អ្នកឧកញ៉ា គិត ម៉េង ស្នើឲ្យរដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលអាស៊ាន ប្រឹងប្រែងរួមគ្នាកាត់បន្ថយថ្លៃដើមនៃការធ្វើធុរកិច្ច និងជួយ SME លើបញ្ហាប្រឈម

 

(ភ្នំពេញ)៖ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន ក្នុងឱកាសចូលរួមកិច្ចពិភាក្សា រវាងក្រុមប្រឹក្សាពិគ្រោះយោបល់ធុរកិច្ចអាស៊ានជាមួយនឹងរដ្ឋមន្ត្រីហិរញ្ញវត្ថុអាស៊ាន ដែលប្រព្រឹត្តទៅតាមប្រព័ន្ធអនឡាញ បានស្នើដល់រដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាលអាស៊ាន ខិតខំប្រឹងប្រែងរួមគ្នាកាត់បន្ថយថ្លៃដើមនៃការធ្វើធុរកិច្ច និងជួយ SME លើបញ្ហាប្រឈមនានា។

(សូមអានបន្ត)

កិច្ចប្រជុំគណៈអភិបាលខេត្តកណ្ដាល

 

ខេត្តកណ្តាល ៖ មានប្រសាសន៍នៅក្នុងកិច្ចប្រជុំគណៈអភិបាលខេត្ត ប្រចាំត្រីមាសទី០១ នៅសាលាខេត្តកណ្ដាល កាលពីរសៀលថ្ងៃទី០៧ ខែមេសា ឆ្នាំ២០២២ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានកោតសរសើរ ដល់អាជ្ញាធរ ក្រុង-ស្រុក និងថ្នាក់ដឹកនាំមន្ទីរអង្គភាពក្នុងខេត្ត ដែលបានខិតខំយកចិត្តទុកដាក់អនុវត្តនូវ ទិសដៅការងារ និងដោះស្រាយបញ្ហាប្រឈមនានាក្នុងដែនសមត្ថកិច្ចរបស់ខ្លួនទទួលបានលទ្ធផលល្អប្រសើរ ។

ឯកឧត្តមអភិបាលខេត្ត បានបន្តថា សម្រាប់ឆ្នាំថ្មី ឆ្នាំ២០២២នេះ អាជ្ញាធរក្រុង-ស្រុក មន្ទីរអង្គភាពជុំវិញខេត្ត និងកងកម្លាំងគ្រប់លំដាប់ថ្នាក់ ត្រូវបន្តខិតខំរួមសាមគ្គីគ្នា បំពេញភារកិច្ច កាតព្វកិច្ច និងទិសដៅការងាររបស់ខ្លួនឱ្យមានប្រសិទ្ធភាព ដើម្បីឈានទៅរកការអភិវឌ្ឍ និងការកសាងសមិទ្ធផលថ្មីៗឱ្យបានច្រើនបន្ថែមទៀតក្នុងខេត្ត។ ត្រូវរួមគ្នាត្រួតពិនិត្យពិភាក្សា បញ្ហាប្រឈម ដូចជាចំណុចខ្វះចន្លោះដែលនៅមិនទាន់បានអនុវត្ត និងការដោះស្រាយ ដើម្បីរួមគ្នាកែលម្អ ដោះស្រាយឱ្យបានកាន់តែល្អប្រសើរ ទាន់ពេលវេលា ឆ្លើយតបទៅនឹងភាពអភិវឌ្ឍរីកចម្រើនរបស់ប្រទេសជាតិក៏ដូចក្នុងខេត្តកណ្តាល សំដៅខិតខំបម្រើជូនប្រជាជននៅក្នុងមូលដ្ឋានប្រកបដោយប្រសិទ្ធភាព និងប្រសិទ្ធផល ។ឯកឧត្តម បានជម្រុញ និងលើកទឹកចិត្ត ដល់អាជ្ញាធរគ្រប់លំដាប់ថ្នាក់ ត្រូវតែខិតខំដោះស្រាយបញ្ហាប្រឈមនានារបស់ប្រជាពលរដ្ឋឱ្យមានប្រសិទ្ធភាព ចេញជាលទ្ធផលជូនពួកគាត់ កុំឱ្យមានការយឺតយ៉ាវឱ្យសោះ ពោលគឺយើងមិនត្រូវទុកឱ្យរាល់បញ្ហាប្រឈម និងសំណូមពររបស់ប្រជាពលរដ្ឋ អូសបន្លាយយូបានឡើយត្រូវដោះស្រាយឱ្យបានចប់ទាន់សភាពការណ៍។

