ម៉ាណែត និងលោកជំទាវ ពេជ ចន្ទមុន្នី ត្រូវបានឧបត្ថម្ភដល់គ្រួសារប្រជាពលរដ្ឋចំនួន ០៤គ្រួសារ ដែលត្រូវរងគ្រោះ ដោយខ្យល់កន្ត្រាក់

កំពង់ឆ្នាំង៖ លោកឧត្តមសេនីយ៍ត្រី អ៊ុំសុភា មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្តកំពង់ឆ្នាំង នៅព្រឹកថ្ងៃទី១១ ខែមីនា ឆ្នាំ២០២២ បានដឹកនាំក្រុមការងារ ចុះនាំយកអង្ករចំនួន ២០០គីឡូក្រាម មី ៤កេះ អាវរងា ៤អាវ មុង ៤ ជែលលាងដៃ ៨ដប រួមនឹងថវិកាមួយចំនួន ដែលជាអំណោយដ៏ថ្លៃថ្លារបស់ឯកឧត្ដម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក និងលោកជំទាវ ពេជ ចន្ទមុន្នី ឧបត្ថម្ភដល់គ្រួសារប្រជាពលរដ្ឋចំនួន ០៤គ្រួសារ ដែលត្រូវរងគ្រោះ ដោយខ្យល់កន្ត្រាក់។

គូសបញ្ជាក់ថាៈ ប្រជាពលរដ្ឋចំនួន ០៤គ្រួសារ ដែលត្រូវរងគ្រោះ ដោយខ្យល់កន្ត្រាក់បណ្ដាលឱ្យរលំផ្ទះអស់ទាំងស្រុង ០១គ្រួសារ និងរបើកដំបូលចំនួន ០៣គ្រួសារ កាលពីរំលងអាធ្រាតឈានចូលថ្ងៃទី០៩ ខែមីនា ឆ្នាំ២០២២ នៅភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ៕

(សូមអានបន្ត)

សម្ដេចក្រឡាហោម អញ្ជើញបិទសន្និបាទបូកសរុបលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២

  

 បាត់ដំបង: ថ្ងៃទី១១ ខែមីនា ឆ្នាំ២០២២ នៅព្រឹកថ្ងៃ៨កើត ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃព្រហស្បតិ៍ ទី១០ ខែមីនា ឆ្នាំ២០២២ សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូល ដ្ឋានខេត្តបាត់ដំបង បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ របស់រដ្ឋបាលខេត្តបាត់ដំបង ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិករដ្ឋសភា និងព្រឹទ្ធសភា ឯកឧត្តម លោកជំទាវ ប្រធាន អនុប្រធាន ក្រុមការងាររាជរដ្ឋាភិបាលចុះមូលដ្ឋាន ខេត្ត ក្រុង ស្រុក ឃុំ សង្កាត់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ និងប្រធានអង្គភាព តំណាងអង្គភាពនានា ។

ក្នុងឱកាសនោះ សម្ដេចក្រឡាហោម ស ខេង ឧបនាយករដ្ឋមន្រ្ដី រដ្ឋមន្រ្ដីក្រសួងមហា ផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង បានមានប្រសាសន៍ថ្លែងនូវការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្ត្រីរាជការ កងកម្លាំងមានសមត្ថកិច្ចនានា និងក្រុមការងាររាជរដ្ឋាភិបាលចុះមូលដ្ឋានគ្រប់លំដាប់ថ្នាក់ នៃខេត្តបាត់ដំបង ដែលបានខិតខំប្រឹងប្រែងរួមគ្នាយ៉ាងសកម្ម ក្នុងការបំពេញតួនាទីភារកិច្ច ប្រកបដោយស្មារតីទទួលខុសត្រូវខ្ពស់ ដើម្បីសម្រេចបាននូវសមិទ្ធផលក្នុងការធានាថែរក្សាសុខសន្តិភាព ស្ថិរភាពនយោបាយ ការរក្សាសន្តិសុខ សណ្តាប់ធ្នាប់សាធារណៈ ការលើកកម្ពស់លទ្ធិប្រជាធិបតេយ្យ និងជំរុញការអភិវឌ្ឍសេដ្ឋកិច្ច-សង្គម ស្របតាមគោលនយោបាយរបស់រាជរដ្ឋាភិបាល សំដៅលើកកម្ពស់ជីវភាពរស់នៅ និងបន្តកាត់បន្ថយភាពក្រីក្ររបស់ប្រជាពលរដ្ឋ ។ ក្នុងនោះបានខិតខំចូលរួមក្នុងការដោះស្រាយជីវភាពរបស់ប្រជាពលរដ្ឋ ដែលទទួលរងនូវផលប៉ះពាល់ពីវិបត្តិនៃជំងឺកូវីដ-១៩ ការដោះស្រាយក្តីកង្វល់ សំណើ សំណូមពរ និងបញ្ហាប្រឈមនានានៅមូលដ្ឋានបានជាបន្តបន្ទាប់ ។ ជាពិសេសការចូលរួមទប់ស្កាត់ និងការប្រយុទ្ធប្រឆាំងការឆ្លងរីករាលដាលនៃជំងឺកូវីដ-១៩ ព្រមទាំងចូលរួមជំរុញ និងគាំទ្រដល់ដំណើរការចាក់វ៉ាក់សាំងជូន មន្ត្រីរាជការ កងកម្លាំងមានសមត្ថកិច្ច និងប្រជាពលរដ្ឋទូទាំងខេត្តបាត់ដំបង ផ្អែកតាមយុទ្ធសាស្ត្រចាក់វ៉ាក់សាំងរបស់រាជរដ្ឋាភិបាល ដើម្បីបង្កើតភាពស៊ាំក្នុងសហគមន៍ បង្កើតឱកាសក្នុងការបើកដំណើរការប្រទេសបានពេញលេញ លើគ្រប់វិស័យ ។

