លោកបណ្ឌិត ហ៊ុន ម៉ាណែត សង្កត់ធ្ងន់ពីភារកិច្ច៣យ៉ាងរបស់យុវជនក្នុងការបន្តកសាងជាតិឱ្យរីកលូតលាស់ទៅមុខ

(ភ្នំពេញ)៖ លោកបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល បានសង្កត់ធ្ងន់ពីតួនាទីភារកិច្ច៣យ៉ាងរបស់យុវជនជំនាន់ថ្មីនៃជាតិកម្ពុជាក្នុងការបន្តកសាងអភិវឌ្ឍប្រទេសជាតិ។

តួនាទីភារកិច្ចយុវជនទាំង៣យ៉ាងនោះ រួមមាន៖

១. ថែរក្សាឱ្យបាននូវរាល់សមិទ្ធផលវិជ្ជមានដែលយុវជនជំនាន់រៀមច្បង ឬជំនាន់មុនបានកសាងឡើង និងបន្សល់ទុកឱ្យ។

២. ពង្រីកសមិទ្ធផលវិជ្ជមានបន្ថែមទៀតសម្រាប់ជំនាន់របស់ខ្លួន ឬជំនាន់បច្ចុប្បន្ន។

៣. រួមគ្នាកសាងសមិទ្ធផលបន្ថែមទៀតដើម្បីផ្ទេរ ឬបន្សល់ទុកសម្រាប់យុវជនជំនាន់ក្រោយ។

ខ្លឹមសារនៃការលើកឡើងរបស់លោកបណ្ឌិត ហ៊ុន ម៉ាណែត ត្រូវបានចែកចាយ និងកោតសរសើរយ៉ាងផុសផុល។ សមត្ថភាព និងគំនិតភាពជាអ្នកដឹកនាំរបស់លោក ទទួលបានការសាទរយ៉ាងច្រើសលើសលុបពីសំណាក់ប្រជាពលរដ្ឋកម្ពុជាទាំងក្នុងនិងក្រៅប្រទេស៕

(សូមអានបន្ត)

ព្រឹកថ្ងៃនេះសម្តេចតេជោ ហ៊ុន សែន អញ្ជើញចុះជួបកម្មករ និយោជិត ជាង១ម៉ឺន ៨ពាន់នាក់ នៅស្រុកគងពិសី ខេត្តកំពង់ស្ពឺ

(ភ្នំពេញ)៖ នៅថ្ងៃសៅរ៍ ១៤រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹង​ថ្ងៃទី១៧ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រី​កម្ពុជា បន្តចុះជួបសំណេះសំណាលជាមួយកម្មករ និយោជិតសរុប ១៨,០១២នាក់ មកពីរោង​ចក្រ សហគ្រាសចំនួន៧ ដែលកំពុងដំណើរការអាជីវកម្មក្នុងស្រុកសំរោងទង និងស្រុក​គងពិសី ខេត្តកំពង់​ស្ពឺ។ ជំនួប​សំណេះសំណាលធ្វើឡើង នៅទីតាំងដីមួយ​កន្លែង​ស្ថិត​នៅ​បណ្តោយ​ផ្លូវ​លេខ៤១ ក្នុងភូមិចាស់ ឃុំព្រៃញាតិ ស្រុកគងពិសី ខេត្តកំពង់ស្ពឺ។

លោក អ៉ិត សំហេង រដ្ឋមន្ត្រីរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យ​ដឹងថា រោងចក្រ សហគ្រាសទាំង៧ ដែលអនុញ្ញាត​ឱ្យ​កម្មករ កម្មការិនីជួបសំណេះសំណាលនឹងសម្តេចតេជោ រួមមាន៖ រោងចក្រកាត់ដេរចំនួន៣, ផលិតផលធ្វើដំណើរ និងកាបូបចំនួន៤។ ផលិត​ផលរបស់​រោងចក្រ​ទាំង​នេះ គឺនាំចេញទៅទីផ្សារអន្តរជាតិ ដូចជាសហគមន៍​អឺរ៉ុប សហរដ្ឋអាមេរិក ចិន និងអូស្ត្រាលី។ល។

ការប្រឹងប្រែងស្វែងរកការងារជូនប្រជាពលរដ្ឋ ជាគោលនយោបាយដ៏ចាំបាច់មួយ​របស់​រាជរដ្ឋាភិបាលកម្ពុជា។ ក្រៅតែពីរកការងារជូនប្រជាពលរដ្ឋហើយនោះ រាជរដ្ឋាភិបាល ក៏នៅគិតថែមទៀតថា តើត្រូវធ្វើបែបណា ដើម្បីកាត់បន្ថយការលំបាករបស់ប្រជាពលរដ្ឋ ដែលទៅធ្វើការងារឆ្ងាយផ្ទះ?

ផ្តើមចេញពីហេតុផលនេះហើយ ទើបនៅឆ្នាំ១៩៩៩ សម្តេចតេជោ ហ៊ុន សែន បាន​ដាក់​ចេញ​គោលនយោបាយពង្រាយរោងចក្រចុះទៅតាមខេត្ត ដើម្បីផ្តល់ការងារនៅ​ជិត​ផ្ទះរបស់ប្រជាពលរដ្ឋ។ ខេត្តកំពង់កំពង់ស្ពឺ បានក្លាយជា​ខេត្ត​មួយនៃគោលដៅ​វិនិយោគ​រោងចក្រ សហគ្រាស និងទទួលបានផលប្រយោជន៍ពីនយោបាយពង្រាយរោងចក្រ​នេះ។ នៅឆ្នាំ២០២៣នេះ ខេត្តកំពង់ស្ពឺ មានរោងចក្រ សហគ្រាសចំនួន៣៨៥ មាន​កម្មករ​ និយោ​ជិតជាង ១៥ម៉ឺន ៥ពាន់​នាក់ ដែលមានប្រាក់ឈ្នួលមធ្យមសរុបជាង ៤៨១លានដុល្លារក្នុងមួយឆ្នាំ។ ក្នុងនោះរោងចក្រ សហគ្រាសវិស័យកាត់​ដេរ​ចំនួន១៩១ មានកម្មករនិយោជិត​សរុបជាង ១៤ម៉ឺន ៥ពាន់នាក់ ដែលមានប្រាក់ឈ្នួលមធ្យមសរុបជាង ៤៥១លានដុល្លារក្នុងមួយឆ្នាំ។ ខេត្តកំពង់ស្ពឺ ជាខេត្តទី២ ដែលមានការអភិវឌ្ឍរោងចក្រ សហគ្រាសច្រើនជាងគេ។

សូមរំលឹកថា កាលពីឆ្នាំ២០១៧ សម្តេចតេជោនាយករដ្ឋមន្ត្រី បានដាក់កម្មវិធីចុះ​ជួប​សំណេះសំណាលជាមួយកម្មករ កម្មការិនីតាមរោងចក្រ សហគ្រាសនានានៅទូទាំង​ប្រទេស។ ការចុះជួបដោយផ្ទាល់ជាមួយកម្មករ កម្មការិនីតាមរោងចក្រ សហគ្រាស​នេះ សម្តេចតេជោ មានគោលដៅស្វែងយល់ពីសុខទុក្ខរបស់កម្មករ កម្មការិនី ហើយ​ឆ្លើយតបនូវតម្រូវការរបស់ពួកគេ។ គោលដៅពិសេសនោះ សម្តេចតេជោ ចង់បង្កើតឱ្យ​មានភាពសុខដុមនៅតាមរោងចក្រ សហគ្រាសតែម្តង ដើម្បីធានាភាពប្រសើរនៃច្រវាក់​ផ​​លិតកម្មកាត់ដេរ និងវេយណភណ្ឌនៅកម្ពុជា។

ដំណើរចុះជួបកម្មករ កម្មការិនីជុំទី១ ចាប់តាំងពីថ្ងៃអាទិត្យ ទី២០ ខែសីហា ឆ្នាំ២០​១៧ ដល់ថ្ងៃទី១ ខែឧសភា ឆ្នាំ២០១៩ សម្តេចតេជោ បានជួប​សំណេះសំណាល​ជាមួយកម្មករ និយោជិតចំនួន ៧៧លើក ដែលមានកម្មករនិយោជិត​ចំនួន​ប្រមាណ ១លាននាក់។

ជំនួបក្នុងជុំទី១ សម្តេចតេជោនាយករដ្ឋមន្ត្រី បានផ្ដល់អនុសាសន៍គន្លឹះ ១០ចំណុច ដែល​បានសម្រួលដល់បរិយាកាសវិនិយោគ, ផ្តល់នូវការលើកកម្ពស់សិទ្ធិ អត្ថប្រយោ​ជ​ន៍ និងកិច្ចគាំពារសង្គមយ៉ាងច្រើនដល់បងប្អូនកម្មករនិយោជិត ហើយដែលក្រសួង​ការ​ងារ និងបណ្តុះបណ្តាលវិជ្ជាជីវៈ បាននិងកំពុងសហការជាមួយក្រសួង ស្ថាប័នអនុវត្ត​បានជោគជ័យ។

