វិធានការ ក្តៅ របស់ សម្តេច តេជោជុំ វិញ រឿង ដី ព្រៃ លិច ទឹក នៅ តំបន់ ទន្លេសាប ថ្មីៗ នេះ មិន ទាន់ ស្ងប់ស្ងាត់ ផង ស្រាប់តែ ដី នៅ តំបន់ឆ្នេរ អង្កោល ចំណុច ភ្នំ បារាំង ឯណេះ វិញ ត្រូវបាន ក្រុម អ្នកមាន លុយ និង អំណាច ចាក់ អាចម៌ដី រំលោភ យក និង ធ្វើ រប ង ព័ទ្ធ យ៉ាង អនាធិបតេយ្យ
( ខេត្ត កែប ) ៖...
About ww.kmmhotnews.com
ព្រឹត្តិការណ៍ប្រកួតកីឡាការ៉ាតេជ្រើសរើសជើងឯកថ្នាក់ជាតិប្រចាំឆ្នាំ២០២២ បាន ដំណើរការបើកជាផ្លូវការនៅព្រឹកថ្ងៃសុក្រទី១៤ ខែមករា ឆ្នាំ២០២២ ដើម្បីស្វែងរកធនធាន អត្តពលិកប្រកបដោយគុណភាពប្រចាំឆ្នាំ។
ការប្រកួតកីឡាការ៉ាតេជើងឯកថ្នាក់ជាតិនេះ ដំណើរការពីថ្ងៃទី១៣-១៦ ខែមករា ឆ្នាំ២០២២ នៅមជ្ឈមណ្ឌលហ្វឹកហាត់ការ៉ាតេ នៃសាកលវិទ្យាល័យ ភូមិន្ទភ្នំពេញ ដោយមាន កីឡាករ កីឡាការិនីសរុប ១៥៣នាក់ចូលរួមប្រកួតប្រជែងមេដាយលើវិញ្ញាសា សរុបចំនួន៣៥ ខណៈ២វិញ្ញាសាទៀតមិនពេញលក្ខណៈ។ អត្តពលិក១៥៣នាក់ នេះមកពី២៤ក្លិប និងមាន មន្រ្តីអាជ្ញាកណ្តាល-ចៅក្រម ៩នាក់មកពី៩ក្លិប។
នេះជាការប្រកួតកម្រិតខ្ពស់នៃប្រភេទកីឡាការ៉ាតេកម្ពុជា ដើម្បីស្វែងរកធនធាន កីឡាករ កីឡាការិនិប្រកបដោយគុណភាព ដើម្បីត្រៀមលក្ខណៈឆ្ពោះទៅទទួល រៀបចំធ្វើជាម្ចាស់ផ្ទះ ការប្រកួតកីឡា ស៊ីហ្គេម លើកទី៣២ ឆ្នាំ២០២៣ តាមផែនការ យុទ្ធសាស្ត្ររបស់សហព័ន្ធកីឡាការ៉ាតេកម្ពុជា។
តាមរយៈព្រឹត្តិការណ៍នេះដែរ ក៏សហព័ន្ធ សម្រួចបច្ចេកទេសរបស់មន្ត្រីរៀបចំការប្រកួត អាជ្ញាកណ្តាល-ចៅក្រម ត្រៀមឆ្ពោះទៅ រៀបចំការប្រកួតកីឡាស៊ីហ្គេម ឆ្នាំ២០២៣ ក្នុងឋានៈជាម្ចាស់ផ្ទះដូចគ្នាផងដែរ។
គួរបញ្ជាក់ថា អ្នកចូលរួមសុរបមានចំនួន ២៧១នាក់ ក្នុងនោះមានប្រតិភូ២១នាក់ អាជ្ញាកណ្តាល-ចៅក្រម ៩នាក់ គ្រូដឹកនាំ-គ្រូជំនួយ ៣២នាក់ មន្ត្រីផ្លូវការ១៦នាក់ កីឡាករ ១០៥នាក់ និងកីឡាការិនី ៤៨នាក់។ នៅក្នុងពិធីបើកការប្រកួតជាផ្លូវការនេះ ទទួលបានការអញ្ជើញផ្តល់កិត្តិយសលើកទឹកចិត្ត និងសំណេះសំណាលពីលោក សាយ ណូរ៉ា អនុប្រធានសហព័ន្ធកីឡាការ៉ាតេកម្ពុជា៕
សហព័ន្ធកីឡាការ៉ាតេកម្ពុជា៕
About ww.kmmhotnews.com
