វិញ្ញាសារត់ម៉ារ៉ាតុង ៤២គីឡូម៉ែត្រ ដែលជាវិញ្ញាសារដំបូងនៅខេត្តសៀមរាប ចាប់ផ្តើមនៅព្រឹកនេះ

 សៀមរាប ថ្ងៃទី០៦ ខែឧសភា ឆ្នាំ២០២៣ វិញ្ញាសារត់ម៉ារ៉ាតុងបុរស-នារី ចំងាយ ៤២គីឡូម៉ែត្រ បានចាប់ផ្តើមដំណើរការហើយ នៅព្រឹកថ្ងៃទី០៦ ខែឧសភា ឆ្នាំ២០២៣នេះ ដោយមានអត្តពលិកចំនួន២២រូប ផ្នែកបុរស១១រូប ផ្នែកនារី១១រូប មកពី០៩ប្រទេសចូលរួម ខណៈឡាវ និងព្រុយណេ អវត្តមាន។

សម្រាប់លេខ១ ផ្នែកបុរសបានទៅលើប្រទេសឥណ្ឌូនេស៊ី និងលេខមួយផ្នែកនារីក៏បានទៅលើប្រទេសឥណ្ឌូនេស៊ីផងដែរ។

(សូមអានបន្ត)

ពលរដ្ឋរងគ្រោះ ដោយសារខ្យល់កន្រ្តាក់នៅឃុំផ្សារ ស្រុកបរិបូរណ៍ ទទួលបានអំណោយសាខាកាកបាទ ក្រហមកម្ពុជាខេត្តកំពង់ឆ្នាំង

ថ្ងៃទី ០៦ ខែ ឧសភា ឆ្នាំ ២០២៣កំពង់ឆ្នាំង  ពលរដ្ឋ៣០គ្រួសារដែលរង គ្រោះដោយសារខ្យល់កន្ត្រាក់ នៅក្នុងមូលដ្ឋាន ឃុំផ្សារ ស្រុកបរិបូរណ៍ ត្រូវបានសាខាកាកបាទក្រហមកម្ពុជាខេត្តកំពង់ឆ្នាំង នាំយកអំណោយមនុស្សធម៌ទៅចែកជូនកាលពីថ្ងៃទី៤ ខែឧសភា ឆ្នាំ២០២៣ ក្រោមអធិបតីភាព ឯកឧត្តម សៀត គឹមលៀង  អនុប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ឆ្នាំង និង លោកប្រាក់ សោភ័ណ្ឌ នាយក ប្រតិបត្តិសាខាកាកបាទក្រហមកម្ពុជាខេត្តកំពង់ឆ្នាំង ដើម្បីជួយដោះស្រាយបានមួយចំណែក ក្នុងជីវភាពរស់នៅប្រចាំថ្ងៃដែលកំពុងជួបការលំបាក ដោយសារតែរងផលប៉ះពាល់ពីគ្រោះមហន្តរាយ ធម្មជាតិខ្យល់កន្ត្រាក់ ។

មានប្រសាសន៍នាឱកាសនោះ ឯកឧត្តម សៀតគឹមលៀង អនុប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ឆ្នាំង បានពាំនាំនូវប្រសាសន៍ផ្តាំផ្ញើ សួរសុខទុក្ខ ក្តីនឹករលឹក អាណិត ស្រឡាញ់ ប្រកបដោយមនោសញ្ចេតនាដ៏ជ្រាលជ្រៅបំផុតពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះប្រជាពលរដ្ឋ ទាំងអស់ដែលជួបប្រទះបញ្ហាផ្សេងៗ ជាក់ស្តែងដូចបងប្អូនយើងដែលរងគ្រោះដោយខ្យល់ កន្ត្រាក់នេះ បានឱ្យក្រុមការងារនាំមកជូននូវអំណោយមនុស្សធម៌របស់កាកបាទក្រហមកម្ពុជា រួមមាន ស្បៀងសម្ភារមួយចំនួន ដែលទទួលបានពីសទ្ធាជ្រះថ្លា របស់សប្បុរសជនជាតិ និង អន្តរជាតិ មកចែក ជូនបងប្អូននាពេលនេះ។