បន្ទាប់ពីបានខកខានជាច្រើនឆ្នាំដោយសារការរាតត្បាតនៃជំងឺកូវីដ១៩នោះ។ សម្តេចតេជោ ហ៊ុន សែន ក៏បានដាក់ចេញកម្មវិធីចុះជួបកម្មករ កម្មការិនីជុំទី២ ដោយចាប់ផ្តើមនៅថ្ងៃទី២២ ខែឧសភា ឆ្នាំ២០២៣កន្លងទៅនេះ។

ជំនួបថ្ងៃនេះ គឺជាជំនួបលើកទី១៣ហើយ សម្រាប់ជុំទី២នេះ។ ជំនួប ១៣លើក នេះ មានកម្មករ និយោជិតសរុប​​ប្រមាណ ២៣ម៉ឺន ៧ពាន់នាក់។ សម្តេចតេជោ គ្រោងជួបចំនួន៦លើកទៀត ដែល​នឹង​ជួបកម្មករនិយោជិតសរុបប្រមាណ ៩ម៉ឺន ៩ពាន់នាក់ទៀត។

ក្នុងជំនួបជាមួយកម្មករ កម្មការិនីជុំទី២ កាលពីថ្ងៃទី២២ ខែឧសភា ឆ្នាំ២០២៣ កន្លងទៅ សម្ដេច​តេជោ បានប្រកាសអនុវត្តកម្មវិធីចាស់ សកម្មភាពថ្មី និងបន្ថែមវិសាល​ភាព​ដល់​កម្ម​ការិនី ដែលមានផ្ទៃពោះ និងកុមារអាយុក្រោម ២ឆ្នាំផងដែរ។

ឧស្សាហកម្មកាត់ដេរ គឺជាចំណែកមួយដ៏សំខាន់ជំរុញដល់កំណើនសេដ្ឋកិច្ចជាតិ និង​ផ្តល់​ការងារជូនប្រជាពលរដ្ឋ។ ក្រោមគោលនយោបាយប្រកបដោយសក្តានុពល​របស់​រាជ​រដ្ឋាភិបាល បានធ្វើឱ្យឧស្សាហកម្មកាត់ដេរមានកំណើនជាបន្តបន្ទាប់។

របាយការណ៍របស់ក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា នៅឆ្នាំ១៩៩៧ រោងចក្រ សហគ្រាសវិស័យកាត់ដេរនៅកម្ពុជា មានចំនួនត្រឹមតែ៦៤ មានកម្មករ និយោជិតប្រមាណ ៨ម៉ឺននាក់ ការនាំចេញមានចំនួនប្រមាណ ២២៧លានដុល្លារអាមេរិកប៉ុណ្ណោះ។

នៅឆ្នាំ២០២៣ រោងចក្រ សហគ្រាសក្នុងវិស័យកាត់ដេរ បានកើនដល់ចំនួន១,៣២៦ មានកម្មករ និយោជិតប្រមាណ ៨៤ម៉ឺននាក់ (ស្រី ៦៦ម៉ឺននាក់)។ ការនាំចេញមាន​រហូត​ដល់​ទៅ ១៣ពាន់លានដុល្លារអាមេរិក។ តាមរយៈការងារក្នុងវិស័យកាត់ដេរនេះ បានធ្វើឱ្យប្រជាពលរដ្ឋធានាបាននូវប្រាក់ចំណូលប្រចាំខែ និងមានជីវភាពកាន់តែល្អប្រសើរ៕

(សូមអានបន្ត)

អាជ្ញាធរខេត្តសៀមរាប ជម្រុញដល់សិស្ស និស្សិតត្រូវជ្រើសរើសមុខវិជ្ជាសិក្សាឲ្យត្រូវជំនាញ និងបរិបទសង្គម ដើម្បីទទួលបានភាពជោគជ័យនាថ្ងៃអនាគត !

សៀមរាប៖ បច្ចុប្បន្ននេះយុវជនកម្ពុជា គឺមានឱកាសច្រើនក្នុងចាប់យកជំនាញមកសិក្សារៀនសូត្រ ហើយគ្រប់ជំនាញដែលពួកគាត់ជ្រើសរើសសុទ្ធតែជាជំនាញល្អសម្រាប់ពួកគាត់សម្រាប់ធ្វើជាការងារអាជីពនាពេលអនាគត ប៉ុន្តែការចាប់យកជំនាញនោះទាមទារឲ្យពួកគាត់ត្រូវសិក្សាឲ្យបានច្បាស់លាស់ ហើយវាក៏ក្លាយជាកម្លាំងចលករយ៉ាងសំខាន់ក្នុងការចូលរួមចំណែកក្នុងកំណើនសេដ្ឋកិច្ច ព្រមទាំងជួយឲ្យសេដ្ឋកិច្ចសង្គម និងគ្រួសារមានស្ថេរភាពផងដែរ។

ថ្លែងក្នុងឱកាសទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវ:លើកទី៦ ក្រោមប្រធានបទ «TVET ផ្តល់ជំនាញ និងការងារសមរម្យ» នៅខេត្តសៀមរាប លោកស្រី ម៉ននី រង្សី អភិបាលរងខេត្ត មានប្រសាសន៍ថា សម្រាប់ពេលបច្ចុប្បន្ន TVET បាននឹងកំពុងក្លាយទៅជាវិស័យមួយក្នុងចំណោមវិស័យអាទិភាពផ្សេងទៀត បានរួមចំណែកយ៉ាងសកម្មក្នុងការកសាងធនធានមនុស្សប្រកបដោយ ចំណេះដឹង សមត្ថភាព ជំនាញ ឥរិយាបទ ការងារ និងសីលធម៌វិជ្ជាជីវ: ដើម្បីក្លាយខ្លួនជាពលករជំនាញ និងអ្នកបច្ចេកទេស បំពេញតាមតម្រូវការកម្លាំងពលកម្មក្នុងទីផ្សារការងារនាពេលបច្ចុប្បន្ន និងអនាគត។ ក្រៅពីការផ្តល់នូវជំនាញច្បាស់លាស់ដល់យុវជនសម្រាប់ការទទួលបានការងារសមរម្យ ដែលផ្តោតទៅលើតម្លាភាពនៃប្រាក់ចំណូល សន្តិសុខនៅកន្លែងធ្វើការ និងការការពារសង្គម។

លោកស្រី អភិបាលរងខេត្ត ក៏បានជម្រុញដល់យុវជនយើងទាំងអស់ត្រូវជ្រើសរើសមុខវិជ្ជាសិក្សាឲ្យត្រូវជំនាញដែលខ្លួនស្រលាញ់ ងាយរកការងារធ្វើ និងសមស្របបរិបទសង្គម ដើម្បីទទួលបានភាពជោគជ័យនាថ្ងៃអនាគត។ ក្នុងនោះយុវជនយើងត្រូវសិក្សាជំនាញនោះឲ្យបានច្បាស់លាស់ ដោយខិតខំប្រឹងប្រែងក្នុងការសិក្សា ហើយត្រូវយល់ពីខ្លួនឯងឲ្យច្បាស់ថាខ្លួនយើងមានទេពកោសល្យអ្វី ចូលចិត្តជំនាញអ្វី ចង់ធ្វើអ្វី ហើយទីផ្សារបច្ចុប្បន្នកំពុងត្រូវការជំនាញអ្វី ព្រោះដែលប្អូនៗយល់ពីចំណុចនេះច្បាស់ ជំនាញនោះនឹងក្លាយទៅជាកូនសោសម្រាប់ប្អូនៗ ដើម្បីជួយខ្លួនឯងនៅពេលអនាគត។

យោងតាមរបាយការណ៍របស់វិទ្យាស្ថានពហុបច្ចេកទេសភូមិភាគតេជោសែនសៀមរាប ក្នុងឆ្នាំសិក្សា២០២២  ២០២៣នេះ មានសិស្សសិក្សាចំនួន ១,០៤៦នាក់, ស្រី ៦១៤នាក់ ដែលកំពុងសិក្សាលើមុខជំនាញកាត់ដេរសំលៀកបំពាក់ កាត់សក់បុរស សំអាងការ សំអាងកាយ ជួសជុលម៉ាស៊ីនធុនតូច ជួសជុលម៉ូតូ ជំនួយការចុងភៅ ជំនាញគណនេយ្យ ទីផ្សារ វិស្វករអគ្គិសនី សំណង់ស៊ីវិល ព័ត៌មានវិទ្យា បរិក្ខារត្រជាក់ និងបដិសណ្ឋារកិច្ច។ ចំណែកវិទ្យាស្ថានជាតិពហុបច្ចេកទេសអង្គរ សម្រាប់ឆ្នាំសិក្សា២០២២ -២៣នេះ វិទ្យាស្ថានកំពុងបណ្តុះបណ្តាលជូនដល់សិស្ស-និស្សិត ចំនួន ១,០០៦ នាក់ ក្នុងនោះមានស្រី ១៦៣នាក់ ចាប់ពីកម្រិតវិញ្ញាបនបត្រវិជ្ជាជីវ: ដល់កម្រិត បរិញ្ញាបត្រ (វិស្វករ) លើជំនាញក្នុងវិស័យអាទិភាពដូចជា សំណង់ អគ្គិសនី អេឡិចត្រូនិក បរិក្ខាត្រជាក់ ព័ត៌មានវិទ្យា មេកានិចរថយន្តជាដើម។

បើតាមសារលិខិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដែលអានដោយលោក ច័ន្ទ សុខុមចិត្តា ប្រធានមន្ទីរការងារ និងបណ្តុះបណ្ដាលវិជ្ជាជីវ:ខេត្ត ដោយក្នុងនោះសម្ដេចតជោ បានអំពាវនាវដល់គ្រប់អ្នកពាក់ព័ន្ធ ត្រូវបន្តថែរក្សាសន្តិភាព និងស្ថិរភាពនៅកម្ពុជា ដែលជាលក្ខខ័ណ្ឌចាំបាច់ក្នុងការបន្តការអភិវឌ្ឍមូលធនធនធានមនុស្សពោរពេញដោយជំនាញ និងសមត្ថភាព ដើម្បីបង្កើនភាពប្រកួតប្រជែង កំណើនសេដ្ឋកិច្ចខ្ពស់ ការបង្កើតការងារថ្មីកាន់តែល្អ សំដៅបន្តលើកកម្ពស់ជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង។ បន្តជំរុញលើកទឹកចិត្ត និងបង្កើនការចុះឈ្មោះចូលរៀនជំនាញបច្ចេកទេស និងវិជ្ជាជីវ: ដើម្បីឱ្យមានចំណេះដឹង ជំនាញច្បាស់លាស់ និងភាពប្រកួតប្រជែងខ្ពស់ឆ្លើយតបទៅនឹងតម្រូវការទីផ្សារការងារ ដូចដែលប្រធានបទនៃទិវាជាតិនេះបានលើកឡើងថា “TVET ផ្តល់ជំនាញ និងការងារសមរម្យ”។

ជាមួយគ្នានោះសម្ដេចតេជោ បានជម្រុញបន្ថែមដល់អ្នកពាក់ព័ន្ធទាំងអស់ ចូលរួមសហការ និងគាំទ្រកម្មវិធីរបស់រាជរដ្ឋាភិបាល ក្នុងការបណ្តុះបណ្តាលជំនាញបច្ចេកទេស និងវិជ្ជាជីវ: ដល់យុវជននៅគ្រួសារក្រីក្រ និងងាយរងគ្រោះទូទាំងប្រទេសចំនួន ១លាន ៥សែននាក់។ ហើយសម្រាប់ក្រសួង ស្ថាប័នពាក់ព័ន្ធ អាជ្ញាធរគ្រប់លំដាប់ថ្នាក់ រួមនឹងអ្នកផ្សេងៗទៀត ត្រូវចូលរួមសហការផ្សព្វផ្សាយទិវាជាតិអប់រំបណ្ដុះបណ្ដាល បច្ចេកទេស និងវិជ្ជាជីវ: លើកទី៦ ឆ្នាំ២០២៣ ក្រោមប្រធានបទ “TVET ផ្ដល់ជំនាញ និងការងារសមរម្យ” នេះ ឱ្យបានផុលផុសឱឡារិកអធិកអធមទូទាំងប្រទេសតាមប្រព័ន្ធផ្សព្វផ្សាយនានា។ ជាពិសេសគ្រប់ស្ថានីយវិទ្យុ ទូរទស្សន៍របស់រដ្ឋ និងឯកជន ព្រមទាំងប្រព័ន្ធផ្សព្វផ្សាយនានា និងសូមបន្តជួយផ្សព្វផ្សាយឱ្យបានទូលំទូលាយពីវិស័យអប់រំបណ្ដុះបណ្ដាលបច្ចេកទេស និងវិជ្ជាជីវ: ដើម្បីបង្កើនការយល់ដឹងអំពីសារសំខាន់នៃវិស័យនេះជូនសាធារណជនផងដែរ៕ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖dara

(សូមអានបន្ត)

ព្រឹកថ្ងៃនេះសម្តេចតេជោ ហ៊ុន សែន អញ្ជើញជួបកម្មករ កម្មការិនី ជិត២ម៉ឺននាក់ នៅស្រុកជើងព្រៃ ខេត្តកំពង់ចាម

 (ភ្នំពេញ)៖ នៅថ្ងៃសុក្រ ១៣រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹង​ថ្ងៃទី១៦ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រី​កម្ពុជា បន្តចុះជួបសំណេះសំណាលជាមួយកម្មករ កម្មការិនីសរុបជិត២ម៉ឺននាក់ មកពីរោង​ចក្រ សហគ្រាសចំនួន៦ ដែលកំពុងដំណើរការអាជីវកម្មក្នុងស្រុកជើងព្រៃ និងស្រុកបាធាយ ខេត្តកំពង់ចាម។ ជំនួប​សំណេះសំណាលធ្វើឡើង នៅទីតាំងរោងចក្រ​ឡឺក្រោន ស៊ូ អ៉ិនដាសស្ទ្រី (LECROWN SHOES INDUSTRY) ស្ថិតក្នុងភូមិរវៀង ឃុំខ្នុរដំបង ស្រុកជើងព្រៃ ខេត្តកំពង់ចាម។

លោក អ៉ិត សំហេង រដ្ឋមន្ត្រីរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យ​ដឹងថា កាលពីឆ្នាំ២០១៨ សម្តេចតេជោនាយករដ្ឋមន្ត្រី ធ្លាប់អញ្ជើញជួបសំណេះ​សំណាល​ជាមួយកម្មករ កម្មការិនីនៅតំបន់នោះរួចម្តងមកហើយ ដោយមានកម្មករ កម្មការិនីចូលរួមជាង២ម៉ឺននាក់ មកពីរោងចក្រ សហគ្រាសចំនួន៨។

បើតាមលោករដ្ឋមន្ត្រី បានឱ្យដឹងថា រោងចក្រ សហគ្រាសទាំង៦ ដែលអនុញ្ញាត​ឱ្យ​កម្មករ កម្មការិនីជួបសំណេះសំណាលនឹងសម្តេចតេជោ រួមមាន៖ រោងចក្រកាត់ដេរសម្លៀកបំពាក់ចំនួន១, រោងចក្រដេរស្រោមដៃចំនួន១ និងដេរស្បែកជើងចំនួន៤។ ផលិត​ផលរបស់​រោងចក្រ​ទាំង​នេះ គឺនាំចេញទៅទីផ្សារអន្តរជាតិ ដូចជាសហគមន៍​អឺរ៉ុប សហរដ្ឋអាមេរិក កាណាដា និងចិន។ល។

ការប្រឹងប្រែងស្វែងរកការងារជូនប្រជាពលរដ្ឋ ជាគោលនយោបាយដ៏ចាំបាច់មួយ​របស់​រាជរដ្ឋាភិបាលកម្ពុជា។ ក្រៅតែពីរកការងារជូនប្រជាពលរដ្ឋហើយនោះ រាជរដ្ឋាភិបាល ក៏នៅគិតថែមទៀតថា តើត្រូវធ្វើបែបណា ដើម្បីកាត់បន្ថយការលំបាករបស់ប្រជាពលរដ្ឋ ដែលទៅធ្វើការងារឆ្ងាយផ្ទះ?

