ឯកឧត្តម សាយ សំអាល់៖ «យុវជនជាកម្លាំងស្នូលក្នុងការកសាង អភិវឌ្ឍន៍ប្រទេសជាតិ និងឈានឆ្ពោះទៅជាអ្នកដឹកនាំនាពេលអនាគត»

ឯកឧត្តម សាយ សំអាល់ ប្រធានសហភាពសហព័ន្ធយុវជនកម្ពុជា រាជធានីភ្នំពេញ បានមានប្រសាសន៍ ក្នុងកិច្ចប្រជុំស្ដីពីការបូកសរុបការងារសម្រេចបានឆ្នាំ២០២៣ និងលើកទិសដៅការងារបន្ត ឆ្នាំ២០២៤ របស់ស.ស.យ.ក. រាជធានីភ្នំពេញ នាទីស្ដីការក្រសួងរៀបចំដែនដី នគរូបនីយកម្ម និងសំណង់។ 

ឯកឧត្តម សាយ សំអាល់ មានប្រសាសន៍បន្ដថា ស.ស.យ.ក. គឺជាអង្គការមហាជន ដែលជាដៃគូដ៏សំខាន់ ក្នុងការអភិវឌ្ឍធនធានមនុស្សកម្ពុជា ស្របទៅនឹងយុទ្ធសាស្រ្ដបញ្ចកោណរបស់រាជរដ្ឋាភិបាល អាណត្តិទី៧ នៃរដ្ឋសភា។ ទន្ទឹមនោះ តាមរយៈកម្មវិធីទាំងអស់របស់ស.ស.យ.ក. រាជធានីភ្នំពេញ គឺបាននិងកំពុងបណ្ដុះស្មារតី ក៏ដូចជាបង្ហាត់បង្ហាញយុវជនទាំងចំណេះ ជំនាញ និងបំណិនជីវិតដល់យុវជនកម្ពុជា ក្នុងការប្រែក្លាយខ្លួនជាប្រជាជនសកល។

គួរបញ្ជាក់ផងដែរថា កិច្ចប្រជុំនេះមានការអញ្ជើញចូលរួមពី ឯកឧត្តម លោកជំទាវ អនុប្រធាន នាយកកម្មវិធី សមាជិក សមាជិកា ចំណុះស.ស.យ.ក. រាជធានីភ្នំពេញចំនួនជាច្រើននាក់ផងដែរ។

(សូមអានបន្ត)

ក្រសួងមហាផ្ទៃ រៀបចំសិក្ខាសាលាផ្សព្វផ្សាយច្បាប់ស្ដីពីអត្រានុកូលដ្ឋាន និងអត្តសញ្ញាណកម្ម

(ភ្នំពេញ)៖ ក្រសួងមហាផ្ទៃ នៅព្រឹកថ្ងៃទី១៥ ខែធ្នូ ឆ្នាំ២០២៣នេះ បានបើកសិក្ខាសាលាផ្សព្វផ្សាយច្បាប់ស្ដីពី អត្រានុកូលដ្ឋាន និងអត្តសញ្ញាណកម្ម។ ពិធីបើកសិក្ខាសាលានេះ ធ្វើឡើងក្រោមអធិបតីភាព លោក ប៉ាវ ហមផាន រដ្ឋលេខាធិការក្រសួមហាផ្ទៃ តំណាងលោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។

(សូមអានបន្ត)

សម្តេចធិបតី ហ៊ុន ម៉ាណែត អនុញ្ញាតឲ្យ ឯកឧត្តម ជុង អ៊ីយ៉ុង (CHUNG Eui-Yong) ប្រធានគណៈកម្មាធិការអចិន្ត្រៃយ៍ (ICAPP) និងជាអតីតរដ្ឋមន្ត្រីការបរទេសសាធារណរដ្ឋកូរ៉េ ចូលជួបសម្តែងការគួរសម និងពិភាក្សាការងារ

