ្លាំង។

* សម្តេចតេជោ ហ៊ុន សែន បានបញ្ជាក់ថា បច្ចុប្បន្នកម្ពុជា អាចផលិតស៊ីម៉ង់តិ៍ បានប្រមាណ ៩លានតោន។

* សម្តេចតេជោ ហ៊ុន សែន បានថ្លែងរំលឹកថា សម័យកាលកូវីដ១៩ បានធ្វើឱ្យកម្ពុជាមានការវិវឌ្ឍផ្នែកឌីជីថលយ៉ាងលឿនរហ័ស។ សម្តេចតេជោ ហ៊ុន សែន បានណែនាំ និងជំរុញឱ្យអភិវឌ្ឍន៍ផ្នែកឌីជីថល ឱ្យកាន់តែខ្លាំងបន្ថែមទៀត។

* សម្តេចតេជោ ហ៊ុន សែន បានថ្លែងថា សន្តិភាព បានផ្តល់ឱកាសឱ្យមនុស្សគ្រប់គ្នាជា ពិសេសគឺយុវជន។ មិនដូចយុវជនជំនាន់មុននោះឡើយ។

* សម្តេចតេជោ ហ៊ុន សែន បានថ្លែងថា ទោះបីមានការព្រមានពីវិបត្តិសេដ្ឋកិច្ចសាកលយ៉ាងណាក្តី តែកម្ពុជាទាន់ដល់កម្រិតអត់លុយក្នុងធនាគារនោះទេ។ សម្តេចតេជោ អំពាវនាវកុំឱ្យស្លន់ស្លោ ហើយនាំគ្នាទៅដកលុយពីធនាគារនោះឡើយ។

* សម្តេចតេជោ ហ៊ុន សែន បានថ្លែងថា រុស្ស៉ី មិនអាចកម្ទេចអ៊ុយក្រែន ហើយអ៊ុយក្រែន មិនអាចកម្ទេចរុស្ស៉ីបាននោះឡើយ។ សម្តេចតេជោ ហ៊ុន សែន បានថ្លែងរំពឹងថា សង្គ្រាមរុស្ស៉ី និងអ៊ុយក្រែន នឹងឈានដល់ការបញ្ចប់។ ការបញ្ចប់នោះ គឺដោយការចរចា មិនមែនយកសង្គ្រាម ទៅបញ្ចប់នោះឡើយ។

* សម្តេចតេជោ ហ៊ុន សែន បានបង្ហាញក្តីបារម្ភចំពោះការប្រែប្រួលអាកាសធាតុ ដែលមានការវិវឌ្ឍកាន់តែធ្ងន់ធ្ងរ។

* សម្តេចតេជោ ហ៊ុន សែន បានថ្លែងថា កម្ពុជាបានឆ្លងផុតសេដ្ឋកិច្ចផ្គត់ផ្គង់ខ្លួនឯង ឈានដល់សេដ្ឋកិច្ចពាណិជ្ជកម្មហើយ។

* សម្តេចតេជោ ហ៊ុន សែន បានថ្លែងរំពឹងថា ប្រជាពលរដ្ឋខ្មែរ នឹងមិនលង់ជឿក្រុមប្រឆាំង រឿងកំណត់តម្លៃទំនិញលើទីផ្សារ ដែលជាសេដ្ឋកិច្ចបែបកុម្មុយនិស្តនោះឡើយ។

* សម្តេចតេជោ ហ៊ុន សែន បានថ្លែងថា ពេលនេះសម្តេចបំបែកឯកទគ្គកម្មពិភពលោកអស់ហើយ ខាងធ្វើយូរជាងគេ។

* សម្តេចតេជោ ហ៊ុន សែន ថ្លែងរំលឹកថា មន្ត្រីខ្លះឱ្យភរិយារៀបចំហុងស៊ុយកន្លែងធ្វើការ លូកលាន់កិច្ចការរបស់ប្តី ចុងក្រោយបាត់បង់អស់តំណែង។ សម្តេចតេជោ ហ៊ុន សែន រំលឹកមន្ត្រីកុំឱ្យភរិយា និងកូនយកតួនាទី និងអំណាចទៅប្រើ

* សម្តេចតេជោ ហ៊ុន សែន៖ បក្សប្រឆាំង នឹងយកការធ្លាក់សេដ្ឋកិច្ចរបស់កម្ពុជា បណ្តាលពីវិបត្តិសាកលធ្វើជាប្រធានបទវាយប្រហារការដឹកនាំរបស់រាជរដ្ឋាភិបាល

* សម្តេចតេជោ ហ៊ុន សែន បានថ្លែងបង្ហើបថា នាយករដ្ឋមន្ត្រីម៉ាឡេស៊ី បង្ហើបពីផែនការរបស់ក្រុមប្រឆាំងចង់យកទឹកដីម៉ាឡេស៊ី ធ្វើសកម្មភាពប្រឆាំងនឹងកម្ពុជា។

* សម្តេចតេជោ ហ៊ុន សែន បានថ្លែងឲ្យដឹងពីភាពរវល់ការងាររបស់សម្តេច ដោយសម្តេចថ្លែងថា នៅថ្ងៃទី០៤ ខែមេសាខាងមុខនេះ សម្តេចនឹងអញ្ជើញទៅកាន់ទីក្រុងវៀងច័ន្ទ ប្រទេសឡាវ ដើម្បីចូលរួមកិច្ចប្រជុំកំពូលគណៈកម្មាធិការអន្តរជាតិទន្លេមេគង្គ និងនៅខែឧសភាខាងមុខ សម្តេចនឹងអញ្ជើញទៅកាន់ទីក្រុងយ៉ាកាតា ប្រទេសឥណ្ឌូណេស៊ី ដើម្បីចូលរួមកិច្ចប្រជុំកំពូលអាស៊ាន។