ផ្តើមចេញពីហេតុផលនេះហើយ ទើបនៅឆ្នាំ១៩៩៩ សម្តេចតេជោ ហ៊ុន សែន បាន​ដាក់​ចេញ​គោលនយោបាយពង្រាយរោងចក្រចុះទៅតាមខេត្ត ដើម្បីផ្តល់ការងារនៅ​ជិត​ផ្ទះរបស់ប្រជាពលរដ្ឋ។ ខេត្តកំពង់ចាម បានក្លាយជា​ខេត្ត​មួយនៃគោលដៅ​វិនិយោគ​រោងចក្រ សហគ្រាស និងទទួលបានផលប្រយោជន៍ពីនយោបាយពង្រាយរោងចក្រ​នេះ។ នៅឆ្នាំ២០២៣នេះ ខេត្តកំពង់ចាម មានរោងចក្រ សហគ្រាសចំនួន៥១០ មាន​កម្មករ​ និយោ​ជិតជាង ៣ម៉ឺន ៦ពាន់​នាក់ ដែលមានប្រាក់ឈ្នួលមធ្យមសរុបជាង ១១១លានដុល្លារក្នុងមួយឆ្នាំ។ ក្នុងនោះរោងចក្រ សហគ្រាសវិស័យកាត់​ដេរ​ចំនួន២១ មានកម្មករនិយោជិត​សរុបជាង ២ម៉ឺន ៥ពាន់នាក់ ដែលមានប្រាក់ឈ្នួលមធ្យមសរុបជាង ៧៩លានដុល្លារក្នុងមួយឆ្នាំ។ ខេត្តកំពង់ចាម ជាខេត្តទី៧ ដែលមានការអភិវឌ្ឍរោងចក្រ សហគ្រាសច្រើនជាងគេ។

សូមរំលឹកថា កាលពីឆ្នាំ២០១៧ សម្តេចតេជោនាយករដ្ឋមន្ត្រី បានដាក់កម្មវិធីចុះ​ជួប​សំណេះសំណាលជាមួយកម្មករ កម្មការិនីតាមរោងចក្រ សហគ្រាសនានានៅទូទាំង​ប្រទេស។ ការចុះជួបដោយផ្ទាល់ជាមួយកម្មករ កម្មការិនីតាមរោងចក្រ សហគ្រាស​នេះ សម្តេចតេជោ មានគោលដៅស្វែងយល់ពីសុខទុក្ខរបស់កម្មករ កម្មការិនី ហើយ​ឆ្លើយតបនូវតម្រូវការរបស់ពួកគេ។ គោលដៅពិសេសនោះ សម្តេចតេជោ ចង់បង្កើតឱ្យ​មានភាពសុខដុមនៅតាមរោងចក្រ សហគ្រាសតែម្តង ដើម្បីធានាភាពប្រសើរនៃច្រវាក់​ផ​​លិតកម្មកាត់ដេរ និងវេយណភណ្ឌនៅកម្ពុជា។

ដំណើរចុះជួបកម្មករ កម្មការិនីជុំទី១ ចាប់តាំងពីថ្ងៃអាទិត្យ ទី២០ ខែសីហា ឆ្នាំ២០​១៧ ដល់ថ្ងៃទី១ ខែឧសភា ឆ្នាំ២០១៩ សម្តេចតេជោ បានជួប​សំណេះសំណាល​ជាមួយកម្មករ និយោជិតចំនួន ៧៧លើក ដែលមានកម្មករនិយោជិត​ចំនួន​ប្រមាណ ១លាននាក់។

ជំនួបក្នុងជុំទី១ សម្តេចតេជោនាយករដ្ឋមន្ត្រី បានផ្ដល់អនុសាសន៍គន្លឹះ ១០ចំណុច ដែល​បានសម្រួលដល់បរិយាកាសវិនិយោគ, ផ្តល់នូវការលើកកម្ពស់សិទ្ធិ អត្ថប្រយោ​ជ​ន៍ និងកិច្ចគាំពារសង្គមយ៉ាងច្រើនដល់បងប្អូនកម្មករនិយោជិត ហើយដែលក្រសួង​ការ​ងារ និងបណ្តុះបណ្តាលវិជ្ជាជីវៈ បាននិងកំពុងសហការជាមួយក្រសួង ស្ថាប័នអនុវត្ត​បានជោគជ័យ។

បន្ទាប់ពីបានខកខានជាច្រើនឆ្នាំដោយសារការរាតត្បាតនៃជំងឺកូវីដ១៩នោះ។ សម្តេចតេជោ ហ៊ុន សែន ក៏បានដាក់ចេញកម្មវិធីចុះជួបកម្មករ កម្មការិនីជុំទី២ ដោយចាប់ផ្តើមនៅថ្ងៃទី២២ ខែឧសភា ឆ្នាំ២០២៣កន្លងទៅនេះ។

ជំនួបថ្ងៃនេះ គឺជាជំនួបលើកទី១២ហើយ សម្រាប់ជុំទី២នេះ។ ជំនួប ១២លើក នេះ មានកម្មករ និយោជិតសរុប​​ប្រមាណ ២១ម៉ឺន ៩ពាន់នាក់។ សម្តេចតេជោ គ្រោងជួបចំនួន៧លើកទៀត ដែល​នឹង​ជួបកម្មករនិយោជិតសរុបប្រមាណ ១១ម៉ឺន ៧ពាន់នាក់ទៀត។

ក្នុងជំនួបជាមួយកម្មករ កម្មការិនីជុំទី២ កាលពីថ្ងៃទី២២ ខែឧសភា ឆ្នាំ២០២៣ កន្លងទៅ សម្ដេច​តេជោ បានប្រកាសអនុវត្តកម្មវិធីចាស់ សកម្មភាពថ្មី និងបន្ថែមវិសាល​ភាព​ដល់​កម្ម​ការិនី ដែលមានផ្ទៃពោះ និងកុមារអាយុក្រោម ២ឆ្នាំផងដែរ។

ឧស្សាហកម្មកាត់ដេរ គឺជាចំណែកមួយដ៏សំខាន់ជំរុញដល់កំណើនសេដ្ឋកិច្ចជាតិ និង​ផ្តល់​ការងារជូនប្រជាពលរដ្ឋ។ ក្រោមគោលនយោបាយប្រកបដោយសក្តានុពល​របស់​រាជ​រដ្ឋាភិបាល បានធ្វើឱ្យឧស្សាហកម្មកាត់ដេរមានកំណើនជាបន្តបន្ទាប់។

របាយការណ៍របស់ក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា នៅឆ្នាំ១៩៩៧ រោងចក្រ សហគ្រាសវិស័យកាត់ដេរនៅកម្ពុជា មានចំនួនត្រឹមតែ៦៤ មានកម្មករ និយោជិតប្រមាណ ៨ម៉ឺននាក់ ការនាំចេញមានចំនួនប្រមាណ ២២៧លានដុល្លារអាមេរិកប៉ុណ្ណោះ។

នៅឆ្នាំ២០២៣ រោងចក្រ សហគ្រាសក្នុងវិស័យកាត់ដេរ បានកើនដល់ចំនួន១,៣២៦ មានកម្មករ និយោជិតប្រមាណ ៨៤ម៉ឺននាក់ (ស្រី ៦៦ម៉ឺននាក់)។ ការនាំចេញមាន​រហូត​ដល់​ទៅ ១៣ពាន់លានដុល្លារអាមេរិក។ តាមរយៈការងារក្នុងវិស័យកាត់ដេរនេះ បានធ្វើឱ្យប្រជាពលរដ្ឋធានាបាននូវប្រាក់ចំណូលប្រចាំខែ និងមានជីវភាពកាន់តែល្អប្រសើរ៕

(សូមអានបន្ត)

ក្រសួងសុខាភិបាល ស្វាគមន៍សមាគមលើកកម្ពស់សុខភាពកូរ៉េ ក្នុងការពង្រីកបន្ថែមគម្រោងធ្វើឱ្យប្រសើរឡើងប្រព័ន្ធសេវាថែទាំ ព្យាបាលជំងឺមិនឆ្លង

(ភ្នំពេញ)៖ លោកស្រីវេជ្ជបណ្ឌិត យក់ សម្បត្ដិ រដ្ឋលេខាធិការប្រចាំការក្រសួងសុខាភិបាល បានថ្លែងស្វាគមន៍ដល់សមាគមលើកកម្ពស់សុខភាពកូរ៉េ ដែលគ្រោងនឹងពង្រីកគម្រោងគ្រប់គ្រងជំងឺមិនឆ្លងនៅតាមតំបន់ផ្សេងទៀត ក្រៅពីនៅមន្ទីរពេទ្យបង្អែកព្រែកព្នៅ រាជធានីភ្នំពេញ។

ការលើកឡើងរបស់លោកស្រី ក្នុងឱកាសអនុញ្ញាតឱ្យសមាគមលើកកម្ពស់សុខភាពកូរ៉េ ចូលជួបសម្ដែងការគួរសម និងរាយការណ៍ពីវឌ្ឍនភាពនៃការអនុវត្ដគម្រោងគ្រប់គ្រង់ជំងឺមិនឆ្លង មានដូចជា ជំងឺទឹកនោមផ្អែម និងជំងឺលើសសម្ពាធឈាមជាដើម ដែលកំពុងដំណើរការនៅមន្ទីរពេទ្យបង្អែកព្រែក​​​​​​​​​​​​​​ព្នៅ។ ជំនួបនេះបានធ្វើឡើងនារសៀលថ្ងៃទី១៤ ខែមិថុនា ឆ្នាំ២០២៣នេះ នាទីស្ដីការក្រសួង។

លោកស្រីរដ្ឋលេខាធិការប្រចំាការ បានថ្លែងបន្ដថា ក្រសួងសុខាភិបាល នឹងបន្ដកិច្ចសហប្រតិបត្ដិការ គាំទ្រ ដល់សមាគមលើកកម្ពស់សុខភាពកូរ៉េបន្ថែម ក្នុងការពង្រីកគម្រោងរបស់ខ្លួនកាន់តែទូលំទូលាយទៅដល់តំបន់ផ្សេងៗទៀត ក្រៅពីនៅមន្ទីរពេទ្យបង្អែកព្រែកព្នៅ ។លោកស្រីក៏បានជំរុញឱ្យសមាគមមួយនេះ ពិភាក្សាពិនិត្យរកលទ្ធភាពបន្ថែមជាមួយនាយកដ្ឋានជំនាញរបស់ក្រសួងសុខាភិបាល ដើម្បីឱ្យកិច្ចការបានរលូន និងឆាប់រហ័ស។