ក្នុងកិច្ចប្រជុំនេះដែរ ឯកឧត្ដម បានអោយដឹងថា ពាក់ព័ន្ធនឹងការត្រៀមរៀបចំពិធីបុណ្យសង្ក្រាន្តខេត្តកណ្តាល ដើម្បីអបអរពិធីបុណ្យចូលឆ្នាំថ្មីប្រពៃណីជាតិ ឆ្នាំខាល ចត្វាស័ក ព.ស.២៥៦៦ នៅបរិវេណសួនច្បារមាត់ទន្លេបាសាក់ ក្រុងតាខ្មៅ នាពេលខាងមុខនេះ ឯកឧត្ដម បានណែនាំគ្រប់មន្ទីរពាក់ព័ន្ធទាំងអស់ ឱ្យរំឭកគ្រប់វត្តអារាមឱ្យធ្វើការសម្អាត និងតុបតែង លម្អដោយទង់ជាតិ ទង់សាសនា ទង់ព្រះមហាក្សត្រ បដាពាក្យស្លោកឱ្យបានសមរម្យ និងសហការជាមួយរដ្ឋបាល ខេត្ត ស្រុក ក្រុង រៀបចំពិធីបុណ្យសាសនាតាមវត្តអារាមស្របតាមប្រពៃណីសាសនា ប្រពៃណីជាតិ ដូចជាពិធីពូនភ្នំខ្សាច់ សម្អាតបរិស្ថានក្នុងវត្ត សម្ពាតព្រះពុទ្ធរូប ព្រះបដិមា ពិធីស្រោចទឹកសីលវន្ត សីលវតី មាតា បិតា ចាស់ព្រឹទ្ធាចារ្យជាដើម។ ចាត់តាំងពិធីបង្សុកូលឧទ្ទិសកុសល ជូនដល់វិញ្ញាណក្ខន្ធបងប្អូន ជនរួមជាតិ ដែលបានស្លាប់បាត់បង់ជីវិតក្នុងរបបប្រល័យពូជសាសន៍ នៅតាមទីកន្លែងដែលបានតម្កល់អដ្ឋិធាតុ តាមបូជនីយដ្ឋាន ស្តុប តាមវត្តអារាម ដោយអនុវត្តវិធានការសុខាភិបាលឱ្យបានខ្ជាប់ខ្ជួន គឺត្រូវពាក់ម៉ាស់ ធ្វើការវាស់កម្ដៅ លាងដៃសាប៊ូ ឬអាលំកុល ដែល និងរក្សាគម្លាតសុវត្ថិភាព ។

ឯកឧត្តមអភិបាលខេត្ត ក៏បានផ្ដាំផ្ញើដល់រដ្ឋបាលក្រុងតាខ្មៅ និងគ្រប់ស្រុក មន្ទីរ អង្គភាពជុំវិញខេត្ត ធ្វើការផ្សព្វផ្សាយឱ្យបានទូលំ ទូលាយនូវសេចក្ដីសម្រេចលេខ ០៣៧ សសរ ចុះថ្ងៃទី២១ ខែមីនា ឆ្នាំ២០២២ របស់រដ្ឋបាលខេត្តកណ្តាល ស្តីពីការបង្កើតគណៈកម្មការរៀបចំពិធីសង្ក្រាន្តខេត្តកណ្តាល អបអរពិធីបុណ្យចូលឆ្នាំថ្មី ឆ្នាំខាល ចត្វាស័ក ព.ស.២៥៦៦ នៅក្រុងតាខ្មៅ ជូនមន្ត្រីរាជការ អាជីវករ និងប្រជាជនទូទាំងខេត្ត ឱ្យបានជ្រួតជ្រាប និងបំផុសចលនាឱ្យមានការចូលរួមសស្រាក់សម្រាំ អបអរសាទរពិធីបុណ្យសង្ក្រាន្តខេត្តកណ្ដាល។ដោយ៖ មន្ទីរព័ត៌មានខេត្តកណ្តាល សម្រួលផ្សាយដោយ៖ dara