(សូមអានបន្ត)

ព្រះមហាក្សត្រកោតសរសើររដ្ឋសភា និងរាជរដ្ឋាភិបាល ដែលបានបំពេញតួនាទីយ៉ាងធំធេង ក្នុងនាមព្រះរាជាណាចក្រកម្ពុជា ទទួលធ្វើជាម្ចាស់ផ្ទះ រៀបចំកិច្ចប្រជុំធំៗនានា

ភ្នំពេញ :ថ្ងៃទី៣០ ខែមីនា ឆ្នាំ២០២៣ ព្រះករុណា ព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជាមានព្រះបន្ទូលកោតសរសើររដ្ឋសភា និងរាជរដ្ឋាភិបាល ដែលបានបំពេញតួនាទីយ៉ាងធំធេង ក្នុងនាមព្រះរាជាណាចក្រកម្ពុជា ទទួលធ្វើជាម្ចាស់ផ្ទះ រៀបចំកិច្ចប្រជុំធំៗនានាកន្លងមក។

យោងតាមព្រះសាររបស់ព្រះមហាក្សត្រក្នុងពិធីបើកបវេសនកាលរដ្ឋសភា ដែលប្រារព្ធ ឡើងក្នុងសម័យប្រជុំ រដ្ឋសភាលើកទី៩ នីតិកាលទី៦ នៅថ្ងៃទី៣០ ខែមីនា ឆ្នាំ២០២៣ ព្រះ មហាក្សត្រ ព្រះអង្គបានមានព្រះបន្ទូលថា «ទូលព្រះបង្គំ ខ្ញុំព្រះករុណាខ្ញុំ ក៏មានហឫទ័យសោមនស្សរីករាយផងដែរ ដោយបានឃើញថា ជិតសាមសិបឆ្នាំកន្លងមកនេះ គិតចាប់ពីការបោះឆ្នោតទូទៅឆ្នាំ១៩៩៣មក ប្រជាជាតិកម្ពុជាយើង សម្រេចបានការថែរក្សា ការពង្រឹង ការគោរពរបបរាជានិយមប្រជាធិបតេយ្យ សេរីពហុបក្ស ព្រមទាំងបានអភិវឌ្ឍប្រទេសជាតិ ឱ្យមានការរីកចម្រើនលើគ្រប់វិស័យ»។ ព្រះអង្គក៏បានកោតសរសើរថ្នាក់ដឹកនាំគ្រប់ជាន់ថ្នាក់ និងជនរួមជាតិគ្រប់រូប ដែលបានខិតខំយ៉ាងស្វាហាប់ក្នុងការបំពេញរាល់ភារកិច្ចរៀងៗខ្លួនជាហេតុនាំឱ្យកើតមាននូវសមិទ្ធផល ដ៏ធំធេងហួសពីការស្មាន ក្នុងពេលបច្ចុប្បន្ន នៅលើទឹកដីនៃព្រះរាជាណាចក្រកម្ពុជា ជាទីស្នេហា នៃយើង។

ក្នុងព្រះរាជសារព្រះអង្គក៏បានគូសបញ្ជាក់ថា៖ «ទូលព្រះបង្គំ ខ្ញុំព្រះករុណា ខ្ញុំសូមកោតសរសើរដល់រដ្ឋសភា ដែលបានអនុម័តច្បាប់ សំខាន់ៗចំនួន១០៩ ក្នុងនីតិកាលទី៦នេះ ជាឧបករណ៍បំពេញបន្ថែមទៅលើច្បាប់ ដែលបានអនុម័តរួច នៅនីតិកាលមុនៗ និងជាការបំពេញបន្ថែមដ៏មានសារៈសំខាន់បំផុត សម្រាប់ធានានូវនិរន្តរភាព នៃដំណើរឈានឡើង និងកែលម្អលទ្ធិប្រជាធិបតេយ្យអាស្រ័យធម្មនុញ្ញរបស់យើង»។

ក្នុងឱកាសនោះដែរ ព្រះអង្គបានមានព្រះបន្ទូលទៀតថា ក្រៅពីការតាក់តែងច្បាប់ខាងលើ ថ្នាក់ដឹកនាំរដ្ឋសភា ដែលមាន សម្តេចអគ្គមហាពញាចក្រី ប្រធានរដ្ឋសភា, ឯកឧត្តមកិត្តិសេដ្ឋាបណ្ឌិតអនុប្រធានទី១, លោកជំទាវកិត្តិសង្ខហបណ្ឌិត អនុប្រធានទី២ ព្រមទាំងសម្តេច ឯកឧត្តម លោកជំទាវ ជាសមាជិក សមាជិការដ្ឋសភាទាំងអស់ បានខិតខំយកអស់កម្លាំងកាយចិត្តចុះសួរសុខទុក្ខប្រជាពលរដ្ឋ នៅតាមមណ្ឌលដែលខ្លួនទទួលខុសត្រូវយ៉ាងសស្រោកសសាំ និងបាននាំយកនូវសំណូមពរ និងក្តីកង្វល់របស់ប្រជាពលរដ្ឋ រួមគ្នាដោះស្រាយទៅតាមនីតិវិធីបានយ៉ាងល្អប្រសើរ។

ជាមួយគ្នានោះដែរ ព្រះមហាក្សត្រសូមកោតសរសើររដ្ឋសភា និងរាជរដ្ឋាភិបាល ដែល បានបំពេញតួនាទីយ៉ាងធំធេង ក្នុងនាមព្រះរាជាណាចក្រកម្ពុជា ទទួលធ្វើជាម្ចាស់ផ្ទះ រៀបចំ កិច្ចប្រជុំធំៗនានាកន្លងទៅនេះ ជាអាទិ៍កិច្ចប្រជុំកំពូលអាស៊ាន មហាសន្និបាតអន្តរសភាអា ស៊ាន និងកិច្ចប្រជុំពាក់ព័ន្ធជាច្រើនទៀត។

