សម្តេចតេជោ ហ៊ុន សែន អញ្ជើញផ្តល់ស្រូវពូជ និងស្បៀងអាហារ ជូនប្រជាពល រដ្ឋខេត្តកំពង់ធំជិត៧ពាន់គ្រួសារ

   

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី២៩ ខែតុលា ឆ្នាំ ២០២២ នេះបានអញ្ជើញផ្តល់ស្រូវពូជ និងស្បៀងអាហារជូនប្រជាពលរដ្ឋខេត្តកំពង់ធំចំនួនជិត៧ពាន់គ្រួសារ ដែលពិធីនេះរៀបចំធ្វើឡើងនៅទីលានបាល់ទាត់ខេត្តកំពង់ធំ ។ ឯកឧត្តម ងួន រតនៈ អភិបាលខេត្តកំពង់ ធំ បានឱ្យដឹងថា ប្រជាពលរដ្ឋដែលអញ្ជើញមកទទួលស្រូវពូជនិងស្បៀងអាហារនេះ មានចំនួន៦,៨៤៤ គ្រួសារ មកពី ៩ក្រុង ស្រុក ៤៨ឃុំ សង្កាត់ និង ២៩៨ ភូមិ។

 ស្រូវពូជដែលត្រូវប្រគល់ជូនប្រជា ពលរដ្ឋមានចំនួន ៦៨៤,៤០០គីឡូក្រាម រួមនឹងគ្រឿងឧបភោគ បរិភោគមួយចំនួនរួមមាន៖ អង្ករ ត្រីខ មី និងថវិកាមួយចំនួនទៀត។ ខេត្តកំពង់ធំ ជាតំបន់វាលទំនាបកណ្តាលដែលធ្វើឱ្យទទួលរងគ្រោះទឹកជំនន់ និងប៉ះ ពាល់ចំនួន ៩ក្រុង ស្រុក ៥១ឃុំ សង្កាត់ និង ២៩២ ភូមិ។ ប៉ះពាល់ប្រជាពលរដ្ឋចំនួន២៩,៣៣៦គ្រួសារ ក្នុងនោះជម្លៀសប្រជាពលរដ្ឋទៅកាន់ទីទួលមានសុវត្ថិភាពចំនួន ១,៥០១គ្រួសារ។

 ទឹកជំនន់ បានប៉ះពាល់ដំណាំស្រូវ ២៥,៣៩៥ ហិកតាខូចខាត ១២,៣០៧ ហិកតា និងដំណាំរួមផ្សំ ១,៧៦៦ហិកតា ខូចខាត ១,២៥៦ហិកតា និងប៉ះពាល់ហេដ្ឋារចនាសម្ព័ន្ធ ខូចខាតស្ពានទាំងស្រុងចំនួន០២កន្លែង ផ្លូវជនបទមួយចំនួនទទួលរងការខូចខាតប៉ះពាល់សាលារៀន មណ្ឌលសុខភាព និងវត្តអារាមមួយចំនួនទៀត។ ឯកឧត្តមអភិបាលខេត្តកំពង់ធំ បានឱ្យដឹងទៀតថា ដើម្បីដោះស្រាយជីវភាពប្រចាំ ថ្ងៃជូនប្រជាពលរដ្ឋដែលមានជីវភាពខ្វះ ខាត ហើយទទួលរងដោយគ្រោះទឹកជំនន់ រដ្ឋបាលខេត្ត គណៈកម្មាធិការជាតិគ្រប់គ្រងគ្រោះមហន្តរាយ បានចែកជូនគ្រឿង ឧបភោគបរិភោគ ដែលជាស្បៀងបម្រុងរបស់រាជរដ្ឋាភិបាល និងសប្បុរសជននានា ជូនប្រជាពលរដ្ឋបានចំនួន ១៥,៤៩៤ គ្រួសារ។

 ដោយឡែក ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ្រ ចន្ទមុន្នី ក៏បានផ្ដល់ជូនថ្នាំពេទ្យចំនួន ១,០០០ កញ្ចប់ ដើម្បីចែកជូនបងប្អូនប្រជាពលរដ្ឋផងដែរ។ ជាមួយនឹងការដោះស្រាយផលប៉ះពាល់នៃទឹកជំនន់ខាងលើ ពិសេសការដោះស្រាយជីវភាពជូនបងប្អូនដែលមានជីវភាពខ្វះខាត ជាគ្រឿងឧបភោគបរិភោគ និងថ្នាំពេទ្យខាងលើ សម្តេចតេជោ ក៏បានផ្ដល់អង្ករចំនួន ៣០០តោន និងថវិកាចំនួន ១៥ម៉ឺនដុល្លារបន្ថែមទៀតដើម្បីឱ្យរដ្ឋបាលខេត្ត និងគណៈកម្មការគ្រប់គ្រងគ្រោះ មហន្តរាយខេត្ត បន្តផ្ដល់ជូនដល់ប្រជា ពលរដ្ឋដែលមានជីវភាពខ្វះខាត និងរងគ្រោះដោយសារទឹកជំនន់។ មួយវិញទៀតចំពោះការស្ដារឡើងវិញ នូវការខូច ខាតដំណាំស្រូវរបស់ប្រជាពលរដ្ឋ លើផ្ទៃដី ១១,៥៣០ហិកតា ដែលត្រូវការស្រូវពូជជាចាំបាច់ចំនួន ៩៥៩តោន ក្នុងនោះ ឯកឧត្តទេសរដ្ឋមន្តី្រ គន់ គីម ប្រតិភូក្រសួងសេដ្ឋកិច្ច និងហិរញ្ញវត្ថុ ក្រសួងកសិកម្ម និងរដ្ឋបាលខេត្ត បានផ្ដល់ជូនប្រជាពលរដ្ឋលើកទី១ បានចំនួន ២៧៤ តោន ស្មើនឹង ៤,១៩៦គ្រួសារ។ 

 ក្នុងនាមក្រុមប្រឹក្សាខេត្ត គណៈអភិបាល ខេត្ត កងកម្លាំងប្រដាប់អាវុធ មន្ត្រីរាជការ និងប្រជាពលរដ្ឋទូទាំងខេត្តកំពង់ធំ ឯកឧត្តម ងួន រតនៈ គោរពថ្លែងអំណរគុណយ៉ាងជ្រាលជ្រៅ ជូនចំពោះសម្តេចតេជោនាយករដ្ឋមន្ត្រី ដែលសម្ដេច តែងតែយក ចិត្តទុកដាក់ខ្ពស់អំពីសុខទុក្ខរបស់ប្រជា ពលរដ្ឋក្នុងការដោះស្រាយបញ្ហាស្បៀង និងស្រូវពូជ ជូនប្រជាពលរដ្ឋរងគ្រោះដោ យសារទឹកជំនន់។ ឯកឧត្តម ងួន រតនៈ ប្រកាសគាំទ្រការដឹកនាំរបស់រាជរដ្ឋាភិ បាល ដែលមានសម្ដេចតេជោជានាយករដ្ឋមន្ត្រី និងប្រឆាំងដាច់ខាតរាល់ការប៉ុនប៉ងផ្តួលរំលំរាជរដ្ឋាភិបាលស្របច្បាប់ ពិសេសថ្កោល ទោសយ៉ាង