 ថ្ងៃទី១៤ ខែធ្នូ ឆ្នាំ២០២៣សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រនៃព្រះរាជាណាចក្រកម្ពុជា អនុញ្ញាតឲ្យ ឯកឧត្តម ជុង អ៊ីយ៉ុង (CHUNG Eui-yong) ប្រធានគណៈកម្មាធិការអចិន្ត្រៃយ៍ (ICAPP) និងជាអតីតរដ្ឋមន្ត្រីការបរទេសសាធារណរដ្ឋកូរ៉េ ចូលជួបសម្តែងការគួរសម និងពិភាក្សាការងារ នាព្រឹកថ្ងៃព្រហស្បតិ៍ ទី១៤ ធ្នូ ២០២៣៕ ដោយ៖ កន ចំណាន

(សូមអានបន្ត)

ឧបនាយករដ្ឋមន្ត្រី ហង់ជួន ណារ៉ុន៖ ជាងមួយទសវត្សរ៍ចុងក្រោយនេះ រាជរដ្ឋាភិបាលខិតខំប្រឹងប្រែងយ៉ាងខ្លាំងក្នុងការកំណែទម្រង់ការអប់រំនៅឧត្តមសិក្សា តាមរយៈការកែលម្អកម្មវិធីសិក្សាឱ្យមានស្ដង់ដាជាតិនិងអន្តរជាត

(សៀមរាប)៖ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានថ្លែងក្នុងកម្មវិធីប្រគល់សញ្ញាបត្រជូនដល់និស្សិតជ័យលាភី របស់សាកលវិទ្យាល័យអង្គរ នាព្រឹកថ្ងៃទី១២ ខែធ្នូ ឆ្នាំ២០២៣ ថា ក្នុងកំឡុងពេលជាងមួយទសវត្សរ៍ចុងក្រោយនេះ រាជរដ្ឋាភិបាលកម្ពុជាបានខិតខំប្រឹងប្រែងយ៉ាងខ្លាំងក្នុងកិច្ចការកំណែទម្រង់ការអប់រំនៅឧត្តមសិក្សា តាមរយៈការកែលម្អកម្មវិធីសិក្សាឱ្យមានស្ដង់ដាជាតិនិងអន្តរជាតិ, ពង្រឹងសមត្ថភាពគ្រូនិងវិធីសាស្ត្របង្រៀនឱ្យស្របនឹងយុគសម័យឌីជីថល, លើកកម្ពស់ការស្រាវជ្រាវ និងនវានុវត្តន៍, និងពង្រឹងអភិបាលកិច្ចនៅតាមគ្រឹះស្ថានឧត្តមសិក្សា។

លោកបានគូសបញ្ជាក់ថា ក្នុងនោះក្រសួងក៏បាននិងកំពុងដាក់ឱ្យអនុវត្តបណ្ដាញសាកលវិទ្យាល័យនិមិត្ត (Cyber University Network) ដើម្បីលើកកម្ពស់ការអប់រំឌីជីថល និងកាត់បន្ថយគម្លាតគុណភាពសិក្សារវាងគ្រឹះស្ថានឧត្តមសិក្សានៅទីក្រុង និងនៅតាមបណ្ដាខេត្ត ហើយនៅពេលខាងមុខ ក្រសួងនឹងបន្តអនុវត្តកំណែទម្រង់នៅឧត្តមសិក្សា ដើម្បីធានាបាននូវការបណ្ដុះបណ្ដាលធនធានមនុស្ស សម្រាប់បម្រើដល់ការអភិវឌ្ឍសង្គម-សេដ្ឋកិច្ចកម្ពុជាផងដែរ។

ដោយលោកមានសង្ឃឹមយ៉ាងមុតម៉ាំថា ក្រោមការដឹកនាំរបស់សម្ដេចតេជោ អតីតនាយករដ្ឋមន្ត្រីកម្ពុជា និងសម្ដេចបវរធិបតី ហ៊ុន ម៉ាណែត ដែលជានាយករដ្ឋមន្ត្រីកម្ពុជា បានចាត់ទុកថា ការបណ្ដុះបណ្ដាលធនមនុស្ស គឺជាកត្តាដ៏សំខាន់បំផុត យុទ្ធសាស្ត្របញ្ចកោណ ដែលដាក់ចេញដោយរាជរដ្ឋាភិបាលអណត្តិទី៧នេះ ចាត់ទុកធនធានមនុស្សជាកត្តាទីមួយ បន្ទាប់មក ផ្លូវ ទឹក ភ្លើង និងបច្ចេកវិទ្យា ជាពិសេសវិទ្យាសាស្ត្រនិងបច្ចេកវិទ្យាឌីជីថល។