សម្តេចក្រឡាហោម ស ខេង ក៏បានមានប្រសាសន៍ ផ្តល់នូវគោលការណ៍ណែនាំជាគន្លឹះសំខាន់មួយចំនួនទៀតដល់អង្គសន្និបាត គឺ ទី១- ការពង្រឹងសន្តិភាព ស្ថិរភាពនយោបាយនិងសន្តិសុខសណ្តាប់ធ្នាប់សាធារណៈ ។ ទី២- ការអនុវត្តន៍វិមជ្ឈការ និងវិសហមជ្ឈការ ។ ទី៣- ការគ្រប់គ្រងធនធានធម្មជាតិ និងការដោះស្រាយវិវាទដីធ្លី ។ ទី៤- ការគ្រប់គ្រងការពារសន្តិសុខ និងការអភិវឌ្ឍតំបន់ព្រំដែន ។ ទី៥- ការអភិវឌ្ឍសេដ្ឋកិច្ច សង្គម និងទីក្រុង ។ ទី៦- ការរៀបចំប្រព័ន្ធផែនការ និងការពង្រឹងប្រព័ន្ធគណនេយ្យភាពសង្គម ។ ទី៧- ការផ្តល់សេវាសាធារណៈ និងការដោះស្រាយបញ្ហាប្រឈមនៅមូលដ្ឋាន ។ ទី៨- ពង្រឹងការអនុវត្តវិធានការនានា ដើម្បីប្រយុទ្ធប្រឆាំងទប់ស្កាត់នឹងជំងឺកូវីដ-១៩ ។ ទី៩- ការពង្រឹងរបៀបរបបការងារ ៕ ដោយ ណយ នឿន (ប្រភព:រដ្ឋបាលខេត្តបាត់ដំបង) សម្រួលផ្សាយដោយ៖ dara

(សូមអានបន្ត)

សេនីយ៍ សៅ សារឿន អធិការនគរបាលក្រុងប៉ោយប៉ែត បានដឹកនាំកម្លាំងក្រោមឱវាទ នាំយកអំណោយរបស់លោកឧត្តមសេនីយ៍ទោ សិទ្ធិ ឡេាះ ស្នងការនគរបាលខេត្តបន្ទាយមានជ័យ ទៅចូលរួមបុណ្យសពក្មួយស្រី លួតលីហ្សា ដែលត្រូវបានគេសម្លាប់!!

 បន្ទាយមានជ័យ៖រសៀលថ្ងៃ ព្រហស្បតិ៍៨កើត ខែផល្គុន ឆ្នាំឆ្លូវត្រីស័ក ព.ស២៥៦៥ ត្រូវនឹងថ្ងៃទី ១០ ខែមីនា ឆ្នាំ២០២២ លោកវរសេនីយ៍ សៅ សារឿន អធិការនគរបាលក្រុងប៉ោយប៉ែត បានដឹកនាំកម្លាំងក្រោមឱវាទ នាំយកអំណោយរបស់លោកឧត្តមសេនីយ៍ទោ សិទ្ធិ ឡេាះ ស្នងការនគរបាលខេត្តបន្ទាយមានជ័យ ទៅចូលរួមបុណ្យសពក្មួយស្រី លួតលីហ្សា ដែលត្រូវបានគេសម្លាប់កាលពីម្សិលមិញ  

អំណោយរួមមាន៖អង្ករ ១០០គីឡូក្រាម ទឹកសុទ្ធ ១០០យួរ  និងថវិកា ៥០០,០០០រៀល ។

សូមរំលឹកថា៖ក្មួយស្រី ដែលបាត់ខ្លួន បានរកឃើញហើយ នៅវេលាម៉ោង្រហែល ៩ : ៥០ យប់ថ្ងៃកើតហេតុដដែល តែសូមចូលរួម សោកស្តាយផង ដោយសារ ក្មួយស្រី បានទទួល មរណភាពហើយ ក្នុងសភាព អាក្រាតកាយ ដោយជន មិនស្គាល់ អត្តសញ្ញាណ សង្ស័យ ចាប់ រំលោភសម្លា.ប់ ហើយយកសព ទៅកប់ នៅក្បែររបងថ្ម នៅម្តុំ ដែលឃើញ កាបូបស្ពាយ ឋិតក្នុងភូមិ ទំនប់ ក៥ សង្កាត់ប៉ោយប៉ែត ក្នុងប៉ោយប៉ែត ។ 

ដោយយោង តាមប្រភព ពីកន្លែងកើត បានឲ្យដឹងថា សពក្មួយស្រី ត្រូវ ជនមិនស្គាល់ អត្តសញ្ញាណ យកកប់ដី និង យកដុំថ្ម ធំ សង្កត់ពីលើ ដោយសាក សព ដេ.ក ផ្កាប់មុខ ពាក់អាវ ស មិនស្លៀកសំពត់ ឬ ខោ ឡើយ ។ មហាជន សង្ឃឹមថា សមត្ថកិច្ច ជំនាញ និង ស្វែងរក ជនដៃដល់ យកមក ផ្ទន្ទាទោស តាមច្បាប់ ឆាប់ៗនេះ ។

(សូមអានបន្ត)

រដ្ឋលេខាធិការក្រសួងមហាផ្ទៃ ប្រកាសចូលកាន់តំណែងអភិបាលរងខេត្តកណ្តាល

  

កណ្តាល : ថ្ងៃទី១០ ខែមីនា ឆ្នាំ ២០២២ ថ្លែងក្នុងពិធីប្រកាសតែងតាំងអភិបាលរងខេត្ត កណ្តាល នាព្រឹកថ្ងៃ៧កើត ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី០៩ ខែមីនា ឆ្នាំ២០២២ ឯកឧត្តម លេង វី រដ្ឋលេខាធិការក្រសួងមហាផ្ទៃ មានប្រសាសន៍ថា ក្នុងនាមជាថ្នាក់ដឹកនាំខេត្ត ត្រូវតែប្រឹងប្រែងអភិវឌ្ឍន៍ខេត្តឱ្យល្អ និងត្រូវគិតគូរពីបញ្ហាមួយចំនួនដូចជា៖ទប់ស្កាត់ និងបង្ការការរីករាលដាល នៃជំងឺកូវីដ-១៩ ឱ្យបានល្អ តាមរយៈកាផ្សព្វផ្សាយវិធានការរបស់ក្រសួងសុខាភិបាល និងត្រូវពិនិត្យ និងដោះស្រាយរាល់ជម្លោះ តម្រូវការរបស់ប្រជាពលរដ្ឋឱ្យបានត្រឹមត្រូវ និងច្បាស់លាស់ និងដោយសន្តិវិធី ទប់ស្កាត់ និងបង្រ្កាបឱ្យបានបញ្ហាគ្រឿងញៀន។