ដាច់អហង្ការ ចំពោះជនក្បត់ជាតិបីជំនាន់ សម រង្ស៉ី ដែលហ៊ានប្រមាថដល់អង្គព្រះមហាក្សត្រជាទីគោរពសក្ការៈដ៏ខ្ពង់ខ្ពស់នៃប្រជា ពលរដ្ឋខ្មែរ និងសូមគាំទ្រយ៉ាងពេញទំហឹងចំពោះយុទ្ធនា ការ សម្តេចតេជោ នាយករដ្ឋមន្ត្រី ក្នុងការកម្ចាត់ចោលនូវនយោបាយជ្រុលនិយមរបស់ជនក្បត់ជាតិបីជំនាន់ ឱ្យអស់ពីព្រះរាជាណាចក្រកម្ពុជា ដើម្បីរក្សាសន្តិ ភាព ស្ថិរភាពសង្គមនិងសេចក្តីសុខសាន្តរបស់ប្រជាពលរដ្ឋខ្មែរ៕

(សូមអានបន្ត)

សិទ្ធិសេរីភាពសារព័ត៌មាន នៅកម្ពុជា គឺបើកទូលាយធំ ដោយច្បាប់របបសារព័ត៌មាន

 ឯកឧត្តម ខៀវកាញារីទ្ធ រដ្ឋមន្ត្រីក្រសួងព័ត៌មាន បានថ្លែងថា សិទ្ធិសេរីភាពសារព័ត៌មាននៅកម្ពុជា គឺមានការបើកទូលាយធំ ដោយច្បាប់របបសារព័ត៌មាន។ ឯកឧត្តម ខៀវ កាញារីទ្ធ បានថ្លែងដូចខាងលើនេះ ក្នុងឱកាសទទួលជួបឯកឧត្តម បណ្ឌិត ង្វៀនជីធឹក សមាជិកគណៈនិពន្ធនាយក នៃមជ្ឍឹមបក្សកុម្មុយនីស្ត​វៀតណាម ដើម្បីពិភាក្សាការងារ នៅរសៀលថ្ងៃទី២៨ ខែតុលា ឆ្នាំ២០២២។

ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានមានប្រសាសន៍ថា ប្រពន្ធ័ផ្សព្វផ្សាយនៅកម្ពុជា មានទាំងរដ្ឋ និងឯកជន ក្នុងនោះមានស្ថានីយ៍​ទូរទស្សន៍ចំនួន២០ ដោយស្ថានីយ៍រដ្ឋមានចំនួន២ គឺទូរទស្សន៍ជាតិកម្ពុជា ទទក១ និងទទក២។ ចំពោះវិទ្យុរដ្ឋមាន AM និង វិទ្យុ FM ហើយក្នុងចំណោមវិទ្យុ FM ២៥ ខេត្ត ក្រុង គឺ មាន ២១ខេត្ត មានវិទ្យុ FM ជាជំនួយរបស់ប្រទេស​វៀត​ណាម ដែលអាចផ្សាយបាន ទូទាំងប្រទេស។ សម្រាប់ការផ្សាយវិទ្យុរបស់ជាតិ មានជាភាសា ចិន បារាំង អង់គ្លេស និង វៀត​ណាម ហើយចំពោះការផ្សាយត្រូវបានដាក់បញ្ជូលគ្រប់ប្រពន្ធ័ផ្សព្វផ្សាយសង្គម ដែលអាចដាក់បញ្ជូលបាន ដើម្បីឱ្យប្រជា​ជន​ដែលរស់នៅក្នុង និងក្រៅប្រទេស អាចបើកមើលបានឱ្យតែមានប្រពន្ធ័ Internet។

ឯកឧត្តម បានបន្តទៀតថា ទាក់ទងសិទ្ធិសេរីភាពសារព័ត៌មាននៅកម្ពុជា គឺមានការបើកទូលាយធំ ដោយច្បាប់របបសារព័ត៌មាន មានចំណុចសំខាន់ចំនួន ៣ គឺទី១ អនុញ្ញាតឱ្យជនបរ​ទេស​អាចបើក កាសែតនៅកម្ពុជាបាន។ ទី២ អ្នកកាសែតមានសិទ្ធិ លាក់ប្រភពព័ត៌មានដោយមិនចាំបាច់ប្រាប់បាន។ ទី៣ អ្នកកាសែតមិនត្រូវចាប់ដាក់ពន្ធធនាគារ ដោយគ្រាន់តែបញ្ចេញមតិពាក់ព័ន្ធបញ្ហានយោបាយនោះឡើយ តែមានអ្នកនយោបាយមួយចំនួនយកចំណុចនេះដោយប្រើប្រាស់ព័ត៌មានក្លែងបន្លំ ដើម្បីវាយប្រហារ មកលើរាជរដ្ឋាភិបាល។

ឯកឧត្តម រដ្ឋមន្រ្តី បានបញ្ជាក់ថា ចំណងមិត្តភាព និងកិច្ចសហប្រតិបត្តិការរវាងអ្នកសារព័ត៌មាន នៃប្រទេសទាំងពីរ គឺបានដើរ​តួនាទីយ៉ាងសំខាន់ក្នុងការជំរុញចំណងមិត្តភាព និងកិច្ចសហប្រតិបត្តិការ នៃប្រជាជន និងរដ្ឋាភិបាលប្រទេសពីរ កម្ពុជា វៀតណាម កាន់តែរឹងមាំបន្ថែមទៀត។

ឆ្លៀតក្នុងឱកាសនេះដែរ ឯកឧត្តម ខៀវ កាញារីទ្ធ បានជម្រាបជូនសមាជិកគណៈនិពន្ធនាយកនៃមជ្ឈឹមបក្ស កុម្មុយនីស្ត​វៀត​ណាមថា ជារៀងរាល់ឆ្នាំ ត្រូវនឹងថ្ងៃទី១៤ ខែមករា ដែលជាថ្ងៃឡើងកាន់តំណែង របស់សម្តេច តេជោនាយករដ្ឋមន្រ្តី ហ៊ុន សែន គឺមានការប្រារព្ធពិធីជួបជុំរវាង ប្រមុខរាជរដ្ឋាភិបាល សម្តេចតេជោ ហ៊ុន សែន ជាមួយអ្នកសារព័ត៌មាន ហើយក្នុងពេលនោះមានការលើកជាសំណូមពររបស់អ្នកសារព័ត៌មាន ហើយ ត្រូវបានសម្តេចនាយករដ្ឋមន្រ្តី ធ្វើការសម្រេច គឺស្មើនឹងការសម្រេចក្នុងពេលកិច្ចប្រជុំគណៈរដ្ឋមន្រ្តីផងដែរ។

