ករណីសាងសង់ភូមិគ្រឹះរំលោភយកដីចំណីព្រែកកណ្ដាលក្រុងកំពតរីឯមន្ត្រីជំនាញនិងអាជ្ញាធរមិនហ៊ានអនុវត្តច្បាប់ល្បីថាអ្នករំលោភយកមានអំណាចជិតដល់ឋានព្រះឥន្ទ

ខេត្តកំពត ព្រែកដ៏ធំល្វឹងល្វើយឬហៅបានមួយបែបទៀតថាជាដៃសមុទ្រប្រកបដោយសោភណ្ឌភាពស្រស់បំព្រងដែលផ្ដល់ឲ្យ ពីធម្មជាតិជាទីជម្រកនៃមច្ឆាជាតិនិងពពួកជីវៈចម្រុះធនធានធម្មជាតិទាំងនេះត្រូវបានរច្បាប់កំណត់ទុកថាជាសម្បត្តិរដ្ឋសាធារណៈដើម្បីបំរើប្រយោជន៍រួមនោះ!បច្ចុប្បន្នត្រូវបានអ្នកមានលុយនិងអំណាចម្នាក់សាងសង់ភូមិគ្រឹះដ៏ស្កឹមស្កៃនិងបំពានរំលោភយកដីព្រែកនោះយ៉ាងគក្លើនតែមន្ត្រីជំនាញនិងអាជ្ញាធរក្រុងខេត្តកំពតហាក់ធ្វើដូចជាមើលមិនឃើញឬមួយមានអាថ៌កំបាំងអ្វីនៅពីក្រោយនៃភាពអន្ធការទាំងនេះ។

សេចក្តីរាយការណ៍នៅថ្ងៃទី  ខែសីហាឆ្នាំ ២០២៤ នេះបានបញ្ជាក់ថាដីចំណីព្រែកដែលគេកំពុងបំពានយកនោះគឺស្ថិតនៅភូមិតាដឹបសង្កាត់អណ្ដូងខ្មែរក្រុងកំពតខេត្តកំពតដោយគេល្បីថាម្ចាស់ទីតាំងគឺជាអភិជនមានទ្រព្យសម្បត្តិដ៏មហាសាលដែលគេស្គាល់ឈ្មោះកែវរតនៈ។

ពលរដ្ឋអ្នករស់នៅមូលដ្ឋានបានលើកឡើងថាតាំងពីឯកឧត្តមម៉ៅធនិនមកកាន់ជាចៅហ្វាយខេត្តកំពតធ្លាប់មានវិធានការជាបន្តបន្ទាប់ទៅលើសំណង់ដែលសាងសង់រំលោភយកដីតាមបណ្ដោយព្រែកហើយចំណាត់ការរបស់លោកចៅហ្វាយខេត្តខាងលើនេះក៏មានប្រសិទ្ធភាពនិងទទួលបានជោគជ័យជាបន្តបន្ទាប់។តែចម្លែកត្រង់ភូមិមួយគ្រឹះដែលស្ថិតនៅភូមិសាស្ត្រខាងលើនិងកំពុងរំលោភបំពានយកដីចំណីព្រែកតើហេតុអ្វីលោកលាងរឿនសុធីចៅហ្វាយក្រុងកំពតជាពិសេសឯកឧត្តមម៉ៅធនិនចៅហ្វាយខេត្តកំពតដែលពលរដ្ឋដាក់រហស្សនាមថាតុលាការមុខដែកដែលហ៊ានអនុវត្តច្បាប់ដោយមិនរើសមុខនៅក្នុងដែនសមត្ថកិច្ចរបស់ឯកឧត្តមបែរជាមើលមិនឃើញនៅភូមិគ្រឹះដ៏ធំមហិមាកំពុងសាងសង់រំលោភយកដីចំណីព្រែកនៅកណ្ដាលក្រុងកំពតទៅវិញ។ពលរដ្ឋនៅតែបន្តលើកឡើងថាជុំវិញករណីនេះតើមានអ្វីនៅពីក្រោយនៃអាថ៌កំបាំង។ឬមួយលោកអភិបាលខេត្តមិនទាន់បានដឹងឬមួយយ៉ាងណា?ម្យ៉ាង!ម្យ៉ាងទៀតឬមួយអាជ្ញាធរក្រុងខេត្តមិនហ៊ានអនុវត្តច្បាប់ទៅលើសំណង់ដែលបំពានយកសម្បត្តិរដ្ឋសាធារណៈមកធ្វើកម្មសិទ្ធិបុគ្គលនោះព្រោះគេល្បីថាម្ចាស់ភូមិគ្រឹះនោះមានអំណាចសម្បើមណាស់។

គួររំលឹកថាកាលពីថ្ងៃទី២៨ខែវិច្ឆិកាឆ្នាំ ២០២១ កន្លងទៅសម្ដេចតេជោប្រធានព្រឹទ្ធសភាបច្ចុប្បន្ននិងជាអតីតប្រមុខរាជរដ្ឋាភិបាលកម្ពុជាធ្លាប់ព្រមាននិងចាត់ការទៅលើមន្ត្រីដែលតែងតែរំលោភយកដីរដ្ឋនៅបឹងទន្លេសាបមកធ្វើជាកម្មសិទ្ធិបុគ្គលខ្លួនផ្ទាល់ដោយសម្ដេចព្រមានធ្ងន់ៗថាពួកគេនឹងត្រូវទទួលទោសយ៉ាងធ្ងន់ធ្ងរដោយមិនអាចលើកលែងបានជាដាច់ខាតពួកគេនឹងត្រូវរឹបអូសដីនោះមកវិញនឹងទ្រព្យសម្បត្តិផ្ទាល់ខ្លួននិងជាប់ពន្ធនាគារទៀតផង!ហើយអ្នកដែលជាប់ពាក់ព័ន្ធឱ្យចូលមកសារភាពជាបន្ទាន់ពួកគេនឹងអាចមានការបន្ធូរបន្ថយទោសខ្លះ។