ឯកឧត្តម រដ្ឋលេខាធិការក្រសួងមហាផ្ទ៖ បានសម្ដែងនូវការកោតសរសើរចំពោះកិច្ចខិតខំប្រឹងប្រែងរបស់គណៈអភិបាលខេត្ត មន្រ្តីរាជការជុំវិញខេត្ត បានសហការគ្នាក្នុងការអភិវឌ្ឍន៍ឱ្យខេត្តមានការរីកចម្រើនគួរឱ្យកត់សម្គាល់ ។ ឯកឧត្តម ក៏បានជំរុញដល់អភិបាលរងខេត្តថ្មី ត្រូវបន្តខិតខំអភិវឌ្ឍន៍ខេត្តទាំងមូល ឱ្យទទួលបានភាពរីកចម្រើនទៅមុខជាលំដាប់ ។ ត្រូវចុះមូលដ្ឋានឱ្យបានជាប្រចាំ ត្រូវដឹងពីសុខទុក្ខបស់បងប្អូនប្រជាជន ត្រូវដោះស្រាយរាល់បញ្ហាដែលកើតមាននៅក្នុងមូលដ្ឋានឱ្យបានទាន់ពេលវេលា ។ ត្រូវចេះរួមសហការគ្នាក្នុងការកែប្រែមុខមាត់ខេត្តឱ្យកាន់តែមនការអភិវឌ្ឍជាបន្តទៀត ស្របតាមកម្មវិធីនយោបាយរបស់រាជរដ្ឋាភិបាល ក្នុងចូលរួមលើកកម្ពស់សេដ្ឋកិច្ច ជីវភាពរបស់ប្រជាពលរដ្ឋ ឱ្យកាន់តែប្រសើរឡើងថែមទៀត និង ការពារសន្តិសុខសុវត្ថិភាពជូនប្រជាពលរដ្ឋ។ ឯកឧត្តម ក៏បានសុំណូមពរដល់ក្រុមប្រឹក្សាខេត្ត គណៈអភិបាលខេត្ត កងកម្លាំងប្រដាប់អាវុធទាំងបីប្រភេទ អាជ្ញាធរគ្រប់ជាន់ថ្នាក់ ផ្តល់នូវការគាំទ្រ និងមានកិច្ចសហការល្អជាមួយគ្នា ដើម្បីដឹកនាំ និងកសាងខេត្ត ឱ្យទទួលបានជោគជ័យថែមទៀត ។

សូមជម្រាបថា រាជរដ្ឋាភិបាលកម្ពុជាបានចេញអនុក្រឹត្យលេខ ៥៩ អនក្រ.តត ស្តីពីការតែងតាំងមន្ត្រីរាជការ ដោយសម្រេចតែងតាំង ឯកឧត្តម ប្រាក់ សារ៉ាត មានឋានន្តរស័ក្កិឧត្តម មន្ត្រី ថ្នាក់លេខ៥ ឱ្យចូលកាន់មុខតំណែងជាអភិបាលរងខេត្តកណ្តាល ជំនួសឯកឧត្តម គីម រិទ្ធី ឋានន្តរស័ក្កឧត្តមមន្ត្រី ថ្នាក់លេខ៤ ពីអភិបាលរងខេត្តកណ្តាល ឱ្យទៅកាន់មុខតំណែងជាអគ្គនាយករង នៃអគ្គនាយកដ្ឋានរដ្ឋបាល ក្រសួងមហាផ្ទៃ៕ ដោយ ណយ នឿន (ប្រភណ:រដ្ឋបាលខេត្តកណ្តាល) សម្រួលផ្សាយដោយ៖ dara

(សូមអានបន្ត)

លោក សាយ សំអាល់ ប្រគល់សញ្ញាបត្រដល់និស្សិតវិទ្យាស្ថានសន្តប៉ូល

     

តាកែវ៖ រដ្ឋមន្ត្រីក្រសួងបរិស្ថាន លោក សំអាល់ បានចូលរួមក្នុងពិធីបើកបវរសនកាលឆ្នាំ២០២១-២០២២ និងប្រគល់សញ្ញាបត្រថ្នាក់បរិញ្ញាបត្ររង និងបរិញ្ញាបត្រដល់និស្សិតនៃវិទ្យាស្ថានសន្តប៉ូល ចំនួន១១៤នាក់ នាព្រឹកថ្ងៃទី០៨ ខែមីនា ឆ្នាំ២០២២ នៅវិទ្យាស្ថានសន្តប៉ូល ស្រុកត្រាំកក់ ខេត្តតាកែវ។

ក្នុងពិធីនេះរដ្ឋមន្រ្តីក្រសួងបរិស្ថានលោក សាយ សំអាល់ បានសម្តែងនូវការអបអរសាទរដល់និស្សិតដែលបានបញ្ចប់ការសិក្សានៅថ្ងៃនេះ ហើយក៏ជាការបើកទំព័រថ្មីក្នុងជីវិត។ជាមួយគ្នាលោកបានក្រើនរម្លឹកដល់ យុវជនជំនាន់ក្រោយ ត្រូវតែត្រូវស្គាល់ខ្លួនឯង និងកំណត់គោលដៅឱ្យច្បាស់ ថាចូលចិត្តអ្វី ចង់ធ្វើអ្វី ជាពិសេស គឺត្រូវជឿជាក់លើខ្លួនឯងថាអាចធ្វើបាន។