ឯកឧត្តម បណ្ឌិត ង្វៀនជីធឹក សមាជិកគណៈនិពន្ធនាយក នៃមជ្ឍឹមបក្សកុម្មុយនីស្ត​វៀតណាមបានបញ្ជាក់ ពីបំណងចង់សិក្សាស្វែងយល់ពីការងាររបស់ក្រសួងព័ត៌មានកម្ពុជា លើការគ្រប់គ្រង និងតម្រង់ទិសវិស័យ​សារព័ត៌មាន ។ ឯកឧត្តម បណ្ឌិត ង្វៀនជីធឹក បានជម្រាបជូនថា ទស្សនាវដ្តីរបស់បក្សកុម្មុយនីស្តវៀតណាម ស្ថិតក្នុងការគ្រប់គ្រងរបស់គណៈ​កម្មាធិការកណ្តាលគណបក្សកុម្មុយនីស្តវៀតណាម ហើយទស្សនាវដ្តីនេះ បង្កើតឡើងដោយ លោកប្រធាន ហូជីមិញ ដែលជាអគ្គនិពន្ធនាយកដំបូងគេបង្អស់ ដោយបានបោះពុម្ពផ្សាយ លេខទី១ នៅថ្ងៃទី៥ ខែសីហា ឆ្នាំ១៩៣០។ ទស្សនាវដ្តីរបស់បក្សកុម្មុយនីស្តវៀតណាម បានផ្សាយតាម ទម្រង់ជាច្រើន ដូចជាកាសែតបោះពុម្ពជាក្រដាស ផ្សាយ Online និងផ្សាយតាម Radio ថែមទៀត៕

(សូមអានបន្ត)

ទេសរដ្ឋមន្រ្តី លី ធុជ វាយតម្លៃខ្ពស់ចំពោះ សមាគមរោងចក្រកាត់ដេរកម្ពុជា ដែលចូលរួមជាមួយរាជរដ្ឋាភិបាល ក្នុងការដោះស្រាយបញ្ហាគ្រាប់មីននៅកម្ពុជា

 

បាត់ដំបង: ថ្ងៃទី២៨ ខែតុលា ឆ្នាំ២០២២សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីថ្ងៃព្រហស្បតិ៍ ៣កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៧ ខែតុលា ឆ្នាំ២០២២ បានអញ្ជើញជាអធិបតីពិធីបិទវគ្គបណ្ដុះបណ្ដាលកម្រិតបឋមវិជ្ជាជីវៈនគរបាលជំនាន់ទី១៥ លើកទី២ នៅសាលានគរបាលជាតិភូមិភាគ៥ ខេត្តបាត់ដំបង និងបានអញ្ជើញចូលរួមក្នុងពិធីបិទ «វគ្គបណ្តុះបណ្តាលកម្រិតបឋមវិជ្ជាជីវៈនគរបាល»ជំនាន់ទី១៥ លើកទី២ ជូនដល់សិស្សនគរបាល ជ័យលាភី ដែលបានសិក្សានៅសាលានគរបាលជាតិភូមិភាគ៤ ភូមិភាគ៥ និងភូមិភាគ៦ ចំនួន ៣៩៥ នាក់ ដោយមានការចូលរួមពី ឯកឧត្តម សុខ លូ អភិបាលខេត្តបាត់ដំបង ផងដែរ។

ឧត្តមសេនីយ៍ទោ ប៉ិ វ៉ាន់ នាយកសាលានគរបាលជាតិភូមិភាគ៥ បានឱ្យដឹងថា ពិធីបិទវគ្គនាឱកាសនេះ មានសិស្សនគរបាលជ័យលាភីមកពីបីសាលានគរបាលជាតិភូមិភាគ សរុបចំនួន៣៩៥នាក់ នារី៤៤នាក់ ក្នុងនោះសិស្សនគរបាលជ័យលាភីនៃសាលានគរបាលជាតិភូមិភាគ៤ ចំនួន១៣៣នាក់ នារី១៦នាក់ មកខេត្តបន្ទាយមានជ័យ និងឧត្តរមានជ័យ សិស្សសាលានគរបាលជាតិភូមិភាគ៥ ចំនួន១៣៣នាក់ នារី១១នាក់ មកពីខេត្តបាត់ដំបង ពោធិ៍សាត់ និងប៉ៃលិន និងសាលានគរបាលជាតិភូមិភាគ៦ ចំនួន១២៩នាក់ នារី១៧នាក់ មកពីភ្នំពេញ បាត់ដំបង និងបន្ទាយមានជ័យ។វគ្គបណ្ដុះបណ្ដាលកម្រិតបឋមវិជ្ជាជីវៈនគរបាលនេះ បានតម្រូវឱ្យសិស្សនគរបាលសិក្សាចំនួន ២១មុខវិជ្ជា ផ្ដោតលើចំណេះដឹង និងជំនាញវិជ្ជាជីវៈនគរបាលជាមូលដ្ឋាន យុទ្ធវិធីនគរបាល ក្បាច់គុន លំហាត់របៀប ក្រមសីលធម៌វិជ្ជាជីវៈ ការពង្រឹងកាយសម្បទា និងរបៀបរបបបំពេញការងាររបស់កងកម្លាំង ដោយមានការសិក្សាក្នុងថ្នាក់ ការសិក្សាក្រៅថ្នាក់ ការចុះកម្មសិក្សា ព្រមទាំងបានបញ្ចូលមេរៀន ទ្រឹស្ដី និងគោលនយោបាយ ភូមិ ឃុំ សង្កាត់ មានសុវត្ថិភាព។

អញ្ជើញមានប្រសាសន៍សំណេះសំណាលនាឱកាសនោះ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានគូសបញ្ជាក់ថា ក្រសួងមហាផ្ទៃបានដាក់ចេញកម្មវីធីកំណែទម្រង់ច្បាស់លាស់លើកងកម្លាំងនគរបាលជាតិ ដោយផ្ដោតលើគោលដៅសំខាន់ ៗ៣ ក្នុងនោះទីមួយ ការបណ្ដុះបណ្ដាលពង្រឹងសមត្ថភាពជំនាញវិជ្ជាជីវៈកងកម្លាំងនគរបាលជាតិ និងមុខវិជ្ជាពាក់ព័ន្ធផ្សេងៗទៀត ដើម្បីធានាប្រសិទ្ធភាពបំពេញតួនាទី និងភារកិច្ចរបស់ន គរបាលជាតិនៃអង្គភាពនីមួយៗ។សម្ដេចបានសង្កត់ថា ការបណ្ដុះបណ្ដាលមន្រ្តីនគរបាលជា តិ គឺជាការងារចាំបាច់ដែលត្រូវតែបន្តធ្វើជាប់ជាប្រចាំ ក្នុងគោលដៅធ្វើឱ្យកងកម្លាំងនគរបាលជាតិមានចំណេះដឹងគ្រប់គ្រាន់លើផ្នែកទ្រឹស្ដី ជំនាញបច្ចេកទេស អាកប្បកិរិយាល្អក្នុងការរួមចំ ណែករក្សាបានរឹងមាំនូវឃឿនសន្តិសុខជាតិ និងសណ្ដាប់ធ្នាប់សង្គមល្អ ដែលជាមូលដ្ឋានគ្រឹះនៃការវិវត្តន៍សេដ្ឋកិច្ចជាតិ ព្រមទាំងឆ្លើយតបតម្រូវការនៃអង្គភាពប្រើប្រាស់កងកម្លាំង ផែនការអភិវឌ្ឍនធនធានមនុស្សរបស់ក្រសួងមហាផ្ទៃ និងគោលនយោបាយរបស់រាជរដ្ឋាភិបាល។