ទន្ទឹមនឹងនោះលោកស្រីរដ្ឋលេខាធិការប្រចាំការ ក៏បានថ្លែងអំណរគុណដល់សមាគមលើកកម្ពស់សុខភាពកូរ៉េ ដែលបានជួយផ្នែកកម្មវិធីធ្វើឱ្យប្រសើរនូវប្រព័ន្ធថែទាំ ព្យាបាលជំងឺមិនឆ្លងនៅកម្ពុជា។

ជាមួយគ្នានោះ លោក Kim In-One អគ្គនាយកសមាគមលើកកម្ពស់សុខភាពកូរ៉េ បានថ្លែងអំណរគុណដល់លោកស្រីរដ្ឋលេខាធិការប្រចាំការ ក៏ដូចជាក្រសួងសុខាភិបាល ដែលបានសហការគាំទ្រដល់ដំណើរការងារខាងលើនេះ ហើយសមាគមក៏បានប្ដេជ្ញាអនុវត្ដគម្រោងគ្រប់គ្រងជំងឺមិនឆ្លងនេះ ឱ្យកាន់តែមានភាពល្អប្រសើរ និងឈានទៅពង្រីកកម្មវិធីផ្សេងៗទៀត ដើម្បីជួយលើកកម្ពស់សុខភាពប្រជាជន ពិសេសស្ដ្រីកម្ពុជា៕

 

(សូមអានបន្ត)

ឯកឧត្តម អ៊ូច ភា បន្តចុះជួបសំណេះសំណាលជាមួយ មន្រ្តីមូលដ្ឋាន អាជ្ញាធរភូមិឃុំ មណ្ឌលសុខភាព នាយកសាលា ចាស់ព្រឹទ្ធាចារ្យ និងស្ដាប់បញ្ហាប្រឈមនានា ក្នុងមូលដ្ឋានឃុំលំពង់ ស្រុកបាទី ចំនួន ១០៣នាក់

តាកែវ៖ នារសៀលថ្ងៃពុធ ទី១៤ ខែមិថុនា ឆ្នាំ២០២៣នេះ ឯកឧត្តម អ៊ូច ភា អភិបាលខេត្ត និងជាប្រធានគណៈបញ្ជាការឯកភាពរដ្ឋបាល ខេត្តតាកែវ បានអញ្ជើញឆ្លៀតបន្តចុះជួបសំណេះសំណាល និងស្ដាប់បញ្ហាប្រឈមនានា នៅក្នុងមូលដ្ឋានជាមួយ ប្រធានក្រុមការងារចុះជួយឃុំ សមាជិកក្រុមប្រឹក្សាឃុំ មេឃុំ មេភូមិ ប៉ុស្ដិ៍នគរបាលរដ្ឋបាល យុវជនភូមិ-ឃុំ ស្មៀនឃុំ ជំនួយការហិរញ្ញវត្ថុ ប៉ុស្ដិ៍នគរបាល មណ្ឌលសុខភាព នាយកសាលា ចាស់ព្រឹទ្ធាចារ្យ និងស្ដាប់បញ្ហាប្រឈមនានា ក្នុងមូលដ្ឋានឃុំលំពង់ ស្រុកបាទី ចំនួន ១០៣នាក់។

បន្ទាប់ពីបានស្ដាប់របាយការណ៍ស្វាគមន៍ និងបញ្ហាប្រឈមនានាដែលលើកឡើងដោយ លោកមេឃុំលំពង់ រួចមក ឯកឧត្តម អ៊ូច ភា អភិបាលខេត្ត បានសម្ដែងការចូលរួមអបអរសាទរ និងថ្លែងការកោតសរសើរចំពោះអាជ្ញាធរមូលដ្ឋាន គ្រប់លំដាប់ថ្នាក់ ដែលបាន ខិតខំយកអស់កម្លាំងកាយចិត្ត ពេលវេលា ថវិកា ផ្ទាល់ខ្លួន បម្រើបងប្អូនប្រជាពលរដ្ឋ ដោយមិនខ្លាចហត់នឿយ។

មានប្រសាសន៍សំណេះសំណាលនាឱកាសនោះដែរ ឯកឧត្តម អ៊ូច ភា បានធ្វើការណែនាំ ក៏ដូចជាក្រើនរំលឹកទៅដល់មន្រ្តីមូលដ្ឋានភូមិឃុំ ដូចជា៖

- ត្រូវបន្តយកចិត្តទុកដាក់លើការបម្រើ ពង្រឹងសេវាសាធារណៈជូនបងប្អូនប្រជាពលរដ្ឋឱ្យកាន់តែប្រសើរឡើង លឿន ឆាប់រហ័ស និងមានទំនួលខុសត្រូវខ្ពស់។

- ពង្រឹងការងារសន្តិសុខសណ្តាប់ធ្នាប់នៅក្នុងមូលដ្ឋានភូមិឃុំរបស់ខ្លួនឱ្យបានល្អក្លាយជាភូមិឃុំមានសុវត្ថិភាពជាពិសេសពង្រឹង បង្ការ បង្រ្កាបក្រុមក្មេងទំនើង នឹងរាល់បទល្មើសនានានៅតាមមូលដ្ឋាន ពោលធានាសុខសុវត្ថិភាពជូនបងប្អូនប្រជាពលរដ្ឋ។

- យកចិត្តទុកដាក់ឱ្យបានខ្ពស់ចំពោះការយកចិត្តទុកដាក់ការព្យាបាលសុខភាពរបស់បងប្អូនប្រជាពលរដ្ឋ និងត្រូវមានក្រមសីលធម៌ វិជ្ជាជីវៈខ្ពស់ និងមានអកប្បកិរិយាល្អចំពោះអ្នកជំងឺផងដែរ ។

- យុវជនឃុំនឹងភូមិ ត្រូវបង្កើនសកម្មភាពឱ្យសកម្មលើការងាររបស់ខ្លួននៅក្នុងមូលដ្ឋាន ពិសេសត្រូវធ្វើកិច្ចការងារជាមួយចាស់ព្រឹទ្ធាចារ្យក្នុងមូលដ្ឋានដោយសហការគ្នាឱ្យបានល្អបនរសើរឡើង។

- ឪពុកម្តាយឬអាណាព្យាបាល លោកគ្រូ អ្នកគ្រូ ត្រូវធ្វើការអប់រំទូន្មានកូនសិស្ស កូនរបស់ខ្លួន ធ្វើយ៉ាងណាឱ្យពួកគាត់ក្លាយទៅជាកូនល្អ សិស្សល្អ និងមិត្តល្អ ត្រូវខិតខំប្រឹងប្រែងរៀនសូត្រ ក្លាយជាធនធានមនុស្សសម្រាប់បន្តវេណនាថ្ងៃអនាគត៕ ដោយ ៖ មន្ទីរព័ត៌មានខេត្តតាកែវ សម្រួលផ្សាយដោយ៖ dara

(សូមអានបន្ត)

អាជ្ញាធរខេត្តបន្តយុទ្ធនាការអប់រំផ្សព្វផ្សាយច្បាប់ ស្តីពីចរាចរណ៍ផ្លូវគោក ជូនដល់អ្នកប្រើប្រាស់ផ្លូវថ្នល់ ខណៈអ្នកស្លាប់ដោយគ្រោះថ្នាក់ចរាចរណ៍នៅតែកើតមានជារៀងរាល់ថ្ងៃនៅទូទាំងប្រទេស

សៀមរាប ថ្ងៃទី១៤ ខែមិថុនា ឆ្នាំ២០២៣ក្រុមការងារលេខាធិការដ្ឋាន នៃអនុគណ:កម្មការសុវត្ថិភាពចរាចរណ៍ផ្លូវគោកខេត្ដសៀមរាប សហការជាមួយមន្ទីរសាធារណការ និងដឹកជញ្ជូនខេត្ត និងកងកម្លាំងនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប នៅថ្ងៃអង្គារ ១០រោច ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៣ ខែមិថុនា ឆ្នាំ២០២៣ បានចុះធ្វើយុទ្ធនាការ អប់រំផ្សព្វផ្សាយច្បាប់ ស្តីពីចរាចរណ៍ផ្លូវគោក និងសុវត្ថិភាពចរាចរណ៍ ដល់បងប្អូនប្រជាពលរដ្ឋដែលជាអ្នកប្រើប្រាស់ផ្លូវថ្នល់គ្រប់រូប នៅក្នុងស្រុកពួក ខេត្តសៀមរាប។