គេមិនទាន់ដឹងថាបុគ្គលឈ្មោះកែវរតនៈដែលជាម្ចាស់ភូមិគ្រឹះដែលរំលោភយកដីចំណីព្រៃខាងលើជានរណាឲ្យពិតប្រាកដឡើយតែគេលួចបង្ហើបថាម្ចាស់ភូមិគ្រឹះនោះជាមនុស្សមានចិត្តចង្អៀតចង្អល់ដោយគេដាក់កម្លាំងយាមកាមឡើងតឹងរឹងសូម្បីតែប្រជានេសាទដែលពួកគាត់ធ្លាប់នេសាទបែបលក្ខណៈគ្រួសារតាំងពីបុរាណតាមបណ្ដោយព្រែកឆ្លងកាត់តំបន់នោះចេញចូលធម្មតាតែចាប់តាំងពីមានភូមិគ្រឹះមកនោះមកពួកគាត់មិនអាចឆ្លងកាត់បានឡើយឬទៅក្បែរនោះដូចកាលពីមុនទៀតឡើយដោយក្រុមឆ្មាំយាមនៅភូមិគីលគ្រឹះនោះហាមឃាត់មិនឱ្យទៅក្បែរ។

ជុំវិញករណីសាងសង់ភូមិគ្រឹះរំលោភយកដីព្រែកនៅកណ្ដាលក្រុងកំពតក្រុមការងារយើងបានទំនាក់ទំនងទៅលោកគង់សុផុនចៅសង្កាត់អណ្ដូងខ្មែរតាមទូរសព្ទលោកបានបញ្ជាក់ថាទីតាំងខាងលើលោកបានចុះទៅពិនិត្យហើយនិងបានធ្វើរបាយការណ៍ទៅខាងក្រុងដើម្បីមានវិធានការបន្តរីឯឈ្មោះម្ចាស់ទីតាំងលោកពុំស្គាល់ឈ្មោះឡើយ។រីឯលោកលាងរឿនសុធីអភិបាលនៃគណៈអភិបាលក្រុមកំពតភ្នាក់ងារយើងមិនអាចសុំសេចក្តីអត្ថាធិប្បាយបានឡើយដោយលោកស្នើឱ្យក្រុមការងារយើងមករដ្ឋបាលក្រុងគេនឹងបង្ហាញឯកសារហើយបន្ថែមថាលោកជាប់រវល់រួចបិតទូរស័ព្ទទៅ។ដោយឡែកលោកព្រាបសុផាតប្រធានស្ដីទីមន្ទីររៀបចំដែនដីនគររូបនីយកម្មសំណង់និងសូរិយោដីខេត្តកំពតបានថ្លែងថាបញ្ហាខាងលើលោកអត់ទាន់បានដឹងទេ។ចាំមើលលោកសួរទៅភូមិបាលក្រុងសិន៕

(សូមអានបន្ត)

សម្តេចធិបតី ហ៊ុន ម៉ាណែត អនុញ្ញាតឱ្យប្រធានក្រុមហ៊ុន Aegros និងក្រុមហ៊ុន Freshstart Logistics ជួបសម្តែងការគួរសម និងពិភាក្សាការងារ

(ម៉ែលប៊ន, អូស្ត្រាលី)៖ នៅព្រឹកថ្ងៃចន្ទ ទី៤ ខែមីនា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុញ្ញាតឱ្យលោក Daniel Phillips ប្រធានក្រុមហ៊ុន Aegros និងក្រុមហ៊ុន Freshstart Logistics ជួបសម្តែងការគួរសម និងពិភាក្សាការងារ។

សូមបញ្ជាក់ថា ក្រុមហ៊ុន Aegros និងក្រុមហ៊ុន Freshstart Logistics គឺជាបុត្រសម្ព័ន្ធរបស់ក្រុមហ៊ុន Fresh Start Australia។ ក្រុមហ៊ុន Aegros ធ្វើអាជីវកម្មក្នុងវិស័យសុខាភិបាល ដែលផ្ដោតលើការ​ផលិត​ឱសថប្លាស្មា។ ចំណែកក្រុមហ៊ុន Fresh Start Logistics ធ្វើអាជីវកម្មលើប្រព័ន្ធឡូជីស្ទីក និងភស្ដុ​ភារ​កម្ម។ ក្រុមហ៊ុនបានផ្តល់ដំណោះស្រាយផ្នែកដឹកជញ្ជូន ប្រកបដោយភាពច្នៃប្រឌិត និងរស់រវើក៕

(សូមអានបន្ត)

សម្តេចធិបតី ហ៊ុន ម៉ាណែត អរគុណបងប្អូនប្រជាពលរដ្ឋខ្មែររស់នៅប្រទេសអូស្ត្រាលី និងនូវ៉ែលសេឡង់

 