នាឱកាសនោះដែរ សម្ដេចក្រឡាហោម ស ខេង ឧបនាយករដ្ឋមន្រ្តី បានសង្កត់ធ្ងន់អំពីការជ្រើសរើសនគរបាលប៉ុស្តិ៍រដ្ឋបាល ឃុំ សង្កាត់ ដោយគូសបញ្ជាក់ថា «មកដល់ឥឡូវនេះ យើងចាត់ទុកការជ្រើសរើសនគរបាលដោយសម្ភាសន៍មានប្រយោជន៍ និងប្រសិទ្ធភាពសម្រា ប់ការជ្រើសរើសមន្រ្តីនគរបាលប៉ុស្តិ៍ធ្វើការនៅឃុំកំណើត។ អីចឹងខ្ញុំស្នើ ហើយក្រសួងបានណែ នាំហើយថា មិនបាច់ប្រឡងទេ ប៉ុន្តែគឺសម្ភាសន៍។ អ្នកទទួលបន្ទុកសម្ភាសន៍នោះ គឺមេឃុំ សង្កាត់ និងមេប៉ុស្តិ៍ប៉ូលិសជាអ្នកសម្ភាសន៍ទៅតាមសំណួរដែលនាយកដ្ឋានបុគ្គលិករបស់ក្រ សួងបានដាក់ឱ្យ ហើយសម្ភាសន៍កូនចៅរបស់ប្រជាពលរដ្ឋនៅឃុំសង្កាត់ហ្នុងតែម្ដង» ។បន្ទាប់ពីឆ្លងកាត់នីតិវិធីជ្រើសរើសដោយតម្លាភាព និងយុត្តិធម៌ហើយនោះ គឺត្រូវឆ្លងកាត់ការពិនិត្យសុខភាព ពិសេសពិនិត្យទឹកនោមរកសារធាតុញៀន។ បន្ទាប់ពីបានជាប់ជានគរបាលជាតិហើ យនោះ ការផ្ទេរចេញរបស់មន្រ្តីនគរបាលនោះ គឺត្រូវឆ្លងកាត់ការសម្រេចពីរដ្ឋមន្រ្តីក្រសួងមហាផ្ទៃ៕

ដោយ ណយ នឿន (ប្រភពះរដ្ឋបាលខេត្តបាត់ដំបង) សម្រួលផ្សាយដោយ៖​ dara

(សូមអានបន្ត)

ទេសរដ្ឋមន្រ្តី លី ធុជ វាយតម្លៃខ្ពស់ចំពោះ សមាគមរោងចក្រកាត់ដេរកម្ពុជា ដែលចូលរួមជាមួយរាជរដ្ឋាភិបាល ក្នុងការដោះស្រាយបញ្ហាគ្រាប់មីននៅកម្ពុជា

(ភ្នំពេញ)៖ លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានវាយតម្លៃខ្ពស់ចំពោះទឹកចិត្តប្រកបដោយសប្បុរសរបស់ សមាគមរោងចក្រកាត់ដេរកម្ពុជា (GMAC) ដែលមានបំណងចូលរួមជាមួយ រាជរដ្ឋាភិបាលកម្ពុជា ក្នុងការងារបោសសម្អាតមីនមនុស្សធម៌ ដើម្បីជួយឱ្យកម្ពុជាសម្រេចនូវគោលដៅ កម្ពុជាគ្មានមីនឆ្នាំ២០២៥ ស្របតាមចក្ខុវិស័យដឹកនាំរបស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

ការវាយតម្លៃបែបនេះរបស់ ទេសរដ្ឋមន្ត្រី លី ធុជ បានធ្វើឡើងក្នុងកិច្ចពិភាក្សាការងារជាមួយ លោក អាល់បឺត តាន់ អនុប្រធានសមាគមរោងចក្រកាត់ដេរកម្ពុជា (GMAC) និងលោក Andrew Tey នាយកវិទ្យាស្ថានបណ្តុះបណ្តាលវិស័យកាត់ដេរនៅកម្ពុជា (CGTI-GMAC) លើកិច្ចសហប្រតិបត្តិការសកម្មភាពមីន ក្នុងគោលបំណងចូលរួមសម្រេចនូវទស្សនវិស័យរបស់សម្តេចតេជោ ក្នុងការដោះស្រាយបញ្ហាគ្រាប់មីននៅកម្ពុជា ដែលជំនួបនេះ បានធ្វើឡើង នាថ្ងៃទី២៧ ខែតុលា ឆ្នាំ២០២២ នៅទីស្នាក់ការអាជ្ញាធរមីន។

ក្នុងនាមសម្តេចតេជោ ហ៊ុន សែន និងជាប្រធានអាជ្ញាធរមីន, លោកទេសរដ្ឋមន្រ្តី ក៏បានថ្លែងអំណរគុណចំពោះកិច្ចសហការរបស់សមាគម GMAC ជាមួយអាជ្ញាធរមីន ដែលបានផ្តួចផ្តើមរៀបចំឱ្យមានកម្មវិធីប្រមូលថវិកាសប្បុរស នាថ្ងៃទី១៧ ខែវិច្ឆិកា ឆ្នាំ២០២២ ខាងមុខ ក្រោមអធិបតីភាពរបស់ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើង។

លោកទេសរដ្ឋមន្រ្តី បានបញ្ជាក់ថា អាជ្ញាធរមីននឹងយកថវិកាប្រមូលបាននេះ ទៅប្រើប្រាស់ឱ្យចំគោលដៅ និងធ្វើការបោសសម្អាតមីននៅតាមតំបន់អាទិភាព ស្របតាមតម្រូវការជាក់ស្តែងរបស់ប្រជាពលរដ្ឋ និងការអភិវឌ្ឍនៅកម្ពុជា។

ជាមួយគ្នានេះដែរ លោកទេសរដ្ឋមន្ត្រី លី ធុជ បានបន្តថា ទន្ទឹមនឹងកិច្ចសហការការងារបោសសម្អាតមីន អាជ្ញាធរមីន និងវិទ្យាស្ថាន CGTI-GMAC បានចុះហត្ថលេខាលើភាពជាដៃគូរវាងរដ្ឋ និងឯកជន ស្តីពីការបង្កើតកិច្ចសហប្រតិបត្តិការ និងការផ្លាស់ប្តូរនូវការអភិវឌ្ឍសមត្ថភាព និងធ្លាប់បានផ្តល់នូវវគ្គបណ្តុះបណ្តាលជូនដល់ថ្នាក់ដឹកនាំ មន្រ្តី បុគ្គលិក អាជ្ញាធរមីន លើការពង្រឹងសមត្ថភាពភាពអ្នកដឹកនាំ និងឥរិយាបទរបស់បុគ្គល ដែលមានប្រសិទ្ធភាព ក៏ដូចជាបានចូលរួមឧបត្ថម្ភដល់ការងារផ្សព្វផ្សាយអប់រំយល់ដឹងអំពីមីន និងយុទ្ធភណ្ឌមិនទាន់ផ្ទុះ នៅស្រុកជាំក្សាន្ត ខេត្តព្រះវិហារ ផងដែរ។

