លោក ម៉ា ឈឿន ចុះជួបពលរដ្ឋឃុំត្រពាំងគរ១,០០០នាក់ ក្នុងឱកាសយុទ្ធនាការឃោសនាបោះឆ្នោត នៅស្រុកជើងព្រៃ ខេត្តកំពង់ចាម

(កំពង់ចាម)៖ លោក ម៉ា ឈឿន តំណាងរាស្ត្រមណ្ឌលកំពង់ចាម និងជាប្រធានក្រុមការងារគណបក្សប្រជាជនចុះជួយមូលដ្ឋានស្រុកជើងព្រៃ ខេត្តកំពង់ចាម រួមដំណើរជាមួយប្រធានអនុប្រធានក្រុមការងារគណបក្សស្រុកជើងព្រៃ ចុះជួបប្រជាពលរដ្ឋនៅឃុំត្រពាំងគរចំនួន១,០០០នាក់ ក្នុងឱកាសយុទ្ធនាការឃោសនាបោះឆ្នោតតំណាងរាស្រ្តនីតិកាលទី៧។

ពិធីនេះធ្វើឡើងថ្ងៃទី៧ ខែកក្កដា ឆ្នាំ២០២៣ នៅបរិវេណវត្តស្អាង ឃុំត្រពាំងគរ ស្រុកជើងព្រៃ ខេត្តកំពង់ចាម។

ឆ្លៀតក្នុងឱកាសនោះ លោក ម៉ា ឈឿន បានណែនាំឲ្យប្រជាពលរដ្ឋទៅបោះឆ្នោតឲ្យបានគ្រប់ៗគា្ន និងទៅឲ្យបានទាន់ពេលវេលាដែល គ.ជ.ប បានកំណត់ ហើយបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ មានរូបទេវតាបាចផ្កាជាសម្គាល់ ដើម្បីការពារសន្តិភាព សេរីភាព និងការអភិវឌ្ឍ៕

(សូមអានបន្ត)

ឯកឧត្តម កែវ សុីវន នាំក្រុមការងារបក្សចុះមូលដ្ឋានឃុំជើងគួន សំណេះសំណាលគ្រួសារបក្ស ផ្សព្វផ្សាយគោលនយោបាយ និងបង្រៀនគូសសន្លឹកឆ្នោត

ខេត្តតាកែវ៖ ឯកឧត្តម កែវ សុីវន អនុរដ្ឋលេខាធិការ រដ្ឋលេខាធិការដ្ឋានអាកាសចរស៊ីវិល និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានឃុំជើងគួន បានដឹកនាំក្រុមការងារគណបក្សចុះមូលដ្ឋានឃុំជើងគួន ស្រុកសំរោង សហការជាមួយមន្ត្រីសាខាបក្សភូមិត្រពាំងវិហារ មន្ត្រីបក្សឃុំ និងស្រុក បានអញ្ជើញចុះសំណេះសំណាល ជាមួយ សមាជិក សមាជិការបក្ស២១៥នាក់ ក្នុងភូមិត្រពាំងវិហារ ក្នុងនោះបានផ្សព្វផ្សាយគោលនយោបាយបក្ស និងណែនាំអំពីរបៀបគូសសន្លឹកឆ្នោតឱ្យបានត្រឹម រួចហើយក្រុមការងារបានចុះសំណេះសំណាល និងចែកខិតប័ណ្ណតាមខ្នងផ្ទះផងដែរ នៅថ្ងៃទី៧ ខែកក្កដា ឆ្នាំ២០២៣។

ឯកឧត្តមប្រធាន បានរំលឹកសមាជិកសមាជិកា ពីថ្ងៃបោះឆ្នោត ការត្រៀមឯកសារអោយបានត្រឹមត្រូវ និងគ្រប់គ្រាន់សម្រាប់ទៅបោះឆ្នោត ហើយបានជម្រុញដល់បងប្អូនកូនក្មួយទាំងអស់ ឱ្យទៅបោះឆ្នោតនៅ ថ្ងៃទី២៣ ខែកក្កដា ឆ្នាំ២០២៣ ហើយបោះអោយត្រូវរូបសញ្ញាគណបក្សប្រជាជនកម្ពុជា ដែលមានលេខរៀងទី១៨ កុំបីខាន និងអោយបានគ្រប់ៗគ្នា។