ភ្នំពេញ:ថ្ងៃទី២​ ខែមីនា ឆ្នាំ២០២៤សម្តេចមហាបវរធិបតី ហ៊ុន ម៉ាណែត សូមអរគុណបងប្អូនប្រជាពលរដ្ឋខ្មែររស់នៅប្រទេសអូស្ត្រាលី និងនូវ៉ែលសេឡង់ ដែលបានមករង់ចាំ និងទទួលស្វាគមន៍ យ៉ាងកក់ក្តៅ និងស្និទ្ធស្នាលបំផុត។

សូមជម្រាបថា សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញដឹកនាំគណៈប្រតិភូរាជរដ្ឋាភិបាលកម្ពុជាដល់អាកាសយានដ្ឋានអន្តរជាតិម៉ែលប៊ន ប្រទេសអូស្ត្រាលី ប្រកបដោយសុវត្ថិភាពដោយមានការទទួលបដិសណ្ឋារកិច្ចពីសំណាក់ឯកឧត្តម Tim Watts ឧបការីរដ្ឋមន្ត្រីការបរទេសអូស្ត្រាលី ។

ទីក្រុងម៉ែលប៊ន ប្រទេសអូស្ត្រាលី ព្រឹកថ្ងៃសៅរ៍ ទី២ មីនា ២០២៤។

(សូមអានបន្ត)

មន្រ្តីជំនាញសិទ្ធិមនុស្សកម្ពុជា ជួបពិភាក្សាការងារជាមួយប្រតិភូសភាអាល្លឺម៉ង់

 ភ្នំពេញ៖ នៅរសៀលថ្ងៃទី២៩ ខែកុម្ភៈ ឆ្នាំ២០២៤ ឯកឧត្តម ប៉ា ប៉ុណ្ណារ៉ាដា សមាជិកគណៈកម្មាធិការសិទ្ធិ មនុស្សកម្ពុជា (គ.ស.ម.ក.) តំណាងឯកឧត្តម កែវ រ៉េមី ទេសរដ្ឋមន្ត្រី និងជាប្រធានគណៈ កម្មាធិការសិទ្ធិមនុស្សកម្ពុជា បានទទួលជួបពិភាក្សាការងារជាមួយលោកជំទាវ Martina Stamm-Fibich និងគណៈប្រតិភូនៃគណៈកម្មាធិការសម្របសម្រួលញត្តិ នៃរដ្ឋសភាអាល្លឺម៉ង់ នៅសាលប្រជុំ គ.ស.ម.ក.។ កិច្ចជំនួបនេះរៀបចំឡើងក្នុងគោលបំណងផ្លាស់ប្តូរនិងសិក្សាស្វែងយល់ពីតួនាទី និងភារកិច្ចរបស់ គ.ស.ម.ក. និងគណៈកម្មាធិការសម្របសម្រួលញត្តិ។

ជាកិច្ចចាប់ផ្ដើម ឯកឧត្តម ប៉ា ប៉ុណ្ណារ៉ាដា បានសម្តែងការស្វាគមន៍ចំពោះ លោកជំទាវ Martina Stamm-Fibich ប្រធានគណៈប្រតិភូ និងគណៈប្រតិភូទាំងអស់ ដោយបានគូសបញ្ជាក់ពីតួនាទីសំខាន់ៗ របស់ គ.ស.ម.ក. ក្នុងការលើកកម្ពស់ និងការការពារសិទ្ធិមនុស្ស ដូចជា ការទទួលពាក្យបណ្ដឹងពាក់ព័ន្ធ នឹងការរំលោភបំពានសិទ្ធិមនុស្ស ដោយផ្ទាល់នៅ គ.ស.ម.ក. និងតាមរយៈ App CHRC ការដាក់ប្រអប់ ពាក្យបណ្ដឹងនៅតាមកន្លែងឃុំឃាំង ការចុះស៊ើបអង្កេតនិងដោះស្រាយពាក្យបណ្ដឹង ការផ្តល់ប្រឹក្សានិង ការពារពីក្រុមមេធាវីរបស់ គ.ស.ម.ក. និងការចុះផ្សព្វផ្សាយអប់រំអំពីសិទ្ធិមនុស្សដល់សិស្សានុសិស្ស គរុសិស្ស អាជ្ញាធរ និងប្រជាពលរដ្ឋនៅតាមឃុំសង្កាត់ទូទាំងប្រទេស។

ឯកឧត្តម ក៏បានលើកឡើងពីការ ចុះពិនិត្យស្ថានភាពសិទ្ធិមនុស្សជាប្រចាំនៅកន្លែងឃុំឃាំង ដូចជាពន្ធនាគារ មណ្ឌលអប់រំកែប្រែ និង មណ្ឌលស្តារនីតិសម្បទា និងបានវាយតម្លៃថា គឺមានភាពល្អប្រសើរ។ បន្ថែមពីនេះ ឯកឧត្តមបានលើកឡើងពីតួនាទីសំខាន់មួយទៀតរបស់ គ.ស.ម.ក. គឺការរៀបចំសរសេររបាយការណ៍សិទ្ធិមនុស្សជូនអង្គការ សហប្រជាជាតិ។