ជាមួយគ្នានេះ លោក អាល់បឺត តាន់ បានបង្ហាញពីគោលបំណង និងការពេញចិត្តរបស់សមាគម GMAC ដែលបានចូលរួមដំណើរជាមួយរាជរដ្ឋាភិបាលកម្ពុជា លើការងារបោសសម្អាតមីន និងជួយជនរងគ្រោះដោយសារមីន ក៏ដូចជាឱ្យកម្ពុជាទទួលបានជោគជ័យបន្ថែមទៀត សម្រាប់កិច្ចការសកម្មភាពមីននាពេលអនាគត និងសម្រេចបាននូវចក្ខុវិស័យឆ្នាំ២០២៥ អស់គ្រាប់មីនពីលើទឹកដី នៃព្រះរាជាណាចក្រកម្ពុជា។ សមាគម នឹងចលនាកៀរគរឱ្យមានការចូលរួមការឧបត្ថម្ភគាំទ្រពីបណ្តាក្រុមហ៊ុនប្រមាណ៧០០ ដែលជាសមាជិករបស់សមាគម សម្រាប់ការងារបោសសម្អាតមីននៅកម្ពុជាផងដែរ៕

(សូមអានបន្ត)

អភិបាលខេត្តព្រះវិហារលើកទឹកចិត្តដល់មន្ត្រីកងកម្លាំងរួមគ្នាទប់ស្កាត់បទល្មើសឱ្យមានប្រសិទ្ធភាព

   

ឯកឧត្តម គីម រិទ្ធី អភិបាលខេត្តព្រះវិហារ និងជាប្រធានគណៈបញ្ជាការឯកភាពរដ្ឋបាលខេត្ត បានណែនាំ ឱ្យកម្លាំង និងអាជ្ញាធរក្នុងខេត្តទាំងអស់ត្រូវចូលរួមទប់ស្កាត់បទល្មើសគ្រប់ប្រភេទ ឱ្យមានប្រសិទ្ធភាព ដើម្បីប្រជាជនរស់នៅប្រកបដោយភាពសុខសាន្ត។

ក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តនាព្រឹកថ្ងៃទី២៦ ខែតុលា ឆ្នាំ២០២២ ឯកឧត្តម អភិបាលខេត្ត បានជំរុញដល់កងកម្លាំងទាំង៣ និងក្រុង-ស្រុកទាំងអស់ត្រូវពង្រឹងការងារ សន្តិសុខ សណ្តាប់ធ្នាប់ ការអនុវត្តន៍បទបញ្ជា និងវិធានការនានារបស់រាជរដ្ឋាភិបាល ដើម្បីទប់ស្កាត់ និងបង្ក្រាប បទល្មើសនានាក្នុងភូមិសាស្ត្រខេត្តព្រះវិហារ និងត្រូវរៀបចំកែលម្អសោភ័ណភាព និងអនាម័យតាមក្រុង-ស្រុក ។

ថ្លែងក្នុងឱកាសនោះ ឯកឧត្តម គីម រិទ្ធី ឱ្យដឹងថា តាមអនុសាសន៍របស់សម្តេច តេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ពាក់ព័ន្ធនឹងការងារសន្តិសុខ វិធាន ការបង្ក្រាបល្បែងស៊ីសង ខុសច្បាប់គ្រប់ប្រភេទនៅទូទាំងប្រទេស ជាពិសេសត្រូវពង្រឹងសន្តិសុខ សណ្តាប់ធ្នាប់សាធារណៈ ទាក់ទងទៅនឹងគោលនយោបាយភូមិ-ឃុំមានសុវត្ថិភាព ។

ជាមួយគ្នានោះក៏ ត្រូវចុះផ្សព្វផ្សាយនាំណែនាំដល់ប្រជាពលរដ្ឋទាំងអស់ ឱ្យចូលរួមគោរពច្បាប់ចរាចរណ៍ ជាពិសេសរថយន្ត ម៉ូតូ គោយន្ត ត្រូវឱ្យមានចំណាំងបំភ្លឺផ្លូវទាំងខាងមុខ និងខាងក្រោយ ចៀសវាងបង្កគ្រោះ ថ្នាក់ដល់អ្នកដទៃ និងខ្លួនឯង កុំលេងល្បែង ស៊ីសង និងកុំប្រើប្រាស់គ្រឿងញៀនជាដើម ។

ជាមួយគ្នានេះដែរ ឯកឧត្តមអភិបាល ខេត្ត ក៏បានកោតសរសើរគណៈបញ្ជាការឯកភាពខេត្ត-ក្រុង-ស្រុកដែលបានខិតខំបំពេញការងារនាពេលកន្លងមក សម្រេចបានលទ្ធផលល្អប្រសើរ ពិសេសការ ប្រយុទ្ធប្រឆាំងនឹងជំងឺកូវីដ-១៩ និងបានទប់ស្កាត់បានយ៉ាងល្អប្រសើរនូវអំពើឆក់ប្លន់ ការជួញដូរគ្រឿងញៀន និងបទល្មើសនាពេលកន្លងមក និងត្រូវបន្ដខិតខំប្រឹងប្រែងបំពេញការងារដើម្បីរក្សាបាននូវសុខសុវត្ថិភាព និងភាពសុខដុមរមនា ជូនប្រជាពលរដ្ឋគ្រប់មូលដ្ឋាន។

សូមបញ្ជាក់ថា កិច្ចប្រជុំនៅថ្ងៃនេះ គឺមានចូលរួមពីសំណាក់ឯកឧត្តម លោកជំទាវជាអភិបាលរងខេត្ត អភិបាលក្រុង-ស្រុកទាំង៨ ថ្នាក់ដឹកនាំមន្ទីរអង្គភាពជុំវិញខេត្ត កងកម្លាំងប្រដាប់អាវុធទាំងបីប្រភេទ ព្រមទាំងមេឃុំ ចៅសង្កាត់ មេប៉ុស្ដិ៍ ឃុំ-សង្កាត់ និងមន្ដ្រីពាក់ព័ន្ធជាច្រើនរូបទៀត ។

កិច្ចប្រជុំបានលើកបង្ហាញអំពីរបាយការណ៍ បញ្ហាប្រឈម និងដំណោះស្រាយដែលទាក់ទងទៅលើ ការងារសន្ដិសុខសណ្ដាប់ធ្នាប់សង្គម បញ្ហាចរាចរណ៍ បញ្ហាសន្តិសុខតាមបន្ទាត់ព្រំដែន និងត្រៀមរៀបចំ ប្រារព្ធពិធីបុណ្យអុំទូកនាពេលខាងមុខ ៕

ប្រភព៖ មន្ទីរព័ត៌មានខេត្តព្រះវិហារ

(សូមអានបន្ត)

ឯកឧត្តមឧបនាយករដ្ឋមន្រ្តី កែ គឹមយ៉ាន អញ្ជើញបើកសម្ពោធដាក់ឲ្យដំណើរការសមាគមទំនាក់ទំនង និងគាំទ្រប្រជាជន

ឯកឧត្តម កែ គឹមយ៉ាន ឧបនាយករដ្ឋមន្រ្តី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀននៅថ្ងៃទី ២៦ ខែតុលា ឆ្នាំ២០២២ បានផ្តល់កិត្តិយសដ៏ខ្ពង់ខ្ពស់ចូល រួមជាអធិបតីក្នុងពិធីបើកសម្ពោធដាក់ឲ្យដំណើរការនូវសមាគមទំនាក់ទំនង និងគាំទ្រប្រជាជន ដោយមានការអញ្ជើញចូលរួមពីភ្ញៀវកិត្តិយសជាច្រើនទៀត ។