សូមបញ្ជាក់ថា នៅក្នុងកម្មវិធីនោះ ក្រុមការងារបានជូបជាមួយសមាជិកដែលពិការជើងដោយសារគ្រោះថ្នាក់ចរាចរណ៍ដោយបានឧបត្ថម្ភថវិកាចំនួន១០ម៉ឺនរៀល ផងដែរ៕

(សូមអានបន្ត)

សម្ដេចក្រឡាហោម ស ខេង អំពាវនាវពលរដ្ឋនៅខេត្តព្រៃ វែង កុំភ្លេចចូលរួមបោះឆ្នោតឲ្យបានគរប់ៗគ្នា ហើយបោះជូនគណបក្សប្រជាជនកម្ពុជា

(ព្រៃវែង)៖ សម្ដេចក្រឡាហោម ស ខេង អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តព្រៃវែង និងបាត់ដំបង បានអំពាវនាវដល់ប្រជាពលរដ្ឋនៅខេត្តព្រៃវែង កុំភ្លេចទៅចូលរួមបោះឆ្នោតឲ្យបានគ្រប់ៗ នៅថ្ងៃទី២៣ ខែកក្កដា ឆ្នាំ២០២៣ខាងមុខ។

ថ្លែងក្នុងឱកាសដឹកនាំយុទ្ធនាការឃោសនាបោះឆ្នោតនៅស្រុកពារាំង ស្រុកសុីធរកណ្ដាល, ស្រុកកញ្ច្រៀច​ និងស្រុកស្វាយអន្ទរ ខេត្តព្រៃវែង នៅពេញមួយថ្ងៃទី០៦ ខែកក្កដា ឆ្នាំ២០២៣នេះ សម្ដេចក្រឡាហោម ស ខេង គូសបញ្ជាក់ឲ្យប្រជាពលរដ្ឋនៅពេលអញ្ជើញទៅបោះឆ្នោត ត្រូវបោះជូនគណបក្សប្រជាជនកម្ពុជា។

ជាមួយគ្នានេះ សម្ដេចក្រឡាហោម ស ខេង ក៏បានថ្លែងអំណរគុណប្រជាពលរដ្ឋក្នុងខេត្តព្រៃវែង និយាយជារួម និងនិយាយដោយឡែកក្នុងស្រុកពារាំង ស្រុកសុីធរកណ្ដាល ស្រុកកញ្ជ្រៀច និងស្រុកស្វាយអន្ទរ ដែលបានគាំទ្រការដឹកនាំរបស់រាជរដ្ឋាភិបាលនីតិកាលទី៦ ធ្វើឲ្យប្រទេសជាតិបន្តរក្សាបានសុខសន្តិភាព បូរណភាពទឹកដី អធិបតេយ្យភាពជាតិ ស្ថេរភាពនយោបាយ ការពាររបបរាជានិយម ធានាបានលំនឹងសេដ្ឋកិច្ច ពិសេសគ្រប់គ្រង បង្ការទប់ស្កាត់បានប្រកបដោយប្រសិទ្ធិភាពជំងឺកូវីដ១៩ និងចូលរួមគាំទ្រការបោះឆ្នោតឃុំ សង្កាត់ឆ្នាំ២០២២ និងការបោះឆ្នោតតំណាងរាស្ត្រឆ្នាំ២០២៣នេះ។