ឯកឧត្តមបានក្រើនរម្លឹកដល់ប្រជាពលរដ្ឋទាំងអស់ ត្រូវបង្កើនការប្រុងប្រយ័ត្នខ្ពស់ នៅ ពេលដែលមានភ្លៀង លាយឡំជាមួយខ្យល់កន្ត្រាក់ ផ្គររន្ទះ ត្រូវរកទីកន្លែងណាដែលមានសុវត្ថិភាព ដើម្បីចៀសវាងគ្រោះថ្នាក់ដល់អាយុជីវិតនោះ។សូមអំពាវនាវដល់បងប្អូនប្រជាពលរដ្ឋទាំងអស់ សព្វថ្ងៃនេះអាកាសធាតុមានការប្រែប្រួល សូមមានការប្រុងប្រយ័ត្នខ្ពស់ ព្រោះអាចបង្កឱ្យមានគ្រោះធម្មជាតិកើតឡើងជាយថាហេតុ លើសពីនេះទៀតសូមពុកម៉ែបងប្អូនថែរក្សានូវសុខភាព ហូបស្អាត រស់នៅស្អាត ផឹកស្អាត  ។

អំណោយដែលត្រូវចែកជូននាពេលនោះ ក្នុងមួយគ្រួសារទទួលបានអង្ករ៣០គីឡូក្រាម  មី១កេស ត្រីខ១យួរ ឃីត១កញ្ចប់ និងថវិកា៣ម៉ឺនរៀល ៕ប្រភព៖ មន្ទីរព័ត៌មានខេត្តកំពង់ឆ្នាំង

(សូមអានបន្ត)

រដ្ឋបាលរាជធានីភ្នំពេញ ដាក់ខ្សែរត់ពិសេសរថយន្ដក្រុងសាធារណៈ សម្រាប់ឲ្យពលរដ្ឋទៅទស្សនាព្រឹត្តិការណ៍ប្រកួតកីឡាស៉ីហ្គេម និងអាស៊ានប៉ារ៉ាហ្គេម

(ភ្នំពេញ)៖ រដ្ឋបាលរាជធានីភ្នំពេញ នៅថ្ងៃទី០៥ ខែឧសភា ឆ្នាំ២០២៣នេះ បានចេញសេចក្ដីជូនដំណឹងពីការដាក់ខ្សែរត់ពិសេស រថយន្ដក្រុងសាធារណៈ (Express Bus) សម្រាប់បម្រើដល់ការធ្វើដំណើរទៅទស្សនាព្រឹត្តិការណ៍ប្រកួតកីឡាស៉ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។

ក្នុងសេចក្ដីជូនដំណឹងដែលចុះហត្ថលេខាដោយលោក ឃួង ស្រេង អភិបាលរាជធានីភ្នំពេញ ដែលបណ្ដាញព័ត៌មាន Fresh News ទទួលបានបញ្ជាក់ទៀតថា ការដាក់ខ្សែរត់ពិសេសត្រង់ទៅកាន់ទីតាំងប្រកួតនេះ ធ្វើឡើងចាប់ពីថ្ងៃទី០៥ ដល់ថ្ងៃទី០៩ ខែឧសភា ឆ្នាំ២០២៣។

ខាងក្រោមនេះ ជាសេចក្ដីជូនដំណឹង និងទីតាំងសម្រាប់ធ្វើដំណើរ៖

(សូមអានបន្ត)

លិខិត សម្ដេចប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួម អគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ ក្នុងឱកាសទិវាឆ្មបជាតិ-អន្តរជាតិ ថ្ងៃទី៥ ខែឧសភា ឆ្នាំ២០២៣

 រាជធានីភ្នំពេញ : ថ្ងៃទី៥ ខែឧសភា ឆ្នាំ២០២៣  សារលិខិត សម្ដេចប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួម អគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ ក្នុងឱកាសទិវាឆ្មបជាតិ-អន្តរជាតិ ថ្ងៃទី៥ ខែឧសភា ឆ្នាំ២០២៣។

(សូមអានបន្ត)

នាយឧត្តមសេនីយ៍ ហ៊ុន ម៉ាណែត ចាត់ក្រុមការងារចុះសួរសុខទុក្ខ និងឧបត្ថម្ភថវិកាលោកតាវ័យ ៨៦ឆ្នាំ ហាក់ សៀងឡាយ ដែលស្កាត់មកពីខេត្តក្រចេះ ដើម្បីទស្សនាការប្រកួតអុកចត្រង្គ និង SEA Games 2023

(ភ្នំពេញ)៖ លោកនាយឧត្តមសេនីយ៍បណ្ឌិត ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងទ័ពជើងគោក នៅល្ងាចថ្ងៃទី០៣ ខែឧសភានេះ បានចាត់ក្រុមការងាររបស់លោក ទៅសួរសុខទុក្ខលោកតាវ័យ ៨៦ឆ្នាំម្នាក់ គឺលោកតា ហាក់ សៀងឡាយ ដែលខំស្កាត់ពីខេត្តក្រចេះ មកដល់រាជធានីភ្នំពេញ ដើម្បីទស្សនាការការប្រកួតកីឡាអុកចត្រង្គ និងព្រឹត្តិការណ៍កីឡាស៊ីហ្គេម លើកទី៣២ នៅកម្ពុជា។