យុទ្ធនាការនេះ មានគោលបំណងអប់រំ ផ្សព្វផ្សាយ លើកកម្ពស់ការយល់ដឹង អំពីច្បាប់ចរាចរ ណ៍ផ្លូវគោក និងជាការពញ្ញាក់ស្មារតី ដល់អ្នកប្រើប្រាស់ផ្លូវថ្នល់ ។ ជាពិសេសអ្នកប្រើប្រាស់ទោច ក្រយានយន្ត ឱ្យមានការប្រុងប្រយ័ត្ន នៅរាល់ពេលធ្វើដំណើរតាមដងផ្លូវ និងមានការចែកជូននូវឯកសារពាក់ព័ន្ធនឹងច្បាប់ ស្តីពីសុវត្ថិភាពចរាចរណ៍ផ្លូវគោក និងការរៀបចំជាកម្មវិធីសួរឆ្លើយសំណួរ ស្តីពីច្បាប់ និងសុវត្ថិភាពចរាចរណ៍ផ្លូវគោក និងការរឹតបន្តឹងការអនុវត្តច្បាប់ចរាចរណ៍ផ្លូវគោក។

លោក ពិន ប្រាកដ អភិបាលរងខេត្ត និងជាប្រធានអនុគណ:កម្មការសុវត្ថិភាពចរាចរណ៍ផ្លូវគោក ខេត្ដសៀមរាប បានថ្លែងថា កត្តាមនុស្ស, កត្តាមធ្យោបាយ, និងកត្តាផ្លូវថ្នល់, ជាហេតុនាំឱ្យមានគ្រោះថ្នាក់ចរាចរណ៍ជារៀងរាល់ថ្ងៃ ។ ប៉ុន្តែកត្តាទាំងនេះ គ្រាន់តែជាកត្តារួមផ្សំប៉ុណ្ណោះ កត្តាសំខាន់ដែលអាចចៀសវាងគ្រោះថ្នាក់ចរាចរណ៍បាននោះ គឺខ្លួនយើង ។ ដូច្នេះខ្លួនយើងត្រូវចេះការពារខ្លួនឯង ត្រូវកំណត់អ្វីដែលត្រូវធ្វើ និងអ្វីមិនគួរធ្វើ ខណ:កន្លងមកនេះ បញ្ហាគ្រោះថ្នាក់ចរារចរណ៍ បានបណ្ដាលឱ្យបាត់បង់អាយុជីវិត រងរបួស និងខាតបង់ទ្រព្យសម្បត្តិ និងក្រុមគ្រួសារផ្ទាល់ប៉ុណ្ណោះទេ ប៉ុន្តែវាបានបន្សល់ទុកនូវកុមារកំព្រា ស្រ្តីមេម៉ាយ ជនពិការ និងទុរគតជន ដែលជះឥទ្ធិពលយ៉ាងធ្ងន់ធ្ងរ ដល់គោលនយោបាយកាត់បន្ថយភាពក្រីក្រ របស់រាជរដ្ឋាភិបាល និងការអភិវឌ្ឍសេដ្ឋកិច្ចជាតិលើគ្រប់វិស័យ។

លោក ពិន ប្រាកដ បានអំពាវនាវដល់គ្រប់អាជ្ញាធរគ្រប់ក្រុង-ស្រុកទាំងអស់ និងប្រជាពលរដ្ឋគ្រប់រូប ក្នុងខេត្តទាំងមូល ត្រូវបង្កើនកិច្ចសហប្រតិបត្តិការគ្នា ឱ្យបានសស្រាក់សស្រាំ ដើម្បីចូលរួមអនុវត្តច្បាប់ និងបទប្បញ្ញត្តិច្បាប់ចរាចរណ៍នានា សំដៅប្រែក្លាយផែនការសកម្មភាពសុវត្ថិភាពចរាចរណ៍ របស់អនុគណ:កម្មការ សុវត្ថិភាពចរាចរណ៍ផ្លូវគោកខេត្ត ឱ្យមានប្រសិទ្ធភាពខ្ពស់ និងរួមគ្នាប្រែក្លាយព្រះរាជាណាចក្រកម្ពុជា ឱ្យទៅជាប្រទេសមួយមានសុវត្ថិភាពចរាចរណ៍ ដ៏គួរឱ្យកក់ក្តៅរបស់យើង។ ជាមួយនោះក៏សូមឱ្យអ្នកប្រើប្រាស់ផ្លូវ និងអ្នកធ្វើដំណើរតាមផ្លូវថ្នល់ សូមចូលរួមអនុវត្តឱ្យបាន នូវអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ថា “ ថ្ងៃនេះ ថ្ងៃស្អែក កុំឱ្យមានគ្រោះថ្នាក់ចរាចរណ៍ ” និងសូមបន្តយកចិត្តទុកដាក់ និងចូលរួមអនុវត្តលើកិច្ចការមួយចំនួន ដោយមុនចាប់ផ្តើមបើកបរយានជំនិះ អ្នកបើកបរត្រូវប្រកាន់ទម្លាប់ជាស្វ័យ ប្រវត្តិ ត្រួតពិនិត្យលក្ខណ:បច្ចេកទេសយានជំនិះ និងលើកកម្ពស់ស្មារតីប្រុងប្រយ័ត្នជានិច្ច ចំពោះគ្រោះថ្នាក់ចរាចរណ៍ ដែលអាចកើតមានជាយថាហេតុនៅលើផ្លូវថ្នល់ ជាពិសេសត្រូវចងចាំជានិច្ចថា “ មួកសុវត្ថិភាពមួយ ការពារជីវិតបានម្នាក់​ ” ៕

(សូមអានបន្ត)

ឯកឧត្តម ហ៊ុន ម៉ានី អញ្ជើញសម្ពោធដាក់ឱ្យប្រើប្រាស់ជាផ្លូវការ នូវស្ពានតាំងបំពង់ ស្រុកឱរ៉ាល់

ឯកឧត្តម ហ៊ុន ម៉ានី អ្នកតំណាងរាស្រ្តមណ្ឌលកំពង់ស្ពឺ នាថ្ងៃអង្គារ ១០រោច ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៣ ខែមិថុនា ឆ្នាំ២០២៣នេះ បានអញ្ជើញជាអធិបតី ក្នុងពិធីសម្ពោធដាក់ឱ្យប្រើប្រាស់ស្ពានតាំងបំពង់ ប្រវែង ១៥ម៉ែត្រ ទទឹង ០៩ម៉ែត្រ ស្ថិតនៅក្នុងភូមិតាំងបំពង់ ឃុំតាសាល ស្រុកឱរ៉ាល់ ខេត្តកំពង់ស្ពឺ។

ពិធីនេះក៏មានការអញ្ជើញចូលរួម ពីសំណាក់សមាជិកព្រឹទ្ធសភា រដ្ឋសភា ប្រធានក្រុមប្រឹក្សាខេត្ត អភិបាលខេត្ត មន្ត្រីរាជការ អាជ្ញាធរដែនដីគ្រប់លំដាប់ថ្នាក់ និងបងប្អូនប្រជាពលរដ្ឋប្រមាណ ៦២៨នាក់។ នាឱកាសនោះ ឯកឧត្តម ហ៊ុន ម៉ានី បានលើកឡើងថា មូលហេតុដែលនាំដល់ការសាងសង់ស្ពានតាំងបំពង់នេះ គឺបានផ្តើមចេញពីការចុះមកសម្ពោធឧបដ្ឋានសាលានៅវត្តគិរីរុក្ខា ហៅវត្តសំពៅផុស ស្ថិតនៅភូមិតាំងបំពង់ ឃុំតាសាល កាលពីថ្ងៃទី១៧ ខែឧសភា ឆ្នាំ២០២២ កន្លងទៅដែលកាលនោះ នៅពេលធ្វើដំណើរមកដល់ស្ពានតាំងបំពង់នេះ គឺមិនបានឆ្លងកាត់លើស្ពានទេ ដោយសារឃើញស្ពានឈើនោះ មានសភាពចាស់ទ្រុឌទ្រោមខ្លាំងពេក ដែលអាចបង្កគ្រោះថ្នាក់។

ដោយមើលឃើញពីតម្រូវការចាំបាច់ នៃការប្រើប្រាស់ស្ពាននេះ ពីសំណាក់បងប្អូនប្រជាពល រដ្ឋក្នុងឃុំ ឯកឧត្តមបានសម្រេចជូនស្ពានដែលសម្ពោធថ្ងៃនេះ ជាចំណងភ្ជាប់និស្ស័យជាមួយអ្នកតាសាលតែម្តង។