ភ្នំពេញ : ថ្ងៃទី១៤ ខែមករា ឆ្នាំ២០២២ ឯកឧត្តម ប្រាក់ កុសល អគ្គលេខា ធិការរង នៃអគ្គលេខាធិការដ្ឋានគណ:កម្មាធិការជាតិគាំពារ និងអភិវឌ្ឍន៍កុមារតូច(គ.ជ.គ.ក)នៃក្រសួងអប់រំយុវជន និងកីឡា និងលោកជំទាវ ជី ច័ន្ទរស្មី នាយិការរងសាលាជាតិរដ្ឋាលមូលដ្ឋាន នៃក្រសួងមហាផ្ទៃ អញ្ជើញជាអធិបតីក្នុងពិធីបើកសិក្ខាសាលាពិគ្រោះយោបល់ថ្នាក់ជាតិលើសេចក្តីព្រាងសៀវភៅណែនាំស្តីពីដំណើរការគ្រប់គ្រងគម្រោងអប់រំឪពុកម្តាយ អាណាព្យាបាលក្នុងការគាំពារ និងអភិវឌ្ឍន៍កុមារតូចសម្រាប់ឃំុ សង្កាត់ នាព្រឹកថ្ងៃទី១៤ ខែមករា ឆ្នាំ២០២២ នៅរាជធានីភ្នំពេញ។
រូបថត÷ ស៊ិន សារ៉េត
About ww.kmmhotnews.com
ភ្នំពេញ :ថ្ងៃទី១៤ ខែមករា ឆ្នាំ២០២២ សៀវភៅដែលមានចំណងជើងថា រាជរដ្ឋាភិបាលកម្ពុជា ជោគជ័យក្នុង សង្គ្រាមដណ្តើមជីវិតពលរដ្ឋពីមាត់ជ្រោះមរណៈ “កូវីដ-១៩” ភាគ២ ដែលជាស្នា ដៃចងក្រងដោយ ឯកឧត្តម ឆាយ សុផល អនុរដ្ឋលេខាធិការក្រសួងព័ត៌មាន និងជាអ្នកនិពន្ធសៀវភៅ បាននាំយកមកប្រគល់ជូនដល់ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន។ ក្នុងពិធីប្រគល់ និងទទួលសៀវភៅនេះ បានធ្វើឡើង នាព្រឹកថ្ងៃទី១៤ ខែមករា ឆ្នាំ២០២២ នៅទីស្ដីការក្រសួងព័ត៌មាន។
តាមការមកញ្ជាក់របស់ ឯកឧត្តម ឆាយ សុផល បានគូសបញ្ជាក់ថា សៀវភៅនេះ មានកម្រាស់ជាង ៨០០ ទំព័រ និយាយអំពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងជំងឺកូវីដ-១៩ ភាគ២ ចាប់ពីថ្ងៃទី០១ ខែ សីហា ដល់ថ្ងៃទី៣១ ខែធ្នូ ឆ្នាំ២០២១ ដែលជាថ្ងៃបិទបញ្ចប់ព្រឹត្តការណ៍សហគមន៍ ២០ កុម្ភៈ ។ ឯកឧត្ដមបន្ដថា សម្រាប់សៀវភៅនេះដែរ ក៏បានបង្ហាញពីបញ្ហានយោបាយមួយចំនួនទាំងផ្ទៃក្នុង និងបរទេសដែលជាប់ពាក់ព័ន្ធជាមួយម្ពុជា នាសម័យកូវីដ-១៩។ ទន្ទឹមនេះ ក៏មានការបញ្ចូលនូវការវិវត្ដមួយចំនួនក្នុងសម័យជំងឺកូវីដ ដែលកំពុងរាតត្បាត ។ ដូច្នេះ សៀវភៅនេះ គឺជាឯកសារប្រវត្តិសាស្រ្តមនុស្សជាតិមួយ ដែលត្រូវបាន ឯកឧត្តម ឆាយ សុផល ធ្វើការចងក្រងទុកសម្រាប់ការដឹងនាពេលបច្ចុប្បន្ន ប៉ុន្តែសម្រាប់អ្នកជំនាន់ក្រោយ សៀវភៅនេះ ជាឯកសារប្រវត្តិសាស្រ្ត ។