(សូមអានបន្ត)

សម្ដេចក្រឡាហោម ស ខេង អញ្ជើញជាអធិបតីផ្សព្វផ្សាយរបាយការណ៍ជាតិ ឆ្នាំ២០២១ និងទិសដៅបន្ដរបស់គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស

(ភ្នំពេញ)៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស នៅព្រឹកថ្ងៃទី០៧ ខែមេសា ឆ្នាំ២០២២នេះ បានអញ្ជើញជាអធិបតីផ្សព្វផ្សាយរបាយការណ៍ជាតិ ស្ដីពីការងារប្រយុទ្ធប្រឆាំងអំពើញជួញដូរមនុស្ស ឆ្នាំ២០២១ និងទិសដៅការងារបន្ដឆ្នាំ២០២២ របស់គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ)។

 យោងតាមរបាយការណ៍របស់លោកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ដ្រៃយ៍ គ.ជ.ប.ជ បានឲ្យដឹងថា ក្នុងឆ្នាំ២០២១កន្លងទៅនេះ សមត្ថកិច្ចបានបង្ក្រាបករណីជួញដូរមនុស្ស ចំនួន២៣៥ករណី ក្នុងនោះបានបញ្ជូនទៅតុលាការ ចំនួន៤០០នាក់ (ស្រី៣៩នាក់) សរុបជនរងគ្រោះដែលសង្គ្រោះបានចំនួន១,៣៩០នាក់ (ស្រី៥៩៥នាក់)។ ដោយឡែក ករណីអំពើធ្វើអាជីវកម្មផ្លូវភេទ បង្ក្រាបបានចំនួន១២៤ករណី (៨៦ករណីជាករណីរួមភេទជាមួយអនីតិជន) ក្នុងនោះបានបញ្ជូនទៅតុលាការ ចំនួន១៣៨នាក់ (ស្រី១៣នាក់) សរុបជនរងគ្រោះដែលសង្គ្រោះបាន ចំនួន១៨៧នាក់ (ស្រី១៧៤នាក់)។

 លោកស្រី ជូ ប៊ុនអេង បានបញ្ជាក់ថា បច្ចុប្បន្ននេះ កម្ពុជាមានការរីកចម្រើនគួរឲ្យកត់សម្គាល់ ព្រមជាមួយនឹងការរក្សាបាននូវសន្តិភាព សុវត្ថិភាព និងគ្រប់គ្រងបានយ៉ាងល្អនូវអត្រាឆ្លងនៃជំងឺកូវីដ១៩ ដែលធ្វើឲ្យស្ថានភាពសេដ្ឋកិច្ច និងសង្គមវិលរកប្រក្រតីភាពឡើងវិញ ធ្វើឲ្យក្រុមជនល្មើស ដែលមានបណ្តាញនៅតាមបណ្តាប្រទេស បានប្តូរទិសដៅមកប្រើប្រាស់កម្ពុជា ជាគោលដៅក្នុងការបោកបញ្ឆោតទាក់ទាញប្រជាពលរដ្ឋតាមបណ្តាប្រទេស ដើម្បីនាំមកកេងប្រវ័ញ្ច និងជួញដូរនៅកម្ពុជាទៅវិញ។

 លោកស្រីបានអះអាងថា នេះជាសញ្ញានៃទម្រង់ថ្មីមួយ នៃអំពើជួញដូរមនុស្ស ដែលកម្ពុជាបាននិងកំពុងសហការជាមួយ អាជ្ញាធរមានសមត្ថកិច្ច នៃប្រទេសពាក់ព័ន្ធ ដើម្បីធ្វើការបង្ក្រាប សង្គ្រោះ និងផ្តន្ទាទោសជនល្មើស និងផ្តល់កិច្ចការពារ និងធ្វើសមាហរណកម្មជនរងគ្រោះជាបន្តបន្ទាប់។ 

