រូបថត៖ អនឃួន សំអូន
February 11, 2022
សម្តេចតេជោ នាយករដ្ឋមន្ត្រី ទទួលពានរង្វាន់សន្តិភាពស៊ុនហាក់ ឆ្នាំ២០២២ ជាផ្លូវការ
ចំនួនអ្នកទស្សនា: Views
About ww.kmmhotnews.com
February 10, 2022
សម្តេចនាយករដ្ឋមន្រ្តី ហ៊ុន សែន អញ្ជើញថ្លែងសុន្ទកថា ក្នុងពិធីបើកកិច្ចប្រជុំកំពូលសន្តិភាពពិភពលោក ឆ្នាំ២០២២ នៅសាធារណរដ្ឋកូរ៉េ
ចំនួនអ្នកទស្សនា: Views
សេអ៊ូល: ថ្ងៃទី១១ ខែកុម្ភៈ ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងសុន្ទកថាបើកកិច្ចប្រជុំកំពូលសន្តិភាពពិភពលោក ឆ្នាំ២០២២ ក្រោមមូលបទ «សន្តិភាពនៅឧបទ្វីបកូរ៉េ» ខណៈសម្តេចអញ្ជើញធ្វើជាសហប្រធានកិច្ចប្រជុំកំពូលនេះ នៅទីក្រុងសេអ៊ូល សាធារណរដ្ឋកូរ៉េ នាព្រឹកថ្ងៃទី១១ ខែកុម្ភៈ ឆ្នាំ២០២២។
រូបថត៖ អនឃួន សំអូន
About ww.kmmhotnews.com
February 9, 2022
ពិធីសម្ពោធហេដ្ឋារចនាសម្ព័ន្ធថ្មីនៅវិទ្យាស្ថានគរុកោសល្យរាជធានីភ្នំពេញ
ចំនួនអ្នកទស្សនា: Views
ភ្នំពេញ: ថ្ងៃទី១០ ខែកុម្ភៈ ឆ្នាំ២០២២ អគារថ្មី និងហេដ្ឋារចនាសម្ព័ន្ធទ្រទ្រង់ផ្សេងៗទៀតនៅវិទ្យាស្ថានគរុកោសល្យរាជធានីភ្នំពេញត្រូវបានដាក់ឱ្យប្រើប្រាស់ជាផ្លូវការហើយ។ ពិធីសម្ពោធនេះបានធ្វើឡើងនៅថ្ងៃទី៩ ខែកុម្ភៈ នៅរាជធានីភ្នំពេញ ក្រោមអធិបតីភាពលោកបណ្ឌិត អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកអគ្គរដ្ឋទូតជប៉ុនប្រចាំកម្ពុជា លោក Mikami Masahiro ។
សមិទ្ធិផលទាំងនេះគឺជាលទ្ធផលនៃគម្រោងអភិវឌ្ឍន៍ហេដ្ឋារចនាសម្ព័ន្ធសម្រាប់វិទ្យាស្ថានអប់រំ ដែលគាំទ្រដោយជំនួយឥតសំណងពីប្រជាជន និងរដ្ឋាភិបាលនៃប្រទេសជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុន (JICA) ក្នុងគោលបំណងពង្រឹងមូលដ្ឋានគ្រឹះជាក់ស្តែងចាំបាច់សម្រាប់វិទ្យាស្ថានគរុកោសល្យចំនួនពីរក្នុងរាជធានីភ្នំពេញ។ និងនៅខេត្តបាត់ដំបង។
គ្រូបង្រៀនដែលបានទទួលការបណ្តុះបណ្តាលយ៉ាងល្អនឹងរួមចំណែកយ៉ាងសំខាន់ក្នុងការលើកកម្ពស់គុណភាពនៃការអប់រំនៅក្នុងសាលាបឋមសិក្សា និងមធ្យមសិក្សា។ យោងតាមក្រសួងអប់រំ យុវជន និងកីឡា ការងារដែលសម្ពោធដាក់ឱ្យប្រើប្រាស់រួមមាន អគាររដ្ឋបាល ការសិក្សា និងបណ្ណាល័យ និងសាលពហុបំណង ដែលបំពាក់ដោយបច្ចេកវិទ្យាទំនើប។
About ww.kmmhotnews.com
February 8, 2022
February 7, 2022
សម្តេចក្រឡាហោម ស ខេង ស្នើក្រុមការងារពាក់ព័ន្ធនឹងពន្លឿនការគូរប្លង់ទីតាំងសាលាក្រុងបូកគោ ឱ្យដូចបណ្តាក្រុងផ្សេងទៀត
ចំនួនអ្នកទស្សនា: Views
ភ្នំពេញ :ថ្ងៃទី០៨ ខែកុម្ភៈ ឆ្នាំ២០២២ សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានស្នើឱ្យក្រុមការងារពាក់ព័ន្ធនឹងពន្លឿនការគូរប្លង់ទីតាំងសាលាក្រុងបូកគោ ឱ្យដួចបណ្តាក្រុងផ្សេងៗទៀត នៅក្នុងប្រទេសកម្ពុជា ពិសេសនោះកន្លែងធ្វើការងារ។ ការស្នើនេះខណៈកាលពីថ្ងៃ៦កើត ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃចន្ទ ទី០៧ ខែកុម្ភៈ ឆ្នាំ២០២២ សម្តេច
ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញចុះពិនិត្យទីតាំងសាងសង់អគាររដ្ឋសាលាក្រុងបូកគោ ខេត្តកំពត។ សម្តេចក្រឡាហោម ស ខេង បានមានប្រសាសន៍ថា ភូមិសាស្ត្រក្រុងបូកគោ បច្ចុប្បន្នមានធំទូលាយ ប៉ុន្តែនៅថ្ងៃអនាគត ក្រុងថ្មីនេះអាចនឹងមានប្រជាជនមករស់នៅកាន់តែច្រើន ពិសេសនៅលើភ្នំបូកគោដែលកំពុងមានការអភិវឌ្ឍ។
សម្ដេចបន្តថា ដើម្បីបង្កើនភាពងាយស្រួល និងឆាប់រហ័សក្នុងការបម្រើសេវាផ្សេងៗជូនប្រជាពលរដ្ឋ រដ្ឋបានសម្រេចរៀបចំទីតាំងអគាររដ្ឋបាលក្រុងបូកគោជា២កន្លែង គឺនៅសាលាក្រុងចាស់ក្បែរច្រកចូលឧទ្យានជាតិព្រះមុនីវង្សបូកគោ និងនៅក្បែរកាស៊ីណូចាស់ លើភ្នំបូកគោ ។ ជាមួយគ្នានោះដែរ សម្តេចបានណែនាំអាជ្ញាធរខេត្ត និងថ្នាក់ដឹកនាំក្រសួងមហាផ្ទៃពិភាក្សាគ្នា ថាតើការិយាល័យជំនាញណាខ្លះ ត្រូវនៅរដ្ឋបាលក្រុងទីតាំងខាងក្រោម និងការិយាល័យណាខ្លះ ត្រូវនៅរដ្ឋបាលក្រុងទីតាំងខាងលើ
ឬក៏ចាំបាច់ត្រូវមានទាំងពីរទីតាំង។ សម្តេចក្រឡាហោម ក៏បានមានប្រសាសន៍ទៀតថា ក្រុមការងារពាក់ព័ន្ធនឹងពន្លឿនការគូរប្លង់ទីតាំងសាលាក្រុងបូកគោផ្នែកខាងក្រោម ដើម្បីរៀបចំកសាងកន្លែងធ្វើការងារឱ្យបានត្រឹមត្រូវ និងសមរម្យដូចបណ្តាក្រុងផ្សេងៗដែរ ៕ដោយ អ៊ាង ប៊ុនរិទ្ធ សម្រួលផ្សាយដោយ៖ dara
About ww.kmmhotnews.com
February 6, 2022
រដ្ឋបាលរាជធានីភ្នំពេញ សហការជាមួយក្រុមគ្រូពេទ្យស្ម័គ្រចិត្ដ ធីតាTYDA បន្ដចុះរកអ្នកឆ្លងមេរោគកូវីដ-១៩ទៅលើបាតុករ អតីតណាហ្គាវើល ឃើញវិជ្ជមាន ២៩នាក់បន្ថែមទៀត
ចំនួនអ្នកទស្សនា: Views
ថ្ងៃ៥កើត ខែមាឃ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអាទិត្យ ទី០៦ ខែកុម្ភៈ ឆ្នាំ២០២២ ក្រុមគ្រូពេទ្យមន្ទីរសុខាភិបាល នៃរដ្ឋបាលរាជធានីភ្នំពេញ សហការជាមួយក្រុមគ្រូពេទ្យស្ម័គ្រចិត្តធីតា TYDA បានធ្វើតេស្តយកសំណាក ដើម្បីស្វែងរកមេរោគកូវីដ-១៩ លើក្រុមបាតុករ អតីតបុគ្គលិកក្រុមហ៊ុនណាហ្គាវើលដ៏ ។
ជាលទ្ធផលគិតត្រឹមម៉ោង១៨:៤៥នាទីនៅល្ងាចថ្ងៃដដែលនេះ មានបាតុករចំនួន២៩ នាក់បន្ថែមទៀត ត្រូវបានរកឃើញថាមានផ្ទុកមេរោគកូវីដ-១៩ (វិជ្ជមាន) ខណៈកាលពីថ្ងៃទី០៥ ខែកុម្ភៈ បានរកឃើញ០៤នាក់រួចមក សរុបពីរថ្ងៃរកឃើញ ៣៣នាក់ ។
មន្ទីរសុខាភិបាល នៃរដ្ឋបាលរាជធានីភ្នំពេញ បានណែនាំក្រុមបាតុករទាំងអស់ ដែលជាអ្នកប៉ះពាល់ផ្ទាល់ជាមួយអ្នកវិជ្ជមានកូវីដ-១៩ ត្រូវធ្វើចត្តាឡីស័ករយៈពេល០៧ថ្ងៃ ដោយគោរពឱ្យបានម៉ឺងម៉ាត់បំផុតតាមវិធានសុខាភិបាល។
បន្ទាប់ពីការធ្វើចត្តាឡីស័កចប់ ត្រូវយកសំណាកនៅតាមកន្លែងដែលបានកំណត់ និងរាយការណ៍អំពីលទ្ធផល មកអាជ្ញាធរមូលដ្ឋាន និងមន្ទីរសុខាភិបាល ជាកំហិត។ ទន្ទឹមនឹងនេះមន្ទីរសុខាភិបាល នៃរដ្ឋបាលរាជធានីភ្នំពេញ ក៏បានស្នើដល់អ្នកដែលបានប៉ះពាល់ផ្ទាល់ និងប្រយោល ជាមួយក្រុមបាតុករ ព្រមទាំងបងប្អូនបាតុករ ដែលមិនទាន់បានយកសំណាកវិភាគមេរោគកូរីដ-១៩ ត្រូវទៅធ្វើតេស្ត រកមេរោគតាមកន្លែងកំណត់ នៅរាជធានីភ្នំពេញ ៕ដោយសួស សំរិត សម្រួលផ្សាយដោយ៖ dara
.j.jpg)
About ww.kmmhotnews.com