សម្ដេចក្រឡាហោម ស ខេង បានអះអាងថា ការអញ្ជើញទៅបោះឆ្នោត នាថ្ងៃទី២៣ ខែកក្កដា ឆ្នាំ២០២៣ខាងមុខនេះ ដើម្បីគាំទ្រការអនុវត្តលទ្ធិប្រជាធិបតេយ្យដែលចាក់គ្រឹះយ៉ាងរឹងមាំនៅកម្ពុជា ចាប់ពីឆ្នាំ១៩៩៣ ដូចមានចែងក្នុងរដ្ឋធម្មនុញ្ញ និងសូមបោះឆ្នោតគាំទ្រគណបក្សប្រជាជនកម្ពុជា ដើម្បីបន្តការដឹកនាំមាតុភូមិកម្ពុជា ឆ្ពោះទៅរកភាពរីកចម្រើនរុងរឿង សុីវិល័យ និងឈរស្មើមុខលើឆាកអន្តរជាតិ។

សម្ដេចក្រឡាហោម ស ខេង បានសង្កត់ធ្ងន់ថា ការបោះឆ្នោតគាំទ្រគណបក្សប្រជាជនកម្ពុជា គឺជាការបោះឆ្នោតឲ្យខ្លួនឯង។ គណបក្សប្រជាជនកម្ពុជា បាននាមកនូវសុខសន្តិភាព និងធានាការពារសុខសន្តិភាពដើម្បីអភិវឌ្ឍន៍ជាតិលើគ្រប់វិស័យ។ សម្ដេចបន្ថែមថា នៅក្នុងប្រវត្តិសាស្ត្រកម្ពុជា មានតែរាជរដ្ឋាភិបាល នៃគណបក្សប្រជាជនកម្ពុជាទេ ដែលការពារបានសុខសន្តិភាព បូរណភាពទឹកដី និងអភិវឌ្ឍន៍ជាតិរីកចម្រើនយ៉ាងច្រើនអនេក បើធៀបនឹងរបបដឹកនាំកន្លងមក៕

(សូមអានបន្ត)

លោកបណ្ឌិតសភាចារ្យ ហង់ជួន ណារ៉ុន បន្តជួបសំណេះសំណាល សួរសុខទុក្ខ និងបង្រៀនគូសសន្លឹកឆ្នោតដល់ប្រជាពលរដ្ឋ សមាជិក សមាជិកាគណបក្សនៅក្នុងឃុំរកាគយ ស្រុកកងមាស

(កំពង់ចាម)៖ លោកបណ្ឌិតសភាចារ្យ ហង់ជួន ណារ៉ុន ប្រធានក្រុមការងារថ្នាក់កណ្ដាល ចុះជួយស្រុកកងមាស និងជាបេក្ខជនតំណាងរាស្រ្តមណ្ឌលកំពង់ចាម បានបន្តជួបសំណេះ សំណាល សួរសុខទុក្ខ និងបង្រៀនគូសសន្លឹកឆ្នោតដល់ បងប្អូនប្រជាពលរដ្ឋ សមាជិក សមាជិកាគណបក្សនៅក្នុងឃុំរកាគយ ស្រុកកងមាស ខេត្តកំពង់ចាម នាថ្ងៃទី៦ នៃយុទ្ធនាការឃោសនា បោះឆ្នោតជ្រើសតាំងតំណាង រាស្ត្រនីតិកាលទី៧ ឆ្នាំ២០២៣។