ថ្លែងបញ្ជាក់ទៅកាន់និស្សិតក្នុងពិធីនេះលោក សាយ សំអាល់ បានផ្តល់នូវអនុសាសន៍មួយចំនួនរបស់ឯកឧត្តមបណ្ឌិត ហ៊ុន ម៉ាណែត ចំពោះសិស្ស និស្សិតដែលជាអ្នកជំនាន់ក្រោយទាំងអស់ រួមមាន៖ ទី១)រក្សានូវមរតកដែលបានបន្សល់ទុកពីអ្នកជំនាន់មុន ទី២) ចូលរួមពូនជ្រុំកសាងសមិទ្ធផលផ្សេងៗទៀត និងទី៣)ចូលរួមកសាងថ្នាលសម្រាប់អ្នកជំនាន់ក្រោយ។

លោករដ្ឋមន្រ្តីបានបញ្ជាក់បន្ថែមថាសម្រាប់ ៣ចំណុចដែលបានលើកឡើងនៅពេលនេះ គឺជាចំណុចសំខាន់ណាស់ នៅក្នុងខ្សែជីវិតរបស់ប្រជាជនគ្រប់រូប ជាពិសេសប្រជាជនកម្ពុជាតែម្តង។ យើងចង់បន្សល់ទុកនូវក្តីស្រឡាញ់ឱ្យអ្នកជំនាន់ក្រោយ៕

                     

(សូមអានបន្ត)

រដ្ឋបាលខេត្តកំពតរៀបចំពិធីអបអរសាទរទិវារអន្តរជាតិនារី ៨មីនា ខួបលើកទី១១១ ឆ្នាំ២០២២ ក្រោមប្រធានបទ សមភាពយេនឌ័រថ្ងៃនេះ ដើម្បីចិរភាពនាពេលអនាគត

ព្រឹកថ្ងៃអង្គារ ៦កើត ខែផល្គុន ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៨ ខែមីនា ឆ្នាំ២០២២ នៅសាលប្រជុំសន្និសីទបូកគោ សាលាខេត្តកំពត ឯកឧត្តម ជឹង ផល្លា ប្រធានក្រុមប្រឹក្សាខេត្ត និងលោកជំទាវ បានអញ្ជើញជាអធិបតីក្នុងពិធីអបអរសាទរទិវារអន្តរជាតិនារី ៨មីនា ខួបលើកទី១១១ ឆ្នាំ២០២២ ក្រោមប្រធានបទ សមភាពយេនឌ័រថ្ងៃនេះ ដើម្បីចិរភាពនាពេលអនាគត។

សូមជម្រាបថា ទិវាអន្តរជាតិនារី ៨មីនានេះ ត្រូវបានពិភពលោកប្រារព្ធធ្វើឡើងជារៀងរាល់ឆ្នាំ ដើម្បីរំលឹកនូវការតស៊ូ ក្នុងការទាមទារសិទ្ធិសេរី និងគេចផុតពីទង្វើជិះជាន់ ការរើងអ៊ើងផ្លូវភេទ ព្រមទាំងអសមភាពរវាងបុរសនិងស្ត្រី។

ខេត្តកំពតបានរៀបចំទិវាអន្តរជាតិនារី ៨មីនា ខួបលើកទី១១១ ឆ្នាំ២០២២ នេះឡើង ជាការបង្ហាញឱ្យឃើញពីការយកចិត្តទុកដាក់របស់រាជរដ្ឋាភិបាលកម្ពុជា ក្រោមការដឹកនាំប្រកដោយគត្តិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ហើយនេះក៏ជាការរួមចំណែកជួយដល់ការលើកកម្ពស់សិទ្ធិសេរីភាពរបស់ស្ត្រី និងជួយឱ្យស្ត្រីមានតម្លៃកាន់តែខ្ពស់ឡើងនៅក្នុងសង្គមជាតិ ក្រោមដំបូលសុខសន្តិភាពពេញផ្ទៃប្រទេស ដែលសម្តេចតេជោ យកជីវិតទៅប្តូរ។

(សូមអានបន្ត)

លោក ស សុខា អបអរសាទរ​ខួប​លើក​ទី​១១១ ទិវា​អន្តរជាតិ​នារី ៨ មីនា ឆ្នាំ​២០២២

ភ្នំពេញៈ លោក ស សុខា រដ្ឋលេខាធិការ ក្រសួង​អប់រំ យុវជន និង​កីឡា បាន​ចូលរួម​អបអរសាទរ ខួប​លើក​ទី​១១១ ទិវា​អន្តរជាតិ​នារី ៨ មីនា ឆ្នាំ​២០២២ (៨ មីនា ១៩១១- ៨ មីនា ២០២២) ក្រោម​ប្រធានបទ “​សមភាព​យេនឌ័រ​ថ្ងៃនេះ ដើម្បី​ចីរភាព ពេលអនាគត​” ។​

​លោក ស សុខា បាន​ថ្លែងថាៈ ជាការ​ពិតណាស់ ស្ត្រី និង​បុរស មាន​សក្ដានុពល តាំងពី​កំណើត​មកម្ល៉េះ ប៉ុន្តែ​បុរស ត្រូវបាន​គេ​មើលឃើញថា ខ្លាំងក្លា​ជាង​ស្ត្រី ដោយសារ​បុរស មាន​កម្លាំងកាយ​មាំមួន​ជាង ។ ទោះបីយ៉ាងណា សមត្ថភាព​ប្រាជ្ញា ការគិត ការ​ត្រិះរិះ​ពិចារណា និង​ការរៀនសូត្រ រវាង​សិស្សស្រី និង​សិស្ស​ប្រុស មិនមាន​ភាពខុសគ្នា​ឡើយ ។ ប្រសិនបើ សង្គម មិនឱ្យ​តម្លៃ​ស្ត្រី​ទេ សង្គម​នោះ ពុំ​អាចមាន​ការរីកចម្រើន​ឡើយ ព្រោះ​សកលលោក បាន​ចាត់ទុកថា “​ស្ត្រី​ជា​មាតា​នៃ​ពិភពលោក​” នេះ​គឺជា​សត្យានុម័ត ។​