ក្នុងឱកាសនោះ ឯកឧត្តមឧបនាយករដ្ឋមន្រ្តី បានថ្លែងចូលរួមអបអរសាទរ និងជូនពរចំពោះ ឯកឧត្តម ស៊ី ជីងពីង ប្រធានាធិបតីនៃសាធារណរដ្ឋប្រជាមានិតចិន ដែលត្រូវបានជាប់ឆ្នោតសា ជាថ្មីម្តងទៀត ជាអគ្គលេខា ធិការបក្សកុម្មុយនីស្តចិន នៅក្នុងសមាជជាតិរបស់គណបក្សលើកទី២០កាលពីពេលថ្មីៗនេះ។

ឯកឧត្តម ឧបនាយករដ្ឋមន្រ្តី កែ គឹមយ៉ាន បានបន្តកោត សរសើរ និងអបអរសាទរចំពោះស្ថាបនិក ក្រុមប្រឹក្សាភិបាល ថ្នាក់ដឹកនាំ និងបុគ្គលិកដែលបានរួមសហការគ្នាបង្កើតបាននូវសមាគមនេះ ហើយភាគីមិត្តដែកថែបចិនតែងតែផ្តល់នូវការសហការគាំទ្រជាមួយរាជរដ្ឋាភិបាលដឹកនាំដោយសម្តេចតេជោ ហ៊ុន សែន ប្រកបដោយស្មារតីមិត្តភាព ភាតរភាព និងដៃគូយុទ្ធសាស្រ្តគ្រប់ជ្រុង ជ្រោយ ចំពោះប្រទេសកម្ពុជាលើគ្រប់វិស័យ និងនិយាយ ដោយឡែកក្នុងកិច្ចសហប្រតិ បត្តិការប្រយុទ្ធប្រឆាំងគ្រឿង ញៀន និងឧក្រិដ្ឋកម្មឆ្លងដែន ។

ជាមួយគ្នានេះ ដើម្បីធានាដល់ប្រសិទ្ធភាព និងប្រសិទ្ធផលក្នុងបេសកកម្មរបស់សមាគម ឯកឧត្តម ឧបនាយករដ្ឋមន្រ្តី កែ គឺមយ៉ាន បានណែនាំនូវការងារចាំបាច់មួយចំនួនមាន៖ត្រូវគាំទ្រ និងចូលរួមជាមួយរាជរដ្ឋាភិបាល ដើម្បីសុខសន្តិភាព ស្ថិរភាពនយោបាយ លើកកម្ពស់លទ្ធិប្រជាធិប តេយ្យ ការគោរពសិទ្ធិមនុស្ស ការអនុវត្តច្បាប់ និងការអភិវឌ្ឍសេដ្ឋកិច្ចជាតិឲ្យកាន់តែរីកចម្រើន រក្សាសាមគ្គីភាព ត្រួតពិនិត្យ និងវាយតម្លៃនូវសកម្មភាពការងារអនុវត្ត និងទិសដៅដែលបានកំណត់ ។

ឯកឧត្តម ឧបនាយករដ្ឋមន្ត្រី កែ គឹមយ៉ាន ក៏បានអំពាវនាវដល់ស្ថានទូត ក្រសួង ស្ថាប័ន អង្គភាពពាក់ព័ន្ធ និងសប្បុរស ជននានាបន្តជួយសហការ គាំទ្រដល់ដំណើរការនៃការ អនុវត្តសកម្មភាពការងាររបស់សមាគមឲ្យបានកាន់តែរលូន និងប្រសិទ្ធភាពខ្ពស់ ។

យោងតាមរបាយការណ៍របស់ លោក យៀ ឆាងឈីង ប្រធានសមាគម បានឱ្យដឹងថា សមាគមបានការទទួលស្គាល់ពីក្រសួងមហាផ្ទៃ នៅថ្ងៃទី២៨ ខែកញ្ញា ឆ្នាំ២០២២ ដោយ មានគោលបំណងសំខាន់គឺចូលរួមសហការចែករំលែកនូវវប្បធម៌ ទំនៀមទម្លាប់ប្រជាជនខ្មែរ និងបរទេស ផ្សព្វផ្សាយនិងលើកកម្ពស់ការអនុវត្តច្បាប់ រួមនឹងការសហការកៀរគរ វិនិយោគបរទេស ដើម្បីអភិវឌ្ឍសេដ្ឋកិច្ចកម្ពុជា ៕

(សូមអានបន្ត)

ឯកឧត្តម ឃួង ស្រេង ជំរុញឱ្យសមត្ដកិច្ចទាំង១៤ខណ្ឌ ត្រូវរៀបចំសណ្ដាប់ធ្នាប់ចិញ្ចើមផ្លូវ នៅមូលដ្ឋានខ្លួនឱ្យស្អាត ដើម្បីត្រៀមទទួលកិច្ចប្រជុំអាស៊ាន

ភ្នំពេញ: ថ្ងៃទី២៦ ខែតុលា ឆ្នាំ២០២២ ឯកឧត្តម ឃួង ស្រេង អភិបាលរាជធានីភ្នំពេញបានជំរុញឱ្យអាជ្ញាធរខណ្ឌទាំង១៤ និងកម្លាំងមានសមត្ថកិច្ច ក្នុងជួរគណៈបញ្ជាការឯកភាពរដ្ឋបាលរាជធានីភ្នំពេញ ត្រូវយកចិត្តទុកដាក់ខ្ពស់ និងម៉ឺងម៉ាត់លើការងាររៀបចំសណ្តាប់ធ្នាប់សាធារណៈតាមដងផ្លូវ និងការប្រើប្រាស់ចិញ្ចើមផ្លូវសាធារណៈទាំងអស់ ក្នុងភូមិសាស្រ្តរាជធានីភ្នំពេញ ដើម្បីសម្រួលដល់ការធ្វើចរាចររបស់ប្រជាពលរដ្ឋ ហើយក៏ដើម្បីជាការលើកកម្ពស់សោភណភាពរាជធានី

ភ្នំពេញ ឱ្យកាន់តែមានភាពស្រស់ស្អាត និងទាក់ទាញផងដែរ។

 ការជំរុញបែបនេះបានធ្វើឡើង នៅរសៀលថ្ងៃអង្គារ ១កើត ខែកត្តិក ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៥ ខែតុលា ឆ្នាំ២០២២ ក្នុងកិច្ចប្រជុំស្តីពីការត្រួតពិនិត្យវឌ្ឍនភាពការងាររៀបចំសណ្តាប់ធ្នាប់សាធារណៈតាមដងផ្លូវ និងការប្រើប្រាស់ចិញ្ចើមផ្លូវសាធារណៈទាំងអស់ ក្នុងភូមិសាស្រ្តរាជធានីភ្នំពេញ នៅសាលារាជធានីភ្នំពេញ។