ឯកឧត្តម ឆាយ សុផល បានជម្រាបជូនថា សម្រាប់សៀវភៅភាគ១ ដែលនិយាយការប្រឹងប្រែងរបស់ប្រមុខរាជរដ្ឋាភិបាលក្នុងប្រយុទ្ធជាមួយជំងឺកូវីដ-១៩ បានបោះពុម្ពចែកចាយចំនួន ៥ ០០០ ច្បាប់ រួចមកហើយ។ សម្រាប់វគ្គ២ នេះ ក៏ បោះពុម្ពចំនួន ៥ ០០០ ច្បាប់ ផងដែរ ដោយដាក់លក់នៅបណ្ណាគារ ក្នុងសៀវភៅមួយក្បាលតម្លៃប្រមាណជាង ១៤ ដុល្លារ។ ក្រៅពីការដាក់លក់ខ្លះ នៅបណ្ណាគារ ឯកឧត្តម ឆាយ សុផល ក៏បានយកទៅដាក់បណ្ណាល័យជាតិ និងតាមសាកលវិទ្យាល័យរដ្ឋ និងឯកជនមួយចំនួន ព្រមទាំងចែកជូនដល់ថ្នាក់ដឹកនាំ និង មន្រ្តីមួយចំនួន ដើម្បីទុកជាឯកសារ ។
ឯកឧត្តម រដ្ឋមន្រ្តី ខៀវ កាញារីទ្ធ បានវាយតំលៃខ្ពស់ចំពោះកិច្ចខិតខំ ប្រឹងប្រែងរបស់ ឯកឧត្តម ឆាយ សុផល ក្នុងការសិក្សាស្រាវជ្រាវចងក្រងនូវរាល់ឯកសារ និងព្រឹត្តការណ៍ ទាក់ទងការឆ្លងរីករាលដាលនៃជំងឺកូវីដ-១៩ ដោយបានបង្ហាញពីការប្រឹងប្រែងរបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងកូវីដ-១៩ ហើយសៀវភៅនេះទុកជាឯកសារប្រវត្តិសាស្រ្ត ដ៏មានសារៈសំខាន់៕
ដោយ រិទ្ធី រូបថត៖ ខឹម សុវណ្ណារ៉ា សម្រួលផ្សាយ៖ កន ចំណាន
About ww.kmmhotnews.com
(យូអិន)៖ ក្រុមមន្ត្រីរដ្ឋាភិបាលសហរដ្ឋអាមេរិក បានផ្តល់យោបល់ថា ប្រសិនបើប្រទេសរុស្ស៊ីនៅតែបន្តបង្កើនហានិភ័យ ដល់សន្តិសុខប្រទេសអ៊ុយក្រែនទៀតនោះ សហរដ្ឋអាមេរិកគួរតែលើកយកបញ្ហានេះ ទៅដោះស្រាយនៅក្នុងវេទិកា នៃក្រុមប្រឹក្សាសន្តិសុខអង្គការសហប្រជាជាតិ (UNSC)។ នេះបើតាមការចេញផ្សាយដោយ ទីភ្នាក់ងារសារព័ត៌មាន Reuters នាព្រឹកថ្ងៃសៅរ៍ ទី១៥ ខែមករា ឆ្នាំ២០២២។
ភាពតានតឹងត្រូវបានគេមើលឃើញថា នៅតែបន្តកើតមាននៅឡើយ រវាងប្រទេសរុស្ស៊ី និងបណ្តាប្រទេសសម្ព័ន្ធមិត្តអង្គការ NATO បន្ទាប់ពីកិច្ចសន្ទនាផ្នែកសន្តិសុខ នៅក្នុងសប្តាហ៍នេះ មិនបានចេញលទ្ធផលជាផ្លែផ្កាអ្វីសោះនោះ។
ឆ្លើយតបនឹងបញ្ហាខាងលើនេះ ក្រុមមន្ត្រីអាមេរិកដែលសុំមិនបញ្ចេញអត្តសញ្ញាណ បានប្រាប់ Reuters ថា «ប្រសិនបើរុស្ស៊ីចេញសកម្មភាព យើងក៏មិនស្ទាក់ស្ទើរក្នុងការរៀបចំ ចំណាត់ការឆ្លើយតបយ៉ាងត្រឹមត្រូវ នៅក្នុងក្រុមប្រឹក្សាសន្តិសុខ ដើម្បីការពារគោលការណ៍នៃធម្មនុញ្ញ UN នោះឡើយ។ ជម្រើសគ្រប់យ៉ាងមាននៅលើតុរួចជាស្រេច... យើងរង់ចាំតែពេលវេលាស័ក្តិសម ដើម្បីធ្វើរឿងនេះប៉ុណ្ណោះ...»។