លោកបញ្ជាក់ថា ដើម្បីអាចឱ្យសង្គមយើងវិវឌ្ឍទៅបានលឿន គឺយើងត្រូវការសមត្ថភាពគ្រប់គ្រាន់ខាងផ្នែកបច្ចេកវិទ្យា ដើម្បីបន្តដឹកនាំប្រទេសឱ្យទទួលបាននូវកំណើនសេដ្ឋកិច្ចខ្ពស់ ហើយក្លាយទៅជាប្រទេសដែលមានការអភិវឌ្ឍ ប្រែក្លាយកម្ពុជាឱ្យទៅជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងសម្រេចបានចក្ខុវិស័យឆ្នាំ២០៥០។ ដោយលោកមានសង្ឃឹមថា ក្រោមការដឹកនាំរបស់សម្ដេចបវរធិបតី ហ៊ុន ម៉ាណែត យើងនឹងសម្រេចបាននូវគោលដៅនេះ។ ក្នុងនោះលោកបណ្ឌិតបានសុំឱ្យសាកលវិទ្យាល័យអង្គរ ចូលរួមក្នុងការអភិវឌ្ឍធនធានមនុស្ស ឆ្ពោះទៅរកចក្ខុវិស័យឆ្នាំ២០៣០ និងឆ្នាំ២០៥០ ផងដែរ។

លោកបណ្ឌិត សុខ តុញ អនុប្រធានក្រុមប្រឹក្សាភិបាល ក្នុងនាមអ្នកឧកញ៉ាបណ្ឌិត សៀង ណាំ ប្រធានក្រុមប្រឹក្សាភិបាលនៃសាកលវិទ្យាល័យអង្គរ បានមានប្រសាសន៍ថា៖ ក្រោមការដឹកនាំរបស់សម្ដេចបវរធិបតី ហ៊ុន ម៉ាណែត ជានាយករដ្ឋមន្ត្រីនៃកម្ពុជា សាកលវិទ្យាល័យអង្គរ ជាមជ្ឈមណ្ឌលឧត្តមសិក្សាដ៏ធំមួយ ដែលបាននិងកំពុងចូលរួមចំណែកក្នុងសាបព្រួសចំណេះដឹង ពង្រឹងនិងពង្រីកនូវសមត្ថភាពធនធានមនុស្ស ប្រកបដោយគុណភាព។

លោកបានបញ្ជាក់ផងដែរថា ក្នុងធិធីប្រគល់សញ្ញាបត្រថ្នាក់បរិញ្ញាបត្រ និងបរិញ្ញាបត្ររង ដល់និស្សិតជ័យលាភី នាព្រឹកនេះ មានចំនួន ១៩៩នាក់ ក្នុងនោះនារីមានចំនួន ១១១នាក់។ ហើយសាកលវិទ្យាល័យអង្គរ បានកំណត់ទស្សនវិស័យ «និស្សិតបញ្ចប់ការសិក្សាប្រកបដោយបរិយាបន្ន និងក្រមសីលធម៌នៃបច្ចេកវិទ្យាឌឺជីថល» ហើយមានភាពជឿជាក់ខ្ពស់ក្នុងការជម្រុញសាកលវិទ្យាល័យនេះ ឱ្យក្លាយជាគ្រឹះស្ថានដ៏ធំបំផុតមួយក្នុងកម្ពុជា និងធំជាងគេបំផុតក្នុងតំបន់នេះ ជាពិសេសដើម្បីត្រឡប់ទៅឱ្យមានភាពល្បីល្បាញ ដូចកាលពីសម័យអង្គរ៕

(សូមអានបន្ត)