លោកបានបញ្ជាក់ថា គ្រប់ពេល គ្រប់ឧបសគ្គ គណបក្សប្រជាជនកម្ពុជាដែលបាន កើតឡើងពីប្រជាជន បម្រើប្រជាជន ដើម្បីប្រជាជន តែងតែនៅរួមរស់ និងចូលរួម ដោះស្រាយទុក្ខលំបាករបស់ ប្រជាជន ពិសេសក្រោមម្លប់សន្តិភាព និងការដឹកនាំប្រកប ដោយគតិបណ្ឌិតរបស់សម្តេចតេជោ ហ៊ុន សែន និងការជួយគាំទ្ររបស់ក្រុមការងារចុះជួយ ស្រុកកងមាសក្នុងរយៈពេល៦ឆ្នាំកន្លងមកនេះ ក្នុងមូលដ្ឋានឃុំរកាគយ និងស្រុកកងមាស មានការអភិវឌ្ឍ និងសម្រេចបាននូវសមិទ្ធផល នានាជាច្រើនដូចជា សាលារៀន ស្ពានបេតុង ស្ពានយោល ផ្លូវបេតុង ផ្លូវក្រាលកៅស៊ូ ផ្លូវក្រាលគ្រួសក្រហម ជ្រាំងទប់មាត់ព្រែក អគារសិក្សា មណ្ឌលសុខភាព និងការបន្ត សាងសង់សមិទ្ធផលផ្សេងៗជាបន្តបន្ទាប់ទៀត ទាំងផ្នែកពុទ្ធចក្រ និងអាណាចក្រ ដែលបម្រើ ដល់សេចក្ដីត្រូវការចាំបាច់ របស់សហគមន៍ទាំងមូល។

ជាចុងក្រោយ លោកសូមអំពាវនាវដល់ប្រជាជាតិខ្មែរឱ្យរួមគ្នាការពារសុខសន្តិភាព ការពារសមិទ្ធផលរបស់កម្ពុជាដែលទទួលបានក្រោមការដឹកនាំរបស់គណបក្សប្រជាជន និងទៅ បោះឆ្នោតជូនគណបក្សប្រជាជនដែលមានលេខរៀងទី១៨ នៅថ្ងៃទី២៣ ខែកក្កដាឆ្នាំ២០២៣ គ្រប់ៗគ្នា៕

(សូមអានបន្ត)

ឧបនាយករដ្ឋមន្ត្រី អូន ព័ន្ធមុនីរ័ត្ន ណែនាំឱ្យក្រុមប្រឹក្សាជាតិគាំពារសង្គម អនុវត្តឱ្យមានប្រសិទ្ធភាពខ្ពស់ នូវគោលនយោបាយគាំពារសង្គម ដែលប្រកាសដាក់ចេញដោយសម្ដេចតេជោ ហ៊ុន សែន

(ភ្នំពេញ)៖ នៅក្នុងកិច្ចប្រជុំលើកទី៩ នៃក្រុមប្រឹក្សាជាតិគាំពារសង្គម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម បានណែនាំឱ្យក្រុមប្រឹក្សាជាតិគាំពារសង្គម ធ្វើការគិតគូរអំពីការអនុវត្តប្រកបដោយប្រសិទ្ធភាពខ្ពស់ នូវគោលនយោបាយនានា ដែលត្រូវបានប្រកាសដាក់ចេញដោយ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជានាពេលកន្លងមក។

កិច្ចប្រជុំលើកទី៩ នៃក្រុមប្រឹក្សាជាតិគាំពារសង្គម ធ្វើឡើងនៅថ្ងៃទី៥ ខែកក្កដា ឆ្នាំ២០២៣ ដោយមានការចូលរួមពីសំណាក់ អនុប្រធាន និងសមាជិកក្រុមប្រឹក្សាជាតិគាំពារសង្គម និងថ្នាក់ដឹកនាំដែលជាតំណាងក្រសួង-ស្ថាប័នពាក់ព័ន្ធ ទាំងដោយផ្ទាល់ និងតាមរយៈប្រព័ន្ធអនឡាញ (Zoom)។

អង្គប្រជុំបានពិនិត្យ និងពិភាក្សាលើសេចក្ដីព្រាង ក្របខណ្ឌកម្មវិធីជាតិជំនួយសង្គម ក្នុងកញ្ចប់គ្រួសារ ដែលជាបណ្តុំនៃកម្មវិធីជាតិជំនួយសង្គម ដែលមានស្រាប់ និងកម្មវិធីថ្មីក្នុងលក្ខណៈសមាហរណ។ ជារួមក្របខណ្ឌនេះ មានគោលបំណង៖