 កម្ពុជានៅតែបន្តប្តេជ្ញាចិត្តខ្ពស់ប្រយុទ្ធប្រឆាំងអំពើជួញដូរមនុស្ស និងចាត់ទុកថាជាអាទិភាពមួយ ដែលត្រូវយកចិត្តទុកដាក់ ទាំងការការពារទប់ស្កាត់ការរាតត្បាតនៃជំងឺកូវីដ-១៩ ការទ្រទ្រង់ជីវភាពប្រជាពលរដ្ឋ និងស្ថេរភាពសេដ្ឋកិច្ចជាតិ និងការប្រយុទ្ធប្រឆាំង បទល្មើស ជាពិសេសឧក្រឹដ្ឋកម្មឆ្លងដែនគ្រប់រូបភាព ដែលរួមទាំងអំពើជួញដូរមនុស្សផងដែរ។ 

 ជាក់ស្ដែង ក្នុងឆ្នាំ២០២១កន្លងទៅ គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ទាំងនៅថ្នាក់ជាតិ និងថ្នាក់ក្រោមជាតិ បានធ្វើការអប់រំ ផ្សព្វផ្សាយផ្ទាល់ សរុបចំនួន ១២៨,១១៧លើក មានអ្នកចូលរួមសរុបចំនួន ៦,៦៣៣,០១៧នាក់ ក្នុងនោះមានស្ត្រីចំនួន៣,៤៨៤,០១៦នាក់៕

(សូមអានបន្ត)

ឯកឧត្តម ងួន រតនៈ ជួបសំណេះសំណាលជាមួយប្រជាពលរដ្ឋ និងប្រកាសតំបន់វិនិច្ឆ័យ ក្នុងឃុំសាមគ្គី ស្រុកប្រាសាទបល្ល័ង្ក និងឃុំប្រឡាយ ឃុំទ្រា ក្នុងស្រុកស្ទោង

 កំពង់ធំ :ថ្ងៃទី០៦ ខែមេសា ឆ្នាំ២០២២ ឯកឧត្តម ងួន រតនៈ អភិបាលខេត្តកំពង់ធំ និងឯកឧត្តម លោកជំទាវ លោក លោកស្រីអភិបាលរងខេត្ត ប្រធានមន្ទីរជុំវិញខេត្ត អភិបាលក្រុង ស្រុក កងកម្លាំងទាំងបីប្រភេទមេឃុំ ចៅសង្កាត់ បានអញ្ជើញជាអធិបតីក្នុងពិធីជួបសំណេះសំ ណាលជាមួយប្រជាពលរដ្ឋចំនួន ៣៩០គ្រួសារ និងប្រកាសតំបន់វិនិច្ឆ័យ ក្នុងភូមិកំពឺត ឃុំសាមគ្គី ស្រុកប្រាសាទបល្ល័ង្ក និងឃុំប្រឡាយ ឃុំទ្រា ស្រុកស្ទោង ខេត្តកំពង់ធំ នាព្រឹកថ្ងៃ៤កើត ខែចេត្រ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃអង្គារ ទី០៥ ខែមេសា ឆ្នាំ២០២២។

លោក វណ្ណៈ សោភានិត អភិបាលស្រុកប្រាសាទបល្ល័ង្ក បានឡើងធ្វើរបាយការណ៍ពីបញ្ហាប្រឈម គឺដីអភិរក្សសត្វខ្សឹប និងដីសហគមន៍ព្រៃឈើ បានគ្របដណ្តប់ទៅលើ ភូមិកំពឺត វត្តតាគាំសួស្តីសិរីគន្ធា (ហៅវត្តកំពឺត) ព្រៃបច្ឆា (ព្រៃកប់ខ្មោច) ព្រៃអ្នកតា និងគ្របដណ្តប់លើដីស្រែប្រជាពលរដ្ឋភូមិកំពឺតទាំងស្រុង និងភូមិផ្សេងៗទៀតក្នុងឃុំសាមគ្គី ដែលជាហេតុធ្វើឱ្យប្រជាពលរដ្ឋជួបការលំបាក ទាំងការប្រើប្រាស់អាស្រ័យផលលើដីកសិកម្ម និងដីលំនៅឋាន ។ ប្រជាពលរដ្ឋមានការភ័យខ្លាច ពីមន្ត្រីជំនាញពាក់ព័ន្ធ ដូចជាការ គម្រាមការចាប់ត្រាក់ទ័រភ្ជួររាស់ដីដាំដំណាំ ឧបករណ៍សម្រាប់កសិកម្ម ពិន័យជាប្រាក់ និងដកហូតឧបករណ៍ប្រើប្រាស់របស់ប្រជាកសិករជាដើម។ ដើម្បីស្នើសុំកាត់ឆ្វៀលជូនប្រជាពលរដ្ឋចំនួន ៣៩០គ្រួសារ មានផ្ទៃដី ២ ៦៣០ហិកតា បានប្រើប្រាស់អាស្រ័យផលដោយស្របច្បាប់។