គួរបញ្ជាក់តាមក្រុមអ្នកអង្កេតការណ៍អន្តរជាតិថា ប្រទេសរុស្ស៊ីបានដាក់ពង្រាយរថក្រោះ, កាំភ្លើងធំ និងកងទ័ពរាប់ម៉ឺននាក់ នៅលើទឹកដីរបស់ខ្លួនក្បែរព្រំដែនប្រទេសអ៊ុយក្រែន។ ប្រទេសរុស្ស៊ីបានទាមទារឲ្យមានការធានាថា ប្រទេសអ៊ុយក្រែននឹងគ្មានថ្ងៃ ក្លាយជាសមាជិកអង្គការ NATO នោះឡើយ ព្រោះវានឹងក្លាយជាការគំរាមកំហែងដ៏ធំ ដល់សន្តិសុខជាតិរុស្ស៊ី៕
About ww.kmmhotnews.com
About ww.kmmhotnews.com
ភ្នំពេញៈទង់ជាតិនៃបណ្តាប្រទេសអាស៊ានត្រូវបានបង្ហូតឡើងជាច្រើនកន្លែងក្នុងខេត្តព្រះសីហនុខណៈពេលវេទិកាទេសចរណ៍អាស៊ានលើកទី៤០ ឆ្នាំ២០២២ ដែលរួមមានកិច្ចប្រជុំស្ថាប័នទេសចរន៍ជាតិអាស៊ាន (NTO) កិច្ចប្រជុំរដ្ឋមន្ត្រីអាស៊ាន និងការតាំងពិព័រណ៌ទេសចរណ៍ (Travex )នៅខេត្តព្រះសីហនុចាប់ពីថ្ងៃទី១៦ ដល់ថ្ងៃទី២២ ខែមករា ឆ្នាំ២០២២ កាន់តែខិតជិតមកដល់។
លោកគួច ចំរើន អភិបាលខេត្តព្រះសីហនុបានប្រាប់ឱ្យរស្មីកម្ពុជាដឹងនៅថ្ងៃទី១៥ ខែមករា ឆ្នាំ២០២២ថា ទង់ជាតិនៃប្រទេសអាស៊ានទាំងអស់ត្រូវបានបង្ហូតឡើងនៅ រង្វង់មូលព្រះសិវនិងនាងឧមាភវតី, មហាវិថីជំទាវម៉ៅត្រង់ចំណុចប្រសព្វជាមួយផ្លូវជាតិលេខ៤ និង មាននៅលើផ្លូវលេខ៧០៥មុខកំពង់ផែ។ ឯវេទិកាបើកកម្មវិធីធ្វើនៅទីលានតេជោ និង កន្លែងតាំងពិព័រណ៌ធ្វើនៅក្នុងបរិវេណសណ្ឋាគារសុខា។
វេទិកាទេសចរណ៍អាស៊ានលើកទី៤០ ឆ្នាំ២០២២ តាមកម្មវិធីរួមមានកិច្ចប្រជុំស្ថាប័នទេសចរណ៍ជាតិអាស៊ាន (NTO) កិច្ចប្រជុំរដ្ឋមន្ត្រីអាស៊ាន និង ការតាំងពីព័រណ៌ទេសចរណ៍ (Travex) នៅខេត្តព្រះសីហនុចាប់ពីថ្ងៃទី១៦ ដល់ថ្ងៃទី២២ ខែមករា ឆ្នាំ២០២២ ដែលជាខេត្តជាប់មាត់សមុទ្រមានឆ្នេរខ្សាច់ស្អាត មានកំពង់ផែអន្តរជាតិ ជាខេត្តបាន និងកំពុងមានការអភិវឌ្ឍពហុវិស័យហើយត្រូវបានគេចាត់ទុកថាជាតារាទើបរះនៅទិសនិរតី។