* ផ្តល់អត្ថប្រយោជន៍ជំនួយសង្គមគ្រប់ជ្រុងជ្រោយ ដល់ក្រុមគ្រួសារគោលដៅ

* ពង្រីកវិសាលភាព និងបង្កើនលទ្ធភាពនៃការទទួលបានអត្ថប្រយោជន៍ជំនួយសង្គម

* ពង្រឹងក្របខណ្ឌស្ថាប័នអភិបាលកិច្ច និងយន្តការបើកផ្ដល់អត្ថប្រយោជន៍ជំនួយសង្គម

* បង្កើតមុខងារនៃប្រព័ន្ធរួម ដើម្បីបង្កើនប្រសិទ្ធភាពប្រតិបត្តិការ, និង

* ពង្រឹងទំនាក់ទំនង និងការបំពេញបន្ថែម ជាមួយសេវាសង្គមកិច្ច និងរបបសន្តិសុខសង្គម

ក្រុមប្រឹក្សាជាតិគាំពារសង្គមក៏បានពិនិត្យ និងពិភាក្សាអំពីសេចក្ដីព្រាងក្របខណ្ឌកិច្ចគាំពារសង្គម ឆ្លើយតបនឹងគ្រោះអាសន្នផងដែរ ដែលនេះជាឯកសារផែនទីបង្ហាញផ្លូវ សម្រាប់ការធ្វើស្ថាប័នូបនីយកម្មកិច្ចគាំពារសង្គម ដើម្បីត្រៀមខ្លួនឆ្លើយតបនឹងគ្រោះអាសន្ន និងវិបត្តិនានាជាយថាហេតុ។ ក្របខណ្ឌកិច្ចគាំពារសង្គមនេះ នឹងក្លាយជាយន្តការ ក្នុងការពង្រឹងសមត្ថភាពប្រព័ន្ធគាំពារសង្គម ឆ្លើយតបនឹងគ្រោះអាសន្ន ជាពិសេសការកំណត់ឱ្យបានច្បាស់នូ វទំហំនៃផលប៉ះពាល់ និងការដាក់ចេញនូវឧបករណ៍គោលនយោបាយនានា ឱ្យបានទាន់ពេល, មានប្រសិទ្ធភាព ព្រមទាំងធានាបាននូវការសម្របសម្រួលយ៉ាងទូលំទូលាយ ពីគ្រប់ភាគីពាក់ព័ន្ធ ដើម្បីត្រៀមឆ្លើយតបនឹងគ្រោះអាសន្ន ដែលមានលក្ខណៈជាប្រព័ន្ធ និងអាចទស្សន៍ទាយជាមុន ទាំងសម្រាប់បច្ចុប្បន្ន និងអនាគត។

ដោយក្រុមប្រឹក្សាជាតិគាំពារសង្គមបាន និងកំពុងគិតគូរអំពីយន្តការ នៃការពង្រីកការគ្របដណ្តប់ការថែទាំសុខភាព ស្របតាមគោលនយោបាយ ជាអាទិភាពរបស់រាជរដ្ឋាភិបាល, អង្គប្រជុំបានធ្វើការពិភាក្សាលម្អិតអំពីយន្តការ និងនីតិវិធីក្នុងការពង្រីករបបថែទាំសុខភាព តាមរយៈមូលនិធិសមធម៌សុខាភិបាល និងរបបសន្តិសុខសង្គមផ្នែកថែទាំសុខភាព របស់បេទ្បាជាតិសន្តិសុខសង្គម បន្ថែមលើការដាក់ឱ្យអនុវត្តរបបថែទាំសុខភាព តាមប្រព័ន្ធមូលនិធិសមធម៌សុខាភិបាល ដល់បុគ្គលបម្រើការក្នុងសេវាកម្សាន្តទេសចរណ៍ នៃសេដ្ឋកិច្ចក្រៅប្រព័ន្ធ នាពេលថ្មីៗនេះផងដែរ៕

(សូមអានបន្ត)