នៅក្នុងកម្មវិធីនេះ ឯកឧត្តម ងួន រតនៈ មានប្រសាសន៍ថា ជាលទ្ធផលក្រោមការដឹកនាំរបស់ប្រមុខរាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានយកចិត្តទុកដាក់ ខិតខំដោះស្រាយបញ្ហាជូនប្រជាពលរដ្ឋ ថ្ងៃនេះប្រជាពលរដ្ឋក្នុងឃុំសាមគ្គី ចំនួន ៣៩០គ្រួសារ ស្រុកប្រាសាទបល្ល័ង្ក និងប្រជាពលរដ្ឋឃុំប្រឡាយ ឃុំទ្រា ស្រុកស្ទោង ទទួលបានការឆ្លើយតបពីថ្នាក់ដឹកនាំ និងបានធ្វើពិធីប្រកាសតំបន់វិនិច្ឆ័យនាពេលនេះ។

ប្រជាពលរដ្ឋទាំងអស់ សូមគោរពថ្លែងអំណរគុណយ៉ាងជ្រាលជ្រៅបំផុត ដល់ថ្នាក់ដឹកនាំដែលតែងតែយកចិត្តទុកដាក់ ដោះស្រាយបញ្ហាប្រឈមជូនប្រជាពលរដ្ឋ ។យើងខ្ញុំនឹងបន្តគាំទ្រគោលនយោបាយ និងការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ជារៀងរហូត ។ ឯកឧត្តមអភិបាលខេត្ត ក៏បានផ្ដាំផ្ញើដល់បងប្អូនប្រជាពលរដ្ឋទាំងអស់ កុំទន្ទ្រានដីក្នុងតំបន់សត្វខ្សឹបបន្តទៀត ត្រូវចូលរួមថែរក្សាព្រៃសហគមន៍ឱ្យបានគង់វង្ស។ លើសពីនេះទៅទៀត សូមអញ្ជើញចូលរួមចាក់វ៉ាក់សាំងការពារជំងឺកូវីដ-១៩ ឱ្យបានគ្រប់ៗគ្នា និងរក្សា បីកុំ បីការពារ តាមការណែនាំរបស់ក្រសួងសុខាភិបាល ៕ដោយ ស៊ុម វណ្ណា សម្រួលផ្សាយដោយ៖ dara

(សូមអានបន្ត)

ក្រុមហ៊ុន Medtecs បានព្រមព្រៀងបោះទុនវិនិយោគ ៣លានដុល្លារអាម៉េរិក លើគម្រោងសាងសង់អាកាសយានដ្ឋានអន្តរជាតិតេជោ ខេត្ដកណ្ដាល