ឯកឧត្តមបានលើកឡើងថា ស្ពាននេះនឹងសម្រួលដល់ការធ្វើដំណើរ ដោយធានាដល់សុវត្ថិភាព ងាយស្រួលដល់បងប្អូនប្រជាពលរដ្ឋ ក្នុងការដឹកជញ្ជូនកសិផល ការធ្វើដំណើរឆ្លងកាត់,ទៅមន្ទីរពេទ្យ, ទៅសាលារៀន, ទៅធ្វើបុណ្យទាន, និងទៅប្រកបកិច្ចការផ្សេងៗ ហើយជាពិសេសស្ពាននឹងបង្កើនភាពងាយស្រួល ដើម្បីឆ្លងកាត់ឆ្ពោះទៅកាន់តំបន់ទេសចរណ៍ផ្សងព្រេង ដ៏មានសក្តានុពលរបស់ខេត្តកំពង់ស្ពឺ គឺភ្នំខ្នងផ្សារ ឬភ្នំខ្នងក្រពើ ដែលជាប្រភពចំណូលរបស់បងប្អូនប្រជាពលរដ្ឋនៅតំបន់នេះ ក៏ដូចជាបង្កើនឱកាសការងារ និងទាក់ទាញភ្ញៀវទេសចរបន្ថែមទៀត។

ក្នុងឱកាសនោះដែរ ឯកឧត្តម ហ៊ុន ម៉ានី បានថ្លែងអំណរគុណ ដល់បងប្អូនប្រជាពលរដ្ឋទាំងអស់ ដែលបានផ្តល់ការទុកចិត្ត និងជឿជាក់តាមរយៈការបោះឆ្នោត ជូនគណបក្សប្រជាជនកម្ពុជា ឱ្យឯកឧត្តមបានធ្វើជាតំណាងរាស្ត្រ ដើម្បីបម្រើបងប្អូនប្រជាពលរដ្ឋក្នុងខេត្តកំពង់ស្ពឺ។

ឯកឧត្តមអ្នកតំណាងរាស្ត្រមណ្ឌលកំពង់ស្ពឺបានបន្តថា តាមរយៈការបោះឆ្នោតឱ្យបានធ្វើជាតំណាងរាស្ត្រមណ្ឌល ខេត្តកំពង់ស្ពឺជិត១០ឆ្នាំ (២អាណត្តិ) កន្លងមកនេះ បានផ្តល់ឱកាសឱ្យឯកឧត្តម បានចូលរួមជាមួយរាជរដ្ឋាភិបាល និងរដ្ឋបាលខេត្ត ធ្វើការអភិវឌ្ឍ ជួសជុល និងកសាងសំណង់ហេដ្ឋារចនាស ម្ព័ន្ធរូបវន្តផ្សេងៗជាច្រើន ជាប្រយោជន៍ដល់អ្នកខេត្តកំពង់ស្ពឺ ជាបន្តបន្ទាប់។

ជាមួយគ្នានេះយោងតាមស្មារតីនៃរដ្ឋធម្មនុញ្ញ គឺនៅថ្ងៃទី២៣ ខែកក្កដា ឆ្នាំ២០២៣ខាងមុខនេះ កម្ពុជានឹងរៀបចំការបោះឆ្នោតជ្រើសតាំងតំណាងរាស្ត្រ សម្រាប់នីតិកាលទី៧។ ឯកឧត្តម ហ៊ុន ម៉ានី បានអំពាវនាវឱ្យបងប្អូនប្រជាពលរដ្ឋទាំងអស់ ដែលមានឈ្មោះនៅក្នុងបញ្ជីបោះឆ្នោត សូមត្រៀមខ្លួនអញ្ជើញទៅបោះឆ្នោតទាំងអស់គ្នា និងបោះជូនគណបក្សដែលខ្លួនស្រឡាញ់ពេញចិត្ត ជាពិសេសគណបក្សដែលដឹងពីសុខទុក្ខ និងតែងតែនៅជាប់ជាមួយប្រជាពលរដ្ឋជានិច្ច។ ឆ្លៀតឱកាសនេះ ឯកឧត្តមបានថ្លែងអំណរគុណដល់សប្បុរសជន ក្រុមការងារប្រធានមន្ទីរសាធារណការខេត្តកំពង់ស្ពឺ និងភាគីដទៃទៀត ដែលបានចូលរួមចំណែកជួយឧបត្ថម្ភ ក្នុងការសាងសង់ស្ពានតាំងបំពង់នេះផងដែរ។

សូមជម្រាបជូនថា ស្ពានតាំងបំពង់ដែលដាក់សម្ពោធឱ្យប្រើប្រាស់ជាផ្លូវការនៅថ្ងៃនេះ ប្រើរយៈពេលសាងសង់ជាង ៥ខែ (គិតចាប់ពីការបើកការដ្ឋាននៅថ្ងៃទី២៣ ខែវិច្ឆិកា ឆ្នាំ២០២២ និងបញ្ចប់នៅថ្ងៃទី២៨ ខែមេសា ឆ្នាំ២០២៣)។ ស្ពាននេះមានប្រវែង១៥ម៉ែត្រ ទទឹង៩ម៉ែត្រ បានចំណាយថវិកាសាងសង់អស់ថវិកា ១០៨ ០០០ដុល្លារអាម៉េរិក ៕

(សូមអានបន្ត)

ឯកឧត្តមអភិបាលខេត្តតាកែវ ណែនាំដល់អាជ្ញាធរមូលដ្ឋានបន្តខិតខំបម្រើសេវាសាធារណៈ​ជូនប្រជាពលរដ្ឋកាន់តែល្អ និងធានាភូមិឃុំសុវត្ថិភាពឱ្យកាន់តែល្អថែមទៀត

តាកែវ៖ អភិបាលខេត្តតាកែវ ឯកឧត្តម អ៊ូច ភា បានធ្វើការណែនាំបន្ថែមទៀតទៅដល់អាជ្ញាធរមូលដ្ឋាន ត្រូវបន្តខិតខំប្រឹងប្រែងបម្រើសេវារដ្ឋបាលសាធារណៈជូនប្រជាពលរដ្ឋឱ្យកាន់តែល្អឆាប់រហ័ស ពិសេសធ្វើយ៉ាណាឱ្យភូមិឃុំក្លាយទៅជាភូមិឃុំមានសុវត្ថិភាពខ្ពស់ ។

ថ្លែងនៅក្នុងឱកាស បន្តចុះជួបសំណេះសំណាល និងស្ដាប់បញ្ហាប្រឈមនានា នៅក្នុងមូលដ្ឋានជាមួយ ប្រធានក្រុមការងារចុះជួយឃុំ សមាជិកក្រុមប្រឹក្សាឃុំ មេឃុំ មេភូមិ ប៉ុស្ដិ៍នគរបាលរដ្ឋបាល យុវជនភូមិ-ឃុំ ស្មៀនឃុំ ជំនួយការហិរញ្ញវត្ថុ ប៉ុស្ដិ៍នគរបាល មណ្ឌលសុខភាព នាយកសាលា ចាស់ព្រឹទ្ធាចារ្យ និងស្ដាប់បញ្ហាប្រឈមនានា ក្នុងមូលដ្ឋានឃុំកំពែង ឃុំព្រៃរំដេង និងឃុំព្រៃអំពក ស្រុកគិរីវង់ ចំនួន ២៦០នាក់ រយះពេលពេញមួយថ្ងៃចន្ទ ទី១២ ខែមិថុនា ឆ្នាំ២០២៣នេះ ឯកឧត្តម អ៊ូច ភា អភិបាលខេត្ត បានមានប្រសាសន៍ថា អាជ្ញាធរមូលដ្ឋាន ពិសេសមន្រ្តីភូមិឃុំ និងលោកមេប៉ុស្តិ៍ ត្រូវធ្វើការសហការឱ្យកាន់តែល្អថែមទៀត លើការផ្តល់សេវាសាធារណៈជូនបងប្អូនប្រជាពលរដ្ឋ ពិសេសលើសន្តិសុខសណ្តាប់ធ្នាប់នៅក្នុងមូលដ្ឋាន ដោយធានាបាននូវសុខសុវត្ថិភាពជូនប្រជាពលរដ្ឋឱ្យបានខ្ពស់ ពោលគឺត្រូវតែរឹតបន្តឹង បង្ការ បង្រ្កាប និងទប់ស្កាត់បទល្មើសគ្រប់ប្រភេទនៅក្នុងមូលដ្ឋានរបស់ខ្លួន ។