តាមសេចក្តីជូនដំណឹងរបស់ខេត្តព្រះសីហនុកាលពីថ្ងៃទី១៣ ខែមករា បានបង្ហាញឱ្យឃើញថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញជាអធិបតីភាពដ៏ខ្ពង់ ខ្ពស់ក្នុងពិធីបើកវេទិកាទេសណ៍អាស៊ានលើកទី៤០ ឆ្នាំ២០២២ ដោយមានការអញ្ជើញចូលរួមដោយផ្ទាល់ពីថ្នាក់ដឹកនាំជាន់ខ្ពស់របស់រាជរដ្ឋាភិបាល សមាជិកព្រឹទ្ធសភា រដ្ឋសភា នៃព្រះរាជាណាចក្រកម្ពុជា អង្គទូតនានានិងរដ្ឋមន្ត្រីទេសចរន៍អាស៊ាន ថ្នាក់ដឹកនាំជាន់ខ្ពស់ ស្ថាប័នទេសចរណ៍ជាតិអាស៊ាន ព្រមទាំងក្រុមហ៊ុនជាតិ និង អន្តរជាតិ។
នៅក្នុងសេចក្តីជូនដំណឹងដែលចុះហត្ថលេខាដោយលោកគួច ចំរើន បានសរសេរទៀតថាដើម្បីចូលរួមអបអរសាទរវេទិកាទេសណ៍អាស៊ានលើកទី៤០ឆ្នាំ២០២២ រដ្ឋបាលខេត្តព្រះសីហនុនឹងរៀបចំបាញ់កាំជ្រួចចំនួនពីរលើក គឺនៅយប់ថ្ងៃទី១៨ និងទី១៩ ខែមករា ឆ្នាំ២០២២ សូមបងប្អូនប្រជាពលរដ្ឋ និងសាធារណជនទាំងអស់ជ្រាបជាព័ត៌មាន៕
About ww.kmmhotnews.com
ភ្នំពេញ: នៅវេលាម៉ោង ១១និង២០នាទីយប់ថ្ងៃសុក្រ ១២កើត ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ ខែមករា ឆ្នាំ២០២២ មានករណីអគ្គិភ័យ មួយកន្លែងដែលបានកើត ឡើងនៅចំណុច ផ្ទះលេខ៧២ ភូមិ២១ ក្រុម២៥៧ សង្កាត់ស្រះចក ខណ្ឌដូនពេញ រាជធានីភ្នំពេញ ម្ចាស់ទីតាំងឈ្មោះ លៀង ទិនធី ភេទប្រុស អាយុ ៣២ឆាំ្ន មុខរបរ ជាងសំណង់ ។
មូលហេតុ៖ បណ្តាលមកពីដុតផ្ទះខ្លួនឯង បង្កជាអគិ្គភ័យ ។
– ប្រភេទសំណង់: ឈើលើថ្មក្រោម ទំហំ ៤ម៉ែត្រx៨ម៉ែត្រ ។
– ខូចខាតសម្ភារ:៖ ឆេះផ្ទះអស់ចំនួន ០៤ខ្នងនឹងសម្ភារ:អស់ទាំងស្រុង។
បានប្រើប្រាស់របស់រថយន្តការិយាល័យអគ្គិភ័យចំនួន ២១គ្រឿង ប្រើប្រាស់ទឹកអស់ ២១រថយន្ត ស្មើរនឹង ៨៤ម៉ែត្រគូប ។
រថយន្តជំនួយអន្តរាគមន៍:
– រថយន្តក្រុមហ៊ុនOCICជ្រោយចង្វារ ចំនួន ០៦គ្រឿង ប្រើប្រាស់ទឹកអស់ ០១ រថយន្ត សើ្មនឹង ០៦ម៉ែត្រគូប ។
– ពន្លត់ចប់ នៅវេលាម៉ោង ១២និង២០នាទីយប់ថ្ងៃខែឆ្នាំដដែល ៕
About ww.kmmhotnews.com
About ww.kmmhotnews.com
រាជធានីភ្នំពេញ ៖ ថ្ងៃទី១៤ ខែមករា ឆ្នាំ២០២២ នាព្រឹកថ្ងៃទី១៤ មករា ២០២២ ក្រុមហ៊ុន ជីប ម៉ុង បានប្រារព្ធពិធីបញ្ចប់គ្រោងអគារដល់ជាន់កំពូល នៃ ជីប ម៉ុង ថៅវើ ដែលជាអគារពាណិជ្ជកម្មចម្រុះលំដាប់ អន្តរជាតិ វិនិយោគក្រោមទឹកប្រាក់ ២៣០លានដុល្លារសហរដ្ឋអាមេរិចទាំងថ្លៃដីនិងថ្លៃសាងសង់ ស្ថិត នៅ តាម បណ្ដោយ មហាវិថី សហព័ន្ធរុស៊្សី រាជ ធានី ភ្នំពេញ។