 ឯកឧត្តម ឃួង ស្រេង បានមានប្រសាសន៍ថា ការងាររៀបចំសណ្តាប់ធ្នាប់សាធារណៈតាមដងផ្លូវនេះ ត្រូវបានធ្វើឡើងជាប្រចាំ ដើម្បីសម្រួលដល់ការធ្វើចរាចរជូនប្រជាពលរដ្ឋ និងដើម្បីលើកកម្ពស់សោភណ្ឌភាពរាជធានីភ្នំពេញ ស្របពេលដែលកម្ពុជាធ្វើជាម្ចាស់ផ្ទះ ក្នុងកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធផ្សេងៗ នៅឆ្នាំ២០២២នេះ ។

 ឯកឧត្តម ឃួង ស្រេង បានបន្តថា កំណាត់ផ្លូវជាតិមួយចំនួននៅជាយក្រុង ក្នុងភូមិសាស្ត្ររាជធានីភ្នំពេញ ត្រូវបានរថយន្តកុងតឺន័រចតលើទ្រូវផ្លូវ រាប់រយគ្រឿងបណ្តាល ឱ្យមានការកកស្ទះចរាចរ និងខូចផ្លូវថែមទៀតផង។ ការចតបែបអនាធិបតេយ្យនេះ មិនអាចទទួលយកបានទេ ក្នុងនាមអាជ្ញាធររាជធានី ជាអាណាព្យាបាលប្រជាពលរដ្ឋ ត្រូវតែដោះស្រាយ ដើម្បីសម្រួលចរាចរជូនប្រពលរដ្ឋ ។ 

បញ្ជានេះអាជ្ញាធរខណ្ឌ និងស្នងការរងទទួលបន្ទុក ត្រូវមានវិធានការដោះស្រាយ មិនអាចនៅបែបនេះទៀតទេ។ ឯកឧត្តម អភិបាលរាជធានី បានបន្តទៀតថា បញ្ហាសណ្តាប់សាធារណៈនេះត្រូវតែម៉ឺងម៉ាត់ ដើម្បីបម្រើផលប្រយោជន៍ប្រជាជនភាគច្រើន មិនអាចឱ្យពួកគាត់រកស៊ីដោយការរំលោភយកទ្រូងផ្លូវ និងចិញ្ចើមផ្លូវនោះទេ។

 បន្ថែមពីនេះទៀត ឯកឧត្តម ឃួង ស្រេង បានស្នើឱ្យអាជ្ញាធរខណ្ឌទាំង១៤ ក៏ដូចជានគរបាលចរាចរ និងមន្ទីរពាក់ព័ន្ធ ត្រូវរួមគ្នាមើលផ្លូវ មើលភាពកកស្ទះ ហើយស្នើមករដ្ឋបាលរាជធានីភ្នំពេញដើម្បីដោះស្រាយ ទាំងការកែសម្រួលផ្លូវ ក៏ដូចជាការស្នើសុំធ្វើស្ពានអាកាស ដើម្បីសម្រួលចរាចរជាដើម ៕ដោយសួស សំរិត សម្រួលផ្សាយដោយ៖dara

(សូមអានបន្ត)

រដ្ឋមន្រ្តីក្រសួងព័ត៌មាន រម្លឹកឡើងវិញនូវចំណងមិត្តភាព និងកិច្ចសហប្រតិបត្តិល្អរវាងកម្ពុជា និងគុយបា ក្នុងនោះគុយបា ធ្លាប់ជួយដល់កម្ពុជា ក្នុងពេលកំពុងជួបការលំបាក

ភ្នំពេញ :ថ្ងៃទី២៦ ខែតុលា ឆ្នាំ២០២២ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មានបានរម្លឹកឡើងវិញនូវចំណងមិត្តភាព និងកិច្ចសហប្រតិបត្តិការល្អរវាងប្រទេសកម្ពុជា និងគុយបា តាំងពីយូរមកហើយ ដោយក្នុងនោះប្រទេសគុយបា ធ្លាប់បានជួយដល់ប្រទេសកម្ពុជា តាមរយៈការបញ្ជូនវេជ្ជបណ្ឌិត គ្រូពេទ្យ មកជួយព្យាបាលប្រជាជនកម្ពុជា ក្នុងខណៈពេលដែលប្រទេសកំពុងជួបការលំបាក ។

 ការលើកឡើងរបស់ឯកឧត្ដមរដ្ឋមន្រ្ដីនេះ ក្នុងឱកាសទទួលជួបពិភាក្សាការងារជាមួយ ឯកឧត្តម Luis Enrique González Acosta អគ្គនាយកទីភ្នាក់ងារសារព័ត៌មានគុយបា (Prensa Latina) ដោយផ្តោតសំខាន់លើការបន្តពង្រឹងពង្រីកការផ្លាស់ប្តូរគ្នាទៅវិញទៅមកលើវិស័យព័ត៌មាន និងផ្សព្វផ្សាយនៃប្រទេសទាំងពីរ កម្ពុជា-គុយបា កាលពីរសៀលថ្ងៃទី២៥ ខែតុលា ឆ្នាំ២០២២ នៅទីស្ដីការក្រសួងព័ត៌មាន។

ឯកឧត្តម ខៀវ កាញារីទ្ធ បានលើកឡើងថា ប្រទេសកម្ពុជា ក៏ធ្លាប់ត្រូវបានគេហុំព័ទ្ធសេដ្ឋកិច្ច ដូចប្រទេសគុយបាផងដែរ ដោយបានជួបនូវការលំបាកបំផុត គឺភាពអត់ឃ្លាន ហើយកាលនោះនៅពេលប្រទេសជាមិត្ត ចង់ផ្តល់ជាខ្មៅដៃ សៀវភៅ មកកម្ពុជា ក៏គេជំទាស់ដែរ ព្រោះការសម្រេចរបស់អង្គការសហប្រជាជាតិ គឺផ្តល់តែជំនួយបន្ទាន់តែប៉ុណ្ណោះ ។ឯកឧត្ដមរដ្ឋមន្រ្ដីបានគូសបញ្ជាក់ថា កម្ពុជាយល់ច្បាស់ពីការលំបាកទាំងអស់នេះ ហើយគាំទ្រការតស៊ូប្រឹងប្រែងរបស់រដ្ឋាភិបាល និងប្រជាជនគុយបា បន្តទៅមុខទៀត តាមរយៈការផ្សាយព័ត៌មានដែលពិតប្រាកដ ពីអ្វីដែលកើតមានឡើងនៅក្នុងប្រទេសគុយបា ។

ឯកឧត្តម Luis Enrique González Acosta បានសម្ដែងនូវអំណរគុណចំពោះរដ្ឋាភិបាល និងប្រជាជនកម្ពុជា ដែលជានិច្ចកាលតែងបានគាំទ្រ ក្នុងការឱ្យគេដកចេញ គំនាបសេដ្ឋកិច្ចចេញពីប្រទេសគុយបា។ ឯកឧត្តមអគ្គនាយកក៏បានបញ្ជាក់ពីកិច្ចសហការគ្នាល្អរវាង ទីភ្នាក់ងារសារព័ត៌មានគុយបា (Prensa Latina) និង ទីភ្នាក់ងារសារព័ត៌មានកម្ពុជា AKP ដោយបានផ្តល់ព័ត៌មានពីគ្នាទៅវិញទៅមក ដើម្បីផ្សព្វផ្សាយអ្វីដែលជាការពិតជាក់ស្តែង កើតមានឡើងក្នុងប្រទេសទាំងពីរ គុយបា និងកម្ពុជា ហើយផ្តល់ផលប្រយោជន៍ដល់ប្រជាជននៃប្រទេសទាំងពីរផងដែរ ។