ទន្ទឹមនេះ ឯកឧត្តមបានលើកឡើងពីសេចក្តីព្រាងច្បាប់ស្តីពីការបង្កើតស្ថាប័នសិទ្ធិមនុស្សជាតិ ដែល ផ្អែកលើគោលការណ៍ទីក្រុងប៉ារីស និងបទដ្ឋានសិទ្ធិមនុស្សអន្តរជាតិ និងបានសហការជាមួយឧត្តមស្នង ការអង្គការសហប្រជាជាតិទទួលបន្ទុកសិទ្ធិមនុស្សប្រចាំប្រទេសកម្ពុជា (OHCHR) រៀបចំកិច្ចពិគ្រោះយោបល់ចំនួន៣២លើក ដែលមានការចូលរួមពីភាគីពាក់ព័ន្ធ ហើយបញ្ជូនទៅទីស្ដីការគណៈរដ្ឋមន្ត្រី នៅថ្ងៃទី១៩ ខែកញ្ញា ឆ្នាំ២០២៣ និងបានជួបពិគ្រោះយោបល់ជាមួយក្រុមប្រឹក្សាអ្នកច្បាប់ នៅថ្ងៃទី១៩ ខែធ្នូ ឆ្នាំ២០២៣។

ក្នុងឱកាសនៃជំនួបនេះផងដែរ លោកជំទាវ Martina Stamm-Fibich បានថ្លែងអំណរគុណចំពោះ ឯកឧត្តម ប៉ា ប៉ុណ្ណារ៉ាដា ដែលបានចំណាយពេលដ៏មមាញឹក អនុញ្ញាតឱ្យលោកជំទាវ និងគណៈប្រតិភូ ចូលជួបសម្តែងការគួរសម និងបានកោតសរសើរពីកិច្ចខិតខំរបស់ គ.ស.ម.ក. ក្នុងការលើកកម្ពស់ និងការ ការពារសិទ្ធិមនុស្សនៅប្រទេសកម្ពុជា។ ទន្ទឹមនេះ លោកជំទាវ ក៏បានបង្ហាញពីតួនាទីភារកិច្ចរបស់គណៈ កម្មាធិការសម្របស្រួលញ្ញត្តិ ដែលផ្តោតលើការទទួលញ្ញត្តិពីប្រជាពលរដ្ឋគ្រប់មជ្ឈដ្ឋាននិងគ្រប់វិស័យ ដូចជា វិស័យសេដ្ឋកិច្ច សុខាភិបាល អប់រំ និងការងារ ព្រមទាំងនីតិវិធីក្នុងការដោះស្រាយញ្ញត្តិទាំងនោះ។

ជាចុងក្រោយ ឯកឧត្តម ប៉ា ប៉ុណ្ណារ៉ាដា ក៏បានថ្លែងអំណរគុណលោកជំទាវ Martina Stamm-Fibich និងគណៈប្រតិភូនៃគណៈកម្មាធិការសម្របសម្រួលញ្ញត្តិ នៃរដ្ឋសភាអាល្លឺម៉ង់ ដែលបានចំណាយពេលវេលា ក្នុងការចែករំលែកតួនាទីនិងបទពិសោធន៍ការងាររបស់គណៈកម្មាធិការ និងបានជូនពរគណៈប្រតិភូទទួល បានជោគជ័យក្នុងបេសកក

(សូមអានបន្ត)

មន្ត្រីជាន់ខ្ពស់ក្រសួងកសិកម្ម បើកការដ្ឋានសាងសង់ពង្រីករោងចក្រកែច្នៃគ្រាប់ស្វាយចន្ទីបន្ថែម នៅស្រុកកំពង់ស្វាយ ដើម្បីបង្កើនទីផ្សារនាំចេញទៅក្រៅប្រទេស

(កំពង់ធំ)៖ លោក តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទនៅរសៀលថ្ងៃទី២៨ ខែកុម្ភៈ ឆ្នាំ២០២៤ បានអញ្ជើញបើកការដ្ឋានសាងសង់ពង្រីករោងចក្រកែច្នៃគ្រាប់ស្វាយចន្ទីបន្ថែម ដើម្បីបង្កើនទីផ្សារនាំចេញទៅកាន់ក្រៅប្រទេស នៅភូមិត្រពាំងអារក្ស ឃុំជ័យ ស្រុកកំពង់ស្វាយ ខេត្តកំពង់ធំ។

(សូមអានបន្ត)

ប្រធានរដ្ឋសភាម៉ាឡេស៊ី ចាត់ទុកសម្ដេចធិបតី ហ៊ុន ម៉ាណែត ជាជើងឯកជ័យលាភី​នៃយុវជនជំនាន់ថ្មី​របស់កម្ពុជា

(ភ្នំពេញ)៖ ប្រធានរដ្ឋសភាម៉ាឡេស៊ី លោក ចូហារី អាប់ឌុល (YB Tan Sri Dato’ (Dr.) Johari bin Abdul) បានចាត់ទុកសម្តេច​មហាប​វរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ជាជើងឯកជ័យ​លាភី​នៃយុវជនជំនាន់ថ្មីរបស់កម្ពុជា។​

ប្រធានរដ្ឋសភាម៉ាឡេស៊ី លើកឡើងបែបនេះ ក្នុងជំនួបជាមួយសម្តេចធិបតី ហ៊ុន ម៉ាណែត នារសៀលថ្ងៃទី​២៧ ខែកុម្ភៈ ឆ្នាំ២០២៤ ក្នុងពេលសម្តេចធិបតីអញ្ជើញបំពេញទស្សនកិច្ចផ្លូវការ នៅប្រទេសម៉ាឡេស៊ី។