​រាជរដ្ឋាភិបាល​កម្ពុជា បានចាត់ទុក “​ស្ត្រី​ជា​ឆ្អឹងខ្នង នៃ​ការអភិវឌ្ឍ​គ្រប់​វិស័យ​” ។ ទស្សនៈ​វិវត្តន៍ នៅក្នុង​សង្គម​សកល ក៏ដូចជា សង្គមជាតិ​យើង គឺ​អាស្រ័យ​លើ​មាគ៌ា​ដឹកនាំ របស់​រដ្ឋាភិបាល ច្បាប់​ប្រទេស និង​អ្នកដឹកនាំ​ប្រកបដោយ​បញ្ញាញាណ បាន​យកចិត្ត​លើកកម្ពស់​តម្លៃ​របស់​ស្ត្រី ។​

​លោក​បាន​បញ្ជាក់ថាៈ នៅក្នុង​វិស័យ​នយោបាយ រាជរដ្ឋាភិបាល បាន​យកចិត្តទុកដាក់ បង្កើន​សមាមាត្រ​ស្ត្រី ក្នុង​ស្ថាប័ន​សាធារណៈ ដើម្បីឱ្យ​ស្ត្រី​បាន​ចូលរួម កាន់តែ​ច្រើនឡើង ក្នុងការ​ដឹកនាំ និង​ធ្វើ​សេចក្តីសម្រេចចិត្ត ទាំង​នៅ​ថ្នាក់ជាតិ និង​ថ្នាក់ក្រោម​ជាតិ ដែល​ធ្វើឱ្យ​ចំនួន​ស្ត្រី មានការ​កើនឡើង ជា​បន្ត​បន្តា​ប់​។​

​ក្នុង​ស្ថាប័ន​នីតិប្រតិបត្តិ ស្ត្រី​ជា​ឧបនាយករដ្ឋមន្ត្រី ជា​រដ្ឋមន្ត្រី រដ្ឋលេខាធិការ និង​អនុ​រដ្ឋលេខា ធិ​ការ ។ ក្នុង​វិស័យ​មុខងារសាធារណៈ ចំនួន​មន្ត្រីរាជការ​ជា​ស្ត្រី កើនឡើង​បន្តបន្ទាប់ និង​នៅ ថ្នាក់ក្រោម​ជាតិ ស្ត្រី​កាន់​តួនាទី​ជា អភិបាលខេត្ត អភិបាលរង រាជធានី ខេត្ត អភិបាលក្រុង ស្រុក ខណ្ឌ និង​ជា​មេឃុំ ចៅសង្កាត់ ។​ល​។​

​លោក ស សុខា បាន​រម្លឹកថាៈ កាលពី​ដើមឡើយ គេ​បាន​ប្រារព្ធ​ទិវា​សិទ្ធិនារី លើកដំបូង គឺ​នៅ​ថ្ងៃទី​១៩ ខែមីនា ឆ្នាំ​១៩១១ ដោយ​កាលណោះ មាន​មនុស្ស​ចូលរួម​ដង្ហែ​ក្បួន ជាង ១​លាន​នាក់ នៅក្នុង​ប្រទេស​អូទ្រីស ដា​ណឺ​ម៉ាក អាល្លឺម៉ង់ និង​ប្រទេស​ស្វី​ស ជាដើម ។

​ក្រោយមក នៅ​ថ្ងៃទី​៨ មីនា ឆ្នាំ​១៩១៤ ក៏មាន​ហេតុការណ៍​មួយទៀត កើតឡើង​នៅ​ទីក្រុង ប៊ែ​រ​ឡាំង ដែល​កាលនោះ ស្ត្រី​សកម្មជន​នយោបាយ សង្គមនិយម អាល្លឺម៉ង់ បាននាំគ្នា​ធ្វើ បាតុកម្ម យ៉ាង​ធំធេង ដើម្បី​ទាមទារ​សិទ្ធិ​បោះឆ្នោត ។ ហើយ​បន្ទាប់មកទៀត នៅ​ថ្ងៃទី​៨ មីនា ១៩១៧ នៅ​ទីក្រុង​សាំង​ប៉េ​តេស​បួរ ប្រទេស​រុស្ស៊ី គឺមាន​ព្រឹត្តិការណ៍ បាតុកម្ម​មួយទៀត របស់​ស្ត្រី​រុស្ស៊ី ។ បរិបទ​ពិភពលោក ពេលនោះ គឺ​ស្ថិតក្នុង​សង្គ្រាមលោកលើកទី​១ ហើយ​ដែល បុរសៗ ត្រូវគេ​បញ្ជូន​ឲ្យ​ទៅធ្វើ​សង្គ្រាម​អស់ ទុក​ឲ្យ​ស្ត្រី​នៅផ្ទះ ចិញ្ចឹម​កូន​ផង ធ្វើការ​តាម​រោងចក្រ ផលិត​សព្វាវុធ ស្បៀងអាហារ យកទៅ​ឲ្យ​កងទ័ព​ផង ។

​ស្ថានភាព​រុស្ស៊ី ពេលនោះ លំបាក​ខ្លាំងណាស់ ដោយសារតែ​គ្រោះ​អត់ឃ្លាន ។ ការបះបោរ របស់​ស្ត្រី​រុស្ស៊ី នៅ​ថ្ងៃទី​៨ មីនា ១៩១៧ នេះហើយ ដែល​បានធ្វើ​ឲ្យ​អំណាច​របស់ ព្រះ​ចៅ​ត្សា​រ នៃ​អាណាចក្រ​រុស្ស៊ី ចាប់ផ្តើម​រង្គោះរង្គើ និង​ឈានទៅ​មានការ​វិវត្ដន៍​សង្គម​និយម របស់​ពួក​កុម្មុយនីស្ត​សូ​វៀត ។ យ៉ាងណាមិញ បក្ស​បុល​សេ​វិក​សូ​វៀត បានចាត់ទុក​ថ្ងៃទី​៨ ខែមីនា ឆ្នាំ​១៩១៧ គឺជា​ថ្ងៃ​ចាប់ផ្តើម​ទីមួយ នៃ​បដិវត្តន៍​រុស្ស៊ី ។ ហេតុ​ដូច្នេះហើយ បានជា​ក្រោយមក នៅតាម​ប្រទេស​កុម្មុយនីស្ត ដែល​ស្ថិតក្រោម​ឥទ្ធិពល​សូ​វៀត គេ​បាន​ប្រារព្ធ ពិធីបុណ្យ ៨ មីនា នេះ ជាប្រចាំ​។ ដូច្នេះ​ខួប ៨ មីនា ១៩១១ ដល់ ៨ មីនា ២០២២ វា​មាន​រយៈពេល ១១១​ឆ្នាំ​ហើយ ៕