ព្រះអង្គបានបន្ថែមថា ភាពជោគជ័យដ៏មហោឡារិកនេះ គឺបាននាំមកនូវកិត្យានុភាពជូន ជាតិមាតុភូមិនៅលើឆាកអន្តរជាតិ ជាពិសេសការពង្រឹងពង្រីកវិស័យការទូត កិច្ចសហប្រតិបត្តិការ ជាមួយបណ្តាប្រទេសជាមិត្តឱ្យកាន់តែទូលំទូលាយ និងគ្រប់ជ្រុងជ្រោយ។

ព្រះមហាក្សត្រ ព្រះអង្គក៏បានមានព្រះបន្ធួលយ៉ាងដូច្នេះថា៖ «ទូលព្រះបង្គំ ខ្ញុំព្រះករុណាខ្ញុំសូមកោតសរសើរចំពោះទេពកោសល្យនៃការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការ ដោះស្រាយដោយជោគជ័យនូវភាពលំបាកផ្ទួនៗឥតឈប់ឈរជាច្រើន។ ជាក់ស្តែងការស្ដារសេដ្ឋកិច្ចជាតិ ក្រោយវិបត្តិ នៃជំងឺកូវីដ-១៩ និងរបស័កកម្មសំខាន់ៗលើការងារថែរក្សា សន្តិភាព ឯករាជ្យ ជូនប្រទេសជាតិ និងជូនប្រជាពលរដ្ឋ បានរស់នៅដោយស្មើភាព ស្មើសិទ្ធិ និងសុខដុម រមនា»។

ឆ្លៀតឱកាសដ៏មហោឡារិកនេះ ទូលព្រះបង្គំ ខ្ញុំព្រះករុណា ខ្ញុំ សូមថ្វាយ-បគេន ជូនពរ សម្តេចព្រះមហាសង្ឃរាជទាំងពីរគណៈ ព្រះថេរានុត្ថេរៈគ្រប់ព្រះអង្គ បងប្អូនជនរួមជាតិទាំងអស់ នៅក្នុងឱកាសចូលឆ្នាំថ្មីប្រពៃណីជាតិខាងមុខ សូមបានប្រកបដោយសុខភាពល្អ សុភមង្គល សិរីសួស្តីគ្រប់ក្រុមគ្រួសារ និងត្រៀមលក្ខណៈចូលរួមការបោះឆ្នោតជ្រើសតាំងតំណាងរាស្ត្រ នីតិកាលទី៧ ឱ្យបានគ្រប់ៗគ្នា ស្របតាមគោលការណ៍លទ្ធិប្រជាធិបតេយ្យ សេរីពហុបក្ស ដើម្បីជ្រើសរើសអ្នកដឹកនាំប្រទេសជាតិ ដែលមានចក្ខុវិស័យបន្តការអភិវឌ្ឍ ដើម្បីភាពរីកចម្រើនរុងរឿងលើគ្រប់វិស័យ ទាំងក្នុងពេលបច្ចុប្បន្ន និងទាំងតទៅអនាគត ៕ដោយ៖ ប៊ុនរិទ្ធ, ផ្សាយដោយ៖ dara

(សូមអានបន្ត)

ឯកឧត្តមបណ្ឌិត ថោង ខុន ដាក់ចេញការងារ ៧ចំណុច ដល់រដ្ឋបាលខេត្ត និងក្រុមការងាររាជរដ្ឋាភិបាល ចុះមូលដ្ឋានខេត្តកំពង់ធំ ខិតខំរួមគ្នាសម្រេចឱ្យបានក្នុងឆ្នាំ២០២៣

 កំពង់ធំ: ថ្ងៃទី២៩ ខែមីនា ឆ្នាំ២០២៣

ក្នុងឱកាសអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២២ និងលើកទិសដៅការងារឆ្នាំ២០២៣ របស់រដ្ឋបាលខេត្តកំពង់ធំ នាថ្ងៃអង្គារ ៧កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៨ ខែមីនា ឆ្នាំ២០២៣ ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពង់ធំ បានដាក់ចេញកិច្ចការណែនាំសំខាន់ៗ ៧ចំណុច ដល់រដ្ឋបាលខេត្ត និងក្រុមការងាររាជរដ្ឋាភិបាល ចុះមូលដ្ឋានខេត្តកំពង់ធំ ត្រូវខិតខំរួមគ្នាសម្រេចឱ្យបានក្នុងឆ្នាំ២០២៣នេះ។

ក្នុងឱកាសនេះ ឯកឧត្តម ងួន រតនៈ បានធ្វើរបាយការណ៍ដោយសង្ខេប ជូនអង្គពិធីអំពីកិច្ចដំណើរការ និងលទ្ធផលនៃអង្គសន្និបាត ដែលបានប្រព្រឹត្តទៅអស់រយៈពេល២ថ្ងៃ គីពីថ្ងៃទី២៧-២៨ ខែមីនា ឆ្នាំ២០២៣។