ក្នុងជំនួបនោះលោកប្រធានរដ្ឋសភា បានសម្តែងនូវកិច្ចស្វាគមន៍យ៉ាងកក់ក្តៅចំពោះការអញ្ជើញ​បំពេញ​ទស្សនកិច្ចផ្លូវការជាលើកទី១ ក្នុងនាមជានាយករដ្ឋមន្ត្រី របស់សម្តេចធិបតី និងគណៈប្រតិភូ នៅក្នុង​ប្រទេស​ម៉ាឡេស៊ី និងបានផ្តាំផ្ញើការសួរសុខទុក្ខជូនសម្តេចតេជោ ហ៊ុន សែន អតីតនាយករដ្ឋមន្ត្រី និងជាប្រធានក្រុមឧត្តមប្រឹក្សាផ្ទាល់។

បន្ថែមពីលើនេះ លោកប្រធានរដ្ឋសភា ក៏បានរំលឹកអំពីទស្សនកិច្ចរបស់លោកមក​កាន់កម្ពុជានាពេលកន្លង​មក ដោយលោកបានកត់សម្គាល់ពីការអភិវឌ្ឍយ៉ាងឆាប់រហ័សរបស់កម្ពុជា។ ជាមួយគ្នានោះ លោក​ប្រធាន​រដ្ឋសភា បានចាត់ទុកសម្តេចធិបតី ជាជើងឯកជ័យលាភីនៃយុវជនជំនាន់ថ្មីរបស់កម្ពុជា។ ដោយឃើញបែបនេះលោកប្រធានរដ្ឋសភា តែងតែជំរុញសមាជិកសភាវ័យក្មេងរបស់ម៉ាឡេស៊ី​ឱ្យ​បំពេញទស្សនកិច្ច និងដកស្រង់បទពិសោធន៍នៅកម្ពុជាផងដែរ។

សម្តេចធិបតី ហ៊ុន ម៉ាណែត បានថ្លែងអំណរគុណចំពោះការធ្វើបដិសណ្ឋារកិច្ចស្វាគមន៍យ៉ាង​កក់ក្តៅរបស់​ភាគីម៉ាឡេស៊ី ក្នុងដំណើរទស្សនកិច្ចរបស់សម្តេចនៅម៉ាឡេស៊ី។ សម្តេចធិបតី បានជម្រាបជូនអំពីលទ្ធផល​នៃកិច្ចជំនួបពិភាក្សាទ្វេភាជាមួយលោក អាន់វ៉ា អ៉ីប្រាហ៉ីម នាយករដ្ឋមន្ត្រីម៉ាឡេស៊ី ដោយភាគីទាំងពីរបាន​ប្តេជ្ញាចិត្តក្នុងការជំរុញកិច្ចសហប្រតិបត្តិការលើវិស័យសំខាន់ៗជាច្រើន រួមមាន៖ វិស័យសេដ្ឋកិច្ច ពាណិជ្ជកម្ម ទេសចរណ៍ ការអប់រំ ការបណ្តុះបណ្តាល វិស័យសន្តិសុខ និងការពារជាតិ។

សម្តេចធិបតី ក៏បានថ្លែងអំណរគុណប្រទេសម៉ាឡេស៊ី ដែលបានផ្ដល់ការគាំទ្រ និងការចូលរួមក្នុងវិស័យ​ផ្សេងៗ រួមទាំងការផ្តល់អាហារូបករណ៍ផងដែរ។ សម្តេចធិបតី ក៏បានថ្លែងអំណរគុណ​លោកប្រធានរដ្ឋ​សភា ដែលបានចូលរួមសង្កេតការណ៍បោះឆ្នោតជ្រេីសរេីសតំណាងរាស្រ្តនីតិកាលទី៧​ កាលពីខែកក្កដា​ ឆ្នាំ២០២៣ ព្រមទាំងបានជម្រាបជូនពីលទ្ធផលបឋម នៃការបោះឆ្នោតជ្រើសតាំងសមាជិកព្រឹទ្ធសភា នៅកម្ពុជា​ផងដែរ៕

(សូមអានបន្ត)

ឧបនាយករដ្ឋមន្ដ្រី ហ៊ុន ម៉ានី៖ តួនាទីដែលខ្ញុំទទួលបានមិនគ្រាន់តែជា «តំណែង» តែជាទំនួលខុសត្រូវ ទំនុកចិត្ត និងភារកិច្ចក្នុងការសម្រេចឲ្យបាននូវចក្ខុវិស័យរបស់សម្តេចធិបតី

(ភ្នំពេញ)៖ លោក ហ៊ុន ម៉ានី រដ្ឋមន្ដ្រីក្រសួងមុខងារសាធារណៈ ដែលទើបទទួលបានតំណែងជា «ឧបនាយករដ្ឋមន្ដ្រី» បន្ថែមលើមុខងារនាពេលបច្ចុប្បន្ន បានចាត់ទុកថា តួនាទីដែលលោកទទួលបាននៅពេលនេះ មិនគ្រាន់តែជា «តំណែង» ប៉ុណ្ណោះទេ តែក៏ជាទំនួលខុសត្រូវ ទំនុកចិត្ត និងភារកិច្ចក្នុងការសម្រេចឲ្យបាននូវចក្ខុវិស័យរបស់សម្តេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា។

តាមរយៈសារនៅលើ Facebook នាព្រឹកថ្ងៃទី២៦ ខែកុម្ភៈ ឆ្នាំ២០២៤នេះ ឧបនាយករដ្ឋមន្ដ្រី ហ៊ុន ម៉ានី បានបង្ហាញនូវការប្តេជ្ញាខ្ពស់ ក្នុងការបន្ដខិតខំប្រឹងប្រែង យកអស់កម្លាំងកាយ ចិត្តដើម្បីសម្រេចឲ្យបាននូវផែនការដែលបានដាក់ចេញ ហើយលោកសង្ឃឹមយ៉ាងមុតមាំថា សហការីរបស់លោកទាំងអស់ ក៏ដូចជាប្រជាពលរដ្ឋ នឹងចូលរួមគាំទ្រកិច្ចការនេះរហូតទាល់តែបានជោគជ័យ។