ឯកឧត្តម រដ្ឋមន្ត្រីក្រសួងមហាផ្ទៃ ណែនាំអាជ្ញាធរទប់ស្កាត់បាតុភាពអវិជ្ជមានក្នុងសង្គម ដើម្បីបន្តធានាប រិយាកាសបោះឆ្នោតអសាកលឆ្នាំ២០២៤ឱ្យបានល្អប្រសើរ

ភ្នំពេញ ៖ថ្ងៃទី ១២ ខែ ធ្នូឆ្នាំ២០២៣ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ឯកឧត្តមអភិសន្តិបណ្ឌិត ស សុខា និងជាប្រធាគណៈ បញ្ជាការសន្តិសុខអចិន្ត្រៃយ៍សម្រាប់ការបោះឆ្នោត បានណែនាំទៅកាន់អាជ្ញាធរមា នសមត្ថ កិច្ចគ្រប់មូលដ្ឋាន ឱ្យបង្កើនការយកចិត្តទុកដាក់បង្ការ ទប់ស្កាត់ និងបង្ក្រាបបទល្មើស រួមទាំងបាតុភាពអវិជ្ជមាននានាក្នុងសង្គម ដើម្បីធានារក្សាបរិយាកាសសន្តិសុខជាទូទៅផង និងសម្រាប់ការបោះឆ្នោតជ្រើសតាំងសមាជិកព្រឹទ្ធសភា និងការបោះឆ្នោតក្រុមប្រឹក្សារាជធានី ខេត្ត ក្រុង ស្រុក និងខណ្ឌ ដែលនឹងប្រព្រឹត្តទៅនៅក្នុងឆ្នាំ២០២៤ខាងមុខនេះផងដែរ។

ប្រសាសន៍ណែនាំរបស់ប្រមុខក្រសួងមហាផ្ទៃកម្ពុជា បានធ្វើឡើងក្នុងកិច្ចប្រជុំផ្សព្វ ផ្សាយអនុក្រឹត្យស្តីពីការបង្កើតគណៈបញ្ជាការសន្តិសុខអចិន្ត្រៃយ៍សម្រាប់ការបោះឆ្នោតថ្នាក់ជាតិ និងថ្នាក់ក្រោមជាតិ ប្រព្រឹត្តទៅនៅទីស្ដីការក្រសួងមហាផ្ទៃ នាថ្ងៃទី១១ ខែធ្នូ ឆ្នាំ២០២៣ ដោយមានការអញ្ជើញចូលរួមជាសហអធិបតីពីឯកឧត្តម ប្រាជ្ញ ចន្ទ ប្រធានគណៈកម្មាធិកា រជាតិរៀបចំការបោះឆ្នោត (គ.ជ.ប.) និងមន្រ្តីពាក់ព័ន្ធទាំងថ្នាក់ជាតិ និងថ្នាក់ក្រោមជាតិជា ច្រើនរូបទៀត។

បើតាមឯកឧត្តមអភិសន្តិបណ្ឌិតឧបនាយករដ្ឋមន្ត្រី ទោះបីបរិយាកាសជារួមនៅកម្ពុជា មានលក្ខណៈល្អប្រសើរ ប៉ុន្តែបទល្មើសចោតកម្មនានា អំពើមនុស្សឃាត អំពើហិង្សាក្នុងគ្រួសារ និងក្នុងសង្គម ព្រមទាំងសកម្មភាពអនាធិបតេយ្យ រួមទាំងទំនាស់ផ្សេងៗ នៅតែបន្តកើតឡើង ដែលជះឥទ្ធិពលដល់ចិត្តសាស្ត្រ និងជីវភាពសង្គម ជាពិសេសអាចក្លាយជាកម្មវត្ថុនៃការចោទ ប្រកាន់អំពីការគំរាមកំហែង និងរិះគន់ផ្នែកនយោបាយពីសំណាក់មជ្ឈដ្ឋានអគតិដែលមាន ទស្សនៈទុដ្ឋិនិយមលើរាជរដ្ឋាភិបាល។