  

(សូមអានបន្ត)

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងឱកាសអញ្ជើញសម្ពោធដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិនត្បូងឃ្មុំ ដែលជាមន្ទីរពេទ្យដ៏ទំនើបលើដីជនបទ

   

(ភ្នំពេញ)៖ មន្ទីរពេទ្យមិត្តភាពកម្ពុជា-ចិន ត្បូងឃ្មុំ ដែលជាមន្ទីរពេទ្យដ៏ទំនើបជាលើកដំបូងនៅលើដីជនបទនោះ ត្រូវបានសាងសង់រួចរាល់ និងត្រូវបានសម្ពោធដាក់ឱ្យប្រើប្រាស់ជាផ្លូវការ នៅព្រឹកថ្ងៃចន្ទ ទី០៧ ខែមីនា ឆ្នាំ២០២២នេះ។

ពិធីសម្ពោធដាក់ឱ្យប្រើប្រាស់នូវសមិទ្ធផលដ៏សំខាន់សម្រាប់គាំពារ ដល់សុខុមាលភាពប្រជាពលរដ្ឋនេះ ធ្វើឡើងក្រោមអធិបតីភាពដ៏ខ្អង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា។

នៅក្នុងឱកាសនោះសម្តេចតេជោ ហ៊ុន សែន បានថ្លែងសុន្ទរកថាសំណេះសំណាលប្រមាណជាង១ម៉ោង, ខាងក្រោមជាខ្លឹមសារសំខាន់ៗ៖

* សម្តេចតេជោ ហ៊ុន សែន បានថ្លែងថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ គឺជាមន្ទីរពេទ្យដ៏ទំនើបលើកដំបូងលើដីជនបទ។

* សម្តេចតេជោ ហ៊ុន សែន បានថ្លែងថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ គឺជាសមិទ្ធផលថ្មីមួយទៀតរបស់កម្ពុជា ក្រោមចំណងមិត្តភាព និងកិច្ចសហប្រតិបត្តិការល្អរវាងកម្ពុជា និងចិន។

* សម្តេចតេជោ ហ៊ុន សែន បានថ្លែងថា មន្ទីរពេទ្យមិត្តភាពកម្ពុជា-ចិន ត្បូងឃ្មុំ មិនត្រឹមតែបម្រើប្រជាពលរដ្ឋនៅខេត្តត្បូងឃ្មុំប៉ុណ្ណោះទេ តែក៏ជាមន្ទីរពេទ្យបម្រើ និងផ្តល់សេវាជូនប្រជាពលរដ្ឋក្នុងខេត្តជាប់ត្បូងឃ្មុំ និងខេត្តជិតៗនេះផងដែរ។

* សម្តេចតេជោ ហ៊ុន សែន បានថ្លែងថា ក្នុងបរិបទនៃការរាតត្បាតជំងឺកូវីដ១៩ មានប្រទេសជាច្រើនខ្វះខាតអុកស៊ីហ្សែន តែមន្ទីរពេទ្យមិត្តភាពកម្ពុជា-ចិន មានលទ្ធភាពអាចផលិត និងផ្គត់ផ្គង់អុកស៊ីហ្សែន ក្នុងខេត្ត និងខេត្តជិតៗនេះផងដែរ។

* សម្តេចតេជោ ហ៊ុន សែន សង្ឃឹមថា អគារដ៏ស្កឹមស្កៃនៃមន្ទីរពេទ្យមិត្តភាពកម្ពុជា-ចិន ត្បូងឃ្មុំ នឹងឆ្លើយតបកាន់តែប្រសើរសម្រាប់ការគាំពារសុខុមាលភាពប្រជាពលរដ្ឋ។

* សម្តេចតេជោ ហ៊ុន សែន បានថ្លែងកោតសរសើរសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលជាប្រធានគណៈកម្មការកសាងខេត្តត្បូងឃ្មុំ ដែលបានប្រឹងប្រែងសាងសង់សមិទ្ធផលនានានៅក្នុងខេត្តនេះ។

* សម្តេចតេជោ ហ៊ុន សែន ថ្លែងអំណរគុណដល់រដ្ឋាភិបាល និងប្រជាជនចិន ដែលបានជួយសាងសង់មន្ទីរពេទ្យមិត្តភាពកម្ពុជា-ចិន។ សម្តេចតេជោ បានបញ្ជាក់ថា មន្ទីរពេទ្យនេះ ទទួលបានការយកចិត្តទុកដាក់ដោយផ្ទាល់ពីលោក ស៊ី ជិនពីង ប្រធានាធិបតីចិន។

* សម្តេចតេជោ ហ៊ុន សែន បានថ្លែងថា អាស៊ាន-អាមេរិក មិនទាន់ឯកភាពគ្នាលើពេលវេលាសម្រាប់កិច្ចប្រជុំពិសេសរវាងអាស៊ាន និងអាមេរិកនៅឡើយ។

* សម្តេចតេជោ ហ៊ុន សែន បានថ្លែងថា ពាក់កណ្តាលខែឧសភា រហូតដល់ពាក់កណ្តាលខែមិថុនា គឺសម្តេចមិនអាចចេញក្រៅប្រទេសបាននោះឡើយ។