ឧបនាយករដ្ឋមន្ដ្រី ហ៊ុន ម៉ានី បានរៀបរាប់យ៉ាងដូច្នេះថា៖

«រយៈពេលប៉ុន្មានថ្ងៃនេះ ខ្ញុំបានទទួលសារអបអរ និងជូនពរជាច្រើន ក្នុងឱកាសដែលខ្ញុំត្រូវបានតែងតាំងតួនាទីជាឧបនាយករដ្ឋមន្រ្តី និងជារដ្ឋមន្រ្តីក្រសួងមុខងារសាធារណៈ។ តួនាទីនេះ មិនត្រឹមតែជាកិត្តិយសដ៏ធំធេងសម្រាប់រូបខ្ញុំ ប៉ុណ្ណោះទេ ប៉ុន្តែគឺជាការទទួលស្គាល់នូវកិច្ចខិតខំប្រឹងប្រែងលះបង់ឥតឈប់ឈររបស់ថ្នាក់ដឹកនាំ មន្រ្តីរាជការដែលទទួលបន្ទុកការងារប្រចាំថ្ងៃ ក៏ដូចជាការទទួលស្គាល់នូវសារៈសំខាន់នៃទំនួលខុសត្រូវរបស់ក្រសួងមុខងារសាធារណៈ ក្នុងការគ្រប់គ្រងវិស័យមុខងារសាធារណៈ និងដឹកនាំការងារកែទម្រង់ឲ្យកាន់តែល្អប្រសើរឡើងនូវ រដ្ឋបាលសាធារណៈ នៅព្រះរាជាណាចក្រកម្ពុជា។

១៖ ទូលបង្គំជាខ្ញុំ សូមយកឱកាសនេះ ថ្លែងអំណរព្រះរាជគុណ ថ្វាយព្រះករុណាជាអម្ចាស់ជីវិតលើត្បូង ដែលព្រះអង្គសព្វព្រះរាជហឫទ័យ ប្រោសព្រះរាជទានតែងតាំងទូលបង្គំជាខ្ញុំ និងក្រាបថ្វាយអំណរព្រះរាជគុណ ថ្វាយព្រះវររាជមាតាជាតិខ្មែរ (សម្តេចយាយ) ដែលសព្វព្រះរាជហឫទ័យ ប្រោសព្រះរាជទានព្រះរាជសារអបអរសាទរដោយផ្ទាល់ ដែលនេះជាមហាកិត្តិយសដ៏ក្រៃលែងបំផុតសម្រាប់ទូលបង្គំជាខ្ញុំ។

២៖ ខ្ញុំបាទសូមគោរពថ្លែងអំណរគុណយ៉ាងជ្រាលជ្រៅដល់សម្តេចមហាបរវធិបតី នាយករដ្ឋមន្រ្តី ដែលបានផ្តល់សេចក្តីទុកចិត្ត និងការជឿជាក់ដល់ក្រសួងមុខងារសាធារណៈ ក្នុងភារកិច្ចដ៏មានសារៈសំខាន់មួយនេះ ព្រមទាំងសូមអរគុណដល់អង្គរដ្ឋសភាដ៏ឧត្តុង្គឧត្តម ដែលបានបោះឆ្នោតផ្តល់សេចក្តីទុកចិត្តផ្តល់តួនាទីបន្ថែមមកដល់រូបខ្ញុំ។

៣៖ ខ្ញុំបាទក៏សូមថ្លែងអំណរគុណជូនចំពោះ សម្តេច ឯកឧត្តម ឧបនាយករដ្ឋមន្រ្តី ទេសរដ្ឋមន្រ្តី រដ្ឋមន្រ្តី ឥស្សរជនជាតិ អង្គទូត វិស័យឯកជន សហការី និងមិត្តភក្តិទាំងអស់ ចំពោះពាក្យពេចន៍អបអរសាទរ និងជូនពរប្រកបដោយក្តីរំភើបដល់រូបខ្ញុំ។ ខ្ញុំក៏មានក្តីរំភើបចំពោះសារ និងកាយវិការដ៏ស្និទ្ធស្នាលពីសមាជិក សមាជិកានៃមហាគ្រួសារ ស.ស.យ.ក. ទូទាំងប្រទេស និងពីអ្នកស្ម័គ្រចិត្ត ព្រមទាំងយុវជន ដែលខ្ញុំបានជួប និងស្គាល់ជាច្រើនឆ្នាំកន្លងមកនេះ។

ទាំងសារជូនពរ ទាំងការបង្ហោះ អមជាមួយរូបភាពអនុស្សាវរីយ៍ច្រើនរាប់មិនអស់ បានធ្វើឱ្យខ្ញុំនឹកដល់ការចងចាំមិនអាចបំភ្លេចបានក្នុងព្រឹត្តិការណ៍ជាច្រើនកន្លងមក ដែលនាំឱ្យពួកយើងបានស្គាល់គ្នា ធ្វើការ និងរៀនសូត្រពីគ្នាទៅវិញទៅមក គួបផ្សំនឹងភាពសប្បាយ ក៏ដូចជាការតស៊ូជំនះការលំបាកជាមួយគ្នា ដើម្បីទទួលបានជោគជ័យក្នុងព្រឹត្តិការណ៍នានា។ រូបភាពទាំងអស់ គឺជាអនុស្សាវរីយ៍ដ៏មានតម្លៃកាត់ថ្លៃពុំបានដែលស្តែងឱ្យឃើញពីមិត្តភាព និងការចងចាំល្អៗដែលមិនអាចបំភ្លេចបាន។ ខ្ញុំសូមថ្លែងអំណរគុណយ៉ាងជ្រាលជ្រៅចេញពីចិត្តចំពោះការរាប់អានដ៏ស្ម័គ្រស្មោះនេះ។