ឯកឧត្តមបណ្ឌិត ថោង ខុន បានគូសបញ្ជាក់ថា ក្រោមការដឹកនាំដ៏ឈ្លាសវៃរបស់សម្តេ ចតេជោ ហ៊ុន សែន ប្រទេសកម្ពុជាបានដាក់ចេញនូវវិធានការគ្រប់គ្រង ឆ្លើយតបនឹងវិបត្តិ និងបញ្ហាប្រឈមនានា ប្រកបដោយប្រសិទ្ធភាព និងទាន់ពេលវេលា ដើម្បីស្តារផលប៉ះពាល់នានាមកលើសេដ្ឋកិច្ច សង្គម និងជីវភាពរស់នៅរបស់ប្រជាពលរដ្ឋ បណ្តាលមកពីការឆ្លងរាតត្បាតជាសកល នៃជំងឺកូវីដ-១៩។

ឯកឧត្តមបណ្ឌិត ថោង ខុន ក៏បានដាក់ចេញកិច្ចការណែនាំសំខាន់ៗ ៧ចំណុច ដល់រដ្ឋបាលខេត្ត និងក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ រួមមាន៖ ទី១-ត្រូវបន្តខិតខំរួមគ្នាថែរក្សាការពារសុខសន្តិភាព ស្ថិរភាពនយោបាយ ការពារបូរណភាពទឹកដី អធិបតេយ្យ ភាពជាតិ ការពារព្រះមហាក្សត្រ ការពាររបបរាជានិយមអាស្រ័យរដ្ឋធម្មនុញ្ញ ការពាររាជរដ្ឋាភិបាលស្របច្បាប់ដែលកើតចេញពីការបោះឆ្នោត និងបន្តលើកកម្ពស់លទ្ធិប្រជាធិបតេយ្យ សេរីពហុបក្ស ការពារនិងលើកស្ទួយសិទ្ធិសេរីភាពរបស់ប្រជាពលរដ្ឋ និងការពង្រឹងនីតិរដ្ឋស្របតាមរដ្ឋធម្មនុញ្ញ នៃព្រះរាជាណាចក្រកម្ពុជា ដើម្បីបន្តអភិវឌ្ឍន៍ប្រទេសជាតិឱ្យមានការរីកចម្រើនលើគ្រប់វិស័យជាបន្តទៀត។ ទី២- ត្រូវខិតខំរួមសហការគ្នា អនុវត្តឱ្យបានត្រឹមត្រូវស្របតាមច្បាប់ បទបញ្ជានិងនីតិវិធីនៃការបោះឆ្នោត និងលើកកម្ពស់ការរក្សាសន្តិសុខ សណ្តាប់ធ្នាប់ និងសុវត្ថិភាពក្នុងដំណើរការបោះឆ្នោតទាំងមូល សំដៅរួមគ្នាធានាឱ្យការបោះឆ្នោតជាតិ លើកទី៧ នាថ្ងៃទី២៣ ខែកក្កដា ឆ្នាំ២០២៣ខាងមុខនេះ ប្រព្រឹត្តទៅប្រកបដោយលក្ខណៈសេរី ត្រឹមត្រូវ យុត្តិធម៌ និងមានសុវត្ថិភាពល្អ។ ទី៣-រដ្ឋបាលខេត្តត្រូវយកចិត្តទុកដាក់លើការកសាងសមត្ថភាព និងការផ្តល់ការគាំទ្រដល់មន្រ្តីបង្គោលសំខាន់ៗ នៅថ្នាក់មូលដ្ឋាន រួមមាន៖ មេឃុំ ចៅសង្កាត់ ស្មៀន ប្រធានភូមិ នគរបាលប៉ុស្តិ៍រដ្ឋបាល មន្រ្តីសុខាភិបាលបម្រើការងារ តាមមណ្ឌលសុខភាព មន្ទីរពេទ្យបង្អែករដ្ឋតាមមូលដ្ឋាន ឱ្យគោរពវិន័យ សីលធម៌វិជ្ជាជីវៈ ដើម្បីពង្រឹងសមត្ថភាព ក្នុងការផ្តល់សេវាសាធារណៈ ជូនប្រជាពលរដ្ឋប្រកបដោយតម្លាភាព គណនេយ្យភាព មិនមានការរើសអើង និងមិនប្រកាន់និន្នាការនយោបាយ។ ទី៤-ត្រូវបន្តខិតខំកៀរគរ និងលើកទឹកចិត្តដល់ការវិនិយោគ សម្រាប់ការអភិវឌ្ឍវិស័យទេសចរណ៍ កសិឧស្សា ហកម្ម និងសហគ្រាសធុនតូច និងមធ្យម សម្រាប់បង្កើតឱកាសការងារ និងលើកកម្ពស់ជីវ ភាពរស់នៅរបស់ប្រជាពលរដ្ឋ។ ទី៥- រដ្ឋបាលខេត្ត មន្ទីរជំនាញ កម្លាំងសមត្ថកិច្ចពាក់ព័ន្ធ និងរដ្ឋបាលក្រុង ស្រុក ធ្វើយ៉ាងណាឱ្យប្រជាពលរដ្ឋ បានអាស្រ័យផល និងបង្កបង្កើតផល លើដីរបស់ខ្លួនពិតប្រាកដ និងស្របច្បាប់។   ជាក់ស្ដែងកន្លងមក ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគររូបនីយកម្ម និងសំណង់ បានដាក់ចេញនូវអនុក្រឹត្យ និងសេចក្តីជូនដំណឹងជាច្រើន ពាក់ព័ន្ធ និងការកែសម្រួលព្រំប្រទល់ដី ពីតំបន់២មកតំបន់១ ។