* សម្តេចតេជោ ហ៊ុន សែន បានថ្លែងថា តាមរយៈវត្តមានមន្ទីរពេទ្យទាំងនេះ បានបង្ហាញឱ្យឃើញពីការយកចិត្តទុកដាក់លើការលើកកម្ពស់សុខុមាលភាពរបស់ប្រជាពលរដ្ឋ។

* សម្តេចតេជោ ហ៊ុន សែន បានថ្លែងថា សម្តេចទទួលស្គាល់ថាកម្ពុជាខ្វះខាតនូវបរិក្ខារទំនើបសម្រាប់ព្យាបាលប្រជាពលរដ្ឋ តែកម្ពុជាមិនខ្វះនូវទឹកចិត្តសម្រាប់ការលើកកម្ពស់នូវសុខុមាលភាពរបស់ប្រជាពលរដ្ឋនោះឡើយ។

* សម្តេចតេជោ ហ៊ុន សែន បានថ្លែងថា មានប្រទេសមិនច្រើននោះទេ ដែលជឿថាកម្ពុជាអាចយកឈ្នះលើជំងឺកូវីដ១៩ ព្រោះថាវិស័យសុខាភិបាលកម្ពុជានៅទុនខ្សោយ តែទីបំផុតកម្ពុជាក្លាយជាប្រទេសមួយទប់ស្កាត់ និងប្រយុទ្ធប្រឆាំងជំងឺកូវីដ១៩បានលើក្នុងចំណោមប្រទេសនានាលើពិភពលោក។

* សម្តេចតេជោ ហ៊ុន សែន បានថ្លែងថា ទោះបីមានការខ្វះខាតសម្ភារៈបរិក្ខារ តែមនសិការវិជ្ជាជីវៈ និងការដាក់ចេញគោលនយោបាយរបស់កម្ពុជា បានធ្វើឱ្យកម្ពុជាអាចលុបបំបាត់ជំងឺគ្រុនស្វិតដៃជើង។

* សម្តេចតេជោ ហ៊ុន សែន បានថ្លែងថា ដើម្បីប្រយុទ្ធប្រឆាំងជំងឺគ្រុនស្វិតដៃជើងនេះ រាល់ពេលជួបថ្នាក់ដឹកនាំប្រទេសជិតខាងកម្ពុជា សម្តេចតែងស្នើដល់ប្រទេសទាំងនោះ ផ្តល់ឱកាសឱ្យកុមារកម្ពុជា បានទទួលវ៉ាក់សាំងបង្ការជំងឺគ្រុនស្វិតដៃជើងនេះ។

* សម្តេចតេជោ ហ៊ុន សែន បានថ្លែងថា កម្ពុជា កំពុងប្រឹងប្រែងក្នុងការលុបបំបាត់ជំងឺគ្រុនចាញ់នៅឆ្នាំ២០២៥។

* សម្តេចតេជោ ហ៊ុន សែន បានថ្លែងថា អតីតកាលកម្ពុជាបានជួបការលំបាកវេទនាយ៉ាងខ្លាំង ក្នុងការដឹកអ្នកជំងឺពីកន្លែងមួយទៅកន្លែងមួយទៀត។

* សម្តេចតេជោ ហ៊ុន សែន បានថ្លែងថា បច្ចុប្បន្ននេះរាជរដ្ឋាភិបាលកម្ពុជា កំពុងប្រឹងប្រែងដោះស្រាយនូវតម្រូវការរបស់ជនបទ។

* សម្តេចតេជោ ហ៊ុន សែន បានថ្លែងថា អ្នកមិនធ្លាប់មកកាន់ប្រទេសកម្ពុជា នៅពេលគេចូលមកកម្ពុជា ពួកគេនឹងប្លែកភ្នែកនូវការរីកចម្រើន និងការអភិវឌ្ឍន៍សង្គមកម្ពុជា។

* សម្តេចតេជោ ហ៊ុន សែន បានថ្លែងថា នៅឆ្នាំ១៩៩៨ ប្រជាពលរដ្ឋកម្ពុជាមានអាយុសង្ឃឹមរស់ ត្រឹម៥៦ឆ្នាំប៉ុណ្ណោះ តែពេលបច្ចុប្បន្នអាយុសង្ឃឹមរស់ មានរហូតដល់ជាង ៧០ឆ្នាំ។ ក្តីសង្ឃឹមនេះ ដោយសារកត្តាសុខសន្តិភាព ការអភិវឌ្ឍហេដ្ឋារចនាសម្ព័ន្ធ ភាពចម្រើនជីវភាព និងការរីកចម្រើននៃប្រព័ន្ធសេវាសុខាភិបាល។

* សម្តេចតេជោ ហ៊ុន សែន បានថ្លែងថា មន្ទីរពេទ្យមានបរិក្ខារទំនើប ជារឿងសំខាន់ហើយ តែអ្វីកាន់តែសំខាន់ទៀតនោះ គឺមនសិការវិជ្ជាជីវៈរបស់ក្រុមគ្រូពេទ្យ។

* សម្តេចតេជោ ហ៊ុន សែន សង្ឃឹមថា ក្រុមគ្រូពេទ្យទាំងអស់នឹងប្រឹងប្រែងយកចិត្តទុកដាក់ចំពោះសុខភាព និងការសង្គ្រោះអ្នកជំងឺ។ សម្តេចតេជោ ហ៊ុន សែន ថ្លែងថា អ្នកជំងឺទាំងអស់ ត្រូវការការយកចិត្តទុកដាក់ពីក្រុមគ្រូពេទ្យ។

* សម្តេចតេជោ បានថ្លែងថា ការបំបែកខេត្តត្បូងឃ្មុំ ចេញពីខេត្តកំពង់ចាម ឆ្នាំ២០១៣ គឺបានដោះស្រាយបញ្ហាជាច្រើន មិនមែនគ្រាន់តែបញ្ហាសុខាភិបាលមួយមុខ រួមទាំងបញ្ហារដ្ឋបាល និងតុលាការផងដែរ។