ជាចុងក្រោយ តួនាទីដែលខ្ញុំទទួលបាននេះ មិនគ្រាន់តែជា «តំណែង» ប៉ុណ្ណោះទេ តែក៏ជាទំនួលខុសត្រូវ ទំនុកចិត្ត និងភារកិច្ចក្នុងការសម្រេចឱ្យបាននូវចក្ខុវិស័យរបស់សម្តេចធិបតី ក្នុងការគ្រប់គ្រង ធ្វើកំណែទម្រង់ និងទំនើបកម្មរដ្ឋបាលសាធារណៈ។ ឆ្លើយតបនឹងទំនួលខុសត្រូវនេះដែរ ថ្នាក់ដឹកនាំទាំងអស់ ទាំងក្នុងមុខងារនយោបាយ និងបច្ចេកទេស របស់ក្រសួងមុខងារសាធារណៈ ដឹងច្បាស់ពីតួនាទី និងត្រៀមខ្លួនឲ្យសាកសមនឹងទំនុកចិត្ត និងការជឿជាក់ដែលត្រូវបានប្រគល់ជូន។ ក្នុងន័យនេះ យើងខ្ញុំប្តេជ្ញានឹងខិតខំប្រឹងប្រែង យកអស់កម្លាំងកាយ ចិត្ត ដើម្បីសម្រេចឱ្យបាននូវផែនការដែលបានដាក់ចេញ ហើយខ្ញុំសង្ឃឹមយ៉ាងមុតមាំថាអ្នកទាំងអស់គ្នានឹងចូលរួមគាំទ្រកិច្ចការនេះរហូតទាល់តែបានជោគជ័យ។

ក្នុងតួនាទីជាឧបនាយករដ្ឋមន្រ្តី មិនគ្រាន់តែជាតំណែង ឬឋានៈប៉ុណ្ណោះទេ តែលើសពីនោះគឺជាទំនួលខុសត្រូវមួយដែលត្រូវរែកពុនឱ្យបាន ក្នុងបុព្វហេតុជាតិ និងប្រជាជនរបស់យើង។ នោះ គឺជាការរួមគ្នាសម្រេចនូវភាពប្រសើរបន្ថែម និងសម្រួចអនាគតនៃវិស័យរដ្ឋបាលសាធារណៈ សម្រាប់កូនចៅជំនាន់ក្រោយ ក្រោមចក្ខុវិស័យ និងម៌ាគាដឹកនាំដ៏ត្រឹមត្រូវរបស់សម្តេចធិបតី នាយករដ្ឋមន្ត្រី»៕

(សូមអានបន្ត)

ក្រសួងបរិស្ថាន និង អង្គការអភិរក្សអន្តរជាតិកម្ពុជា ប្រកាសដាក់ឱ្យដំណើរការគម្រោងរេដបូក និងកម្មវិធីតំបន់ទេសភាពជួរភ្នំក្រវាញកណ្ដាល

ក្រសួងបរិស្ថាន និង អង្គការអភិរក្សអន្តរជាតិកម្ពុជា បានប្រកាសដាក់ឱ្យដំណើរការជាផ្លូវការនូវគម្រោងរេដបូក និងកម្មវិធីតំបន់ទេសភាពជួរភ្នំក្រវាញកណ្ដាល នៅថ្ងៃទី២៣ ខែកុម្ភៈ ឆ្នាំ២០២៤ នៅរាជធានីភ្នំពេញ ក្រោមអធិបតីភាព ឯកឧត្តម ជួប ប៉ារីស៍ រដ្ឋលេខាធិការ និងតំណាងឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងមានការចូលរួមពីថ្នាក់ដឹកនាំ មន្រ្តីរាជការ ក្រសួងបរិស្ថាន ក្រសួងស្ថាប័ន ពាក់ព័ន្អ រដ្ឋបាលខេត្ត តំណាងអង្គការដៃគូ អ្នកជំនាញ និងអ្នកសិក្សាស្រាវជ្រាវ អ្នកសារព័ត៌មានជាតិនិងអន្តរជាតិ។ 