លោកតា ហាក់ សៀងឡាយ បានធ្វើដំណើរមកដល់រាជធានីភ្នំពេញ កាលពីម្សិលមិញ ក្នុងគោលបំណងត្រៀមចូលរួមទស្សនា និងអបអរសាទរពិធីបើកកីឡាស៊ីហ្គេម លើកទី៣២ នាថ្ងៃទី០៥ ខែឧសភា ក៏ដូចជាទស្សនាកីឡាអុក ដែលជាកីឡាលោកចូលចិត្ត និងចេះលេងតាំងពីក្មេង។ តែពេលមកដល់ ដោយកីឡាអុកចត្រង្គចាប់ផ្ដើមការប្រកួតមុន លោកក៏បានចូលរួមទស្សនាផ្ទាល់រៀងរាល់ថ្ងៃ ដោយទទួលបានការស្វាគមន៍ពីថ្នាក់ដឹកនាំសហព័ន្ធ កីឡាករ ក៏ដូចជាប្រជាពលរដ្ឋ ចំពោះការលះបង់របស់លោកតា។

ដោយមើលឃើញពីការលះបង់ ដោយស្មោះស្ម័គ្រ និងតស៊ូធ្វើដំណើរតាមម៉ូតូដោយខ្លួនឯង រាប់រយគីឡូម៉ែត្រ ដើម្បីគាំទ្រកីឡាជាតិ ក៏ដូចជាព្រឹត្តិការណ៍ជាប្រវត្តិសាស្ដ្រខាងលើ លោកនាយឧត្តមសេនីយ៍បណ្ឌិត ហ៊ុន ម៉ាណែត ក៏បានចាត់ក្រុមការងារចុះមកសួរសុខទុក្ខលោកតា ហាក់ សៀងឡាយ ផ្ទាល់នៅសាលដំបូលទូក នៃសាកលវិទ្យាល័យភូមិន្ទភ្នំពេញ ជាទីកន្លែងប្រកួតកីឡាអុកចត្រង្គ និងបានឧបត្ថម្ភថវិកាមួយចំនួនជូនលោកតា សម្រាប់ប្រើប្រាស់ អំឡុងពេលស្នាក់នៅ និងធ្វើដំណើរចូលរួមទស្សនាការប្រកួតកីឡាស៊ីហ្គេមនៅកម្ពុជានេះផងដែរ៕

(សូមអានបន្ត)

រដ្ឋមន្ត្រីពាណិជ្ជកម្ម រំពឹងទូតថ្មីរបស់កូរ៉េខាងត្បូង នឹងជំរុញឱ្យទំហំពាណិជ្ជកម្ម​កម្ពុជា-កូរ៉េខាងត្បូង កើនកាន់តែខ្ពស់

(ភំ្នពេញ)៖ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានបង្ហាញក្តីរំពឹងថា ឯកអគ្គរដ្ឋទូតថ្មីរបស់កូរ៉េខាងត្បូង នឹងជំរុញឱ្យទំហំពាណិជ្ជកម្មរវាងកម្ពុជា និង កូរ៉េខាងត្បូង កើនឡើងកាន់តែខ្ពស់ថែមទៀត។

ក្នុងជំនួបសម្តែងការគួរសម និងពិភាក្សាការងាររវាងលោក ប៉ាន សូរស័ក្តិ និងលោក PARK JUNG-WOOK ឯកអគ្គរដ្ឋទូតកូរ៉េខាងត្បូង ប្រចាំនៅកម្ពុជា ដែលទើបតែង​តាំងថ្មី នាថ្ងៃទី០៣ ខែឧសភា ឆ្នាំ២០២៣នេះ បានជជែក និងផ្លាស់ប្តូរ​យោបល់​ជា​ច្រើន​​លើការពង្រឹងទំនាក់ទំនង និងកិច្ចសហប្រតិបត្តិការទ្វេភាគី​លើវិស័យពាណិជ្ជកម្ម និងសេដ្ឋកិច្ច។