ការកាត់ឆ្វៀលដីពីតំបន់៣មកតំបន់២ និងការប្រើប្រាស់ដីនៅតំបន់អភិរក្សសត្វខ្សឹប នៅតាមមូលដ្ឋានក្រុង ស្រុក ឃុំគោលដៅមួយចំនួន នៃខេត្តកំពង់ធំ។ ទី៦- រដ្ឋបាលក្រុង ស្រុក ត្រូវយកចិត្តទុកដាក់ពង្រឹងសមត្ថភាព និងគុណភាព ដល់យន្តការច្រកចេញ-ចូលតែមួយ ទាំងនៅថ្នាក់ខេត្ត និងថ្នាក់ក្រុង ស្រុក ឃុំសង្កាត់ ដើម្បីលើកកម្ពស់ការជឿទុកចិត្ត ពីប្រជាពលរដ្ឋមកលើប្រព័ន្ធផ្ដល់សេវា តាមយន្តការច្រកចេញ-ចូលតែមួយ និងលើកកម្ពស់ការបណ្ដុះបណ្ដាល ការកសាងសមត្ថភាពដល់មន្ត្រីរាជការ ដែលបំពេញការងារនៅតាមយន្តការច្រកចេញ-ចូលតែមួយ បម្រើប្រជាពលរដ្ឋប្រកប ដោយក្រមសីលធម៌ វិជ្ជាជីវៈខ្ពស់ ។ ទី៧- រដ្ឋបាលខេត្ត ក្រុង ស្រុក ត្រូវពង្រឹងរបៀបរបបការ ងារ ក្នុងនោះប្រធានក្រុមប្រឹក្សា ទាំងអភិបាលត្រូ វធ្វើជាស្នូលពង្រឹងសាមគ្គីភាពផ្ទៃក្នុង ក្នុងរដ្ឋបាលរបស់ខ្លួន ស្របតាមច្បាប់ និងលិខិតបទដ្ឋានជាធរមាន។ ត្រូវខិតខំធ្វើការបណ្ដុះបណ្ដាលកសាងសមត្ថភាពមន្ត្រីគ្រប់លំដាប់ថ្នាក់ និងលើកទឹកចិត្តដល់មន្ត្រីឱ្យចូលរួមក្នុងកិច្ចការអភិវឌ្ឍសមត្ថភាព ជាពិសេសសមត្ថភាពជំនាញព័ត៌មានវិទ្យានិងឌីជីថល ដើម្បីឈានចាប់យកបច្ចេកវិទ្យាទំនើបៗ ក្នុងការអនុវត្តការងារ ឱ្យបានឆាប់រហ័ស និងមានប្រសិទ្ធភាពខ្ពស់ ៕

(សូមអានបន្ត)

ឯកឧត្តម ឃួង ស្រេង គាំទ្របំណងរបស់ក្រុមហ៊ុនមីហ្ស៊ីដា ចង់វិនិយោគកែច្នៃ ដុតសំរាម ទៅជាអគ្គិសនី សម្រាប់ប្រើប្រាស់នៅរាជធានី

ភ្នំពេញ: ថ្ងៃទី២៩ ខែមីនា ឆ្នាំ២០២៣

អគ្គនាយកក្រុមហ៊ុន មីហ្ស៊ីដា គ្រុបជប៉ុន ចង់វិនិយោគកែច្នៃដុតសំរាមទៅជាអគ្គិសនី បន្ថែមពីលើការងារដែលក្រុមហ៊ុន បាន និងកំពុងអនុវត្ត នោះគឺការដឹកជញ្ជូនប្រមូលសំរាម ទៅចាក់នៅទីលានចាក់សំរាម បានល្អប្រសើរហើយនោះ ។

ការចង់វិនិយោគសំណល់រឹង ទៅជាអគ្គិសនីនេះធ្វើឡើងក្នុងឱកាស ដែលលោក Shan Jian Ming អគ្គនាយកក្រុមហ៊ុន មីហ្ស៊ីដាគ្រុបជប៉ុន ក្នុងជំនួបសម្តែងការគួរសមជាមួយឯកឧត្ត ម ឃួង ស្រេង អភិបាលរាជធានីភ្នំពេញ នារសៀលថ្ងៃអង្គារ ៧កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃថ្ងៃទី២៨ ខែមីនា ឆ្នាំ២០២៣ នៅសាលារាជធានីភ្នំពេញ។

លោក Shan Jian Ming បានមានប្រសាសន៍ថា ក្នុងជំនួបនេះ ក្រុមហ៊ុនមានគោលបំណង ពិភាក្សាអំពីលទ្ធភាព នៃការធ្វើវិនិយោគលើគម្រោងផ្សេងៗ និងការរួមចំណែកលើការអភិវឌ្ឍរាជធានីភ្នំពេញ ឱ្យកាន់តែស្រស់ស្អាត មានសោភណភាព និងស័ក្ដិសមជាទីក្រុងទំនើប។ ក្នុងនោះទី១- ក្រុមហ៊ុនចង់ទទួលមតិយោបល់ ណែនាំពីចំណុចខ្វះខាតមួយចំនួន ដែលក្រុមហ៊ុនកំពុងអនុវត្ត លើកិច្ចការងារប្រមូល ដឹកជញ្ជូនសំរាម នៅក្នុងរាជធានីភ្នំពេញ ។ ទី២- ក្រុមហ៊ុន មានគម្រោងចង់កែច្នៃ ដុតសំរាមទៅជាអគ្គិសនី ។

លោកបានបញ្ជាក់ថា ឆ្លងកាត់ការប្រមូលដឹកជញ្ជូនសំរាម ក្រុមហ៊ុនមានទំនុកចិត្តទៅលើរាជរដ្ឋាភិបាល ក៏ដូចជារដ្ឋបាលរាជធានីភ្នំពេញយ៉ាងខ្លាំង ។ ដូច្នេះក្រុមហ៊ុនមានបំណងចង់វិនិយោគលើគម្រោងដុតសំរាម ទៅជាអគ្គិសនីនៅរាជធានីភ្នំពេញបន្ថែមទៀត។ ដោយ សារតែនៅប្រទេសចិន ក្រុមហ៊ុន មីហ្ស៊ីដាគ្រុប មានរោងចក្រដុតសំរាមទៅជាអគ្គិសនីចំនួន៣៣រោងចក្រ។