ភ្នំពេញ: ថ្ងៃទី០៥ ខែមេសា ឆ្នាំ២០២២ដោយមើលឃើញពីគោលនយោបាយ របស់រាជរដ្ឋាភិបាលកម្ពុជា មានភាពរឹងមាំ ច្បាស់លាស់ ក្រោមការដឹកនាំរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្រុមហ៊ុន Medtecs បានឯកភាពចុះកិច្ចព្រមព្រៀងសញ្ញាបណ្ណមានបុគ្គលធានា នៃគម្រោងសាងសង់អាកាសយានដ្ឋានអន្តរជាតិតេជោ នូវទុនវិនិយោគ ៣លានដុល្លារអាម៉េរិក ជាមួយនឹងក្រុមហ៊ុន CAIC ដែលជា គម្រោងគាំទ្រដោយរាជរដ្ឋាភិបាល នៃព្រះរាជាណាចក្រកម្ពុជា ក្នុងការអភិវឌ្ឍអាកាសយាន ដ្ឋានអន្តរជាតិទំនើប ដែលនឹងជួយជំរុញដល់វិស័យសេដ្ឋកិច្ច និងទេសចរណ៍។

ពិធីចុះហត្ថលេខាលើកិច្ចព្រមព្រៀងសញ្ញាបណ្ណមានបុគ្គលធានា តម្លៃ៣លានដុល្លារអាម៉េរិក រវាងក្រុមហ៊ុន Medtecs International Corporation Limited (“Medtecs”) និង ក្រុមហ៊ុន Cambodia Airport Investment Co., Ltd (CAIC) បានប្រព្រឹត្តទៅនៅរសៀលថ្ងៃ៣កើត ខែចេត្រ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃចន្ទ ទី០៤ ខែមេសា ឆ្នាំ២០២២ ដោយមានការចូលរួមពីសំណាក់ លោក Clement Yang (ប្រធានក្រុមប្រឹក្សាភិបាលYang”) ដែលជាស្ថាបនិក និងជាប្រធានក្រុមប្រឹក្សាភិបាល រួមទាំងគណៈគ្រប់គ្រងជាន់ខ្ពស់នៃក្រុមហ៊ុន Medtecs និងតំណាងមកពីក្រុមហ៊ុន CAIC អ្នកឧកញ៉ាបណ្ឌិត ពុង ឃាវសែ ប្រធានក្រុមហ៊ុន OCIC និងលោក ឆារស៍ វ៉ាន់ Charles Vann សមាជិកក្រុមប្រឹក្សាភិបាលនៃក្រុមហ៊ុន CAIC។ ថវិកាដែលបានមកពីការវិនិយោគលើសញ្ញាបណ្ណមានបុគ្គលធានានេះ នឹងត្រូវប្រើប្រាស់សម្រាប់ការសាងសង់ និងការអភិវឌ្ឍគម្រោងសាងសង់អាកាសយានដ្ឋានអន្តរជាតិតេជោ។

លោក Clement Yang ប្រធានក្រុមប្រឹក្សាភិបាលYang បានបញ្ជាក់ថា ដោយមើលឃើញ គោលនយោបាយច្បាស់លាស់ របស់រាជរដ្ឋាភិបាលកម្ពុជា ដែលដឹកនាំដោយសម្ដេចអគ្គមហាសេនាបតីតេជោ ហ៊ុន សែន ទើបលោកសម្រេចចិត្ដបោះទុនវិនិយោគ ជាមួយរាជរដ្ឋាភិបាលថ្ងៃនេះចំនួន៣លានដុល្លារអាម៉េរិក លើគម្រោងសាងសង់អាកាសយានដ្ឋានអន្តរជាតិតេជោ នៅខេត្ដកណ្ដាលនេះ ។ ក្នុងរយៈ២ទសវត្សចុងក្រោយនេះ ក្រុមហ៊ុន Medtecs បានដឹកនាំការអភិវឌ្ឍ និងវិនិយោគសំខាន់ៗជាច្រើន ក្នុងព្រះរាជាណាចក្រកម្ពុជា ។ ក្រុមហ៊ុន Medtecs មិនត្រឹមតែជួយសម្រួលដល់វិនិយោគិនបរទេស ក៏ដូចជាក្រុមហ៊ុនពហុជាតិសាសន៍ប៉ុណ្ណោះទេ ថែមទាំងបានបង្កើតនូវឱកាសការងារក្នុងស្រុក ដែលជួយលើកកម្ពស់ដល់ការរីកចម្រើននៃព្រះរាជាណាចក្រកម្ពុជា។