លោករដ្ឋមន្ត្រី បានសម្តែងការអបអរសាទរ និងស្វាគមន៍យ៉ាងកក់ក្តៅចំពោះ លោកឯកអគ្គរដ្ឋទូត ដែលទទួលបានការទុកចិត្តពីរដ្ឋាភិបាលកូរ៉េខាងត្បូង តែងតាំងជាឯកអគ្គរដ្ឋទូតប្រចាំនៅកម្ពុជា និងបានថ្លែងអំណរគុណដល់ភាគីកូរ៉េ ដែលតែងតែជួយកម្ពុជាក្នុងការអភិវឌ្ឍវិស័យពាណិជ្ជកម្ម សេដ្ឋកិច្ច និងសង្គម។

លោក ប៉ាន សូរស័ក្តិ បានបង្ហាញក្តីសង្ឃឹមថា ក្នុងអាណត្តិរបស់ លោកឯកអគ្គ​រដ្ឋ​ទូត ទំនាក់ទំនងទ្វេភាគីកម្ពុជា-កូរ៉េ នឹងកាន់តែរីកចម្រើនបន្ថែមទៀត ជាពិសេសការ​ជំរុញ​ទំហំពាណិជ្ជកម្មទ្វេភាគីរវាងប្រទេសទាំងពីរ។

ក្នុងជំនួបនោះ លោករដ្ឋមន្ត្រី បានសម្តែងការពេញចិត្តចំពោះកំណើនពាណិជ្ជ​កម្ម​ទ្វេ​ភា​គី។ សមិទ្ធផលនេះមានការរួមចំណែកយ៉ាងសំខាន់​ពីកិច្ចព្រមព្រៀង​ពាណិជ្ជ​កម្ម​សេរី​កម្ពុជា-កូរ៉េ ដែលបានចូលជាធរមានកាលពីថ្ងៃទី១ ខែធ្នូ ឆ្នាំ២០២២ កន្លងទៅនេះ។

ក្នុងន័យនេះ លោករដ្ឋមន្ត្រី បានជំរុញឱ្យភាគីទាំងពីរ ចាប់ផ្តើមពិភាក្សា និងត្រៀម​រៀប​ចំ​ការចរចាលើសេវាកម្ម និងវិនិយោគ ដើម្បីជំរុញ និងលើកកម្ពស់កិច្ចព្រមព្រៀង​ពាណិជ្ជ​កម្មទ្វេភាគីបន្ថែមទៀត។

បន្ថែមពីនេះ លោករដ្ឋមន្ត្រី ក៏បានជំរុញឱ្យភាគីទាំងពីរសហការគ្នា​ក្នុងកិច្ចព្រមព្រៀង​ពាណិជ្ជកម្មសេរីនានាដែលភាគីទាំងពីរជាសមាជិកមានដូចជា អាសិប អាស៊ាន-កូរ៉េ ដើម្បីទាញយកប្រយោជន៍ និងបំពេញបន្ថែមឱ្យគ្នា។

លោករដ្ឋមន្ត្រី ប៉ាន សូរស័ក្តិ ក៏បានសម្តែងការគាំទ្រដល់ការរៀបចំវេទិកា​ធុរកិច្ច​កម្ពុជា​-កូរ៉េឆ្នាំ២០២៣ ដែលគ្រោងនឹងរៀបចំឡើងនៅថ្ងៃទី១៩ ខែឧសភា ឆ្នាំ​២០២៣ នៅរាជធានីភ្នំពេញ និងលើកទឹកចិត្តឱ្យបន្តសហការរៀបចំវេទិកា​ធុរ​កិច្ចនេះ ឱ្យបានច្រើនបន្ថែមទៀត ដើម្បីផ្សព្វផ្សាយ និងទាក់ទាញវិនិយោគិនពីកូរ៉េ និងបរទេសឱ្យមកបណ្តាក់ទុនវិនិយោគនៅកម្ពុជា។

ជាការឆ្លើយតប លោកឯកអគ្គរដ្ឋទូត បានវាយតម្លៃខ្ពស់ចំពោះទំនាក់​ទំនង​ដ៏ល្អប្រសើររវាងប្រទេសទាំងពីរ ជាពិសេសលើវិស័យសេដ្ឋកិច្ច-ពាណិជ្ជកម្ម។

លោកឯកអគ្គរដ្ឋទូត ក៏បានគាំទ្រនូវអនុសាសន៍របស់លោករដ្ឋមន្ត្រី ក្នុងការទាញយក​ប្រយោជន៍​ពីកិច្ចព្រមព្រៀងពាណិជ្ជកម្មសេរីទ្វេភាគី និងកិច្ចព្រមព្រៀងនានា ដែល​ភាគី​ទាំងពីរជាសមាជិក តាមរយៈការផ្សព្វផ្សាយ សិក្ខាសាលា ការកសាងសមត្ថភាព​មន្ត្រីជំនាញពាក់ព័ន្ធនានាជាដើម។