លោកជឿជាក់ថា គម្រោងនេះនឹងទទួលបានការគាំទ្រ ពីសាលារាជធានីភ្នំពេញ ក៏ដូចជារាជរដ្ឋាភិបាលកម្ពុជា។ ឯកឧត្តម ឃួង ស្រេង បានមានប្រសាសន៍ថា ការធ្វើកំណែទម្រង់ នៃការគ្រប់គ្រងសំរាម សំណល់រឹងនៅរាជធានីភ្នំពេញ ពិតជាទទួលបានលទ្ធផលគួរជាទីមោទនៈ។ ក្នុងនោះការដេញថ្លៃជ្រើសរើសក្រុមហ៊ុនថ្មី ដើម្បីផ្តល់សេវាប្រមូល សម្អាត និងដឹកជញ្ជូនសំរាម សំណល់រឹង នៅរាជធានីភ្នំពេញ ក៏បានធ្វើរួចរាល់ផងដែរ ដែលកន្លងមកក្រុមហ៊ុនចំនួន៣ ត្រូវបានជ្រើសរើស ហើយបានចាប់ផ្តើមប្រតិបត្តិការការងាររបស់ខ្លួន កាន់តែល្អប្រសើរឡើងពីមួយថ្ងៃទៅមួយថ្ងៃ ចាប់ពីថ្ងៃទី០១ ខែកក្កដា ឆ្នាំ២០២១ រហូតដល់បច្ចុប្បន្ន។

ជាលទ្ធិផល មានការសាទរ និងវាយតម្លៃខ្ពស់ពីបងប្អូនប្រជាពលរដ្ឋ ដោយបានផ្លាស់ប្តូរគុណភាពសេវា គួរឱ្យកត់សម្គាល់ មិនមានគំនរសំរាមសេសសល់ដូចមុន ការប្រមូលបានទៀងទាត់ជាងមុន ស្អាតជាងមុន មធ្យោបាយ និងសម្ភារបរិក្ខារប្រើប្រាស់ថ្មីជាងមុន បុគ្គលិកកម្មករច្រើន និងមានការអប់រំជាងមុន ដែលប្រការនេះធ្វើឱ្យមានការសាទរ ពីគ្រប់មជ្ឈដ្ឋាននៅរាជធានីភ្នំពេញ។ ប៉ុន្តែទោះបីជាយ៉ាងណាក្តី ក្រុមហ៊ុនក៏នៅមានចំណុចខ្វះខាតមួយចំនួន ដែលត្រូវបំពេញបន្ថែមផងដែរ ដើម្បីធ្វើយ៉ាងណាឱ្យរាជធានីភ្នំពេញ មានសោភណភាព បរិស្ថានល្អប្រសើរជាងមុន ។

ឯកឧត្តម អភិបាលរាជធានីភ្នំពេញ ក៏បានណែនាំឱ្យក្រុមហ៊ុន Mizuda Group Co., Ltd បន្តការខិតខំប្រឹងប្រែងបន្ថែមទៀត ដើម្បីដណ្តើមស្នាដៃ បន្តការវិនិយោគប្រមូលសំរាមនេះ នៅតាមបណ្ដាលខេត្តផ្សេងៗទៀត នៅទូទាំងព្រះរាជាណាចក្រកម្ពុជា។

ដោយឡែកចំពោះក្រុមហ៊ុនចង់វិនិយោគដុតសំរាម ទៅជាអគ្គិសនីនោះ ឯកឧត្តម បានបញ្ជាក់ថា ការងារនេះ ជាការ ងារដែលសម្រេចដោយរាជរដ្ឋាភិបាលកម្ពុជា តែសម្រាប់ខ្ញុំ គឺខ្ញុំសូមគាំទ្ររាល់គម្រោងនេះ ។ តែបើរាជរដ្ឋាភិបាលកម្ពុជា ផ្តល់លទ្ធភាពឱ្យរដ្ឋបាលរាជធានីភ្នំពេញ ជាអ្នកចាត់ចែងនោះរដ្ឋ បាលរាជធានីភ្នំពេញ នឹងផ្តល់ជូនក្រុមហ៊ុន មីហ្ស៊ីដាគ្រុប មុនគេ៕ដោយសួស សំរិត

(សូមអានបន្ត)

សម្តេចក្រឡាហោមជំរុញអាជ្ញាធរ កងកម្លាំងមានសមត្ថកិច្ចនិងប្រជាពលរដ្ឋនៃខេត្តបាត់ដំបង ត្រូវរួមគ្នាជំរុញអនុវត្តឱ្យសកម្មផុលផុសនូវផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់

 រាជធានីភ្នំពេញ :ថ្ងៃទី២៨ ខែមីនា ឆ្នាំ២០២៣ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ បានជំរុញឱ្យអាជ្ញាធរ កង កម្លាំងមានសមត្ថកិច្ច និងប្រជាពល រដ្ឋគ្រប់មជ្ឈដ្ឋាន នៃខេត្តបាត់ដំបងត្រូវបន្តខិតខំរួមគ្នាជំរុញអនុវត្ត ឱ្យសកម្មជាប់ជាប្រចាំនូវផែនការយុទ្ធនាការប្រយុទ្ធប្រឆាំងគ្រឿង ញៀនខុសច្បាប់ ដើម្បីរួមគ្នា បង្ក្រាប ទប់សា្កត់ ការចរាចរណ៍និងចែក ចាយគ្រឿងញៀន ឱ្យកាន់តែប្រសើរបន្ថែមទៀត។