ក្នុងឱកាសនេះដែរ អ្នកឧកញ៉ាបណ្ឌិត ពុង ឃាវសែ ប្រធានក្រុមហ៊ុនOCIC បានមានប្រសាសន៍ថា កម្ពុជាឆ្ពោះទៅមុខក្នុងស្មារតី "សហវិបុលភាពជាមួយព្រះរាជាណាចក្រកម្ពុជា" ក៏ដូចជាការសន្យាដែលចារលើវត្ថុអនុស្សាវរីយ៍ដំបូង ដែលបានប្រគល់ជូនដល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ ចាប់ពីថ្ងៃនេះតទៅ កម្ពុជានឹងខិតខំកសាងហេដ្ឋារចនាសម្ព័ន្ធដែលគាំទ្រដោយបច្ចេកវិទ្យា, ព័ត៌មានវិទ្យា និងទំនាក់ទំនងដ៏ទំនើប សម្រាប់ឱកាសនៃការអភិវឌ្ឍសេដ្ឋកិច្ចឱ្យកាន់តែរីកចម្រើន បង្កើននូវចំនួនកម្លាំងពលកម្ម និងការលើកកម្ពស់គុណភាព ជីវភាពសម្រាប់ប្រជាពលរដ្ឋគ្រប់រូប៕ដោយ សួស សំរិត សម្រួលផ្សាយដោយ៖ dara

(សូមអានបន្ត)

សម្ដេចតេជោ ហ៊ុន សែន អះអាងថា កាមេរ៉ាសុវត្ថិភាពត្រូវបានបំពាក់តាមទីសាធារណៈ នៅក្រុងសៀមរាប ដើម្បីធានាសុវត្ថិភាព

   

(សៀមរាប)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក្នុងឱកាសអញ្ជើញសម្ពោធដាក់ឲ្យប្រើប្រាស់ផ្លូវ៣៨ខ្សែ នៅក្រុងសៀមរាប បានអះអាងថា ក្នុងក្រុងសៀមរាប បានបំពាក់កាមេរ៉ាសុវត្ថិភាពនៅតាមទីសាធារណៈដើម្បីធានាសុវត្ថិភាព។

ក្នុងពិធីនាព្រឹកថ្ងៃទី០៤ ខែមេសា ឆ្នាំ២០២២នេះ សម្ដេចតេជោ ហ៊ុន សែន បានគូសបញ្ជាក់ថា អ្នកប្រព្រឹត្តអំពើអនាចារ និងការធ្វើសកម្មភាពចោរកម្មក្នុងក្រុងសៀរាម ត្រូវបញ្ចប់ទៅព្រោះអ្នកប្រព្រឹត្តមិនអាចគេចខ្លួនបានទេ។

សម្ដេចតេជោ ហ៊ុន សែន បានមានប្រសាសន៍បែបនេះថា «អ្នកដែលប្រព្រឹត្តអនាចារ ឬក៏ចោរលួចចោរប្លន់ គួរតែត្រូវឈប់ទៅព្រោះសេវាកាមេរ៉ាសុវត្ថិភាពពេញណែន។ ជួនកាលខ្លួនទៅបំផ្លាញកាមេរ៉ាសុវត្ថិភាពមួយដើម្បីធ្វើសកម្មភាព ស្មានតែគេយកមិនឃើញ ព្រោះកាមេរ៉ានេះបាញ់ភ្ជាប់គ្នារហូត»។

បើតាមប្រសាសន៍របស់សម្ដេចតេជោនាយករដ្ឋមន្ដ្រី ចាប់ពីពេលនេះតទៅ សន្ដិសុខ សុវត្ថិភាពប្រជាពលរដ្ឋនៅក្រុងសៀមរាប នឹងកាន់តែធានាបានយ៉ាងល្អប្រសើរ តាមរយៈកាមេរ៉ាសុវត្ថិភាពដែលត្រូវបានបំពាក់នៅទូទាំងក្រុងនេះ។

បន្ថែមពីនេះ សម្ដេចតេជោ ហ៊ុន សែន បានលើកឡើងថា កងកម្លាំងនគរបាលជាតិ ក៏កាន់តែងាយស្រួលក្នុងការគ្រប់គ្រងសភាពការណ៍៕

(សូមអានបន្ត)