អ្នកឧកញ៉ា លាង ឃុន សហស្ថាបនិក និង ជា ប្រធានក្រុមប្រឹក្សាភិបាលក្រុមហ៊ុន ជីប ម៉ុង មានប្រសាសន៍ថា ការបញ្ចប់គ្រោងអគារដល់កំពូលជាន់ទី៤៥នេះ គឺជាសមិទ្ធផលដ៏សំខាន់មួយដែល បញ្ជាក់ឲ្យ ឃើញ ពីកិច្ចខិតខំប្រឹងប្រែងរបស់ ថ្នាក់ដឹកនាំ និង ក្រុមការងារទាំងអស់ ក៏ដូចជាការអភិវឌ្ឍឥតឈប់ឈររបស់ក្រុមហ៊ុន ជីប ម៉ុង ក្រោមចក្ខុវិស័យវែងឆ្ងាយ និង យុទ្ធសាស្រ្តច្បាស់លាស់ ដើម្បីរួមចំណែកក្នុងការអភិវឌ្ឍសង្គម និង សេដ្ឋកិច្ច។ ក្រៅពីគាំទ្រផ្នែកពាណិជ្ជកម្ម និង ទេសចរណ៍នៅកម្ពុជា មជ្ឈមណ្ឌលសេដ្ឋកិច្ចនេះ ក៏បានបង្កើតឱកាសការងារជាច្រើន ដែលរួមចំណែកលើកស្ទួយជីវភាពរបស់សហគមន៍ ក៏ដូចជាលើកកម្ពស់វិស័យអចលនទ្រព្យ ហេដ្ឋារចនាសម្ព័ន្ធ ជាពិសេសបានគាំទ្រដល់អាជីវកម្មតូចៗជុំវិញតំបន់នេះផងដែរ។ នេះបើយោងតាមការបញ្ជាក់ របស់លោក Simon DELL អគ្គនាយករងជាន់ខ្ពស់ផ្នែកយុទ្ធសាស្រ្ត និង អភិវឌ្ឍន៍ ពាណិជ្ជកម្ម នៃក្រុមហ៊ុន ជីប ម៉ុង។
គួរបញ្ជាក់ផង ដែរ អគារ ជីប ម៉ុង ថៅវើ នេះមានកម្ពស់១៨៥ម៉ែត្រ សាងសង់ លើ ផ្ទៃដី ទំហំ ១៤ ០៤២ ម៉ែត្រការ៉េ។ អគារនេះ ត្រូវបានសាងសង់ជាមួយស្ថាបត្យកម្មដ៏វិចិត្រ ដែលនឹង បម្រើ ដល់ វិស័យ សំខាន់ៗ ចូលរួមជំរុញសេដ្ឋកិច្ចកម្ពុជា ដូចជា ផ្នែក បដិសណ្ឋារកិច្ច ការិយាល័យសម្រាប់ក្រុមហ៊ុនសហគ្រាស ផ្សារទំនើប និង ការកម្សាន្ត ជាដើម។
អគារពាណិជ្ជកម្មចម្រុះ ជីប ម៉ុង ថៅវើ នេះមានលក្ខណៈពិសេសៗដូចជា៖
• ចំណតយានយន្ត៨ជាន់ • ផ្សារ ទំនើប ជីប ម៉ុង ម៉ល ចំនួន៥ជាន់ ដែលនឹងផ្ដល់នូវបទពិសោធន៍ទិញទំនិញយ៉ាងសម្បូរបែប • ធនាគារ ជីប ម៉ុង • រោងភាពយន្តខ្នាតធំជាមួយសាលប្រណីតចំនួន៥ • ការិយាល័យធ្វើ ការ ទំនើប ៨ជាន់ • សណ្ឋាគារលំដាប់ពិភពលោក ហ្វែរហ្វៀល បាយម៉ារៀត ភ្នំពេញ គ្របដណ្ដប់២០ជាន់ខាងលើដែលនឹងផ្ដល់សេវាកម្មបដិសណ្ឋារកិច្ចដ៏ល្អឥតខ្ចោះ ជាមួយ បន្ទប់ប្រណីតចំនួន៣០០បន្ទប់ ។
• ជាពិសេស សាលប្រជុំដ៏ទំនើប អាងហែលទឹក និង កន្លែងហាត់ប្រាណ ភោជនីយដ្ឋាន និង ស្កាយបារ៍ជាមួយបរិយាកាស និង ទេសភាពដ៏ស្រស់ស្អាតនៃតំបន់ដ៏រស់រវើកនេះ៕
About ww.kmmhotnews.com