ថ្លែងក្នុងពិធីបញ្ចុះខណ្ឌសីមាព្រះវិហារថ្មី និងសម្ពោធសមិទ្ធផលនានា ក្នុងវត្តទឹកជុំមានជ័យ (វត្តកោះចារ) ស្ថិតនៅភូមិផ្អៀង ឃុំកកោះ ស្រុកមោងឫស្សី ខេត្តបាត់ ដំបង សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ បានប្រសាសន៍ថា តាមការវាយតម្លៃជាទូទៅពិនិត្យឃើញថា និន្នាការនៃការផលិត ការជួញដូរចែកចាយ និងប្រើប្រាស់គ្រឿង ញៀនក្នុងតំបន់និងពិភពលោក មិនមានសញ្ញាថមថយនោះទេ។ ហេតុដូចនេះ សម្តេចក្រឡាហោម ក៏បានជំរុញនិងលើកទឹកចិត្តដល់ អាជ្ញាធរ កងកម្លាំងមានសមត្ថកិច្ច និងប្រជា ពលរដ្ឋគ្រប់មជ្ឈដ្ឋាននៅក្នុងខេត្ត បាត់ដំបង ត្រូវបន្តខិតខំរួមគ្នាជំរុញឱ្យមានសកម្មផុលផុសជាប់ជាប្រចាំ នូវយុទ្ធនាការប្រយុទ្ធប្រឆាំងគ្រឿង ញៀនខុសច្បាប់ ដោយត្រូវលើកកម្ពស់ អនុវត្តនូវវិធានការសំខាន់ៗ ដោយត្រូវបន្តផ្សព្វផ្សាយអប់រំប្រជា ពលរដ្ឋអំពីផលលំបាកនៃគ្រឿង ញៀនខុសច្បាប់ ដើម្បីទាំងអស់គ្នាជៀសឱ្យបានឆ្ងាយពីគ្រឿងញៀនខុសច្បាប់នៅតាមសហគមន៍នានា ។

ក្នុងនោះសម្ដេចក្រឡាហោម ក៏បានណែនាំឱ្យពង្រឹងការគ្រប់គ្រងមូល ដ្ឋាន ផលិតកម្មឬអាជីវកម្ម នានា សំដៅ បង្ការ ទប់ស្កាត់ការលួចលាក់ផលិតកែច្នៃគ្រឿងញៀនខុសច្បាប់នៅតាមមូលដ្ឋាន និងត្រូវលើក កម្ពស់ការអភិវឌ្ឍសមត្ថភាពមន្ត្រីអនុវត្តច្បាប់ ដើម្បីអនុវត្តវិធានការជំនាញ ឱ្យមានប្រសិទ្ធភាព

ក្នុងការស្រាវជ្រាវ បង្ក្រាបករណីគ្រឿងញៀនខុសច្បាប់ឱ្យបានជាប់ជាប្រចាំ នៅគ្រប់មូលដ្ឋាន ។ មិនតែប៉ុណ្ណោះត្រូវយកចិត្តទុកដាក់គ្រប់ គ្រងគ្រឿងញៀននៅតាមមូលដ្ឋាន ដើម្បីសហការ មានវិធានការ គ្រប់ គ្រងអ្នកញៀនគ្រឿងញៀននៅតាមមូលដ្ឋាន បង្ក្រាប និងស្ដារនីតិ សម្បទាអ្នកញៀនឱ្យបានត្រឹមត្រូវ។

សំឡេង៖ «ខ្ញុំគិតថាការបង្ការទប់ ស្កាត់ពិតជាមានសារៈសំខាន់ជាង ព្រោះថាប្រសិនបើមានហើយ យើងយកទៅដាក់កន្លែងបន្សាបក៏វាបាន ផលមួយចំណែក គឺផលហ្នឹង គឺថាអ្នកនឹង មិនបន្តជក់នៅខាងក្រៅ ហើយបើនៅខាងក្នុង កន្លែងស្ដារនីតិសម្បទាអ្នកញៀនគ្រឿងញៀនគឺយើងគ្រប់គ្រងបានជាការល្អ។ ប៉ុន្តែបើថាជាដាច់គឺវាមិនងាយទេ អ៊ីចឹងបានន័យថា យើងយកគាត់ យកទៅដាក់កន្លែងស្ដារនីតិសម្បទា អ្នកញៀនគឺបានមួយផ្នែក ជាងឱ្យគាត់នៅមូលដ្ឋានដើម្បីបន្ត ចែកចាយ បន្តជក់ និងជាមុខសញ្ញាជក់ កាន់ តែច្រើន ម្យ៉ាងទៀតក៏អាចជួយដោះស្រាយនូវអារម្មណ៍ទុក្ខកង្វល់ របស់ក្រុមគ្រួសារឪពុកម្តាយ អាណាព្យាបាលផងដែរ។»

សម្ដេចក្រឡាហោម បានណែនាំជាថ្មីទៀត ឱ្យអាជ្ញាធរជំរុញការ អនុវត្តគោលនយោបាយ ភូមិ ឃុំ សង្កាត់មានសុវត្ថិភាព ដើម្បីលើក កម្ពស់ការចូលរួមរបស់ប្រជាពលរដ្ឋក្នុងការបង្ការទប់ស្កាត់ និងបង្ក្រាប បទល្មើសនានានៅមូលដ្ឋាន ពិសេសសកម្មភាពជួញដូរចែកចាយ ប្រើប្រាស់គ្រឿងញៀនខុសច្បាប់ បទល្មើសលួច ឆក់ ប្លន់ ល្បែងស៊ីសងខុសច្បាប់នៅតាមមូលដ្ឋាន អំពើហិង្សាក្នុងគ្រួសារ ក្រុមក្មេងទំនើង និងបទល្មើសនានានៅមូលដ្ឋានទូទាំងខេត្ត។