បន្ទាប់ពីបញ្ចប់កិច្ចពិភាក្សានោះរួចមក ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានក៏បានអញ្ជើញជាអធិបតីក្នុងពិធីចុះកិច្ចព្រមព្រៀងថ្មីស្ដីពី «កិច្ចសហប្រតិបត្តិការ និងការផ្លាស់ប្តូរព័ត៌មាន» រវាង ទីភ្នាក់ងារសារព័ត៌មានកម្ពុជា (AKP) និងទីភ្នាក់ងារសារ ព័ត៌មាន (Prensa Latina)។ ពិធីចុះហត្ថលេខានេះធ្វើឡើង រវាង លោកជំទាវ សុខមុំ និមល អគ្គនាយិកាទីភ្នាក់ងារសារព័ត៌មានកម្ពុជា AKP និង ឯកឧត្តម Luis Enrique González Acosta អគ្គនាយកទីភ្នាក់ងារសារព័ត៌មានគុយបា (Prensa Latina)។

សូមជម្រាបជូនថា កិច្ចព្រមព្រៀងថ្មីនេះ មានបំណងចង់បង្កើតកិច្ចសហប្រតិបត្តិការឱ្យកាន់តែជិតស្និទ្ធជាមួយគ្នាទៅវិញទៅមក ដើម្បីបម្រើផលប្រយោជន៍រួម ដោយឈរលើមូលដ្ឋាននៃផលប្រយោជន៍ទៅវិញទៅមក សម្រាប់ការលើកកម្ពស់ និងពង្រីកកិច្ចសហប្រតិបត្តិការទ្វេភាគីក្នុងវិស័យផ្លាស់ប្តូរព័ត៌មាន ទម្រង់អត្ថបទ រូបថត និងសោតទស្សន៍ ព្រមទាំងចំណេះដឹងផ្នែកសារព័ត៌មាន និងការគ្រប់គ្រង៕ដោយ៖ រិទ្ធី, រូបថត៖ ខឹម សុវណ្ណារ៉ា សម្រួលផ្សាយដោយ៖ dara

(សូមអានបន្ត)

រដ្ឋមន្ដ្រីក្រសួងកសិកម្ម ធ្វើទស្សនកិច្ចសិក្សានៅរោងចក្រម៉ាស៊ីនកិនស្រូវ នៅខេត្តបាត់ដំបង ដើម្បីឈ្វេងយល់ពីខ្សែច្រវាក់បន្ទាប់នៃផលិតកម្មស្រូវនៅកម្ពុជា

បាត់ដំបង៖ ក្រោយពីបានទទួលអនុសាសន៍ណែនាំដ៏ខ្ពង់ខ្ពស់ពីសំណាក់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា នៅព្រឹកថ្ងៃចន្ទ ទី២៤ ខែតុលា ឆ្នាំ២០២២ ឱ្យក្រសួងកសិកម្ម រុក្ខាប្រមាញ់ និងនេសាទ សិក្សាអំពីការផលិតស្រូវពូជគុណភាពខ្ពស់ ដើម្បីផ្គត់ផ្គង់ជូនដល់ប្រជាកសិករខ្មែរ ឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និង

នេសាទ បានរៀបចំកិច្ចប្រជុំបន្ទាន់មួយជាមួយភាគីពាក់ព័ន្ធនៅក្នុងខ្សែច្រវាក់ផលិតកម្មស្រូវ ដើម្បីពិភាក្សាអំពីរឿងនេះ។ កិច្ចប្រជុំនេះ ធ្វើឡើងនាវេលាថ្ងៃដដែល នៅក្រុមហ៊ុនបៃតងកម្ពុជា នាខេត្តបាត់ដំបង រវាងឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ ជាមួយលោកឧកញ៉ា ភូ ពុយ អគ្គនាយកក្រុមហ៊ុនបៃតងកម្ពុជា តំណាងរោងម៉ាស៊ីនកិនស្រូវ ព្រមទាំងភាគីពាក់

ព័ន្ធដទៃទៀត ដូចជាភ្នាក់ងារប្រមូលទិញស្រូវ និងអ្នកផលិតពូជស្រូវសម្រាប់ផ្គត់ផ្គង់ដល់ប្រជាកសិករ។ នៅក្នុងកិច្ចប្រជុំដែលមានរយៈពេលជាងមួយម៉ោង ភាគីពាក់ព័ន្ធទាំងអស់បានផ្ដោះប្ដូរយោបល់គ្នាយ៉ាងផុលផុសអំពីសេណារីយ៉ូទាំងឡាយណា ដែលអាចឈានទៅកាត់បន្ថយចំណាយរបស់ប្រជាកសិករ។ ការពិភាក្សាគ្នាយ៉ាងលម្អិតនិងសព្វជ្រុងជ្រោយប្រកបដោយលក្ខណៈស្ថាបនា ជាពិសេសទាក់ទនឹងទៅនឹងផែនការផលិតពូជស្រូវដែលមានគុណភាពខ្ពស់សម្រាប់ប្រជាកសិករឱ្យសមស្របទៅតាម

តម្រូវការទីផ្សារ បានទទួលការស្វាគមន៍យ៉ាងកក់ក្ដៅពីសំណាក់ភាគីពាក់ព័ន្ធទាំងអស់ ក្នុងក្ដីសង្ឃឹមថា ផែនការយុទ្ធសាស្ត្រថ្មីនេះនឹងអាចជួយគាំទ្រខ្សែច្រវាក់ផលិតកម្មស្រូវឱ្យមានភាពរលូនជាងមុន ចាប់តាំងពីនៅវាលស្រែរហូតដល់ទីផ្សារតែម្ដង ធ្វើយ៉ាងណាជួយដល់ប្រជាកសិករឱ្យទទួលបានទិន្នផលស្រូវប្រសើរជាងមុន ទាំងគុណភាពនិងបរិមាណ។ ឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ បានទទួលស្ដាប់នូវធាតុចូលពីគ្រប់ភាគីពាក់ព័ន្ធទាំងអស់ និងបានផ្ដល់យុទ្ធ

សាស្ត្រដោះស្រាយតាមលក្ខណៈវិទ្យាសាស្ត្រ ធ្វើយ៉ាងណាកាត់បន្ថយឱ្យបានជាអតិបរមានូវការប្រឈមចំពោះមុខ ដើម្បីឈានទៅសម្រេចឱ្យបាន ការផ្គត់ផ្គង់ស្រូវពូជដែលមានគុណភាព ផ្ដល់ទិន្នផលខ្ពស់ កាត់បន្ថយការចំណាយ ដែលអាចអនុញ្ញាតឱ្យបងប្អូនប្រជាកសិករទទួលបានផលចំណេញច្រើនជាងមុន៕ ប្រភព៖ ទទក សម្រួលផ្សាយដោយ៖ dara

(សូមអានបន្ត)