ឯកឧត្តម អភិបាលខេត្ត មានប្រសាសន៍បន្តទៀតថា ការគិតគូរនិងយកចិត្តទុកដាក់អំពីសុខទុក្ខ និងបម្រើសេវា ជូនបងប្អូនប្រជាពលរដ្ឋឱ្យកាន់តែលឿនរហ័សដោយទំនួលខុសត្រូវ វានឹងធ្វើឱ្យបងប្អូន ប្រជាពលរដ្ឋ នៅក្នុងមូលដ្ឋានរបស់យើងកាន់តែមានទំនុកចិត្ត និងបន្តគាំទ្រលោកអ៊ុំជាមេឃុំ មេភូមិថែមទៀត ម្យ៉ាងវិញទៀតទន្ទឹមនឹងការគិតគូរអំពីសុខទុក្ខរបស់ពលរដ្ឋ ហើយសូមអាជ្ញាធរមូលដ្ឋាន ធ្វើការអភិវឌ្ឍ ក្នុងមូលដ្ឋានរបស់ខ្លួនមានការរីកចម្រើនថែមទៀត ពិសេសត្រូវសហការគ្នាឱ្យល្អជាមួយនឹង បងប្អូន ប្រជាពលរដ្ឋ កម្លាំងប៉ុស្តិ៍នគរបាល ធ្វើយ៉ាងណាពង្រឹង លើការងារ ការពារ ថែរក្សា សន្តិសុខ សណ្តាប់ សាធារណៈ កាន់តែល្អរឹងមាំ ឱ្យមូលដ្ឋានរបស់យើងក្លាយជាមូលដ្ឋានដែលគ្មានបទល្មើសគ្រប់ប្រភេទ គ្មានល្បែងស៊ីសង ស្របតាមគោលនយោបាយភូមិឃុំមានសវុត្ថិភាព ៕ ដោយ៖ មន្ទីរព័ត៌មានខេត្តតាកែវ សម្រួលផ្សាយដោយ៖ DARA

(សូមអានបន្ត)

ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញចុះជួបកម្មករ កម្មការិនី ជិត២ម៉ឺននាក់ ក្នុងរាជធានីភ្នំពេញ

(ភ្នំពេញ)៖ នៅថ្ងៃអង្គារ ១០រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹង​ថ្ងៃទី១៣ ខែមិថុនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រី​កម្ពុជា បន្តចុះជួបសំណេះសំណាលជាមួយកម្មករ កម្មការិនី សរុបជិត២ម៉ឺននាក់ មកពីរោងចក្រ សហគ្រាសចំនួន១១ ដែលកំពុងដំណើរការអាជីវកម្មក្នុងរាជធានី​ភ្នំពេញ។ ជំនួបសំណេះសំណាលធ្វើឡើង នៅរោងចក្រមួយកន្លែងក្នុងខណ្ឌពោធិ៍សែនជ័យ។

ខាងក្រោមខ្លឹមសារសំខាន់ៗរបស់សម្តេចតេជោ ហ៊ុន សែន ឱកាសអញ្ជើញចុះជួបកម្មករ កម្មការិនី ជិត២ម៉ឺននាក់ ក្នុងរាជធានីភ្នំពេញ៖

* សម្តេចតេជោ ហ៊ុន សែន យល់សប្តិឃើញសម្តេច ហ៊ុន ណេង ចុះចាប់ត្រី។

* សម្តេចតេជោ ហ៊ុន សែន បានថ្លែងថា ភាពស្និទ្ធស្នាលរវាងសម្តេច និងកម្មករ កម្មការិនី ព្រោះពួកគេចាត់ទុកសម្តេចដូចជាសាច់ញាតិក្នុងគ្រួសារ។

* សម្តេចតេជោ ហ៊ុន សែន កត់សម្គាល់ថា អត្រាកំណើតទីជនបទ ខ្ពស់ជាងនៅរាជធានី។

* សម្តេចតេជោ ហ៊ុន សែន បានថ្លែងថា ការដែលសម្តេចហៅកម្មករ កម្មការិនី មកសួរ មិនមែនសួរដើម្បីសួរនោះទេ តែដើម្បីបានដឹងព័ត៌មានមួយចំនួនរបស់កម្មកត កម្មការិនី។

* សម្តេចតេជោ ហ៊ុន សែន បន្តអំពាវនាវដល់ម្ចាស់ផ្ទះជួល កុំដំឡើងថ្លៃ ពេលកម្មករ កម្មការិនីដំឡើងប្រាក់ឈ្នួល។

* សម្តេចតេជោ ហ៊ុន សែន សរសើរសេវាទូរស័ព្ទសែលកាតរបស់អ្នកឧកញ៉ា គិត ម៉េង ល្អជាងសេវារបស់ក្រុមហ៊ុនដទៃ។

* សម្តេចតេជោ ហ៊ុន សែន បញ្ជូនលោក ឆៃ ស៊ីណារិទ្ធ ទៅកាន់ខេត្តភាគឦសាន គ្រប់គ្រងការងារសន្តិសុខ បន្ទាប់ពីវៀតណាម ផ្ទុះអំពើហិង្សា

* សម្តេចតេជោ ហ៊ុន សែន ណែនាំឱ្យក្រសួងប្រៃសនីយ ជជែកជាមួយក្រុមហ៊ុនទូរស័ព្ទ រៀបចំទាញសេវាតាមទីតាំងសម្តេចរៀបចំកម្មវិធីផ្សេងៗ។

* សម្តេចតេជោ ហ៊ុន សែន អនុញ្ញាតឱ្យលោកគ្រូ សាន សុជា ជួបសម្តែងការគួរសម។

* សម្តេចតេជោ ហ៊ុន សែន បន្តអំពាវនាវឱ្យរួមគ្នាទប់ស្កាត់កុំឱ្យមានបងតូចបងធំ និងជម្លោះនៅតាមរោងចក្រ។

* សម្តេចតេជោ ហ៊ុន សែន អំពាវនាវរួមគ្នាទប់ស្កាត់កុំឱ្យរោងចក្រក្លាយទៅជាកន្លែងប្រើប្រាស់ ឬចែកចាយគ្រឿងញៀន។

* សម្តេចតេជោ ហ៊ុន សែន ថ្លែងរំលឹកថា បើគ្មានយុទ្ធសាស្ត្រស្រោចវ៉ាក់សាំងទេនោះ មិនដឹងថាកម្ពុជាមានវាសនាយ៉ាងនោះទេ។

* សម្តេចតេជោ ហ៊ុន សែន បន្តអំពាវនាវឱ្យរួមគ្នាថែរក្សាសុខសន្តិភាព។ មានសុខសន្តិភាព គឺមានឱកាសសម្រាប់ធ្វើរឿងគ្រប់បែបយ៉ាង។

* សម្តេចតេជោ ហ៊ុន សែន អំពាវនាវឱ្យកម្មករ កម្មការិនី ទៅចូលរួមបោះឆ្នោតឱ្យបានគ្រប់គ្នានៅថ្ងៃទី២៣ ខែកក្កដា ឆ្នាំ២០២៣។

* សម្តេចតេជោ ហ៊ុន សែន បានថ្លែងថា ក្រុមបក្សប្រឆាំងក្រៅប្រទេស ធ្វើយុទ្ធនាការមិនឱ្យពលរដ្ឋទៅបោះឆ្នោត។

* សម្តេចតេជោ ហ៊ុន សែន លើកទឹកចិត្តឱ្យលោក រី គា សមាជិកអតីតបក្សសង្គ្រោះជាតិ បន្តបំផុសយុទ្ធនាការនេះបន្តទៀត។

* សម្តេចតេជោ ហ៊ុន សែន ថ្លែងថា ច្បាប់បោះឆ្នោតនឹងកែប្រែ។ អ្នកមិនចូលរួមបោះឆ្នោតឆ្នាំ២០២៣ មិនអាចឈរឈ្មោះឱ្យគេបោះឆ្នោតនោះឡើយ។

* សម្តេចតេជោ ហ៊ុន សែន ពន្យុះឱ្យក្រុមប្រឹក្សាឃុំ/សង្កាត់ របស់បក្សប្រឆាំង កុំទៅបោះឆ្នោត បន្ទាប់ពីច្បាប់ស្តីពីការបោះឆ្នោតត្រូវបានកែសម្រួល។

* សម្តេចតេជោ ហ៊ុន សែន បានបញ្ជាក់ថា ការដែលជំរុញឱ្យសម្តេចធ្វើវិសោធនកម្មស្តីពីការបោះឆ្នោត ព្រោះតែមេដឹកនាំក្រុមប្រឆាំង កំពុងផុសចលនា «WIFI» គឺរារាំងសមាជិកពួកគេមិនឱ្យចូលរួមបោះឆ្នោត។

* សម្តេចតេជោ ហ៊ុន សែន បានទម្លាយថា លោក ស ឡុងដេត កំពុងរត់គេចខ្លួន។ សម្តេចតេជោ ហៅ ស ឡុងដេត ឱ្យត្រឡប់មកវិញត្រៀមខ្លួនឡើងតុលាការ។ សម្តេចតេជោ បានបញ្ជាក់ថា លោក ស ឡុងដេត មិនអាចចេញទៅក្រៅប្រទេសបាននោះឡើយ។

* សម្តេចតេជោ ហ៊ុន សែន ស្នើប្រធានរដ្ឋសភា និងព្រឹទ្ធសភា ជួយរាជរដ្ឋាភិបាលក្នុងរឿងធ្វើវិសោធនកម្មច្បាប់ស្តីពីការបោះឆ្នោតទាំងសកល និងអសកល។

(សូមអានបន្ត)