សូមបញ្ជាក់ថា កាលពី២០២២ កន្លងទៅ សមត្ថកិច្ចបានស្រាវជ្រាវ និងរឹបអូសគ្រឿងញៀនបាន ជាង ១៤តោន កើនជាង៣០០ភាគរយធៀបនឹងឆ្នាំ២០២១ ដែលជាទំហំមួយច្រើនលើសលុបគួរឱ្យព្រួយ បារម្ភ ខណៈអ្នកប្រើប្រាស់គ្រឿង ញៀនមានជាង២ម៉ឺន២ពាន់នាក់ កើនជាង៥ពាន់នាក់ ធៀបនឹងឆ្នាំ ២០២១។ ក្នុងនោះសមត្ថកិច្ចបានបង្ក្រាបករណីគ្រឿងញៀនបាន ៦ ៣៩០ករណី ឃាត់ខ្លួនជនសង្ស័យ ១៥ ០០២នាក់ ក្នុងនោះករណីធំៗមាន១៧៩ករណី ភាគច្រើនជាការបង្ក្រាបសារធាតុគីមីផ្សំ៕ អត្ថបទ៖ លោកស្រី ធីណា ឌីណេ សម្រួលការផ្សាយដោយ៖ dara

(សូមអានបន្ត)

គិតមកត្រឹមថ្ងៃទី២៥ ខែមីនា ឆ្នាំ២០២៣ នេះ វត្ថុយក្សជាច្រើនត្រូវបាននាំមកដាក់តាំងតាមកន្លែងបណ្តើរៗហើយ ដូចជា អង្រុតយក្ស បំពង់ទឹកត្នោតយក្ស កន្ត្រងប្រហុកយក្ស គោមយក្ស មួកយក្ស ជាដើម

រាជធានីភ្នំពេញ: ថ្ងៃទី២៨ ខែមីនា ឆ្នាំ២០២៣ ដើម្បីអបអរសាទរខួប១០ឆ្នាំនៃព្រឹត្តិការណ៍អង្គរសង្ក្រាន្ត ឆ្នាំ២០២៣ កម្មវិធីភូមិខ្ញុំបានធ្វើជាថ្មី និងនាំមកវិញនូវវត្ថុយក្សទាំងអស់មកជុំគ្នាក្នុងពេលតែមួយក្នុងបរិវេណភូមិខ្ញុំ ដើម្បីដាក់តាំងបង្ហាញសាធារណជនទស្សនាកម្សាន្ត។

គិតមកត្រឹមថ្ងៃទី២៥ ខែមីនា ឆ្នាំ២០២៣ នេះ វត្ថុយក្សជាច្រើនត្រូវបាននាំមកដាក់តាំងតាមកន្លែងបណ្តើរៗហើយ ដូចជា អង្រុតយក្ស បំពង់ទឹកត្នោតយក្ស កន្ត្រងប្រហុកយក្ស គោមយក្ស មួកយក្ស ជាដើម។ ដោយឡែក ចាប៉ីដងវែងយក្សដែលកំពុងរក្សាទុកនៅសាលាខេត្តបាត់ដំបង ក៏នឹងត្រូវនាំមកវិញនាពេលឆាប់ៗខាងមុខនេះដែរ។ រីឯវត្ថុយក្សមួយចំនួន ដូចជា ពងមាន់យក្ស និងសំបុកមាន់យក្សជាដើម កំពុងបន្តកែសម្រួលនិងនាំមកនាពេលឆាប់ៗខាងមុខនេះ។

ក្នុងឱកាសចុះពិនិត្យតាមដានវឌ្ឍនភាពការងារ នៅថ្ងៃទី២៥ ខែមីនា ឆ្នាំ២០២៣ ឯកឧត្តម សុខ សង្វារ ប្រធានគម្រោងកម្មវិធីភូមិខ្ញុំនៃព្រឹត្តិការណ៍អង្គរសង្ក្រាន្តបញ្ជាក់ថា ដំណើរការរៀបចំផ្សេងៗនៃកម្មវិធីភូមិខ្ញុំ កំពុងដំណើរការដោយរលូន។ ការសាងសង់ ការតុបតែងលម្អ ការរៀបចំក្រុមការងារសម្តែង និងក្រុមការងារយុវជនស្ម័គ្រចិត្តផ្សេងៗ បានដំណើរដោយរលូននិងស្ទើររួចរាល់ទាំងស្រុងហើយ។

សូមបញ្ជាក់ថា ក្នុងព្រឹត្តិការណ៍អង្គរសង្ក្រាន្តឆ្នាំ២០២៣នេះ កម្មវិធីភូមិមានការរៀបចំកម្មវិធីសម្តែងទាំងសល្បៈបុរាណ និងទម្រង់សិល្បៈប្រជាប្រិយជាច្រើនដូចជា ការសម្តែងរបាំបុរាណ ការរៀបចំពិព័រណ៍រូបនិងវត្ថុយក្ស ចាប៉ីដងវែង ពិណខ្មែរ ល្ខោនខោល ល្ខោនយីកេ ល្ខោនបាសាក់ រាំស្ករដៃ ភ្លេងគ្រឹម សៀករហស្សកម្ម និងល្បែងប្រជាប្រិយជាច្រើនប្រភេទ៕ ប្រភព៖ ព្រឹត្តិការណ៍អង្គរសង្ក្រាន្ត, សម្រួលផ្សាយ៖ កន ចំណាន

(សូមអានបន្ត)