គំនិតផ្តួចផ្តើមរួមគ្នាមួយនេះធ្វើឡើងគឺដើម្បី ធានា លំនឹងប្រព័ន្ធអេកូឡូស៊ីនៅក្នុងតំបន់ទេសភាពជួរភ្នំក្រវាញកណ្តាល និងធានាថាសហគមន៍មូលដ្ឋានគឺជាអ្នកពាក់ព័ន្ធ និងតួអង្គសំខាន់ ក្នុងការចូលរួមកិច្ចគាំពារ និងអភិរក្សរយៈពេលវែង។ ឯកឧត្តម ជួប ប៉ារីស៍ បានមានប្រសាសន៍ថា កិច្ចសហប្រតិបត្តិការនេះ គឺឧនុលោមជាមួយនឹងយុទ្ធសាស្ត្រចក្រាវិស័យបរិស្ថានឆ្នាំ២០២៣-២០២៨ របស់ក្រសួងបរិស្ថាន និងគោលដៅយុទ្ធសាស្ត្រទី៥ នៃយុទ្ធសាស្ត្រ បញ្ចកោណដំណាក់កាលទី១ ដែលកំពុងប្រែក្លាយសង្គមកម្ពុជាទៅជា ប្រទេសអព្យាក្រឹតកាបូន ដែលមានគម្របព្រៃឈើ ៦០ ភាគរយនៅឆ្នាំ ២០៥០។ គម្រោងទាំងនេះ គឺ ចូលរួមបង្កើនគម្រប់ព្រៃឈើ ភាពធន់ទ្រាំនឹងការប្រែប្រួលអាកាសធាតុ តាមរយៈការពង្រឹងការអភិរក្ស និងការគ្រប់គ្រងធនធានធម្មជាតិនិងវប្បធម៌ និងធានានូវការអភិវឌ្ឍសេដ្ឋកិច្ចសង្គមប្រកបដោយ ចីរភាព”។

លោក អ៊ុំ សូនី នាយកប្រចាំប្រទេសនៃអង្គការអភិរក្សអន្តរជាតិ កម្ពុជាបានមានប្រសាសន៍ថា " ការងាររបស់អង្គការអភិរក្សអន្តរជាតិនៅកម្ពុជាបាន អនុវត្តការងារអភិរក្ស និងការពារធនធានធម្មជាតិនៅជួរតំបន់ភ្នំក្រវាញកណ្តាលអស់រយៈពេលជាងពីរទសវត្សរ៍ហើយ ខណះពេលដែលយើងជួយ រាជរដ្ឋាភិបាលក្នុងការ បង្កើតព្រៃការពារនេះ។ ដោយមានការការវិនិយោគ ពីវិស័យសាធារណៈនិងឯកជន យើងបានទទួល ធនធាន ដើម្បីសម្រេចបាននូវសេចក្តីប៉ងប្រាថ្នារបស់យើង ក្នុងការអភិរក្សនិងការអភិវឌ្ឍរួមគ្នា ប្រកបដោយនិរន្តរភាពសម្រាប់មនុស្ស និងធម្មជាតិ នៅតំបន់ទេសភាពជួរភ្នំក្រវាញកណ្តាល ។

កម្មវិធីតំបន់ទេសភាពជួរភ្នំក្រវាញកណ្តាលបានទទួលនូវការប្តេជ្ញាចិត្ត ក្នុងការផ្តល់មូលនិធិរយៈពេល ១៥ ឆ្នាំ ពីមូលនិធិកេរតំណែលតំបន់ទេសភាព(LLF) ដែល បង្កើតឡើងដោយក្រសួងកិច្ច សហប្រតិបត្តិការសេដ្ឋកិច្ច និងការអភិវឌ្ឍរបស់អាល្លឺម៉ង់"។ ភារធារីស្ថានទូតអាល្លឺម៉ង់ប្រចាំកម្ពុជា បានលើកឡើងពី "ការគ្រប់គ្រងប្រកបដោយប្រសិទ្ធភាពនៃតំបន់អភិរក្សត្រូវបានទទួលស្គាល់ ថាជាយុទ្ធសាស្រ្តដ៏មានប្រសិទ្ធភាពបំផុតក្នុងការការពារតំបន់ទេសភាព ជីវៈចម្រុះ និងសេវាកម្មប្រព័ន្ធអេកូឡូស៊ីដ៏មានតម្លៃ។

លោកស្រី Stefanie Lang នាយកប្រតិបត្តិនៃមូលនិធិកេរតំណែលតំបន់ទេសភាព(LLF) បាន ស្វាគមន៍ ក្រុមហ៊ុនProcter & Gamble ក្នុងនាមជាក្រុមហ៊ុនឯកជនដំបូងគេ ក្នុងការខិតខំប្រឹងប្រែង អភិរក្សជីវៈចម្រុះដ៏មានតម្លៃនៅក្នុងប្រទេសកំពុងអភិវឌ្ឍ តាមរយៈភាពជាដៃគូសាធារណៈ និងឯកជន ។ សម្រាប់រយៈពេលប្រាំឆ្នាំដំបូង កម្មវិធីនេះ នឹងត្រូវបានសហការផ្តល់មូលនិធិពីក្រុមហ៊ុន Procter & Gamble Co.។

លោកស្រី Ashley Kuhn នាយកជាន់ខ្ពស់ផ្នែកធម្មជាតិនិងជីវៈចម្រុះ នៃក្រុមហ៊ុន Procter & Gamble Co. បានប្រសាសន៍ថា ក្រុមហ៊ុន Procter & Gamble មានមោទនភាពក្នុងការគាំទ្រការអភិរក្សដែលរក្សាលំនឹងប្រព័ន្ធអេកូឡូស៊ី ជួយឱ្យជីវភាពរស់នៅរបស់សហគមន៍មូលដ្ឋានកាន់តែប្រសើរឡើង និងជួយកាត់បន្ថយការប្រែប្រួលអាកាសធាតុ។ ”

សូមបញ្ជាក់ថា អង្គការអភិរក្សអន្តរជាតិ បានចាប់ដៃគូ ជាមួយUSAID-មរតកបៃតង ផងដែរ ក្នុងការ គាំទ្រការអនុវត្តគម្រោងរេដបូក ជួរភ្នំក្រវាញកណ្តាល៕

(សូមអានបន្ត)