* សម្តេចតេជោ ហ៊ុន សែន បានថ្លែងថា ក្តីក្តាំនៅតុលាការខាតបង់ច្រើនណាស់។ ដូច្នេះកុំទាស់ទែងគ្នា ហើយឡើងតុលាការ ប្រឹងប្រែងដោះស្រាយបញ្ហាជាមួយគ្នាទៅ។

* សម្តេចតេជោ ហ៊ុន សែន ជម្រាបឯកអគ្គរដ្ឋទូតចិនថា ខេត្តត្បូងឃ្មុំ ជាទឹកដីស្លាក់ស្នាមអនុស្សាវរីយ៍ដ៏ជូរចត់ក្នុងអតីតកាលរបស់កម្ពុជា។

* សម្តេចតេជោ ហ៊ុន សែន ជំទាស់ចំពោះការនិយាយលេងសើចថា «មិនកើតកូវីដមិនទាន់សម័យ» ព្រោះថាមិនដឹងថ្ងៃក្រោយមេរោគនេះនឹងបង្កការលំបាកយ៉ាងណា ទោះបីពេលនេះមិនបង្កបញ្ហាដល់សុខភាពធ្ងន់ធ្ងរ។

* សម្តេចតេជោ ហ៊ុន សែន បានថ្លែងថា វ៉ាក់សាំង គឺជាដង្ហើមសេដ្ឋកិច្ចរបស់កម្ពុជា ព្រោះបើគ្មានការចាក់វ៉ាក់សាំង ភាពសាំក្នុងសហគមន៍មិនអាចកើតមានឡើយ ហើយសកម្មភាពសេដ្ឋកិច្ចក៏មិនអាចដំណើរការបានដែរ។

* សម្តេតេជោ ហ៊ុន សែន បានថ្លែងថា ពិធីបុណ្យចូលឆ្នាំថ្មីប្រពៃណីជាតិនៅឆ្នាំនេះ នឹងប្រារព្ធជាធម្មតា។

* សម្តេចតេជោ ហ៊ុន សែន បង្ហាញក្តីរំពឹងថា រដ្ឋាភិបាលចិន នឹងបន្តផ្តល់វ៉ាក់សាំងជូនដល់កម្ពុជា។

* សម្តេចតេជោ ហ៊ុន សែន បានថ្លែងថា បើទោះបីកម្ពុជាអត់មានវ៉ាក់សាំង ក៏មិនប្រើវ៉ាក់សាំងដែលហួសសុពលភាពនោះឡើយ។

* សម្តេចតេជោ ហ៊ុន សែន បានថ្លែងថា អ្នកជំនាន់មុន ត្រូវប្រឹងប្រែងកសាងសមិទ្ធផលដល់អ្នកជំនាន់ក្រោយ ហើយត្រូវធ្វើបែបនេះជាបន្តបន្ទាប់ តែមិនត្រូវឱ្យមានសង្គ្រាមនោះឡើយ។

* សម្តេចតេជោ ហ៊ុន សែន បានថ្លែងថា សម្តេចបានប្រើពេលតែ៣ម៉ោងប៉ុណ្ណោះ ក្នុងការសម្រេចចិត្តធ្វើជាសហប្រធានជាមួយ UN លើបញ្ហាសង្គ្រាមរុស្ស៉ី និងអ៊ុយក្រែន។

* សម្តេចតេជោ ហ៊ុន សែន ចង់ឃើញសង្គ្រាមរុស្ស៉ី និងអ៊ុយក្រែន ឈប់បាញ់នៅនឹងកន្លែង ហើយបើកការចរចានឹងគ្នា។

* សម្តេចតេជោ ហ៊ុន សែន បានថ្លែងថា សម្តេចចង់ឃើញមានការចរចារវាងរុស្ស៉ី និងអ៊ុយក្រែន ហើយរវាងរុស្ស៉ី ជាមួយណាតូ និងសហភាពអឺរ៉ុប។

* សម្តេចតេជោ ហ៊ុន សែន បានថ្លែងថា សម្តេចមិនគាំទ្រ និងលើកទឹកចិត្តចំពោះប្រជាពលរដ្ឋដែលចង់ធ្វើជាទ័ពស្ម័គ្រចិត្តជួយប្រយុទ្ធអ៊ុយក្រែននោះឡើយ។ សម្តេចតេជោ ហ៊ុន សែន បានថ្លែងថា ការស្ម័គ្រចិត្តទៅប្រយុទ្ធនៅអ៊ុយក្រែន គឺជាការយកសាំងទៅចាក់នៅលើភ្លើង។

* សម្តេចតេជោ ហ៊ុន សែន បានថ្លែងថា ប្រជាពលរដ្ឋខ្មែរកំពុងចាប់អារម្មណ៍នឹងសម្តីប្រធានាធិបតីអ៊ុយក្រែន ដែលលើកឡើងថា «សន្តិភាព» មានសារៈសំខាន់ជាងអ្វីៗទាំងអស់ ចំពោះប្រទេសរបស់លោក។ សម្តេចតេជោ ហ៊ុន សែន បានថ្លែងថា កម្ពុជាបានយកចិត្តទុកដាក់លើសន្តិភាពរយៈពេលជាង ៤០ឆ្នាំមកហើយ។

* សម្តេចតេជោ ហ៊ុន សែន បានថ្លែងថា កម្ពុជា បានយកចិត្តទុកដាក់លើសន្តិភាពរយៈពេលជាង ៤០ឆ្នាំមកហើយ។

* សម្តេចតេជោ ហ៊ុន សែន បានថ្លែងថា សន្តិភាព និងម៉ាក្រូសេដ្ឋកិច្ច ត្រូវក្តាប់ឱ្យមាំ ដើម្បីឱ្យកម្ពុជាបន្តដំណើរទៅមុខ។

* សម្តេចតេជោ ហ៊ុន សែន បានបញ្ចប់ការថ្លែងសុន្ទរកថានៅវេលាម៉ោង ៩៖២០នាទីព្រឹកថ្ងៃដដែល

(សូមអានបន្ត)