ទន្ទឹមនឹងនោះ លោកឯកអគ្គរដ្ឋទូត ក៏បានថ្លែងអំណរគុណដល់កម្ពុជា ដែលតែងតែ​ជួយ​គាំទ្រកូរ៉េលើបេក្ខភាពរបស់កូរ៉េក្នុងព្រឹត្តិការណ៍នានាកន្លងមក និងប្តេជ្ញាបង្កើន​ទំហំ​ពាណិជ្ជកម្មទ្វេភាគី ក៏ដូចជាការកៀរគររកវិនិយោគិនកូរ៉េ និងបរទេស​មកវិនិយោគ​នៅកម្ពុជាឱ្យកាន់តែច្រើនបន្ថែមទៀត។

ក្នុងជំនួបនោះលោក ប៉ាន សូរស័ក្តិ និងឯកអគ្គរដ្ឋទូតកូរ៉េខាងត្បូង បានបញ្ជាក់ជា​ថ្មីនូ​វ​ការប្តេជ្ញាចិត្តបន្តកិច្ចសហប្រតិបត្តិការឱ្យកាន់តែជិតស្និទ្ធិ សំដៅពង្រឹង ពង្រីក និងជំរុញទំនាក់ទំនងសេដ្ឋកិច្ច-ពាណិជ្ជកម្ម និងវិនិយោគ រវាងប្រទេសទាំងពីរ ឱ្យកាន់តែរីកចម្រើនបន្ថែមទៀត៕

(សូមអានបន្ត)

រដ្ឋបាលខេត្តកំពង់ធំក្រុងពាលីត្រៀមរៀបចំព្រះរាជពិធីច្រត់ព្រះនង្គ័ល ដែលគ្រោងប្រារព្ធក្រោមព្រះរាជាធិបតីព្រះមហាក្សត្រ នាថ្ងៃ៨ ខែឧសភា

(កំពង់ធំ)៖ ព្រះរាជពិធីច្រត់ព្រះនង្គ័លឆ្នាំ២០២៣នេះ គ្រោងប្រារព្ធឡើងនាថ្ងៃទី៨ ខែឧសភាខាងមុខ នៅពហុកីឡដ្ឋានខេត្តកំពង់ធំ ស្ថិតនៅភូមិរូង ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ក្រោមព្រះរាជាអធិបតីព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា។

លោក ងួន រតនៈ អភិបាខេត្តកំពង់ធំ និងលោកស្រី ថ្នាក់ដឹកនាំ មន្ត្រីរាជការ រួមទាំងក្រុមការងារបានរៀបចំពិធីក្រុងពាលី នារសៀលថ្ងៃទី២ ខែឧសភា ឆ្នាំ២០២៣ សម្រាប់ត្រៀមប្រារព្ធព្រះរាជពិធីច្រត់ព្រះនង្គ័លនាថ្ងៃទី៨ ខែឧសភាខាងមុខនោះ។

គួរជម្រាបថា ព្រះរាជពិធីច្រត់ព្រះនង្គ័លបានចាក់ឫសយ៉ាងជ្រៅក្នុងទំនៀមទម្លាប់ខ្មែរ បើតាមប្រវត្តិសាស្ត្រ និងចម្លាក់នានា បើទោះបីជាមិនមានឯកសារណាបញ្ជាក់ច្បាស់ពីប្រវត្តិនៃព្រះរាជពិធីច្រត់ព្រះនង្គ័លនេះក្តី ក៏ប្រភពមួយចំនួនបង្ហាញថា ព្រះរាជពិធីនេះមានលក្ខណៈព្រហ្មញ្ញសាសនាផង និងពុទ្ធសាសនាផង។

ប្រជាកសិករនៅទូទាំងប្រទេសកម្ពុជាចាត់ទុកព្រះរាជពិធីច្រត់ព្រះនង្គ័ល ជាការពញ្ញាក់សា្មរតីឱ្យពួកគាត់ត្រៀមស្រូវពូជ និងគ្រាប់ពូជដំណាំផ្សេងៗ គោក្របី រទេះ ឧបករណ៍សម្រាប់ធ្វើកសិកម្ម កម្លាំងពលកម្មប្រើប្រាស់ក្នុងការធ្វើស្រែចម្ការ ព្រោះថាវស្សានរដូវចូលមកដល់ហើយ៕

(សូមអានបន្ត)