ក្នុងន័យនេះ ឯកឧត្តមអភិសន្តិបណ្ឌិតឧបនាយករដ្ឋមន្ត្រី បានណែនាំអាជ្ញាធរមានសមត្ថកិច្ច បន្តចាត់វិធានការបង្ការ ទប់ស្កាត់ តាមគ្រប់មធ្យោបាយ និងគ្រប់រូបភាពស្របតាមច្បាប់ ព្រមទាំងបង្ក្រាបឱ្យបានទាន់ពេលវេលាចំពោះបទល្មើសទាំងនោះ ហើយរាល់បទល្មើសដែល កើតឡើង ទោះក្នុងរូបភាពណាក៏ដោយ ត្រូវខិតខំស្រាវជ្រាវរកឱ្យឃើញជនប្រព្រឹត្តបទល្មើស ដើម្បីនាំខ្លួនយកទៅផ្តន្ទាទោសតាម ច្បាប់ជាធរមានបញ្ចៀសឱ្យបាននូវនិរទណ្ឌភាពក្នុងសង្គម។

ថ្លែងដោយភ្ជាប់ទៅនឹងកិច្ចការបោះឆ្នោត ក្នុងនាមជាប្រធានគណៈបញ្ជាការសន្តិសុខអចិន្ត្រៃយ៍ សម្រាប់ការបោះឆ្នោត ឯកឧត្តមអភិសន្តិបណ្ឌិតឧបនាយករដ្ឋមន្ត្រី ក៏បានណែនាំ គណៈបញ្ជា ការឯកភាពរដ្ឋបាលគ្រប់ថ្នាក់យកចិត្តទុកដាក់សហការផ្តល់សេវាសន្តិសុខឱ្យបានល្អ ជាពិសេសត្រូវសហការជាមួយ គ.ជ.ប. គ្រប់ថ្នាក់ និងភាគីពាក់ព័ន្ធដើម្បីមានវិធានការអប់រំ បំភ្លឺជូនមហាជនឱ្យបានយល់ពីឧបាយកលញុះញង់ ប៉ុនប៉ងរំខានការបោះឆ្នោត សំដៅរួមគ្នា រក្សាភាពស្ងប់ស្ងាត់ និងត្រូវដោះស្រាយបញ្ហាដោយសន្តិវិធី និងចាត់វិធានឱ្យបានស្រ បទៅតាមច្បាប់។ ការបោះឆ្នោតសកល និងអសកលជាច្រើនលើកនៅកម្ពុជានាពេលកន្លងមក គឺជាព្រឹត្តិការណ៍ ប្រវត្តិសាស្ត្រ ប្រកបដោយមោទនភាពជាតិ និងជាសក្ខីភាពនៃឆន្ទៈនយោបាយរបស់រាជរដ្ឋា ភិបាល និងស្ថាប័ននីតិប្បញ្ញត្តិ ឈរលើការសហការចូលរួមពង្រឹងលទ្ធិប្រជាធិបតេយ្យ សេរីពហុបក្ស ការគោរពសិទ្ធិមនុស្ស ដើម្បីពង្រឹងនីតិរដ្ឋ និងការអភិវឌ្ឍប្រទេសជាតិ ប្រកបដោយកិត្យានុភាព ទាំងក្នុងតំបន់ និងលើឆាកអន្តរជាតិ៕ ផ្សាយដោយ៖ ដារ៉ា, អត្ថបទ៖ប៊ុនរិទ្ធ

(សូមអានបន្ត)

សម្តេចធិបតី ហ៊ុន ម៉ាណែត បានអញ្ជើញចាកចេញពីរាជធានីភ្នំពេញហើយ ដើម្បីបំពេញទស្សនកិច្ចនៅវៀតណាមរយៈពេល២ថ្ងៃ

(ភ្នំពេញ)៖ នៅព្រឹកថ្ងៃចន្ទ ១៤រោច ខែកត្ដិក ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី១១ ខែធ្នូ ឆ្នាំ២០២៣ វេលាម៉ោង៨ព្រឹក សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញចាកចេញពីរាជធានីភ្នំពេញហើយ ដើម្បីបំពេញទស្សនកិច្ចផ្លូវការនៅប្រទេសវៀតណាម រយៈពេល២ថ្ងៃ។

(សូមអានបន្ត)